豐粥粉麵飯

營業中

休息中

炒米粉好鹹同碎碎地 啲人話間粥舖冇咩味精，但係個炒米粉一食成口都係味精上次食咗碗粥都已經覺得佢係有落味精 同屋企自己煲個口感唔同而且加價加得快 見到上年岩岩開炒米粉賣緊$20五個月後嘅今日已經賣緊$22 唔知係咪因為太多人食太好生意 好多買$25嘅粥都加到$28 不過依家粥舖買少見少 加上啟德呢邊冇競爭 呢個都算係冇選擇之中嘅選擇

有一日收工經過啟德，見到間細粥舖就行左入去試下，叫左碗皮蛋鹹牛肉粥，蝦腸粉同油炸鬼，個粥好綿，有驚喜到。個蝦腸粉都唔錯。最驚喜係個油炸鬼，好香口，仲係好脆，配粥一流！

試左佢個生滾豬膶滑牛粥，碎牛腸必食！個粥底好香綿，味道岩哂。好耐無食過咁好食嘅粥又滑嘅腸粉。一定會番轉頭食！環境坐得都舒服，服務又唔錯，人情味都幾重下，見啲伙記同啲客又講又笑。希望呢間粥鋪長做長有啦，始終呢啲小眾粥鋪係香港越嚟越少。

皮蛋碎牛粥足料而且完全無味精，食得出材料本身既味道。腸粉好味，叉燒彈牙爽口，皮唔算厚。推薦雞蛋叉燒腸，趁熱食。牛脷酥都係必食，粥方面就適合健康口味人士食，無任何添加味精。

晚上經過啟德，啱好地鐵站旁邊有見到。點咗牛肉腸粉，$25碟，食完覺得啟德周圍一定好缺乏競爭，真係難以下咽，皮唔滑，料好少⋯⋯求其食下就算，唔好指望有幾好食。。。。

去過一次，當時店裡食客很少，結帳時女店員兩次計算錯。結帳完返回座位拿包離開，走出30米後那個結帳的女店員追出來說我吃飯沒給錢，給她解釋後終於記起，但全程沒一句抱歉的話。可能是新店開業，店員經驗不足，錯了可以理解，但該有的態度得有。希望店家積極改進，越做越好。

本身對佢冇乜期待，不過過完年食到好濟就行到老遠去買佢，結果有驚喜，雖然價錢唔平但高質。 粥底夠綿，有少少黏口。 魚腩係鯇魚，唔係大魚。粥面d葱好香，魚都未食已經想寫好評

天氣凍凍地，食個豐粥，感覺好舒服😌味道好，夠熱，布拉腸夠滑😁A warm hearty congee lunch on a chilly day, excellent food - we had pi dan pork congee, chicken and fish belly congee, and two cheung funs, authentically Cantonese, absolutely delicious.Shall be back and will take out too.

星期日晚上跟家人到這間新粥店試吓，好快已經叫人落單，誰不知送到枱面嘅單係落錯嘅，仲要收多錢😑，立即舉手要求改單，提醒佢哋落錯單。原本男侍應都好積極拎張單去收銀處要求改單，但收銀處女服務員只忙於接單，完全冇理會他要求😒。 又等了一段時間，炸兩、腸粉、艇仔粥都到喇，但及等粥同豬潤粉腸粥完全冇影，又再等咗起碼十多分鐘，仍然冇影😒，舉手叫侍應追單。又再等了好一會，仍然無人跟進，不停黑面望住佢哋，終於嚟咗一碗完全唔似及第粥嘅粥，我哋都只好接受，但我那碗豬潤粉腸粥仍然失蹤，唔知死咗去邊😡 但係佢哋嘅外賣單餐點就不停咁出，完全當面前人客無到😤。 最後等到唔耐煩，我哋攞埋張單去廚房門口要求取消，佢先至攞碗粥出嚟畀我哋，但仍然係畀錯😮‍💨😩🤬 根本就唔係我哋點嘅嘢，我原本想話退咗佢唔要，但屋企人話算數啦照食。快手食完諗住走，企喺門口諗住畀錢，完全冇人理我哋😒，唔好聽啲講畀人走咗單你都唔知🫣追唔到。 過程中只係七點幾，竟然聽到間粥舖話冇粥賣住要停單，落單個女職員就走咗去廚房嘈，完全冇理過出面啲客人，啲客人企曬喺度唔知點算好。全間舖頭手忙腳亂，做嘢冇系統，服務態度差，亂落單，收多錢，連基本嘅食物準備 都不足