豐日本料理 (已結業)

琴日去左呢間野度試下d fd話幾好味, 又唔係貴, 所以見唔知食咩好就黎試下la我叫左個壽司定食拉面聽個名好似幾cute, 點解定食又有拉面既個餐連住一杯野飲同2件三文魚壽司幾左10 mins先黎個壽司定食, 有5件sushi一件三文魚, 2件太卷,一件蝦, 一件魷魚d飯太散, 但都ok既但三文魚就太細件la個飲料係青蘋果綠茶, 唔係好好味杯野好似有好多色素, 太green個拉面係分開上, 黎得太遲, 但係好味既

其實已經去左一排 不過都想講下..之前去個次系平日.. 夜晚媽咪話過去食下日本放題.. 就去左試首先 個度d位真系又少又窄.. 真系迫到.....見到個伺應拎住d野系你頭頂上面行過 都吾好話吾驚坐入面由至可. 坐出面個感覺應該都會幾怪.. 食物吾錯. ok 新鮮 而且份量都好適中.呢個價錢食放題 呢個水準真系都幾吾話得.天婦羅幾好食. 不過壽司就真系麻麻地.. 因為d飯散..伺應既態度好好.. 呢度叫拒個度叫拒拒都冇話覺得煩或者點而且出既食物ok 齊 冇乜點漏單 總括都系一次吾錯既經驗媽媽話 拒都系對日本野興趣不大..不過我會再同朋友去食x)

以$118 LE個價錢來說,可以食倒咁多野,都算抵地方係細D,但係都幾乾淨,又有電視食物方面:壽司同刺身,就無咩款,因為平,都可以接受LAD壽司飯好大粒同埋冇味,食落好'寡', 一D都唔開胃,熟食方面都做得好好,不過都幾大碟,ORDER之前要問清楚炸物都炸得好好,飲品一定要叫一JAR,侍應好醒目,做到一眼關七,落左ORDER都好少漏單,同埋唔洗等好耐,而且食兩個鐘一定夠時間食想去食就BOOK左位好D,如果唔係都要等幾耐'一係就要六點半前去到,就唔洗等位.整體來說都OK O既,但係想食正常少少 O既壽司就唔好去喇

好耐之前就想黎試, 因為之前108, 免加一, 十分吸引,但係因為地方唔就腳, 所以拖到尋晚先去試其實唔難搵, 落車行前幾步就見到個商場, 入去上一層就係間店面好細, 得幾張枱有散叫同放題, 我同男朋友當然揀左放題唔同紙for唔同野食, 都幾多選擇有刺身, 壽司, 鍋物, 小食, 燒物, 卷物, 手卷, 食事(即係飯麵類), 炸物, 飲品算有好多款式刺身唔算多, 有三文魚, 吞拿魚, 劍魚, 針魚, "魚立"魚, 八爪魚, 魷魚, 鮑片, 榮螺呢一晚冇榮螺, 試左三文魚, 劍魚, 針魚, 魷魚同鮑片d刺身切得唔係好厚, 三文魚好肥美滑口喎... 唔似之前食評話冇味有筋針魚就腥左dd, 反而劍魚切厚, 有鮮味,魷魚同鮑片都好好味, 整體好滿意, 叫左幾輪刺身叫左幾種卷物, 包括加洲卷d味幾好, 但係d飯夾落有d散, 所以只叫左一輪鍋物叫左蟹鍋, 漏左單, 之後再落先黎其實係蟹柳鍋, 個鍋唔係太大, 兩個人食都ok有三四條蟹柳, 一塊冬菇, 一舊豆腐同一d菜蟹柳都算好味, 唔會好散/ 好粉小食叫左面豉湯同蟹籽沙律, 面豉湯唔太咸, 色又唔會太深, 好味蟹籽沙律好有誠意, 唔係求其撈左1 p

呢間任點任食店，完全係慕名而至。原因是不收加一，真係好吸引，其次是 $118 任食任飲，感覺好抵。於是昨晚跟男友來一試。此店店面極細，頂多能侳 20 人，我們 7:45 來到，冇乜人，還有很多位子空著。侍應帶我們到最後的長枱坐下，還細心地解說份量的點寫，不錯。任點任食紙有好多款，而且供應的款式都好大路。首先叫了刺身和壽司類︰有三文魚、吞拿魚和劍魚刺身，刺身 size 好細下，三文魚竟然有筋！味道不夠鮮甜，亦沒有那份豐腴的甘香。壽司有三文魚、吞拿魚、玉子和鰻魚，真係唔得，飯完全不酸，壽司飯也是一夾就散。刺身和壽司只叫了一輪便沒有再 order。之後轉戰串燒和炸物。點了串燒雞軟骨、燒三文魚骨、迷你三文魚飯糰、冬菇、粟米和八爪魚丸，第一次的串燒勁難食，雞軟骨又柴又乾又燶；三文魚骨好乾兼冇味；飯糰簡直嚇人，一夾就散晒，而且只有飯冇三文魚；八爪魚丸只係墨魚丸，好似我哋 BBQ 買嗰啲丸咁；冬菇和粟米叫好一點。不過，第二輪有點進步，雞軟骨已不柴不乾，帶點油香，算 ok。最有驚喜是炸物，共要了四輪，包括︰大蝦天婦羅、茄子天婦羅、冬菇天婦羅、青椒天婦羅、炸帶子、炸豆腐、炸雞軟骨等，天婦羅要算是較出色，

前2日去左厘度食放題, 覺得108真係好抵食~ 三文魚食左好多, 雖然係切得細塊左, 但係不斷落單都可以滿足到自己!! 另外, 蒜香牛肉粒真係好好味, 唔硬, 好"淋", 夠味, 特別推介~~ 同埋天婦羅都唔錯~~ d壽司唔大舊, 唔怕會食飽個肚, 同埋都好好味~~ 其實好多樣都唔錯呀!! 十分好~ 不過我見d人叫三文魚炒飯係好大碟~ 真係唔多人去既話就唔好叫喇.... 美中不足真係個環境太細, 比較迫~ 但而家服務態度一流~ 個老闆仲同大家有講有笑TIM!! 整體黎講係好好!!! 讚~

地點真的偏僻..食物不錯熱窩值得推介另刺身和大蝦天婦羅都好味壽司不要試除非你喜歡大舊飯..店雖小但乾淨企理服務都幾好平平地食得過

今次係第二次食呢間既BUFFET.食物真的不錯,今次試了牛肉鍋,果然不錯.服務態度也不錯,老闆娘好nice.雖然地方係細d但野食方面真係唔錯.但要改善既係三文魚刺身真係太細件,可以切得大件d就好好多!

聽朋友介紹話幾抵食,於是約埋朋友一齊去試.刺身三文魚都新鮮,壽司有好多款, 天婦羅,串燒等味道都唔錯.食到好飽都係佰一蚊,不過地方就比較細, 要有心理準備!

其實我覺得呢間野，雖然地方很小，但是食物的味道就有一定的水準。人手亦不足，但老闆的招呼尚算周到壽司勁好味！一定要食！！

我住土瓜灣,所以基本上呢間日本料理我都食過幾次,頭一兩次食可能係一兩年前o既事,當時都好地地,食物雖然唔係話好難食,但起碼服務態度好,事關開業時有一個高高地戴眼鏡o既男人招呼週到,我估佢係老闆,服務一流。之後事隔數個月再去,已經人面全非，個老闆唔知係轉左定係冇落鋪打點,d侍應態度超差,我一家五口去食,緊係食得多架啦,任食你都應該預左人勁食,落多幾次order要刺身即刻黑晒口面,特別有一個短頭髮o既女仔態度十分惡劣(佢開業時已經有做,但當時可能係新人,表現比較殷勤,估唔到做做下變左咁,我都唔知佢而家仲有冇做,因為已經冇再去食),食完都不是太開心。之後隔左兩個月到再同男朋友去食,諗住俾個機會可能有改變,點知都係一樣,食物種類少左,刺身冇味,份量少,我男朋友叫左個拉面,中計喇,一碗差唔多有兩個面餅!!!真過分,為左唔好浪費我地都食晒去,但係已經超飽!!!一定唔會再去!!!

上星期4出左而間野到食$108 任食一開始見到而個價錢就知道點啦但係食落去都唔錯wor..雖然d野係小d都唔錯ga 喇~都算係抵食

今日(23/12)同屋企人去完ocean park,就黎左食呢間任食108。雖然話108都無乜野可以要求,黎黎去去都係果幾樣野食,刺身、壽司、卷物、一品鍋、燒物、小食等等,但係估唔到無乜要求之下都可以大失所望。 首先,d刺身都無諗過過要點特別新鮮,但係佢不單止近似一粒粒之餘,仲要無魚味,有勁大陣雪味。無叫ge刺身都擺左埋黎,肚餓無計,照食。但刺身好唔足單。其次炒飯等飯類,好「流」,個飯好濕令人好唔想食落去。最慘係佢所有燒ge野同炒飯都會落黑椒,d野好辣,得一個味。秋都魚食左4條有兩條係好腥ge。天婦羅無汁點仲要好大舊炸粉。最後得金菇牛肉卷同沙律食得過。 講完野食,有一樣仲激氣就係服務。之前d人話係一對中年人招呼,而家全部變曬做後生仔。有一個收錢ge女仔,態度好差,佢見到我地枱度有一大碟食完曬ge碟擺左出黎比佢收,佢望左幾眼之後,走左去。之後我家姐拎走左上面兩隻,果個女仔返轉頭先肯拎。而家好似我去serve佢咁...其實佢一疊碟得2隻碟同一個碗囉,仲要每樣野個size都係一個手掌咁大.....之後由於我地3個人食得太多野,果個女仔同埋d waiters仲要0係廚房講我地.

今晚約家人到此餐廳用膳，$108不加一，仲有任飲任食，基本上要既野都來齊，不過刺身比較淡口，仲有夾落有水出，可能因為雪得過頭關係，接觸室溫後就出水，款式都比較少。天婦羅不錯，串燒一般，炸物則過油膩，連墊底油紙都吸油吸到成張變透明。飲品就一jar來，份量太多，叫佢要半jar，都比左大半jar，果然夠豪氣(不過飲品味道就...)。但整體$108，價錢同質素都成正比，當然如果佢再改善質素，就可以同九龍區出名好食既「外x手」並駕齊驅，努力!

我覺得呢間D野食水準幾好,大部分野食都好好味.D刺身幾新鮮,D壽司細細件幾好食,其他料理都唔錯.其中最好食既係蒜片牛肉..真係好好味!值得推介!而且最重要係服務態度很好..很有禮貌.任飲任食都係108仲唔加一!真係唔錯!