港鐵太子站 D 出口, 步行約2分鐘
繼續閱讀
電話號碼
23081883
開飯介紹
以多款食材製作手工餃子，湯底為熬煮4小時的椰子海帶鮮雞豬骨湯，味道清甜；嗜辣的朋友則可選擇酸辣湯底。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
食家推介
相關文章
今日跟朋友在太子逛完街後忽然好想食餃子，第一時間想起的餃子店就是豐信了，七點左右已經非常多人排隊堂食，果然有人氣，而且現時已經有自動取票機，比之前更方便了。看到餐牌中有一些新款餃子，本來好想試薺菜馬蹄鮮肉餃，但可惜已經售罄了。菊花蜜夏日炎炎飲菊花蜜就正好～好大一支，又不太甜。招牌秘汁拼盤有牛腱、滷蛋、雞腎及雞翼，煮得好入味，醬汁偏甜，牛腱同雞腎最有驚喜，口感軟嫩彈牙！涼拌海蜇味道不會過鹹，帶有濃濃的麻油香，非常開胃～香煎豆腐必點之選，豆腐的豆味香濃，調味適中，淡淡的椒鹽味不會搶去豆香之餘好惹味。椰菜拼芫茜豬肉湯餃餃子包得皮薄餡多～而且好大隻！芫茜的味道好濃又新鮮，食得出是每日新鮮包的，配餐廳自家炒的菜脯粒好惹味。另外椰菜餃是我最愛的餃子款，豐信使用的椰菜夠甜又爽口，跟椰子雞湯底超配，說到湯底又不得不讚其湯底非常好味，沒有味精，還有淡淡的椰子味，好味得我整碗都喝清光了。煎芝士粟米拼紫菜鮮肉餃煎餃都不能放過，外皮半煎炸好香口，芝士粟米餃中的芝士極多，滿滿鹹香。而紫菜餃鮮香濃郁，紫菜的份量多，正好平衡到煎肉餃的油膩感～
繼續閱讀
每次經過都係大排長龍，意想不到香港人對於餃子的熱愛，就算唔係食飯時間，餐廳基本上都係滿座，而且受歡迎嘅口味都會比較快賣完，已經無數次回訪，今次打算試吓新口味，隨心分享一下，每次嚟到都有唔同驚喜，口味非常多總共有17款，所以經常吃都會有新鮮感，記得要試吓佢嘅辣菜譜，配湯餃最搭麻辣白菜鮮肉餃味道唔會好辣，最喜歡麻辣餃子，配上椰子雞豬骨湯，中和返麻辣味，而且餃子非常惹味又爆汁，一般女仔都係食7隻，有時貪心會叫雙拼必點！金沙煎芝士粟米鮮肉 令我念念不忘的餃子外皮煎至金黃色好香口就算加埋鹹蛋黃金沙脆脆都唔會太膩，就算湯餃都一樣咁好食青檸蜜 十蚊大大支好過飲汽水，唔會太甜，味道都唔錯另外小食，通常都會點海蜇同埋青瓜，價錢唔貴揀多幾款都唔會肉赤—————————————————豐信餃子店 (太子)太子汝州街17號地下A號舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodporn #hkfoodblogger #hkfoodies #yum #hkfoodstagram #foodie #foodphotography #foodgasm #lunch#太子美食#豐信餃子 #餃子關注組
繼續閱讀
太子人氣餃子店，每次行過都見到門口有班人等位，餐牌上有十七款餃子口味，可選放湯或煎餃，想試匀晒睇黎要食多幾轉！① 咖喱椰菜鮮肉餃 / 麻辣白菜鮮肉餃 $52/10隻首先叫左碗放湯餃子，湯底係椰子海帶鮮雞豬骨濃湯，一入店已經聞到香濃椰子味，好清甜，應該無落味精，因為飲晒碗湯之後都無口渴。今次選左兩款比較重口味的餃子，隻餃子仲大過隻湯匙！店員話有兩隻爛左所以額外補多幾隻我，望返隻「爛餃」原來係無左半塊皮，但成個形都係完整。能夠做到唔浪費食物，客人感覺又好，非常加分！至於兩隻餃都十分足料，皮薄餡靚，咖喱味好香好味，麻辣味無咁搶，但都有少少麻。② 邪惡金沙餃（韭菜鮮肉餃） $38+$16任何口味餃子加$16即可以加上邪惡金沙醬，因為期望個醬味道偏濃，所以我揀左最普通既韭菜鮮肉餃。煎餃熱辣辣，外皮煎到金黃色，幾香口，加埋個金沙醬，味道口感都昇華左一個層次！好好味呀！③ 酸薑流心皮蛋 $20溏心皮蛋配酸薑或本身點醬油膏都好食。④ 涼拌海蜇 $22幾香麻油味，海哲爽口彈牙。⑤ 菊茶蜜 / 青檸蜜 $10呢兩枝飲品冰涼無渣，食完煎餃飲可以下下火。其中青檸蜜酸酸甜甜特別開胃。.呢間民間小店性價比高，餃子放湯同煎同樣高質，枱上仲有秘製辣菜脯，正！
繼續閱讀
嗰晚放工過嚟食，店門外好多人等位或等外賣，見到可以攞飛，一個人，等一陣間就有位啦。上一次食咗好邪惡嘅金沙煎餃，今次就點份湯餃試吓啦，不過估唔到晚上7點未到巳經有好多款餃子售罄嚕😧🥟 雙拼湯餃 — 芝士粟米鮮肉餃拼芫茜鮮肉餃(HK$45/7隻)．湯底是椰子海帶鮮雞豬骨濃湯，看似水汪汪嘅清淡，但飲一口就知是超濃椰子和雞味道．餃子比湯匙更大隻！皮薄多汁又多餡料～．芝士粟米鮮肉餃，中間有一大pat流心芝士，新鮮豬肉有肉味和軟腍，粟米粒甜美．芫茜鮮肉餃，咬一口，口入面爆芫茜汁，芫茜味勁濃勁正呀😍🥘 招牌秘汁拼盤 (HK$45)．一碟可以試齊4款滷水嘢 — 雞腎、雞中翼、金錢展和鹵蛋．秘汁係自家製的甜醬油，啲嘢食入味，有甜蜜蜜的味道很好味👍🏻．雞腎爽口易咬、厚切的金錢展軟腍無根、雞翼入味大隻、鹵蛋彈牙雖然蛋黃已熟晒啦😂🍹清熱潤喉羅漢果甘草茶 (HK$10/支裝)．我好鍾意羅漢果嗰種甘草果甜味道，又可以清熱和潤喉，超得！
繼續閱讀
成日見到人推介 終於一試呢間人氣餃子店! 連平日都好多人排隊 好彩唔係等左好耐都入得! 呢度有10幾款餃子😍 可以7隻/ 10 隻咁叫 又可以要單拼/ 雙拼 湯餃/ 煎餃～ 好多選擇! 最大既賣點莫過於皮薄餡靚 隻隻餃子都好大隻！裡面塞滿豬肉餡配其他餡料 😳 大到有少少嚇親 未見過咁大隻既餃子 😂 女仔食完10隻真係會好飽! 一次過叫2款雙拼 咁就試到4款餃子 🤭 雙拼以較高價錢個款再+$2! 湯餃 10隻雙拼 雲耳椰菜鮮肉餃 / 麻辣白菜鮮肉餃 ($52)湯底用左椰子鮮雞豬骨濃湯 好清甜! 食完一D都唔會口乾 證明真係無落味精 🤩 餃子方面個人中意雲耳椰菜多D 雲耳椰菜好有咬口! 麻辣白菜鮮肉餃既麻辣味 偏向麻多D 唔食得辣既我都食到!煎餃 10隻雙拼 芝士粟米鮮肉餃 / 香菇鮮肉餃($56) + 邪惡金沙 ($15)加左鹹蛋黃toppings真係好明智既選擇😂 邪惡得來真係好正!!!! 食落多一份咸香 又唔會太油膩 😋 煎餃一定要叫芝士粟米 🌟🌟 唔係爆芝款 但係芝士份款岩岩好 香口得來同咸蛋好夾 勁好食!!!! 大推呢款 !! 🤩🤩 係咁同朋友搶食 🤣 而香菇鮮肉餃較濃味 同咸蛋好似有D撞 配湯應該會夾D! 個人中意芝士粟米鮮肉餃多D!仲叫左秘汁滷蛋 ($18) / 香煎豆腐 ($18) / 涼拌海蜇 ($22) 3款小食～ 食餃子食到悶食下小食都好開心! 小食無特別impressive但係性價比高～
繼續閱讀