13
5
1
乘坐 51K 綠色小巴到河上鄉站,在居石侯公祠下車,向前直行約 50米即到達(有煙囪)。 繼續閱讀
電話號碼
26392132
營業時間
今日營業
10:00 - 18:00
星期一至日
10:00 - 18:00
付款方式
現金
座位數目
40
其他資料
加一服務費
室外座位
招牌菜
豆腐花 豆漿
食評 (20)
屋企樽南乳用哂 咁就要特登揸車入河上鄉買結果買左好多野哈哈哈 反正買開 素鴨都係好食 返屋企煎黎食就可以呢道既南乳係特別香特別好食一場黎到呢個豆花豆漿放題既地方都係要食既曾幾何時放題只係八蚊 而家睜眼已經十四蚊因為係任食熱豆花凍熱豆漿今日咁熱 緊係食豆花先!先食普通既豆花 食左先影所以爛哂豆腐花係好食既 同某地方比既3蚊豆花有啲人係會中意硬身啲有重量啲就會推薦三蚊豆花中意係食滑啲軟身啲同食量較大既就推薦河上鄉豆花個人黎講會中意食黑豆花多啲 芝蔴香啲同特別啲都好似唔係周圍有得食 注意本身佢已經有甜味 唔再加黃糖都ok天氣好熱 其實食兩碗豆花中間就要多左半碗豆漿係食完再叫一碗豆漿嗰陣聽到前面排隊女人話要黑豆花上面加豆漿原來仲有呢種玩法喎係喎!食左咁多年都唔知可以溝黎食 咪冇咁熱囉!豆漿係好重黃豆味既 飲開街外豆漿可能會嫌唔甜但豆漿飲落就知真材實料 仲有都係滑既 唔會有任何一粒粒粉既問題總共食左兩碗豆花一碗半豆漿十四蚊圍返開都係四蚊碗聽到隔離枱話食左七碗 所以去左嘔( ´▽`)就算係放題大家去食都要量力而為( ´▽`)****小提示:胃唔好既請記得要少食黃豆製品呢 繼續閱讀
(以上食評乃用戶個人意見 , 並不代表OpenRice之觀點。)
等級3 2019-03-07
104 瀏覽
今日同朋友去行山前先嚟呢度叉叉電. 只需$14就可以任食熱豆腐花(原味或黑芝麻味) + 任飲凍豆漿實在係抵到不得了 今日雖然落雨,但都有幾架旅遊巴載本地親子團嚟呢度食嘢.咪以為$14任飲任食就求求其,呢度嘅豆腐花又香又滑,豆漿清甜豆味濃. 先來一碗原味,再來一碗芝麻味,再飲兩碗凍豆漿,大満足 嚟呢度記住食煎釀豆卜,外面鬆脆,入面鬆軟可口,真係會一試難忘另外我哋都點咗煎素鵝丶煎豆腐,素鵝煎得好脆,但唔算鬆化,豆腐都煎得ok,但唔算特別,始終都係豆卜大勝 繼續閱讀
(以上食評乃用戶個人意見 , 並不代表OpenRice之觀點。)
記得幾年前幫襯,都仲係$10任食,想當年有3種味選擇,有麥味、原味、芝麻味,今時今日已加到$14任食熱食豆腐花及豆漿,由唔知邊年開始就已經無咗麥味,好可惜,然而我最鍾意食係麥味,其次係芝麻味。今日食,水準依然,仍然都咁好味、好滑,每次都食3-4碗😋😋,乜野配搭都試過,試過豆腐花加豆漿咁食,效果唔錯呢!此外仲有熱食小食,但魚旦就太細粒,唔抵食....在場有不少醬料、腐乳製品,買過腐乳同腐竹,唔錯唔錯!店舖對面有停車場,駕車入來食都方便。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-23
285 瀏覽
$14 任飲任食豆花/豆漿.原味、芝麻味都好好食,唔會太甜有薑糖、紅糖可以自己加,仲可以請姐姐加豆漿.後面有景色好靚嘅農地同魚塘行多20-30分鐘就到大水管,可以影下相 繼續閱讀
(以上食評乃用戶個人意見 , 並不代表OpenRice之觀點。)
等級4 2018-04-27
998 瀏覽
任飲任食豆腐花,平時星期六,日超級多旅行團黎任飲任食,加上有好多踩單車入黎食,簡直係逼爆,所以建議星期一至五黎食啦,豆美味對出有個爛地停車場,渣車可以泊個到,或者可以踩單車入黎食,入面座位好多好大,除左有任飲任食豆腐花,豆漿,仲有其他野買架,醬料,腐乳,素齋,乾貨,豆漿。豆腐花有熱食同凍食,但凍食係冇得任食。由於湊住囡囡,所以我地買左兩碗外賣返屋企食!凍芝麻豆腐花,熱原味豆腐花($18)凍芝麻豆腐花,好香芝麻味,仲好滑,本身已經有少少甜味,所以唔駛落咁多黃塘,熱原味豆漿花,豆味冇咁重,好滑溜,所有豆腐花,豆漿都係每日新鮮製造,拎到返屋企仲係熱辣辣,由於拎走,所以已經加左薑糖水,而黃糖就搵密實袋袋住一包包,返到屋企可以跟據自己甜度加落去,食完一碗已經好飽。記住噴定蚊怕水,因為好多蚊! 繼續閱讀
(以上食評乃用戶個人意見 , 並不代表OpenRice之觀點。)