61
15
7
食家推介
相關文章
成日都有雜誌或電視台推介呢間2019米芝蓮街頭小食。對咸豆漿同咸粢飯有情意結嘅我星期六同大佬特登去新蒲崗會一會佢。大概2:00到達，都可以即時入座，唔洗等位真LUCKY。安排座位之前都會喺門口位置量體溫。當時舖內都有8成滿，檯與檯之間都幾密吓，不過都有用隔板間喺檯之間，梳化位尚算舒適。餐牌目不暇給，食物種類尚算多，當時仲有午餐供應，所以我哋兩條友眼闊肚窄情況下叫咗:-1. 咸豆漿– 豆漿豆味濃郁，飲落順喉。內容絕不欺場，比起平時食開第啲食店份量豐富得多。油炸鬼相信係炸得比較硬身，唔洗浸一陣就淋晒，食落口時仲有咬口，夾埋啲蝦皮(米)、炸菜同蔥花，一齊送入口，口感安真係冇得挑剔。不過調味方面我個人就覺得略有所欠。2. 酸辣湯雲吞(菜肉) – 酸辣湯啲餸料都係非常滿足，大量豬皮、豆腐、蛋絲同雲耳絲，但係相對豬紅份量比例就少咗啲。味道方面酸度同辣度啱啱好，喜歡味濃嘅我好鐘意。雲吞肉餡味道適中，質感實在。3. 上海排骨飯(午餐) – 配菜有雪菜肉絲，食落甜甜哋，送飯一流。炸排骨(豬扒)又乾又硬，食唔出肉味，似食炸皮多啲。跟餐飲品想叫凍齋啡少甜，待應姐姐表示咖啡味道已調好，咁究竟冇齋啡定冇少甜? 咁是但啦就順勢凍咖啡。嚟到原來係”樽仔咖啡”，如果當初待應姐姐能夠解釋到只不過係冇凍齋啡，我相信我一定會叫熱齋啡。”樽仔咖啡”味道似食明治咖啡糖，相當甜。4. 咸粢飯– 係即做嘅關係真係需要耐心等待。我哋食飽飽，所以叫外賣攞走。條粢飯屬比較細，返到屋企喺白色膠袋取出，用微波爐小心加熱，飯唔太黏，食嘅時侯會散開，餡料包括炸菜、油條及肉鬆份量適中，肉鬆偏甜，大佬比較欣賞。話說享受緊食物嘅時侯，有時我都會間中放低雙筷，不過當你一放低，啲待應姐姐們就會喺5秒內走過嚟問你係咪食完，而且想收個碗，但係我個碗內食物仲有差唔多大半碗，成餐飯，總共有4位熱心待應姐姐過嚟要收我碗未食完嘅酸辣雲吞。有趣嘅係，嗰個一滴都食清咗嘅咸豆漿碗係冇人收過。
繼續閱讀
去開新蒲崗隻腳就會好自然咁去左呢間豆漿大王門口身體係最誠實 因為當你食過一次之後 個味道會留喺個腦入面 忘記唔到 招牌菜～粢飯 即叫即做 粢飯入面條油炸鬼脆到不得了 炸菜同肉鬆都滿瀉 飯又唔會太多太厚 非常適中岩哂女仔嘅食量 同埋我地仲有飯後甜品上海豬扒麵 ～ 豬扒炸得好脆而已唔會好油 配埋個麵就剛剛好 酥炸雲吞（白菜🥬豬肉）炸物香脆可口 配個甜酸醬提升個味道我個主菜黎啦椰汁🥥豆腐花 ～ 我超級鍾意 ❤️❤️❤️❤️ 椰汁味好香好creamy 加上豆腐花勁滑 有人會話甜度偏甜 但我就覺得岩岩好 因為甜品就係要甜的 對吧 米芝蓮既味道 平民嘅價錢 不愧我特登渣車去食 如果渣車去既朋友就要留意番 如果泊停車場我都係泊係Mikiki 就會行遠少少 🤏 如果近啲就係鋪頭後面街 但一錶位難求
繼續閱讀
📍新蒲崗 豆漿大王工廠區的隱世上海餐廳 (兜左幾個圈先搵到，原來要穿過新科技廣場落地下先見到！仲要無招牌🧐)聽講呢間係米芝蓮推介餐廳，之前成日見電視介紹，所以個日去開新蒲崗決定要一探究竟🔍1:40左右到，一入去果然坐無虛席，樓面姨姨忙到唔得閒招呼我地，只好自己搵位😂 (知道呢間招牌係栥飯，但因為朋友唔食栥飯，所以淨係叫左2個lunch set)𓇠酸辣湯麵 $36 𓇠夏天食酸辣湯麵就最適合啦～夠開胃！湯底有好多材料 (例如木耳、豆腐、竹筍等)諗起都想食呀！🤤𓇠五香牛肉麵$39𓇠佢有辣/唔辣揀，我地想試牛肉原味就揀左唔辣🍜唔辣都好食，湯底清甜，仲有4-5塊牛腱，好豐富！𓇠豆漿𓇠食上海野點少得凍豆漿呢？夏天飲簡直透心涼🥛💦但略嫌太甜總結：去新蒲崗一定要試 (好掛住佢個酸辣湯💕)🔺味道：4.5/5 (豆漿無咁甜就完美)🔹服務：2.5/5🔸環境：3/5
繼續閱讀
香港好少有咁好味既粢飯鋪頭，我覺得如果有粢飯豆漿做早餐是一件好幸福的事！這間豆槳大王絕對配得起米之蓮之名！！熱辣辣的粢飯好足料，每條粢飯都是即叫即做，個人較喜愛鹹粢飯裏面有油炸鬼，肉鬆和炸菜，超級好味！！！因為主角油炸鬼炸得好脆，飯夠熱 而且肉鬆是滿滿的。如果想甜食，可叫甜粢飯，係油炸鬼和砂糖！粢飯套餐可加配各種豆漿（每款價錢大概$9-18）！今次我叫了咸豆漿，有少少蝦米仔和油炸鬼配搭，好味！另外我哋又叫左煎餃子和甜豆漿，餃子煎得金黃色，好香口呢！相信因為好味道 所以好多人黎幫襯！對上一次我地叫粢飯外賣，等了40分鐘，所以大家預多少少時間黎等外賣唷！不過咁好味既粢飯 絕對值得等待！
繼續閱讀
之前睇到Open rice有唔少人推介豆漿大王嘅粢飯，所以特登一早同屋企人去新蒲崗嘅分店試試，早餐時段店內嘅食客不多，甫入店內員工幫我地量體温並叮囑唔進食時儘量戴回口罩，部份餐桌只裝上一塊唔算高嘅隔板，感覺阻隔效果不大。 睇完餐牌立即叫左三杯凍豆漿 、一碟生煎包、兩個全加料粢飯，店員先送上凍豆漿，豆漿帶有淡淡豆香，容量不少。隨後店員送上生煎包，生煎包一碟兩個，煎得不夠香，而我嘅生煎包面仲要痴住一條頭髮，見到已經令人倒胃口！ 揻走部份外層再食，外層的生煎包尚算軟熟，但內餡味道唔係咁夾，同平時出面食嘅味道完全唔一樣。 最後送上嘅粢飯熱辣辣，份量都好大，但榨菜切到好碎，即使全加料都唔係好食到有榨菜粒，米飯好硬，油炸鬼唔脆又實，可能隔夜再翻蒸，最後我同屋企人都各食剩左半條粢飯就埋單走人！
繼續閱讀
您可能會有興趣的...