譚仔雲南米線

營業中

休息中

4️⃣2023/4/24/Mon/12:39/walk in唔駛等，午餐時段，全滿座，剛好有人走唔駛等。二人埋單免加一共$119，平均每人$59.50。舖位在大本型商場內近扶手電梯，算易搵，裝修正常，坐位偏窄，唔係好舒服，感覺也算乾淨，招呼姐姐友善有禮，落單快，上菜也算快，價錢合理，味道可以。唔係住個頭，又不是太吸引，應該唔會再去。整體75分~路經會再試。80分~重慶酸辣小辣湯底+雞肉+炸醬$44，湯底辣味剛好，雞內嫩，好味。70分~湖南酸辣湯底+豬潤$39，湯底無乜味，豬潤分量多，但偏老左小小。40分~細罐裝可樂$9，貴貴貴。75分~細蒜泥白肉$27，好味，但份量真係太少。

我由細到大都好鐘意食譚仔，真係唔知點解，但真係可以一星期食一次，油塘有得食我就勁開心！因為我響油塘返工架，哇卡卡最鐘意食佢炸醬雞肉，每次都會食依２個送，因為?冇得解。。覺得譚仔一定要食炸醬呀！👍👍

今日同朋友行經譚仔見到新出88蚊二人套餐，仲可以試埋新出嘅芝士泡菜撈米。即刻坐低叫左一碗芝士泡菜撈米加魚腐（小辣）加$1芝士超多超濃，泡菜夠味夠多，完全夠撈，第一次食就上左癮，原來芝士同泡菜同米線係咁夾！可以唔使加辣，因為會搶咗芝士啲香味，不過都好好味！下次再試！食極唔停口！另一碗泡椒酸菜魚湯（三小辣）加$4雞肉加酸菜另上呢隻泡椒酸菜魚夠麻夠酸，必叫嘅酸菜另上感覺會多d，同時又唔會畀湯浸到無味同唔脆。呢個係食酸菜嘅秘訣。川辣木耳黑柏葉$29牛柏葉原本嘅顏色就係黑色，白色係漂白過。呢隻黑柏藥牛味好濃，配埋川汁一流！🤤二人套餐叫特飲唔使加錢！就叫左最貴嘅鹹檸七同埋龍鳳可樂！

我諗都冇乜人未食過譚仔，而我去食親譚仔譚仔，我一定會嗌雞肉蕃茄湯，至於加唔加辣就睇個人喜好。—————————有陣時我都會試吓係五少二少辣，加埋蕃茄湯嘅酸味，都幾過癮。而且譚仔最近新加咗鮮魚片，都係我最近常嗌嘅一個餸，因為譚仔嘅鮮魚片，魚油香味都幾多，加上食落唔使lur骨，鍾意食魚都幾爽。不過係有少少貴。而家食親譚仔，今日定會加杯凍檸茶，雖然譚仔唔係茶餐廳，但係佢嘅凍檸茶飲落非常港式，10分地道，加埋少甜就最fit。同埋譚仔有嗌小米，想食個下午茶，又唔想食太飽，都可以試吓喺譚仔嗌小米線，仲有得減一蚊tim!————————其實大本營都真係幾少食肆，就算有都成日玩手，譚仔做咗咁耐都算係咁。

我有一個朋友，佢係超級鍾意食譚仔嘅，基本上去到邊一區如果都有譚仔附近嘅話佢都會食🤣一樣好神奇嘅嘢，佢話油塘呢一間分店整嘅味道係最好食😂😂真係唔知點解，可能個廚師特別好😂😂-我哋今次就食咗雞肉三小辣，同埋五隻土匪雞翼，我有一淡湯，又真係覺得好似比起出面其他分店係特別濃味，但係食完又唔會有口渴嘅感覺🤣同埋佢嘅辣度都控制得非常好👍土匪雞翼亦都整得好出色，咬落口好多汁，而且亦都好夠芝麻🤣👍

我一向係譚仔控，呢排周圍見到佢嘅新出品麻辣汁烤雞🐔炸醬撈米線🍜宣傳海報，梗係要試吓啦😋今次係外賣order，平時食湯米線就試得多，撈米線就未試過，加埋惹味炸醬配料，果然係絕配喎😗。佢預設為五小辣，啱晒我唔係太食得辣嘅食客😁烤雞🐔肉味道濃郁，有口感，但我就略嫌份量太少喇，下次唔該加返多啲啦😜。整體感覺係好味嘅，會再幫襯，不過下次試吓堂食撈米線先。

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️又鍾意食米線又鍾意食辣嘅我，當然係譚仔同三哥啲常客。見今日又落雨，諗住叫個譚仔外賣過吓癮：⭕️ 雞肉魚片頭麻辣米線(大辣) - 湯底夠麻夠辣，不過偏鹹，食完之後會有啲口渴。餸方面通常必嗌雞肉炸醬，不過可惜今日炸醬已經賣晒🥺雞肉正常唔會太鞋口，而魚片頭相比起雞肉份量比較多，口感彈牙。⭕️ 土匪雞翼 - 孜然粉香口惹味，係必叫嘅小食💁🏻‍♀️

今日order左外賣返屋企食，梗係要食呢期好hot嘅香茜皮蛋魚湯配脆肉鯇米線🍜啦，再加一碗蕃茄湯底墨魚丸雞絲🐔米線🍜。味道依然同堂食一樣咁好味👍🏻👍🏻，米線彈牙爽口，墨魚丸、鯇魚🐟一向都不錯。皮蛋和蕃茄湯底味道也啱啱好，鍾意佢唔會太濃。不過😅⋯可能係因為外賣嘅關係，除米線🍜和墨魚丸之外，其他餸跟堂食份量不同😟份量太少⋯太少⋯太少🥺特別係皮旦粒和蕃茄粒🥲🥲希望會改善一下啦🥰。如果份量都夠，咁就good 喇🥲

平時自己一得閒就會食譚仔，都算係油塘譚仔嘅熟客仔。今日如常去譚仔解決午餐，見到有新嘅撈米線，一於就試吓！ （平時自己都好鍾意食撈麵類）我最後叫咗呢款新米線，二小辣！另外加咗個豬肚絲。可能叫呢款嘅人唔多，又正正Lunch時間，所以都等咗幾個字。米線一嚟到嘅時候，第一個比我嘅感覺就係：外觀唔太討好…不過唔緊要，未到先至係王道。喺味道方面，我覺得炸醬嘅味好香，同撈米線個感覺好配合，再加上有少少酸菜，有酸辣嘅感覺，感覺幾新鮮。不過辣度唔太夠，始終我只係叫二小辣。如果大家食得辣的話，試嘅時候不妨叫辣D。總括來講，我覺得個味道唔錯，推薦大家試。

以前細個俾朋友話鐘意食芫茜蔥係男人，當時真係覺得自己好怪，但人漸漸大了發現其實好多同道中人，諗返都覺得自己又低能又攪笑😂芫茜仲要配至愛既魚，一定要去幫襯啦，先後分别試過兩間，味道都係心目中所想既好味，先飲一淡湯開始感受芫茜香，魚肉質感小小爽，吾係一咬就散哂，而芫茜自然係成碗米線既主角大本營分店比例係多D既，試過第二間加錢想要多D都唔係多好多， 而LEE間唔洗加都有咁既份量。。。。係抵讚  👍(配埋土匪雞翼無得輸)

冧住叫個三餸既皮蛋莞茜湯二小米線啦，翻到屋企發現原來佢幫我落左4餸米線加麻辣二小😡😡😡下？我叫個湯就係想食莞茜既啦因為，加皮蛋又係加5蚊，轉皮蛋莞茜湯又係加5蚊，幫我變左四餸仲要再蝕左又食5到想食既痴線，想幫公司賺錢都5係甘樣樣係嘛，仲要係叫外賣翻到屋企先發現，真係打去同佢地講都廢事，打過去得自己勞氣，真心好失望以後5會再幫襯油塘譚仔即使我係住呢頭都好，睇到我呢個評論既各位下次去一定要睇清楚佢係咪落左你叫既野食check清楚先好。

譚仔新出品：泡椒酸菜魚湯米線配脆肉鯇喜歡食酸辣及脆肉鯇，這碗米線一次過滿足我的兩個願望，當然要試。原價$42，加$10多一份脆肉鯇。米線設定是5小辣，但食落似3小辣，可能加入了泡椒、剁椒和指天椒。脆肉鯇幾彈牙，肉質結實，配合酸辣湯底，十分美味！好快就食到碗底朝天，以後去譚仔又多一健康個選擇，推薦給喜歡酸辣及食魚的朋友。

#小秘書 一向對 譚仔 有啲抗拒，硬係覺得佢店內有陣怪味😅 而且湯底偏咸、價錢都唔算特別平，加個 #小食、再嚟杯 #凍飲，七八十蚊一定走唔甩🤪 比著以前，我會寧願叫碗 #火腿通 加大量 #胡椒粉 撈勻嚟食，感覺特別爽😙不過 #女人口味 嘅嘢真係話變就變... 呢日我除咗係為 癲噹 貓室 (din-dong) #揮春 而嚟，更係為新出嘅 「#泡椒酸菜 #脆肉鯇 #魚湯米線」而幫襯🤤 一如以往，#譚仔 門口排滿食客，好彩企咗5分鐘左右已經輪到我哋✌🏻 除咗 #米線，我哋通常會加個 #土匪雞翼 做 #小食... 呢日都唔例外🤤 土匪雞翼即叫即炸、夠哂香口🤤 至於 #新口味 嘅 #泡椒酸菜脆肉鯇魚湯米線 亦無令我失望❤️ 首先個外貌同餐牌上嘅相有九成相似，實在難得😉 #五小辣 嘅湯底，比我想像中易接受，酸酸辣辣嘅口味，配埋啲魚湯，好鮮甜🤤 雖然我對 #脆肉鯇魚片 無特別喜好，不過清淡嘅魚片，配以濃湯一齊入口，確係有另一番風味🤤埋單嘅時侯，滿心歡喜可以拎埋啲揮春走... 點知原來係買外賣先有㗎👉🏻👈🏻 唔知係咪我當時個失望樣出哂嚟😅 阿姐竟然自動話補返俾我❤️唔通人靚真係著數啲嘅🤣🤣

本人唔係話食過好多分店，但點會食過5至7間。但油塘呢間係食過咁多間，最難食嘅一間湯底長期都係勁淡，食落去無味重慶酸辣，永遠都係得啲辣油味，又無咸味乜無酸味。唔知大家覺唔覺得因為問過朋友，佢都係咁覺得

由中學就開始食譚仔，由清湯食到二小辣，食咗譚仔咁多年，好似都未認真為譚仔寫一篇食評，今日突然心血來潮就嚟寫返篇啦😄過橋米線套餐 Supreme Combo ($57) (二小辣) - 套餐份量都好充足，夠晒兩個人食- 麻辣二小辣辣度啱啱好，食都好過癮，食到停唔到口- 配料款式多樣化，有墨魚丸、竹笙、牛肉、雞肉、豬肉、牛肉丸、生菜等等，五花八門，一個套餐就可以試晒咁多樣餸😆- 湯底都幾香濃，香香辣辣，一上台就已經聞到香辣味蜀香肚絲(豬肚) ($25)- 豬肚絲份量都幾多，兩個人分享一個食到好滿足- 辣味醬汁好惹味，有少少辣，但係辣得好過癮，非常好味，餸米線好正凍檸茶($9)- 檸檬茶幾好飲，甜度正常- 平均每次食都有3塊檸檬片，足料👍🏻譚仔簡直係CP價超高嘅餐廳之選，會繼續幫襯🥰