譽點精緻點心

營業中

休息中

睇之前嘅comment, 見到服務態度惡劣, 但我又想食點心喎～ 本來諗好咗… 如果比店員惡言, 點樣d9返佢哋😆 不過今晚啲staff都正正常常, 有啲都幾有禮貌.嗌咗菜苗餃、牛肉腸、紅豆椰汁桂花糕👍🏻茶、食物質素、價錢都正常啦

啱啱食完上嚟睇吓有冇錯失啲入座優惠，好彩冇特別優惠，但見到啲比較差嘅食評，咁啱有時間就幫佢寫返個好評啦，因為我哋最後叫嗰碗雙皮奶確實好味。 其他點心就一般般冇特別驚喜，我朋友點嘅千層糕出嚟不似預期，佢以為係白色再加好多層奶黃嗰款點心，但出到嚟好明顯唔係千層但味道OK唔太甜有啲黏黏口嗰種糕點感。 朋友點咗芫荽叉燒腸，因為我唔食芫荽，所以我覺得一般，但喜歡芫荽嘅朋友應該會鍾意。 小籠包完全冇湯汁就麻麻啦，可能叫蝦餃會仲好味。 鳳爪味道OK正正常常，總括嚟講除咗個雙皮奶之外點心冇特別，但職員服務態度感覺OK，啲嘢食嚟得好快，雙皮奶係最後先點嘅佢都溫馨提示要等20分鐘，而知我哋趕時間阿姐亦提點廚房盡量快上，感覺幾貼心，所以幫佢喺度留返個好評。

睇食評話荷葉飯好味，即刻試，香味夠，足料，但係飯本身唔好食，有種隔夜既硬度，轉番好小小米黎整會好好多。個人認為叫番盅頭飯穩陣啲。價錢差唔多。蝦餃ok, 皮薄饀多。

我係一個70多歲嘅老人家2月7日在（杏花村❗譽點）下午茶我劃左4樣 點心可能我畫錯左/或劃多左一樣送來了5碟嘢我亦承認😌我可能劃錯咗..我多番解釋...我sorry啦結果當眾換嚟一句/極傷老人家自尊心嘅説話❗食唔起❗就唔好食❗😭😭😭😭😭😭😭

一直覺得間舖頭食物味道還好，都可以再光顧嘅，所以一心帶老人家嚟飲茶. 老人家行動不便，但店面明明好多位都唔俾老人家坐方便啲嘅位置，嘗試tun開嘅時候又話阻住曬人 完全體會倒另一個評語講嘅「極品服務」. 希望員工識得將心比己 檢討吓自己嘅服務

呢間唔使排隊嘅點心舖真係帶黎意外嘅驚喜。食物質素好好，而且價錢合理，令人滿意。牛肉鮮嫩多汁。鮮竹卷有好味，帶點清新的感覺。燒賣肉汁鮮美。而荷葉飯更是令人垂涎欲滴，香氣撲鼻，米飯蓬鬆入味。每樣菜式都有獨特嘅風味同質感，絕對令人讚嘆不已。除咗食物好味之外，呢度嘅服務亦都值得一讚。服務員態度親切友善，迅速為我哋安排座位同解答問題。整個用餐體驗都好順暢同舒適。總括黎講，呢間係假日理想之選，不用排隊，卻能夠帶黎美味驚喜嘅好選擇。牛肉、鮮竹卷、燒賣同荷葉飯都係絕對值得一試嘅菜式。如果你想擺脫大排隊嘅煩惱，又想品嚐好味嘅茶餐廳美食，呢度絕對係你嘅首選！

店名: 譽點精緻點心地址: 杏花邨盛泰道100號杏花新城地下G57號舖杏花邨A1出口，行2分鐘環境: 4/5價錢: 4.5/5味道: 4/5杏花邨一向比人話無咩好嘢食，但行過見到間全日免收加一嘅點心舖，就試下🙈鮮蝦燒賣皇❤️❤️❤️❤️$31蝦肉彈牙，整體份量都好飽滿，亦好夠味水晶蝦餃皇❤️❤️❤️❤️$31蝦餃入面嘅蝦同樣十分爽口，皮薄餡靚👍🏻北菰棉花雞❤️❤️❤️$31整體而言全部材料都蒸到十分入味同好淋，但太油，有啲扣分😶流心奶皇包❤️❤️❤️$26略嫌入面嘅餡無咩味，同唔夠流心☹️黑椒金錢肚❤️❤️❤️❤️$31金錢肚蒸得好淋，佢同芋頭都索哂啲味，好食😛陳皮牛肉腸粉❤️❤️❤️❤️$27牛肉夠味唔會過咸，腸粉皮十分薄，食落啖啖肉😋翡翠鮮蝦腸粉❤️❤️❤️❤️❤️$31每一條都有大大隻，又爽口嘅蝦仁😚仲唔止一隻😍腸粉皮同樣夠薄，加上甜鼓油，perfect🤩香煎黃金糕❤️❤️❤️❤️❤️$25出面嘅舖頭好少有得食黃金糕，呢到嘅質地夠煙韌，但又唔痴口，加上微微嘅甜味，一流😍山竹牛肉❤️❤️❤️❤️$25牛肉夠大粒，加上入面有馬蹄，令口感更豐富😬順德雙皮奶❤️❤️❤️❤️❤️$25估唔到點心舖嘅雙皮奶都咁好食，充滿住奶味，食落仲係熱辣辣，十分高質😋養顔紅棗糕❤️❤️❤️❤️❤️

晚餐諗唔到食咩又想輕便啲😅 叫個外賣點心都幾方便🥡 可以打電話外賣自取 住附近都幾方便📱 質素唔係特別出色 值得一讚嘅係比起普通酒家感覺味精少啲 👍🏻 唔重口味 但係以住宅區黎講 CP值算不錯呢💰⭐️ 山竹牛肉 🐮口感夠爽口而且唔會太多肥肉 😋⭐️ 流心奶皇包 🧡熱辣辣做到滿意流心既效果💛 奶皇口感幾Smooth⭐️ 鮮蝦腐皮卷 🦐整體偏油但係夠香口🤣 蝦無雪藏味⭐️ 香茜叉燒腸粉 🥩比較不推🌝叉燒比較乾同無味😿腸粉皮太厚⭐️ 鮮蝦燒賣皇 🍤蝦肉彈牙 整體份量都好飽滿👍🏻⭐️ 千層薑汁糕 🍰薑汁味可以更濃 🌶 口感方面煙韌度不錯

今天下午12時左右，本人父母在譽品精緻點心嘗到本店「極至服務」，特此讚賞一番，也為各潛在顧客「各自斟酌」。話說兩老當時在此商場購物完畢，最終揀選中式食品，當安排坐位後，店員查詢家母開什麼茶，由於家父當時還有數步才到位安坐，家母回應店員「等一下才點茶」而當下店員離開之際悄聲說到「頭髮都白晒，點茶都唔知飲乜，係咪嚟飲茶㗎？」（此對話文字未必完美復述、但意思卻100%肯定）剎那間家母面對向此體貼的問候，回應為「你説此什麼，（下省，但沒有粗口，也沒有向經理問責）」而最終選擇不光顧此店。公諸同好乃係中國人其中一項美德，本人作為不能享受之一份子，當然努力讓更多人知道，等各孝子賢孫或要享受極至服務之人，聞名不如見面，當然更要激讚市集團的訓練，假設性地想，其他店的服務是否也是如此呢？

今日專登過嚟杏花新城行下outlet，掃完貨就落地庫點心舖飲茶，開放式設計可以望到外面，好開揚。除左一般大衆化點心款之外，其他好似蟲草花鮮竹卷、木魚燒茄子🍆、肉崧米網腸粉等等都較少見，整體點心質素正常。甜品叫椰汁柚子糕，第一次見！上層係柚子味，下層係椰子味，軟硬適中，唔會一夾就散，椰味唔算太濃，反而柚子味最突出，味道好fresh，最估唔到真係咬到柚子粒🤭

過咗嚟食早餐，朝早人流唔多，比較多長者入嚟飲早茶。店嘅面積唔算大，普通點心店大細，無平時茶樓幾十圍枱咁。點心選擇唔多，早餐有得揀set，抵食好多。茶位$4/位，茶壺就放喺枱自己斟，係用熱水壺裝住，茶葉好似無得揀。枱上有個調味架，有辣油、甜豉油、喼汁&胡椒粉。❤️ 早餐set-鴛鴦燒賣+香茜叉燒腸粉 $35價錢幾抵！燒賣有四粒，兩款口味，牛肉燒賣比較好食。叉燒腸粉正常，粉皮唔太厚唔太粉，叉燒份量都多。好食度：⭐️⭐️⭐️(3/5)❤️ 煎臘味蘿蔔糕 $28有臘肉碎&臘腸碎，無蝦米鮮味欠奉。食落質地鬆散糕身粗糙，無乜蘿蔔味。好食度：⭐️⭐️(2/5)❤️ 濃湯芥蘭 $28份量多但唔算嫰，湯唔濃偏淡味，少少失望。好食度：⭐️⭐️(2/5)❤️ 紅油抄手 $30雲吞皮滑，餡料實正。形狀小巧一啖食哂，可惜辣油太少，醋味濃。好食度：⭐️✨(1.5/5)❤️ 鮑汁鮮竹卷 $25正正常常足料嘅，係醬汁較少，鮑汁味淡。好食度：⭐️⭐️(2/5)餐廳推薦度：⭐️⭐️(2/5)據我經驗喺點心店都好少食到高質點心，唔會令人驚艷，但價錢係算正常價，份量亦唔算少，係朝早快食醫飽肚嘅選擇。

間中若果想坐低食下點心，都會食下呢間，點知無黎一排，大部份都差左好多。腐乳通菜，睇唔睇得出d菜唔新鮮？明蝦沙律卷，個皮炸得幾好，唔油。裡面充滿鮮果沙律，食到最尾有粒蝦，影番張相先。粒蝦唔係無味咁簡單，感覺仲雪左好耐，有陣梅噏味。食蝦餃，第一眼可以睇下個皮先，雪白為之靚，好似上面咁透明就唔得喇。個餡一咬即散，同樣亦充滿一陣梅噏味。之前食過都唔係咁，味精多唔緊要，街坊價都預左，之前都叫做放得落口，呢次食左半隻就唔想再食。睇個樣都幾靚，好多料咁d雞算正常，菇都算新鮮有菇味，個魚肚有陣怪味，個底唔知用咩化學野"拿"過咁牛肉算大粒，色澤望落都正常。食落，都係有陣噏味。我記得之前食過都ok嫁，唔知係咪生意差左無咩客所以質素攪成咁不過不過，有兩樣野真係keep到水準！柴魚花生粥， 粥底綿柴魚香，加埋少少蔥花香，呢個粥keep到，唔錯！另外就係腸粉，粉皮仍然彈牙滑流，配埋甜豉油，比正常略高分！總括黎講，d 亞姐招呼都爽手同nice 的，食物方面就只有即整既野例如粥品同腸粉好味，其他就只可以用唔新鮮黎形容喇！

近來因為肺炎關係，有盡量避免在太人多密集的地方例如茶樓進餐。不過有些時候還是想吃點心，剛巧在中午時候經過，這裏採用比較像快餐點半的格局，人也不太多，茶錢每人$4不用+1，便入內用餐。點了一個五色點心盤，以及素翅灌湯餃。首先來的是五色識點心盤。一人吃剛剛好可以嘗試不同點心，內有一隻蝦餃、燒賣、粉果、菜餃以及桂花糕。蝦餃燒賣桂花糕正常水準，不錯吃。粉果及菜餃外皮就略嫌偏軟，不過餡料調味可以。接着來的是素菜灌湯餃。現在也不是每間茶樓也可以吃到的點心，本身很喜歡吃，所以看見了立刻點了一客。是懷念的味道！雖然沒有竹笙有一點小失望。整體來說，上菜速度也可以，經過的話可以一試。

同家姐兩個人心血來潮去飲早茶原來呢間野平日有早餐優惠🤑🤑粥品+點心=$28至$32我揀左平啲嘅柴魚花生粥，個粥真係好熱好熱🥵🥵但我好口渴，倒了些茶出來，又是很滾的茶😫😫😫所以心急係唔應該去飲茶燙傷的脷吃什麼都沒味覺，但粥很足料，雖然冇得同啊媽煲嘅綿綿粥比較😕但比起某連鎖粥店，意外地覺得口感冇咁粉漿般糊糊的質感。之前吃過這家的菜苗餃，覺得很好吃。這之叫左基本啲嘅布拉腸粉。雖然標榜人手造，未至於鞋烚烚，但真的沒想像中滑。侍應態度很好的，可能未有太多客人，會同我閑聊幾句，又會主動添水同執拾枱面。不過邊食邊比商場路人看著，感覺有點尷尬😳😳

今日經過杏花邨諗住試吓。攞咗飛之後就慢慢等，等了45分鐘。諗住放棄之際突然有人走，心諗仲唔到我哋，突然有幾個人入咗去。我跟住問點解佢哋先，佢話因為佢哋認識個廚師，所以比佢哋先。我好興同佢理論🤬，心知道冇咩用。今時今日仲有啲咁嘅事，非常之失望。😡😡😡