譚仔雲南米線 (已結業)

心血來潮好想食譚仔，我地食中午好彩唔使等位，大把位任坐我地叫左土匪雞翼，雞翼煎到層皮脆脆地肉質好㜛，外層又有d黑芝麻好香👍芫茜皮蛋又好香，皮蛋又煙韌。口水雞一般冇咩特別，好似將雞翼煮熟加辣和叫左一個套餐米線好多餸。

上星期巴西腐肉事件發生之後，我仲好驚以為無得食土匪雞翅，原來仲有丫！太好啦！不過麻辣豬耳就無左，sosad！希望佢快D有返啦！土匪土匪！真係每次食都係熱辣辣，而且好脆！食多幾隻都食得落啊！麻辣皮蛋，唔洗多講啦！每次撈落d米線度，個湯都變紅色！涼拌麻辣木耳，平時好少食木耳，但撈左辣椒之後我就好鍾意啦！過橋米線，同朋友share一大碗，抵食過叫兩碗，而且又唔怕食唔曬d米線，又多左好多送食！原來火腿係就好食，而且豆卜都唔錯，平時好少食既送都可以一次過試曬！有埋炸醬同酸菜真係無得彈啊！

晏晝時間想食啲面類，就去咗譚仔食。由於近日喉嚨痛，所以湯底冇要麻辣，而係清湯，餸方面就要左豆卜同埋雞肉。由於晏晝太多人食，等咗大概15分鐘先至有得食。湯底一如既往清甜，有濃郁豬骨味卜唔似一般嘅味精湯，飲完都唔會口渴。豆粕好大件， 吸收晒啲湯，所以咬落除咗有豆卜嘅豆香，仲有湯嘅清甜；另外，雞肉嘅份量都好多。值得一題係佢嘅米線好夠飽，如果係女仔嘅話建議可以少米，咁唔需要浪費食物啦！另外仲有少量芽菜同韭菜，我個人就好鍾意食。如果有朋友唔鍾意，可以落單前同佢地講！

到處都可見這間連鎖米缐店，今天決定進去一試。過橋米線的食材好多種，包括有豬肉、牛肉、竹笙、火腿、豆卜、芽菜、九菜、墨魚丸、牛肉丸、腐皮等等，湯底酸辣適中。非常惹味開胃。生菜鋪排得非常漂亮，顏色鮮豔青綠。蠔油永遠是生菜的最佳拍檔。配搭得天衣無縫。令本身味道淡然的生菜更加顯得吸引。更加可口。

午飯時間真係好多人，幸好我們早到，5人不用等枱。同事們都點了小辣米線，我自己比較喜歡清湯，直接吃出食物鮮味。餸有雞肉魚腐，送上少量芽菜、腐竹，我挺喜歡魚腐的。另外也加了豆漿，有點意外，佢地係有自己label 的、非基因改造黄豆製成的凍豆漿！

譚仔情懷蒜泥白肉救命😭😭真係好正食到個口勁臭都要食D豬肉好薄身加埋隻調味 真係超正😍😍過橋米線既配料愈黎愈小以前兩個人share一碗都好飽今日兩個人share都吾夠炸醬同酸菜無得頂🙄😭😭正到而家又想食多碗了

當自己諗唔到食咩／想食平Free啲，譚仔無可否認地總係本人最fit嘅1st choice！由於本人唔食啲辣，清湯自然係我嘅最愛！好多朋友都話我食清湯簡直係浪費咗譚仔。但個人嚟講講得凡事食得最清，反而可以一探該餐廳嘅「真章」！｜炸醬清湯米線｜清湯底基本上只有清清淡淡嘅咸香味，奶白色之下雖形清淡，但味道上有炸醬嘅點綴，毫不失色！米線煮得啱啱好，口感適中，唔太軟亦不會太硬，有口感有咬口！芽菜同韮菜勁多，好彩我好鍾意食唔抗拒！炸醬方面一如以往，肉碎　香濃，微辛口味上清湯米線一流！

入到這家店，坐下的時候看見每個侍應都非常忙碌。我舉了三次手也沒有一個侍應有空，只跟我說:等等，很快過來幫你。這樣這裡人手嚴重不足。不過也明白現在飲食很難請到人的。所以別期待上菜速度，我也等了差不多5-10分6才有人來幫我寫單，傳菜也要10-15分鐘。而我今天就點了腩肉麻辣三小辣，先喝一口湯水(吃麵怎麼可以不整湯底呢)，湯底有一陣微微的麻辣，而且和辣味互相配合，証明這裡的廚師也有用心調過味，不會讓味道偏向某一邊。而米線也剛到火喉，不會煮得太淋或韌，剛剛好。再來是腩肉，能夠吃出廚師花了時間去醃，由我以前當廚師既經驗，應該是過水後把整塊腩肉用海鹽醃超過幾小時。最後埋單花了29$

成日放工過黎食，坐得耐又唔會趕人走同男友好辣所以咩都係辣皮蛋次次都係糖沁架，好味，將佢d辣汁撈埋落個粉，仲正！今次要炸醬腩肉，佢d腩肉版就唔好太有期望, 鞋鞋地, 不過食淨有男友包底啦炸醬墨丸三少辣，男友至愛, 炸醬都係譚仔做得好食d, 打到溶溶爛爛先係架嘛~大土匪就必叫，因為真係整得好正，夠香又唔會太咸, 食完先記得無影相唯一唔好處係個辣度次次唔同，好彩食得辣，加埋本身湯底正，夠cover呢個弱處啦

開完會後和同事搵嘢食，最後都係揀咗每個月都一定食幾次的譚仔。第一次試這間分店，唔知味道會唔會唔同呢？點了我最愛的組合：雞肉竹笙十小辣少米線。（少米線可減一元）其實我一向係點三小辣㗎，不過最近皮膚狀態不佳，就減辣一下忍忍口 米線軟硬剛剛好，竹笙爽爽地又索晒湯汁，雞肉幾嫩，保持到譚仔的水準！不過這分店的十小辣有點像其他分店的五小辣，可能師傅重手咗?同事點的酸辣湯底都比平時辣一點另外點了走甜少冰的凍檸茶，解辣消暑良品也

今日做野真係做好辛苦，放工時間又比平時遲左3個鐘啦,,,最後都唔想麻煩呀媽專登又煮一次比我，就去左公司附近嘅譚仔食，開頭都驚佢收左，原來呢間LAST ORDER係10點8，仲趕得切，即刻叫左至愛嘅腩肉清湯走九，大香草！可能想快啲收工嘅開係，好快就嚟左，但啲米線有得硬，見到腩肉好似多左，點知食食下先發現冇左芽菜，問個職員，佢先同我講冇哂芽菜，好應該我落單個時就講囉=3=雞翼亦都好快嚟左！炸得好好呀今次，啲醃粉入到啲肉到，非常唔錯！最後加埋杯凍OT，成個人終於有返啲精神，下次可以再食大香草!!!

某日放工唔想番屋企食於是出街食，行咗一陣兜咗個圈，去到好遠，唉好攰又唔想行，又見好耐無食過，於是上咗去食譚仔。譚仔一如既往都係好多人，但一個人食最好就係搭枱，諗都唔洗諗就落單。雞肉冬菇十小辣，雖然我唔食得辣，但女朋友曾經鬧過我話去譚仔唔食辣不如餓死算，於是我就叫十小辣頂下檔先，但可惜既係熱辣辣既麵條加上酸酸麻麻既辣味，就算譚仔開行個冷氣我都食到出哂汗，不過食果時真係幾爽，而家一路打字一路流緊口水添...下次等冬天再食過，挑戰更辣。

譚仔不嬲都係又頹又好食ge野 (個人中意食譚仔多過三哥~) 平時係食開腩肉，今次食左雞肉同炸醬，發現原來炸醬嘅口感&味道都非常複雜XD都好好食....不過今日個清濃左少少....如果食得麻Ge朋友一定要食3小或以上!! 女仔ge話叫小米都夠，仲可以減一蚊~因為感覺佢份量都一般份量都冇乜分別。同埋識食一定叫雲南米線share食，咁就可以食哂所有餸~

今次要介紹嘅係譚仔雲南米線，雖然已經食過幾次，但一直都未講過佢。今次食咗碗墨魚丸魚腐米線，豌米線個湯底係四少辣，我覺得都十分辣。要一路飲涷飲一路食先頂得住。墨魚丸幾彈牙，魚腐就唔係太特別。另外我仲食咗係麻辣豬耳，唔好睇佢好似紅色好多辣油咁，其實無豌米線咁辣，豬耳幾爽口，食嘅時候可以加埋蔥一齊食，會無咁辣。整體嚟講我覺得OK，未至於會想好快再去食多次。

同同事lunch食譚~可能因為1:30先去到, 好多人都差唔多食完走人,拎飛等左幾分鐘就有位~今次叫左牛肉同魚蛋, 3小辣~ 同杯凍OT感覺都唔算好辣~ 下次可以再試辣d...湯底幾好~ 魚蛋好彈牙, 整體味道都ok嘅不過就無我前幾年食咁好味lu...服務都算係咁啦~btw 幫我落單嘅姐姐有d搞笑...完全唔明點解我同事叫熱華田, 佢可以聽成凍奶茶-.-