譚仔雲南米線 (石塘坊)

營業中

休息中

侍應人數嚴重不足，外賣等待時間特別長，有次等待時間超過一個小時，看侍應也忙不過來。非常不理解為什麼要如此壓縮成本，以後再也不來了，幫譚仔姊姊減少工作強度，留給更喜歡吃的人

外賣要等好耐，有時仲會跳number。員工嚴重人手不足，好多時煮好又唔包出黎。有時叫蕃茄湯底，但係啲湯好稀，好似溝左水咁， 叫雞肉又得兩三舊細嘅。有時夜晚堂食啲枱又冇人清潔，仲有上手食完嘅殘渣係枱，衛生情況有待改善。😅😅 仲有，電話落order外賣自取，啲野永遠都唔啱嘅。上次食過橋話米線話要走啲乜乜乜，結果又冇走到。呢間係我食過最差嘅譚仔，其他譚仔米線分店都冇咁嘅問題，好失望，希望各方面都有改善。😭

6:30pm到店，職員指引我到位置，但沒有比單做數碼落單，之後等左5分鐘，三個食客到店找位置，職員望向我的位置，以為你知道我等左你5分鐘啦，我說我坐低你沒有給我單，點知單都唔比我叫我比個位佢比其他食客，擺明叫我走，算數都無心情再去食，以前都唔再食譚仔。 咁大個場得一個職員仲要趕人走，今時今日有啲咁嘅服務質素，真係搵鬼食，坐低前見到有張枱執都無執過，睇尼一定係人手唔夠，比張單又比唔到，執張枱又執唔到。

唔知幾時開始沙膽愛上咗譚仔,尤其是蕃茄湯底😍最近呢一個下午茶餐就啱晒佢啦!只需要$35就有兩餸米線加飲品🥤!正呀仲有迷你過橋米線、酸菜肉醬飯等等！多款選擇！連土匪雞翼都有㗎真係超抵食😊😋😋😋

係app到落單外賣自取我55分落單 佢寫15分鐘會有 咁lunch time我覺得遲多5分鐘都合理但我等到差唔多半個鐘先有仲要係叫我自己行入去睇有未(佢係未拎出去外賣櫃)我一直望住個staff整外賣單 整整下走去整堂食單！？ 仲要外賣單成十張 佢諗住整晒先推架車先拎出嚟？。。正常唔係睇下個外賣時間出野食 明知有d超過15分鐘都唔攞出嚟當我拎左返去 打開個盒乍醬變雞翼。。厲害 呢間分店已經唔係第一次錯單 其實你唔夠人手不如請多d人。。。

首先理解唔到點解一定要download個app嚟落單。叫侍應嚟落單，我地一直揮手佢可以直接掂行掂過😓。行出收銀枱落單，又叫我哋搵第二個。侍應態度極差，完全冇諗住理，直頭要追住佢哋走，但係都追唔到😅完全無曬心情食，最後放棄唔食🫠

位於西環石塘咀嘅一間新開嘅譚仔雲南米線，目前已經食過2次；而2次都係平日午市嚟幫襯，第一印象就係門面好光鮮、開揚、乾淨企理；不過有一個好大嘅缺點就係：人手嚴重嚴重不足，好多時招手招5分鐘都無侍應理你，甚至有食客要走到收銀落order......雖然係午市時間，但都唔可以忽視食客忽視得咁誇張架.....另外，出餐速度都慢過其他譚仔分店好多，我第二次食，落單至上菜足足等左半小時，但一般上班族食飯時間邊任得你咁樣消耗法？所以，歸根究底都係人手太過唔夠，希望管理層正視下呢個問題！講完衰野到講下啲好野先~同其他分店相比，食物質素明顯高一班，份量足、米線硬度適中、辣度符合標準(唔會話嗌3小辣，跟住變左小辣咁款)。同埋有一樣額外嘅加分位，就係擺盤做得非常好！廚房員工雖然忙碌，但都好有心機地將碗出品米線做得好好睇睇，真真正正嘅「睇得又食得」！整體而言，係一間敗絮其外、金玉其中嘅譚仔分店，如果大家比較多時間，都可以嚟試下嘅；但若果你想限制食飯時間喺一小時甚至更短，我強烈不建議你嚟食。

香港大學站開左譚仔真係石塘咀嘅福音，之前想食嘅話次次都要走到去堅尼地城分店買，路程說不上近，而家終於開左，可以成日食到啦！呢間石塘坊分店裝潢簡潔明亮，座位好多。近年譚仔開始走年輕路線，堂食/外賣自取都可以用手機點餐，不過譚仔遮遮今日好親切地同我講佢幫我落單快啲，所以就放棄手機啦！叫左最愛嘅竹笙湖南酸辣米線🌶+凍檸蜜少冰。等左10分鐘就有得食，效率非常高。份量好大，米線軟硬適中，芽菜爽脆，湯底酸酸辣辣刺激得黎好好味，竹笙吸哂湯汁，啖啖都爆汁，真係好好味呀！加上凍檸蜜可以清清喉嚨，非常正。不愧為百食不厭嘅譚仔！下次一定要試下新出嘅雞肉鮮淮山黑蒜清雞湯米線！😋

好耐冇食過譚仔米線啦！😀西環新開咗呢間譚仔，平時見佢有好多人排隊。加上排隔離嘅元氣壽司，兩間店之間shared area的門口真係好多人，唔想同人逼就擱置一試行動。今日lunch 途經見冇之前咁誇張多人，就入嚟試吓啦🤗可能過咗繁忙午飯時間，等咗幾分鍾就有位。點咗個鮮蕃茄湯底米線，揀10小辣咋😜。酸甜中帶辣，非常醒胃😋。又嗌咗碟小食—細蒜泥白肉，一如以往好食，久違的味道。👍🏻👍🏻美中不足，入嚟由落單到上菜真係等咗20mins左右, 有啲慢。

終於附近開左譚仔🎉中午1點去食，買外賣人比較多，唔太需要等位，正👍🏻叫左雞肉清湯米線，雞肉唔會柴，量夠多，湯底個 人覺得湯底冇其他舖咁鹹。另加生菜全走，菜夠新鮮。上菜夠快，人多都唔洗等好耐，咁就可以舒舒服服食個lunch，唔洗食得咁趕。👍🏻👍🏻