譚仔雲南米線 (The LOHAS康城)

營業中

休息中

環境整潔明亮，延續品牌一貫簡約風格，惟冷氣過強，略感冰涼，適合喜愛清爽環境的食客。🈺然而，服務態度與食物價格相較過往有所退步，影響整體用餐體驗。😔🌶️ 炸醬x麻辣雙拼米線｜穩健風味炸醬與麻辣雙拼米線保持品牌水準，炸醬肉碎細膩，豆香濃郁，與米線拌勻後黏稠度恰到好處，入口順滑。🍲麻辣湯底辣度符合「小辣」標準，微嗆而不過火，榨菜與花生份量充足，增添口感層次，堪稱品牌靈魂的堅守之作。😋🥩 蒜泥白肉｜價高質參差蒜泥白肉份量僅8片，較深水埗分店的12片（HK$42）顯得昂貴，性價比稍遜。🥢蒜泥醬油調配出色，辣油香氣濃而不燥，惟肉片帶明顯冰感，疑未完全解凍，影響口感，略為失色。😕🏙️ 環境與服務餐廳冷氣強勁，環境清涼，惟服務體驗令人失望。落單時，店員態度冷淡，偶爾伴隨不耐煩的回應；追問飲品需長時間等待，服務員語氣略顯敷衍。😣更甚者，麻辣豬耳漏單，店員卻以「未有記錄」回應，令人無奈。食物味道一如既往偏鹹，食用後略感口渴，建議搭配清水調和。🥤人均約HK$80-120，價格偏高，與服務質素不符，性價比一般。譚仔雲南米線雖保留招牌風味，但服務與食材細節需改善，方能重拾昔日光彩。🌟

話說從前返工時成日食譚仔, 但而家搬左就無成日食. 但前日send 電郵話做推廣~ $99 兩個過橋米線, 好似好抵食. 就買了外賣. 之前譚仔有一段時間比網友話源材料差左所以唔好食. 但今次好食返. 好足料過橋米線樣樣餸都有. 但件件肉都兩件起. 豬同牛各有三件. 火腿都有四片.. 同埋今次的炸醬是熱的. 仲好香肉味.... 同我細個食又凍又難食有好大分別~~  米線的份量都明顯多返~ $99 兩碗過橋米線 仲可以用埋外賣自取8折. 共$81... 堅抵. 

📍The Lohas” – A Flavorful Feast! 1. The Star of the Show: Mixian Magic 🍜 The set comes with two customizable bowls of mixian (rice noodles), allowing us to craft our perfect bowls of happiness. For the first bowl, we opted for their 特色墨丸 (cuttlefish balls) and 竹笙 (bamboo fungus) paired with a clear broth. The soup was refreshingly light, perfectly complementing the tender and silky rice noodles. For the second bowl, we doubled down with the same clear broth, but this time paired with 滷水豬大腸 (brai

講到譚仔喺香港個個人都識得康城都冇乜平嘅嘢譚仔係其中一間比較平啲嘅所以呢一間譚仔係好多人去食尤其係平日嘅午飯同晚飯時間係超多人排隊如果想嗌外賣就起碼要早半個鐘嗌個個成日都話要食幾多辣但我通常都食唔到辣嘅嘢所以都係會嗌清湯米線或者蕃茄湯底無得同大家玩呢個鬥辣遊戲而通常我通常都會嗌雞肉一個餸佢本身都有啲芽菜呀嗰啲做底所以都已經足夠又或者如果肚餓啲嘅話佢個過橋米線我覺得幾抵嘅一大碗有好多餸唔使自己再揀再加錢我試過好肚餓自己食一個自己都嚇親如果唔係特別肚餓, 我覺得兩個人share一碗就ok了, 以前做學生比較窮, 成日都同朋友share一碗過橋米線

職員態度惡劣餐廳不算滿座但職員還是會留空枱十分鐘以上，要客人在外呆等餐廳職員想夢遊一樣經常扮睇唔到客人想拎張落單QR code 都要舉三次手職員才會過來然後過一陣就忘記 要再次提醒

一直都好中意食譚仔早餐，點左公仔面餐一撈發現極圖中既物體！！！好彩只咬左一啖蛋，但愈諗愈想嘔！第一次叫過黎店員問佢碗野入面果條咩黎，幫我轉過其他餐，佢話佢唔清楚碗內係咩，叫我等等之後就冇再理過我。我叫另一個店員過黎，我話要取消果餐我唔食了，佢望完碗野叫我等等，叫左另一個唔知係咪高級d既店員過黎叫佢自己睇，睇完大家都冇聲出，幫我取消左佢。衛生程度差到咁以後唔食，真係好想嘔。

見有個新野 蒜泥白肉伴寬粉就打算試下啦叫外賣自取翻鋪頭食啦翻到去打開第一反應係我個麵比人食左一半？？成個麵真係少到得個2~3啖白肉個量都算啦除左麵，蒜泥，肉同豉油就真係乜都冇（本身有葱嘅，不過我走左）以前叫撈麵都有啲芽菜韮菜而家好貴咩？？？加上冇得再加餸（係個app問題？）而且蒜泥白肉唔係應該辣嫁咩？佢真係淨蒜泥加腩肉😓App 又冇辣度可以揀唔知現場叫有冇啦好彩仲有叫小食雞翼如前ok 的淨生菜個量都ok la如果唔係我應該會餓死

譚仔📍 譚仔雲南米線 (將軍澳)將軍澳康城路1號The LOHAS康城4樓424-425號舖午餐！你問香港人晏晝食咩？好多時候可能都會話食譚仔米線啦！去譚仔，我通常都叫重慶三小辣，湯頭夠晒惹味、夠勁辣的，令人一啖啖都超滿足。想開胃，我通常都會叫蒜泥白肉、青瓜和皮蛋。這些絕對係我心頭好，酸酸辣辣滋味十足啊！配返一杯飲品，凍檸茶絕對係少不了！#每周美食打卡# #米線# 譚仔

我係一長期愛食米線多過食飯之人譚仔分店多，成日幫襯我鐘意揀雞肉配生菜🥬雞肉唔係一絲𢇃嗰種，係啖啖肉生菜我唔會分開上，相反，我中意佢吸哂湯汁。湯底我愛酸酸辣辣

去譚仔，不嚐點辣的，算咩食客啊？今次挑戰咗激辣濃湯豬軟骨寛麵，湯頭夠晒惹味、勁辣嘅感覺，令人一啖啖都超滿足🔥。講真，佢哋嘅寛麵質感正喎，Q彈到不得了，同啖啖肉質鬆軟嘅豬軟骨完美搭配，真係入口即溶，咬落仲有彈性，食得我回味無窮。想開胃，土匪雞翼絕對係我心頭好，孜然味滿滿，啖啖肉汁流出黎，滋味十足啊！轉個角度食涼拌，川北豆腐爽口得嚟，酸辣醬料清新提味，雖然唔太辣，但食住會意想不到嘅消暑功效。再點一杯飲品，就算係完美嘅小飲小食夜晚。記住唔好錯過東西，譚仔米線嘅麻辣湯底同蜀香肚絲真係一流，肚絲賣相精緻，香辣得嚟唔會過火，帶啲微辣嘅氣息，仲有陣陣香料味，比起其他地方，呢度嘅料理令人讚唔絕口。下次同班朋友又要揾時間再嚟啦😊👌🍜！

奉勸大家落單前三思，呢間譚仔質素真係極差。喺附近返工，每次食晏一定幫襯。開頭好好嘅，份量足料質素又好，蒜泥白肉好食過三哥。點知嘢食越嚟越縮水，今日叫兩餸米線，豬膶同竹笙，豬膶竟然可以得兩嚿，竹笙得嗰三條。另外同事叫過橋米線都係得嗰兩嚿豬膶，兩條手指咁幼嘅竹笙，火腿細到幾乎搵唔到。 對上兩三次都己經發生過呢個問題，除此之外，佢個蒜泥白肉份量少咗，同埋曾經食過幾次，堂食同外賣都試過食到成碗米線都有怪味，食落似有番梘味（好微量，對面位同事都察覺唔到，當時以為自己問題，所以冇同員工講），但食到尾發現源頭應該係腐皮醙咗，因為之後第二日再叫嘅時候味道就正常返，所以好確定當時嗰碗係有問題。因為自己真係好中意食譚仔所以就算發生之前咁嘅問題都仍然keep住叫，一星期少極都有兩餐lunch會食譚仔，仲要康城鋪係貴出面幾蚊，但今次真係太失望，康城其實好多選擇，食其他好過。

今日叫譚仔外賣 菜入邊有黑色一條蟲 雖然外賣平台即刻退左錢俾我地 但係睇到咁大條黑色既蟲已經覺得好嘔心 最後我地剩係食左d麵。夜晚我地開始攪肚痛 肚痾左好多次！之前曾經試過叫早餐外賣 入邊既豬潤係生既！未完全煮熟既豬潤係有機會傳播乙型肝炎 係嚴重既食物安全問題 需要重視 唔係貪快就可以唔理。我寫左信去食環投訴，但係步驟好煩就不了了之。早餐叫雞扒都試過入邊係生既。作為一間咁大既連鎖集團，希望間集團可以好好處理下呢間分店既食物衛生及安全問題。

真係好唔開心☹️ 平日好少係樓下商場食野，康城商場嘅餐廳出晒名，同一品牌開係康城即變成好難食但今晚實在未能自煮，忙碌中就手機落單。 Apps 話準備要15分鐘，差唔多晚上八點都預計佢唔會咁快，半個鐘至去攞，點知都仲未有最後等足一個鐘，由唔餓等到好餓😩 攞到外賣即刻衝上屋企開餐啦，一打開😳 個小食青瓜係一匙羹份量… 雖然我點個（小） 但估唔到係一匙羹跟住我點左個套餐米線，一打開以前有魚蛋、墨魚丸、牛丸各一粒，而家得返一粒牛丸。 連肉片都係得兩片… 豬膶都係兩三塊😵‍💫 另一碗魚腐米線， 得3片魚腐係佢降低咗食物成本，定係因為當我外賣攞得嘅時候已經差唔多九點，佢賣晒啲食材呢？如果佢唔夠食材嘅話，一係就唔好接我個訂單啦 其他雞翼正想係5隻，我估佢都無得少比我我真係等到好肚餓，攞到返屋企嘅呢個份量，其實我一個人都已經食得晒 我食完晒所有嘢之後，仍然好肚餓，好似冇食過 買咗百幾二百蚊譚仔，下次我不如直接落去大家樂買個飯盒好過寫個食評，希望讓各位自行衡量要不要幫襯

平時食譚仔食米線食得多，譚仔早餐，你食過未？譚仔地方寬敞，有卡座梳化位，有白石枱，普通座位都有軟墊，坐得都幾舒服。今日就試吓個早餐。火腿通粉配煎雙蛋加厚多士，即磨咖啡湯底真係唔錯，不過通粉太淋，煎雙蛋不過不失，厚多士外脆內軟，即磨咖啡好香，好好飲！整體呢個早餐不錯。

康城呢一個區內中產比較多，而且商場入邊租金好貴冇乜平嘢食，呢間係其中一間比較平嘅嘢食，就算平日放工時間最好都要用手機先下單，因為每次見經過都有超級大大量外賣喺出邊，想食嘅話記得提早下單！