譚仔雲南米線 (凱豪商業中心)

天氣涼涼地, 想食碗熱嘅米線~見晚市有二人餐, 又唔使等位, 所以直接入嚟試一試..自選雙餸米線 兩碗; 自選飲品 兩款;小食選項二揀一 (我哋揀咗土匪雞翼三隻)~ 埋單 $104, 可以啦~ …查看更多

早前, 響又一城試過 譚仔三哥嘅下午茶, 覺得真係抵食~所以, 今次趁住午後 佢唔算餓, 同佢一齊嚟 過過口隱~ 佢話雖然唔係三哥, 但係已經係Under同一集團, 所以一樣都有下午茶啫~膽粗粗嚟到, 門外邊冇寫, 本身想走 但好彩佢大膽入去問一問, 真係都有下午茶嘅原來!!!我揀雙餸米線 配熱飲, 只係 $29 咋~佢揀咗雙餸加兩個小食餐, 兩個小食 = 可以揀兩種口味嘅雞翼, 我哋嘅結論, 真係鍾意食三哥多啲, 不過, 譚仔三哥同譚仔嘅下午茶, 同樣都係咁抵食啊!!!…查看更多

🌼 魚皮頭+豬膶 +雞肉米線 (49)外賣單太多做唔切，變相堂食都要等等。去親譚仔都會叫湖南酸辣湯底，唔會過辣又酸酸哋幾開胃。呢度啲餸都俾得足，試過去其他分店食三餸，豬膶得三舊🥲🥲🌼 一人小食跟餐送嘅皮蛋，正常發揮，辣汁撈米線食好滋味😁😁😁不過餐廳嘅衛生真係麻麻，成餐飯都有烏蠅仔不停飛，十分滋擾🥲發現源頭應該係嚟自放喺店舖入面嘅幾個回收垃圾桶😕😕😕明白嚟緊實施垃圾收費，餐廳們都要諗計做回收，但將回收垃圾桶放喺鋪頭入面擺都真係唔衛生，坐附近嘅食客係十分之慘👎🏻👎🏻想像唔到夏天嘅時候會點算🫣🫣🫣…查看更多

今日又要去佐敦上堂，不過時間就變咗係朝早上堂，所以落堂之後就去食lunch。本身想去食串燒，但係冇開門；想食澳牛又好多人排隊… 所以就去咗澳牛對面嘅譚仔食米線。我好似已經好耐冇食過譚仔，原來而家可以用手機落order，唔使勞煩譚仔姐姐🤭 因為我唔係超級肚餓，所以同男朋友share一碗過橋米線已經好夠飽😆 順便試埋佢呢個新出?!嘅黑蒜清雞湯，然後加多一碟麻辣豬耳過吓口癮，就啱啱好👍🏻過橋米線配黑蒜清雞湯 ($62)我叫過橋米線嘅原因好簡單，就係因為佢夠多配料，咩都有啲😆 而且大大碗，兩個人share食都好夠飽！至於佢嗰黑蒜清雞湯，我又唔覺得黑蒜味好出，同普通雞湯差唔多🤔麻辣豬耳 ($30)呢個麻辣豬耳整得唔錯，雖然睇落好似好辣，但係識落又唔覺得好辣，反而係麻多過辣。豬耳咬落爽口，而且份量算幾多👍🏻凍檸茶 ($10)凍檸茶叫咗少甜少冰，未到就係正常既茶記水準，冇乜特別。…查看更多

好多人以為連鎖店間間都一樣，食物一樣，味道都一樣，但係其實唔係㗎，就好似譚仔咁樣，由於响佐敦附近工作，所以通常會食其中兩間，一間就係位於佐敦嘅分店，另外一間就係位於九龍站嘅分店，兩間味道同質素就好唔同啦，佐敦呢間幫襯咗好多年，個個禮拜都要嚟食一次，覺得非常之好味，但係九龍站嗰間就差好遠，佢開咗唔係好耐，無論係食物賣相同味道都相差好遠，好多人喺譚仔食小食，都會揀土匪雞翼，我自己就另外有選擇啦，我自己最鍾意就係嗰隻雞腳筋，新出嘅，非常之爽口，另外亦都好鍾意蒜泥白肉，好大份量嘅蒜蓉，好好味，米線方面通常我都會揀套餐，因為乜嘢都有得食吖嘛，佐敦呢間水平維持得好好，同九龍站嗰間爭好遠。…查看更多