8
10
1
港鐵九龍灣站 B 出口, 步行約12分鐘 繼續閱讀
所有分店 (48)
電話號碼
31041901
營業時間
今日營業
07:45-18:30
星期一至五
07:45-18:30
星期六
07:45-18:00
星期日
全日休息
付款方式
現金
食評 (22)
等級5 2017-02-01
2612 瀏覽
上次在馬鞍山「譚仔三哥」品嚐過生涯第一碗雲南米線,今次就改去試食它的競爭對手,兼前拍檔的「譚仔雲南米線」,看看兩者在味道有什麼不同。這間「譚仔雲南米線」位於九龍灣的商業大廈一樓,但是很多餐廳食堂在工業區,多數會開在地面舖位,方便工人和辦公室職員在午飯時間食飯。這間「譚仔雲南米線」卻跟旁邊圍村菜「大榮華」,在相較離地的位置營業。沒想過「譚仔雲南米線」的門面裝潢,比想像中來得簡單,可能是因為這分店設於九龍灣工廠區吧。下午茶時間去幫襯「譚仔雲南米線」,這間「譚仔雲南米線」跟「譚仔三哥」一樣,門口沒有店員招呼你,自己找張櫈坐下就行了。相對「譚仔三哥」,「譚仔雲南米線」早已放置巨大的餐牌給你慢慢看,進入店舖反而能立刻點菜。快點落單點菜,吃完米線就快點結賬走人,免得霸佔座位,阻礙其他食客用膳,是典型工廠區食堂的一貫的作風。為了可以立刻跟「譚仔三哥」互相比較味道和價錢的高低,我在「譚仔雲南米線」點了上次在「譚仔三哥」都曾經點過的雞肉米線,味道同樣是「三小辣」。此外,「譚仔雲南米線」一樣有下午茶餐飲,加杯飲品只需三十七元,只是比「譚仔三哥」貴了兩元而已,冷熱同價。「譚仔雲南米線」的雲南米線跟熱奶茶,在我點菜後十餘分鐘後,亦都上檯了。「譚仔雲南米線」的米線相對於「譚仔三哥」,碗面少了一股紅油,湯底色澤比較淺。但是,湯底色澤較淺色,是否就等於辣味比較沒那麼濃烈呢?經歷上次「譚仔三哥」放錯糖的教訓,今次我已經很小心,確定放糖位置無誤,才把砂糖放進奶茶裡去。熱奶茶的味道暫且不提,說回雞肉米線,「譚仔雲南米線」的辣味,竟然跟「譚仔三哥」有截然不同的地方。「譚仔三哥」的辣味比較平均,一開始就辣起上來,適應了辣味之後,就可以很快適應辣味過來。相反,「譚仔雲南米線」,最初的辣味不怎麼樣,但是吃完第一口米線之後,之後的麻辣味就開始像排山倒海般湧過來。我幾乎被「譚仔雲南米線」後發先至的辣味,辣得麻痺舌頭,立刻要喝杯熱奶茶解辣。我點的「譚仔雲南米線」雞肉米線,雖然跟「譚仔三哥」一樣是「三小辣」,但明顯「譚仔雲南米線」的麻辣程度比起「譚仔三哥」,絕對有過之而無不及。當然,我上次食「譚仔三哥」時,不小心把砂糖放進去米線內。是否我錯有錯著,加入了砂糖反而中和了米線的辣度,令「譚仔三哥」的米線沒這麼辣?反而今次食「譚仔雲南米線」的雞肉米線,回到正常步驟,反而被米線辣味麻痺到舌頭?如果因為這樣,我就立刻判定「譚仔三哥」,跟「譚仔雲南米線」的米線辣味和味道高低,好像對雙方都很不公平。我可能再以正常步驟吃一次「譚仔三哥」米線,才能完成為兩者優劣下個定論。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-10-20
0 瀏覽
一個人的浪漫,今晚老公返學,所以要自己食晚餐,放工公司間譚仔未關門,就入去食晚餐。因為叫兩個餸都要39元,所以叫昨咗過橋米線3小辣,唔知係咪就收工,碗米線勁少餸,仲要比我發現冇咗粒魚蛋,我問阿姐,佢先話賣曬比墨丸我,但點解唔一早同我講,要我發現先話比番粒墨丸我。米線都算煙韌,湯底都夠辣,豬膶和墨丸好好食,竹苼勁林,炸醬都算多和好食,整體上都合格,但真係勁少餸,平時我都食唔曬,今次竟然食得曬,55元一碗都有啲貴,下次放工唔會再叫過橋米線。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-09-25
82 瀏覽
今日與同事一行三人去食譚仔,12:25pm落單,同台另一班人早過我地落單,但我地成台人等了二十分鐘仍未有食物。問姐姐,但她們回覆依家整緊12:20pm那批,要等多5分鐘。但當時已經12:55pm,我地1:15pm要返公司,所以叫姐姐改外賣。但姐姐講了一輪我地不太聽得清楚既說話,最重要一句我地聽得清楚"依家即刻上比你地".最後,12:25pm落單既米線,1:00pm才上台,而我地用10分鐘極趕速度怱怱食完(其實仲有大半碗未食完).今次唔比嬲嬲豬都唔得啦。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-09-04
116 瀏覽
餓JJ一直係譚仔嘅忠實粉絲返工咁沉悶,食lunch搵譚仔打打氣就一流九龍灣呢間分店日日都咁多人,門口呀姐做到好燥咁好彩入面好多位,好快有得食雞肉係餓JJ必叫嘅,譚仔嘅雞絲究竟係點整?點解可以咁滑今次仲加埋豬潤,唔會太熟,剛剛好呀,甘香嘅豬潤!唔好見個湯好紅好似好辣,其實只係小辣咋~餓JJ廢事一陣返office比女同事問我個咀攪咩紅卜卜啦重慶辣湯底真係好香口,入口少少嗆喉但會令你少少過癮!忍唔住係咁食!佢冇麻辣湯果種麻,但係比較惹味呢餓JJ成日心思思想再食很想要吧! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-06-03
331 瀏覽
想係九龍灣工業區食碗譚仔譚仔真係好難!分店少,工業區人多,我今日用apps提早20分鐘拎位,都仲係等足30分鐘,食15分鐘就急急腳走!我承認我係辣味熱愛者,但連我同事都話辣味比平時少,就知道有問題!介紹返,呢個係重慶辣中辣!但同平時食開嘅味度唔同,小辣都不如😫雞肉同竹笙份量都較少,但米線就好多,要叫小米線先食得曬!連我朋友食開5小辣都話無味!浪費我叫凍檸茶,好在個土匪雞奕冇走樣!依然夠味!下次去要叫大辣了! 繼續閱讀
(以上食評乃用戶個人意見 , 並不代表OpenRice之觀點。)