譚仔三哥米線 (太豐樓)

又到Lunch 時間，想食米線，樓下就有三哥，不過位置少，外賣又會等好耐，咁就緊係用App 落定order，睇下有咩優惠先。嘩，有雞翼送喎，即刻用先，仲有個app 專用餐，3個餸加野飲，可以一張單過，total 56蚊，抵到爛，不過依間真係好多單要等好耐，半個鐘走唔甩。相信睇圖就知咩味啦土匪雞翼味道始終如一，好香孜然味得嚟又有其他香，今次米線硬度都正常，唔會好冧又斷晒，而番茄湯都係至愛，酸酸地好開胃，感覺又健康。…查看更多

鰂魚涌區在星期六日沒什麼選擇下揀了譚仔三哥嘗試新口味：水煮…….加辣椒扮水煮，味道強差人意嘈，員工一直在傾偈⋯⋯聲浪越嚟越大，令人煩躁。。。在談論無聊瑣碎事，大聲在聊天，在餐廳中央打呵欠，忽視客人感受。…查看更多

鰂魚涌太古坊真係餐廳一級戰區。 今日local 啲，三哥。上完堂已經兩點幾，要食啲嘢，又唔想食到嘔。 食米線。三哥呢個套餐，真係乜都有，需然乜都係得兩舊，但真係好適合有選擇困難症人羣。餸都係任選。當然要加$。 但小食有白肉同雞亦呀。 白肉個汁好惹味，而且都係好多蒜頭。雞亦就差啲，有啲亁柴。不過仲可以叫凍檸茶。 四十幾，唔係平，不過一次過食晒想食嘅嘢，OK。我中頭獎，當日停電，點完就要馬上俾$。 姐姐唔該前唔該後。 姐姐主管又醒目。 令人滿意嘅一間店。…查看更多

手機12:38 apps 落單，13:50仲未等到外賣出，又無辦法取消張單，發現場好多人情況一樣，有人號碼比我前都仲未等到，好誇張。午餐時間完左都未有嘢食。好心做唔切就咪接單。12:38用手機app 落單, 13:00 落到去, 發現人口企滿人, 前面仲有六十幾個號碼, 已經心知不妙, 仲未計啲外賣. 等左十五分鐘, 發現安排極之混亂, 結果等到13:50, 食物還沒有準備好, 反而號碼越遲越先準備好. 午餐時間己完結, 有嘢食都無時間食, 收左錢但又交唔到貨. 令到好多人都不滿…查看更多

新下戴apps, 試下遙距取票，點知咁垃圾，取6號票，來到門口叫到5號，等咗20分鈡叫7號票，仲話我過票，態度好似我強詞，另人反感，即走無食，即刻 delete apps 以後都不用，影呴晒以前的觀感，失望，白等20分鈡…查看更多

今日心情唔靚，諗住晏晝買個三哥補下，點知11:45 已經系熊貓平台下定單，心知呢度近office ，鬼禁多單，員工踢哂腳之餘肯定出錯。誰不知我嗌三餸米線酸辣湯，明明張單樣樣齊，一番到office 打開當場😡😡要牛肉就比金菇、最慘我想要酸辣竟然換咗個比清湯、你哋知啦酸辣仲要收多2蚊😅😯即時勁灰，心諗我已經早成個鐘order , 都錯到甘樣🫠🫠三哥話哂系香港龍頭企業，版圖遍佈港九新界，之但係食物質素同服務就真係愈做愈頹！…查看更多

身為小新既愛好者 今日終於試到譚仔三哥新出既三款美食 BuLi Buli~~ 🍜香辣回鍋肉蝦仁炆米線🔹三哥不嬲都係出湯米線多，今次化身成為乾撈炆米線，唔鍾意有湯驚太熱既我真係好鍾意😍🔸傳說靈感話係黎至四川菜「回鍋肉」同埋「乾鍋麵」，用炆煮既方式，收乾秘製醬汁再沾上滿鮮香辛辣既醬料，口感保持住柔韌中帶滑溜，川辣味道香味四溢😋🔹而且本身已經跟左蝦仁、回鍋肉、紹菜，蝦肉超線爽口彈牙；回鍋肉仲要精心挑選腩肉炮製，口感上較傳統的五花腩為清爽，一啲都唔油膩，再吸收埋秘製回鍋肉汁後，成件事都惹味香濃；紹菜為辛香味濃既米線帶給陣陣爽甜味道，越食越過癮😋！🔸仲可以另外加埋三哥其他配料，例如金菇、竹笙、魚片、豬肚等指定食材，相信吸埋秘製醬汁既味道更加一流🤪🍄麻辣醬銀耳鹿茸菇成碟餸超級爽口同清新香彈超鍾意😍！！特別版銀耳肉肥厚大，配上香味濃郁既鹿茸菇沾滿左三哥秘製辛辣麻香麻辣汁，同埋帶有粒粒肉碎既乍醬，口感豐富，令人津津有味🤤🍹露絲瑪莉蘋果梳打一直都覺得三哥既限定野飲都好好飲🤪今次帶有微微玫瑰清香同薄荷味道既迷迭香和味道清甜微酸的青檸蘋果梳打，非常絕配，亦散發出獨特馥郁既芳香，解辣又清新！真係每一次三哥做既期間限定都好特別好好食🤤食過一次真係超級推薦今期呢三款新出品 有時諗唔到食咩譚仔三哥米線一定幫到你😂同埋好鍾意夜晚係鰂魚涌呢間食 係內街人少環境又企理 人靜靜服務又幾好…查看更多

譚仔三哥又推出新品！次次都好有新意，今次是又酸又辣的螺酸湯豬皮螺片米線🤤以傳統古法醃製的爽脆酸筍與酸辣豆角為湯頭，再配上深海的海螺切片，非常香的麻辣味，後勁也很強，又辣又爽的味道，再加上海螺湯的鮮甜味道，讓人止不住地一直吃一直吃！麻辣豬皮更叫我眼前一亮！豬皮炆煮得非常入味同時又保留口感！每一啖都混雜酸香甜辣的味道，愈食愈過癮！另一款新品是之前推出過的魚爽肚變奏版～以三哥秘製椒麻汁醃製成涼拌小食，爽口彈牙的魚爽肚再配上清爽微辣的手拍青瓜，正🤤🤤另外也推介鳳梨藍蝶花香梳打，打卡able之外，味道酸酸甜甜，非常解渴🍹✨…查看更多

夜晚諗唔到食乜，最好就係去食譚仔三哥啦！平平哋又幾好食⋯⋯果日同老公叫咗一碗過橋米線10小辣，另外要咗一客大土匪同2杯凍檸蜜，米線一到，阿譚仔姐姐即刻問我哋要唔要多隻碗，之後又叫我哋小心熱，感覺好窩心！食物質素其實冇乜特別，同平時一樣，中規中矩啦！…查看更多

因為Ian @Mirror代言譚仔三哥雲南米線，所以即刻去試下。平日下午5點不是繁忙時間，只有我和一位哥哥的客人，譚仔姐姐都食緊早飯。我入店即點了胡麻魚爽肚米線，加了腩肉，凍檸茶走甜，蒜燒茄子小食。胡麻魚爽肚米線湯底好濃麻香味，食開十小辣都接受到，不過魚爽肚太腥，不是人人可接受，魚肉燒賣幾好食，可以再試，不過要走魚爽肚。食完後，我問譚仔姐姐有沒有Ian的宣傳卡，姐姐說第一輪很快派完，她問總部再拎先有少量，所以每人只派一張。最後獲得Ian卡一張，抵到爛！…查看更多

譚仔三哥米線一直都有食，每次都中意買過橋米線，分量都算ok!每次都有竹笙，今次買冇見到竹笙！買左幾次過橋米線，分量味道都算唔錯！今日下午3點半左右又去買，返到屋企，先發覺冇竹笙！…查看更多

午時高峰時間長期有10個人以上排隊，只有一個收銀同時處理堂食同外賣單，就算已經電話落單，都要同其他現場落單外賣客一齊排。結果明明見到自己碗米線都要排15分鐘畀錢，店長話已經冚好蓋不會變凍，請大家配合排隊店內一直有一大堆外賣，大家都在排隊付款，排隊取食物，當場落單的還要另外等10-15分鐘，沒有員工organise排隊人流，落單畀錢拎米線全部走埋一堆趕時間的請三思，食物係一貫的三哥水準，但值唔值得你lunch時間用30分鐘排隊呢？可以的話服務我會畀0星，店家的速度同態度十分趕客…查看更多