譚仔三哥米線 (海濱匯)

營業中

休息中

#小秘書 今日試新嘢「咖喱魚蛋魚片頭」味道都唔錯嘅，不過啲魚蛋魚片頭上枱嘅時候都係凍嘅😅 最終都要譚仔姐姐拎入廚房叮熱先有得食... 呢云三哥有啲失策喎😅😅不過好彩呢個只係下午茶餐嘅 #小食，為食嘅我加咗個 #雙餸迷你米線 下午茶餐🍜 腩肉肥瘦均勻、魚腐軟腍腍咁，加埋10小辣嘅 #麻辣湯底，味道都唔錯😉 不過相比之前張餐單，新出下午茶款式少咗之餘，另加小食都貴咗😅 好在「海濱匯分店」下午茶嘅份量都比較鬆手，起碼唔會好似其他分店咁，夾一兩注就無晒料到！而下午茶嘅精髓，梗係要整返杯凍鴛鴦中和吓味蕾先至夠滿足啦！

呢間分店搞唔掂，質素咁差都好多人排隊，係因為開正係商業區，附近冇咩選擇，局住食佢。等食等咗接近30分鐘，上到來碗米線好硬，懷疑未煮熟，生菜得個幾片。地方算大，可以容納到好多人，但員工應該唔夠，出唔切餐。

食過咁多間譚仔，好似呢一間係最差。唔知係咪呢間午市特別多人，但係去過咁多次，無論係等位同野食，都要等非常之耐。最耐試過半粒鐘有多，仲要只係兩碗野。食物方面質素真係好差。D米線成日煮唔淋就拎出黎，硬崩崩又粗，一D都唔好食。雖然D湯夠熱和味道，但係米線質素真係好差，邊食得人架？就算D譚仔阿姐服務有幾好，我覺得都彌補唔到D野食咁差。呢間野我覺得真係要改善一下，如果咪有可能做唔住。

呢間譚仔三哥每次黎啲姐姐都好熱情❤️大叫「歡迎光臨」又帶埋位，加分！今次試新嘅酸菜魚好duck duck米線，一黎到就超香😌配上十小辣啱啱好，對於我呢啲平時唔食辣嘅都覺得ok，好正！鴨嘅油脂香好正，不過鴨肉偏少，而鴨腎有啲偏鹹，整體我覺得係值得一試

同同事嗌外賣返公司食我就叫咗魚蛋雞肉米線雖然今次食清湯，不過覺得個味有啲怪平時清湯都有少少味但係今次個味係真係好清好清米線都有啲硬另外叫咗杯熱奶茶反而杯熱奶茶係最正常嘅

冇兩個鐘lunch time真係唔好幫襯，1225坐底兼落單，1點追第一次，冇人理。1點4再追多次，都係唔理，周圍5、6枱差唔多時間入座既情況完全一樣，個個都等到燥底。好啦1點半終於有野食，唔好意思都冇句，仲要每碗米線都差咁少少野唔齊。成個場d樓面都唔知做乜，帶位、收錢、出外賣都係收銀一個做哂。今次好在同老細一齊食，唔係實比人話吞pop。老細講明叫同事唔好黎食，費事為食餐晏攪到個個都遲到Btw, 唔係一次半次係咁，係日日都係咁。

下午茶時段去，個場無乜人，都可以咁難食！叫咗個過橋米線，份量少得可憐，湯無味，米線係又淋又碎濕濕既，好似人哋食過咁！😓服務員態度又一般，作為擁躉都真係支持唔落！

正常工作天的一個lunch, 12:40 在櫃位落單外賣自取, 一客米線; keep 住在外賣區等, 最後13:40 才取到食物. 眼見廚房出食物很慢, pack 外賣姐姐等下pack 下.. 堂食分鐘分鐘食完兩轉, 返工lunch 外賣等足一個鐘, 實不能接受!

今日有個同事約食lunch, 所以就試下新開嘅譚仔，好衰唔衰放lunch 先嚟落大雨，個個都唔出去食，所以海濱匯勁多人等位或者等外賣。兩個人都算快入座，但係等野食就足足等左半粒鐘，唉！一個鐘lunch time 根本冇可能食得切，最後當然遲大到先返公司啦！食物味道方面，我覺得好普通咋喎！我比較鍾意食南記多d，甚至我覺得公司附近間車仔麵仲好食過佢😑😑都唔明點解咁多人幫襯？同埋，如果佢地廚房人手可以加多少少人，啲嘢食可以出快啲，我先會再考慮幫襯囉！