譚仔三哥米線 (葵盛東商場)

我11:30入座，睇住佢哋唔夠人做嘢。等到11:39，先至有員工俾張單我。我用Apps自己落單，11:41。嚟咗杯檸茶，然後見到其他客人已經食緊，而家寫食評嘅時候係12:14，我碗米線都未嚟。11:17，食物終於嚟咗。等到都唔覺得好食囉。…查看更多

今日來做野, 之後要醫下肚仔🤪 未試過佢d下午茶餐, 見到有個幾吸引, 要左三拼米線, 餸揀左豬潤魚腐豆卜😜要左酸辣, 小食原來可以揀兩樣, 要左香草雞翼🐔加手拍青瓜🥒, 另外要左熱奶茶, 等左一陣小食送來, 雞翼有兩只, 味道跟正價一樣, 只係份量少d, 青瓜🥒味道也唔錯🤩 之後來飲品同米線, 雖然話係下午茶餐, 但份量都唔算少, 酸辣湯少少酸好味😍 豬潤還可以, 米線質地都唔錯🥰 豆卜同魚腐浸左d湯都幾好味💕, 以47元有敢多野, 其實都算抵💕🥰🤩…查看更多

有次買 肥牛，鮮魚、魚腐、魚蛋、炸醬、米線，麻辣三小辣外賣，漏咗肥牛。今次買肥牛、炸醬、魚腐、鮮魚、米線、麻辣三小辣，又漏炸醬，每次都執漏，失望。發覺只要單叫多餸，就必定漏單，唔夠細心、經常性係咁，求求其其。只希望一次唔會漏餸。…查看更多

外賣嘅皮蛋 未打開袋已經閒到難聞的臭味一打開已經明顯睇得出變壞 以及超級無敵臭唔知點解可以拎出黎比人 因為外賣？覺得唔會返轉頭希望注意食物出品問題 明顯有問題就唔好比人…查看更多

叫兩碗米線，第一次試吓用個app落單，其中一碗，叫炸醬麻辣小辣走韭菜米線爽，俾少一份炸醬，冇走到韭菜，啲米線仲要唔熟嘅，我仲要再煮過叫一碗外賣定係可以錯漏百出？仲衰過打電話落單，用Apps落單仲衰過之前。…查看更多

今日去咗葵盛搵朋友，一齊去譚仔三哥食碗米線🍜。因為最近無乜食菜又想減肥，於是決定轉芽菜底，希望晏啲都頂得住。我叫咗三哥酸辣湯底小辣配豬潤。三哥米線嘅質素一直都好穩定，間間分店嘅水準都好平均，好少會失望，今日亦唔例外。湯底好濃郁惹味，酸酸辣辣好開胃，特別鍾意佢加入炸菜，味道更可口。當然食完要飲多啲水，因為都真係幾濃味。第一次喺三哥叫豬潤，咦，味道都唔錯喎，雖然豬潤比較薄身，但唔會嚡熠熠或者乾噌噌，當然亦唔係嫩滑嗰種啦。份量都幾算多，不錯！👍🏽…查看更多

之前幫襯過兩次譚仔三哥，講真都很失望吓。CP 值唔高，味道唔係咁好，服務仲要係差。唔明點解咁多死忠粉。最近隔離學校區商場，開咗間譚仔三哥，成為全邨焦點，更喻為屋邨新希望，咁堅？！等我試吓先。香辣回鍋肉蝦仁炆米線 （$48）呢款係無湯嘅乾撈米線，最適合夏天怕熱或者趕時間嘅朋友。相片同實物有一定差距就必然啦！但總算齊料。有齊回鍋肉、蝦仁、蕃茄，雖然唔太香辣，但味道可以👌🏻。鹹酸口味，宜速戰速決，食完即走。過橋米線 （$56）絕對係我食咁多次嚟最多配料嘅一次。感覺似食5餸麵咁。湯底係清湯，配料都好入味，豆卜、牛丸、腩肉、芽菜、腐竹……。份量好大，係男士size。今次揀咗清湯底，所以味道比較清淡。如果想食濃味啲，就要從湯底入手喇！雖然今次食得幾滿意，但始終對我而言，吸引力一般。唔明點解咁受學生歡迎。😅…查看更多

本身都知呢間嘅水準 係低過平均以下嘅但今次真係太誇張 完全唔似係食緊譚仔嗌咗牛肉做餸 舊舊都係牛筋 真心食到燥底個湯底濃過平時勁多 三小辣變小辣土匪雞翼乾到 好似擺咗成日咁雖然葵盛係美食荒島 但係都唔代表可以咁樣揸流攤食完今次之後 決定以後唔會再食呢間🥶…查看更多

小女喺葵盛返工，葵盛簡直就係美食荒島，商場裡面得一間連鎖快餐點、幾間茶餐廳、一間酒樓同幾間細餐廳，成日都諗「幾時會開返間珍奶舖米線舖」，等到頸都長埋，終於都等到！哩間三哥開咗一兩個月，每次經過都人頭湧湧，午飯時段，餐廳內外都會有一班中學生小學生，基本上係無可能短時間內等到位。今日專登2:00先去到餐廳，終於唔使等位、唔使同人迫，感動。裡面環境好寬躺、開揚同光猛，坐得都舒服。立即叫咗碗重慶酸辣小辣魚片頭米線！湯底好香好濃味，特別鍾意裡面加咗少少炸菜，好惹味，為成碗米線生色不少，但食食下覺得有點鹹同口渴。魚片頭有點令人失望，質感好淋，我期望佢會有少少彈牙同油炸嘅香味，但可惜兩樣都無。米線軟硬適中，叫咗少米線，份量合適。作為米線發燒友，我定會繼續支持！…查看更多

近排葵盛東商場開咗間譚仔三哥米線, 作為米線發燒友嘅我緊要去試下啦。 店舖位於商場嘅地下, 鄰近商場主要出入口。 一到午飯時間就有好多喺附近就讀學校 嘅學生慕名而來幫襯。現場座無虛席。餐廳採用自助發飛系統,全自動叫號。 我都等咗大約三分鐘就能夠入到位。我叫咗個蕃茄湯底嘅兩送米線, 嗰兩款送分別係豆卜同埋腩肉。一上枱個碗米線都超級大碗, 蕃茄湯底嘅香味撲鼻而來, 腩肉嘅份量相當多而且啲肉係肥瘦適中入口相當美味, 豆卜索曬番茄湯啲甜味, 可為係成碗米線嘅精華所在,非常好味！…查看更多