譚仔三哥米線

營業中

休息中

天才手機QR落單，估唔到到今日都仲未改，訪客身份入去點個米線都要填個人資料，有必要咩？今日我都係無落到單起身走左。唔知邊個高層諗出黎，佢唔覺得客人少左嘅咩？係咪又係個D落左決定就一定要做落去嘅傳統美得呀？機會比左，我都係食唔到，半年後再試。總之食個米線要我個人資料我就唔會食。

有日經過見到有張poster喺食火鍋，二人餐又包埋小食同飲品都喺$98，一於試試佢。其實感覺上有啲似喺加咗個爐熱住嘅譚仔米線，因為上到檯所有野都喺熟嘅，米線薯粉個啲都喺熟咗，基本上喺唔洗再放落去淥熟佢。今次叫咗個三哥水煮湯魚片鴨血鍋，除咗已經配上兩種配料，額外你可以揀多兩款同埋加錢再配多兩款，其實都幾抵食。然後再揀兩款小食同兩款主食，亦多可以加$5轉做炸醬飯。而飲品方面，加$3就可以轉做凍飲。其實如果兩個人食兩碗米線加埋野飲小食應該貴過個火鍋，所以如果兩個人食的話，性價比都幾高。

走進譚仔三哥，仲記唔記得嗰股香味？就係米線飄香啦！今次，我點咗個人最愛嘅過橋米線。湯底揀咗經典嘅酸辣，辣得嚟不過火，正！🌶️ 一啖落去，啱晒愛辣嘅我。18種配料，應有盡有，一碗滿足我嘅貪心，腩肉滑溜溜，牛肉入味，墨丸Q彈，豆卜吸晒湯汁，口口都係驚喜。 哥哥們，勁啊！雞翼真係要頂禮膜拜，孜然實在太上癮，香辣得嚟唔油膩，仲有那個辛味燒茄子，蒜香撲鼻，唔食真係會後悔。呢個味道，太正喇！土匪雞翼啊，嗲到爆炸，同埋米線湯底啱啱好嘅鹹香，食完真係暖笠笠。 今日食得開心過，撐得直情直爽。食物之餘，呢度環境都幾安逸，唔使等得太耐，來一碗心頭好，再加兩碟配角，完美嘅平民美饌，譚仔，我會返嚟嘅！👍😋💯

三哥最近出左個新湯底黑蒜，一於試試。上來個賣相都好吸引，有溏心蛋有叉燒有菜，味道好濃，溏心蛋煮到時間啱啱好，叉燒唔怕好肥亦都唔柴，好似係度食緊日本拉麵咁。可以值得一試。

今次叫左個過橋米線&土匪雞翼！首先講下個米線，唔會太軟都唔會太硬，啲嚼勁啱啱好。不過，呢個驚喜最大嘅係土匪雞翼。我真係係無諗過咁小小隻嘅雞翼竟然可以係咁香脆，仲帶啲微辣嘅味道，啲皮好脆，一啖落去即刻噴出啲肉汁，真係一個口感嘅驚喜，啲雞肉係鮮嫩嘅，同埋又係炸得啱啱好。而且，啲份量都好足夠，唔會令人覺得唔夠食。食咗一碗米線同埋啲雞翼，真係有種飽足嘅滿足感，令我有啲幸福嘅感覺。總括黎講，呢碗米線配土匪雞翼係真係帶嚟咗驚喜嘅一餐！味道正，配搭得宜，而且啲雞翼係真係一個亮點，絕對值得一試。如果你係雞翼愛好者同埋鍾意嚐下唔同口味，我絕對推薦你嚟試下呢碗美味，你會同我一樣感受到驚喜！

有名比你叫,譚仔姐姐,手腳會慢少少,淨係包外賣堂食嗰啲最後處理..一碗米線大概等咗30分鐘多啲..Btw新出嘅水煮湯軟殼蟹米線幾好食,雖然就係唔係好大隻蟹,但加埋配料都幾多

一入到門口要掃描QR  Code  落單，由於佢放低左枱面張單太耐，所以我掃唔到！好不容易請到該店員詢問，店員全程無同客人眼神交流，完全聽唔到講乜就走左，原來我個QR code放係枱面太久，所以失效😂到左食物環節⋯賣相差都唔緊要，碗米線啲湯太咸，個豬肚無味，算了！野食咁唔穩定，諗住叫支可樂，一定安全，等等等等⋯等到我碗麵食晒咁滯先來到⋯咸到我開始燥先來到，一打開啲可樂氣體谷晒上來，搞到我布袋同埋張枱濕晒⋯先有人話幫我抺張枱⋯我唔第一次食⋯我知道賣相唔係該店咁既款，我未去過咁差既譚仔⋯2-3個人企係個cashier 位收錢，得一個負責送餐，半個落order,其他人係度做乜⋯十間九唔應⋯近排見到依間店都有心理陰影！！

今晚屋企無野食，經過屋企樓下嘅譚仔三哥，講真自從譚仔分開咗有三哥同無三哥嘅分別，都已經好耐無食，點知今晚一試又出事了今晚一去到外賣員工態度差，十問九唔應，完全冇曬，以前嘅親切感都算，米線一到我拿拿聲攞返屋企，點知我買嘅牛肉米線超難食，牛肉好靭，湯又鹹，我叫小辣，一啲都唔似小辣，一啲麻都無，而尖椒皮蛋好喊，唔知點解仲有甘多人食，我唸多到好似7.11甘，枝梗有一間係左近貪方便而家連鎖店越嚟越差，香港有心機小店愈來愈少

譚仔三哥頭號fans，最近見到佢出左新既三酸撈薯粉，即刻放工去左試下😍，總要係薯粉底，薯粉配辣真係無敵好食😍😍🥢三酸撈薯粉 ($45)薯粉包括了墨丸同豬肉兩樣食物，紐紋薯粉彈牙而且掛汁，調味同配料都超級豐富濃郁，配料包括有薄脆、花生、芫茜及蔥花等，好好食，我揀左中辣，好過癮，食得辣既不防試下🤤🤤🤤🤤另外，小編叫左杯凍檸茶解辣，一唔記得叫少甜就成杯好似糖水咁🥹大家記得下次要叫小甜喇😂

很久沒有吃譚仔三哥米線了，和家人去了荃灣荃新天地二期的譚仔三哥吃米線，好抵食，三個人只吃了127元，因為有晚市套餐，叫一個四送的米線再加$20有一餸米線，還可半價食雞翼，三個人叫了三杯飲品，平均每人消費40多元，是不是很抵吃呢？！又好味又抵吃！

三哥管理越嚟越差 我平身都係鐵三粉 年資都有成10年 希望佢可以做得更好🥺店面長期人手不足 等位時間長 等食物時間都長 真係要正視呢個問題😵‍💫真係辛苦晒啲姐姐🥲係apps預先遙距取票 到左門口都有叫人先取票 等左好耐都無嗌飛 店內有八九張吉枱但其他食客就直入餐廳 變相嗌左飛都係白等🫠入到餐廳 🍴姐姐都好忙 所以決定拎QR CODE自助落單🥹🔺豬肉麻二小走九走牙 多麻$35豬肉份量都okay有8-9塊左右 食落爽口👍🏻湯底因為自己偏向鐘意麻香多啲 所以再揀左多麻👅多麻真係比係平時麻辣好多 好過癮🌶不過去到後尾就真係越食越鹹 好口渴🥺呢幾年三哥啲湯底都偏鹹 已經試過幾間分店 唔同地區都係 無左一開頭食物質素咁穩定😢🔺土匪雞翼 （大）$32🔺蒜泥白肉（細） $28呢兩樣小食都正正常常 維持到本身既質素🤣

見三哥重推左三酸撈薯粉，就試左佢既王牌配搭墨演+豬肉！一開始食落略嫌淡左d，之後越食越入味，食到最後都唔會太鹹的🤤建議配番d索汁既配菜like金菇同豆卜，應該會爆汁咁好味~

食米線一定揀譚仔三哥唔食得辣一定要揀10小辣最鍾意係胡辣湯底加幾粒魚丸再加配生魚片竹笙最索汁必叫 唔夠飽可以食辣米線一定要叫杯凍檸茶少甜再嗌多幾隻土匪雞翼餐 滿足一餐

身邊是否有愛吃三哥的朋友？我身邊有一堆， 但平時都是一個人去吃的，因為方便快捷。每次去到三哥，選擇困難症又會發作，因為配料選擇太多，人又貪心，樣樣都想食。不過後來我就索性選過橋米線， 一碗有齊18種配料， 唔使揀唔使煩， 湯底要三哥酸辣，少辣，有時怕太飽就叫少米線。配料中我最喜歡腩肉，牛肉，墨丸同豆卜。味道不錯。三哥酸辣湯底味道濃郁，辣味吃著比較溫和舒服，不會太搶。今日跟家人來吃，我們三個都點過橋，好耐冇試過一齊食三哥米線，覺得好熱鬧，這間店座位幾舒適寬敞，而且我地來時時間尚早，所以唔算太多人。另外一人點了麻辣，挑戰大辣，吃時沒說什麼， 但憑過後他走去便利店買了一大支茶飲，我們就知道，哈，應該巨辣吧！土匪雞翼都是必點的， 孜然味道很上頭。

☘️今日同屋企人食晏，大家都話已經好耐冇食米線，好掛住譚仔三哥咁話，我記憶中只係食過一次，冇乜特別印象，覺得佢比較淡味，唔及我響荃灣食開嗰間咁濃味！ 但應大家要求，就試多一次，比個機會佢平反！ ☘️我哋三個都揀咗過橋米線，貪佢乜都有，唔駛左揀右揀。一個湯底揀咗酸辣，另外兩個揀重慶酸辣，為咗唔好食到要不斷飲水，辣度只選小辣，感覺剛剛好😜。 今次食呢個重慶酸辣確係比普通酸辣濃味，而且好多配料，其實一個人真係食唔哂，下次都係自選配料就夠了，而且仲可以叫少米線😀☘️最細食嗰位自選兩種配料米線，但竟然夠膽挑戰麻辣大辣🤪，最後食到要不停飲水😅 ☘️我哋小食另外叫咗個拍黃瓜，麻辣豬脷同埋土匪雞翼，味道都唔錯！☘️整體來講都算可以，呢間坐位都算ok唔太迫。