譚仔三哥米線 (已結業)

譚仔呢類型快餐款式日日相同，實在無咩特別要打食評。但原來人大左要搵到人一齊食譚仔都唔係易事，首先對方要係愛好米線之人，第二比較食得辣，第三飯腳人數一個起兩個止，因為人一多就唔會食譚仔，會搵d易搵到位餐廳本人最愛譚仔三哥炸醬雞肉三小辣！麻辣香麻過癮，炸醬一如以往美味，雞肉份量偏少。再叫左一客口水汁皮蛋，唔知係咪太耐無食，皮蛋size變成迷你版口水汁係有花生味的辣汁，但辣度比麻辣低。跟餐+7配凍檸蜜，好難得同咖啡奶茶同價，好抵飲！…查看更多

一去到第一層見到好多人,比人叫左上第二層,其實都冇咩問題既。上到去二樓要同人搭枱都好正常,但係啱啱坐左10分鐘都唔夠就比人叫話換枱。之後想落單又係煩,成層好似得一個職員,仲要做埋收銀其實都好慘。但真係想落單都要係咁等。。。咁都算啦。落左單之後等左都唔算耐就有。我本來係叫酸辣既,咁我見碗野紅紅地食就霖會唔會係落錯左三哥酸辣啦,咁係我冇講清楚姐,我問題啦咁。點知食左2啖覺得唔對路再睇下張單,發現佢幫我落左三辛(雖然唔知係咩,但一定唔係酸辣)。其實我想講,我已經講左2次點解都可以聽到錯曬==ok,算。講番食物質素,魚蛋真係冇譚仔咁好食咁彈牙,我一開始以為自己食緊墨魚丸。。而且d腐竹明顯係煮太耐,林到可以煲糖水。不過唯一好過譚仔既係佢係大碗d既。但係我下次都係食番譚仔算==…查看更多

豆卜米線10小辣。前一段時間去了旅行 ，回來最想吃的卻是三哥譚仔， 來一個豆卜米線 健康一點味道亦很不錯， 豆卜很多，麵線香滑。 十小辣帶一點的香辣 讓人越吃越起勁，再配一杯凍檸檬茶中和一下那點辛辣。…查看更多

一個平時唔多食三哥o既人連續三個星期六去食三哥探討食三哥o既點餸策略......呢次點左豬膶竹苼酸菜酸辣湯底米線.豬膶唔係第一次食, 但第一次食係外賣拎返屋企, 嗰次非常差, 苦味好重, 但基於嗰次係外賣, 拎返屋企都要半個鐘, 當係受外賣影響畀多次機會佢. 呢次去返外賣嗰次同一間分店, 堂食個豬膶又真係好左喎, 無乜苦味, 整體唔差, 若然口感再爽啲, 肉地厚啲就好喇, 而家個質素未能打入Top 3, 但都係有興趣再點o既餸.竹笙本身無乜味, 我諗佢o既存在係為左食佢個爽爽地吸哂湯o既口感, 佢又真係做到爽爽地吸哂湯, 不過唔係好打動到我, 覺得平平無奇, 純粹覺得有啲野係個口"殺殺"聲, 仲要比其他餸貴$2, 以後唔打算再點.酸菜正啊喂！一食就要入Top 1！佢正在係夠酸得黎又有種好似經過發酵先會有o既辣味, 味道係先酸後辣符合我其實唔多鐘意酸辣同製o既喜好, 仲有啲酸菜好爽口♡(ˉ﹃ˉ)經過連續三星期深入"虎穴", 加埋以前食過三四次o既經驗, 唔計嗰啲一睇就唔會點o既餸, 已經將我打算試o既餸食過哂, 我o既Top 3係酸菜>腩肉>墨丸, 如果呢三樣食悶左會叫下豬膶、炸醬、腐皮. 雖然上星期點腐皮未如理想, 但係明明附送嗰啲係OK嗰喎, 而且我本身都鐘意食腐皮, 所以未捨得放棄佢. 仲有小食未研究完, 不過連續食左三個星期係時候要停一下, 小食策略要留待下回分解了. …查看更多

晏晝過旺中買嘢，買完嘢就同FD去左附近嘅三哥搵嘢食。其實食親譚仔都唔洗諗存啦，都係叫豬潤雞肉清湯薯粉，唔知係咪錯覺，硬係覺得三哥D配料係比得鬆手D多D，而且豬潤煮到啱啱好熟，雞肉亦都好淋，湯底黎講其實兩間都差唔多。另外叫左個皮蛋食，我認為皮蛋真係好睇個醬汁，三哥個汁辣係夠，雖然都好食，但係香就唔太夠，始終都冇譚仔個D好味。…查看更多

兩個女仔做完運動唔想食咁多，所以黎左譚仔食米線。叫左個套餐，貪佢咩都有，唔使再諗食咩餸。(好似有10幾樣餸)每次見到咁大個碗都好興奮。我見有d男仔有時候會自己叫一碗！應該會超飽！乍醬同酸菜係好體貼咁另上既！米線好林，索左d湯好入味！其實佢每碗煮既時間都唔算好耐，但唔知點解d肉真係好有麻味！自己最喜歡既係乍醬，甜甜地好岩用黎配搭。…查看更多

最鍾意食米線河粉之類既我，點會題過３哥，上次睇完佢個廣告之後一直都想得閒黎食但到我得閒既日子全香港都好似一樣咁得閒，大排長龍，無位食今日趁住拎假有野做，做完正經野特登黎食食左個豬肉牛肉酸辣米線豬肉都幾香又唔肥，牛肉就鞋左小小，不過食起黎ＯＫ酸辣米線，最緊要個湯好飲姐食左個炸醬酸瓜，炸醬好香，酸瓜好開胃…查看更多

最近新聞成日講三哥同5弟爭產爭權,最怕見到依D手足相殘既新聞,其實大家同心協力攪好件事唔得嫁咩所以特登路過食碗米線支持下食左個酸辣米線,辣度岩岩好,好開胃,好好味雞肉幾滑,不過好似細舊左炸醬另上,不過唔落真係唔好食,好惹味另外食左個雞翼,幾香幾脆難怪永遠咁好生意…查看更多

譚仔係天氣濕熱時好想食既美食，假日對自己好D，叫左個套餐，諗住乜配料都有真好！叫左扣底但米線量依然好多，今次叫五小辣但同平時食既味道根本唔一樣，呢款辣好多，極到懷疑呢碗根本係中辣，但阿姐話冇落錯單唔肯換，唯有硬食…………墨丸牛丸爽口唔辣，腐皮豆卜索哂D湯好辣食左一半都冇已經食唔到了！.…查看更多

今日LUNCH點零鐘個係旺角周圍搵緊食咩好既時候，咁岩見到大大個三哥既LOGO，諗起而家得番三哥先有薯粉，今日就食佢啦！行樓梯上到去，見到Ｄ間既環境都幾鬆動，姐姐都安排左我坐左入去轉彎最入既圓枱。其實我就一直都只係食清湯，唔係唔食得辣，只係我一食辣野就會勁出汗，再辣小小隨時要準備兩包紙巾。 但係既望左望餐牌，見到煳辣又係三哥先有，死就死啦，叫左個竹笙腩肉薯粉煳辣試試，再加三隻細土匪雞翼。首先黎左土匪雞翼um...面頭個隻有小小燶左，扣分不過，其實隻雞翼係幾好食既，食落又香又入味，炸得夠脆，雞肉可以熟到入骨之餘仲KEEP到超級滑！面頭既黑芝麻炒得夠香口，正！碗麵黎到聞落就幾香喇:)，試左啖就唔辣既，有陣類似胡椒既味，係有特色既，但我個人就冇話特別鐘意，所以只係覺得OK，竹笙夠爽，腩肉唔鞋，雖然碗麵唔辣，但係我食到一半就開始出汗。。。下次都係清湯算啦，辣野外賣番屋企食。另外，碗麵唯一唔好既，就係我唔太想食到酸菜...埋單計大概60蚊到啦，我覺得雞翼貴左小小咁。…查看更多

久違了三哥係旺角搵食 行左成條街 同朋友好耐無食三哥咁就行左入去去到搵餐牌 搵左陣搵唔到再睇真d原來個餐牌改左 靚左好多！我叫左酸辣湯底米線加左竹笙同乍醬酸辣湯底清清地帶點辣竹笙吸哂湯既味👍🏻👍🏻乍醬加埋落個湯到食 加重左味道👍🏻…查看更多

好耐好耐無黎三哥米線食野啦,自從裝修靚左,野食好似無以前咁好食,所以都小左黎今日一個人路過所以再試下食左個腩肉雞肉腐皮米線腩肉依然夠肥夠味雞肉好似越黎越淡腐皮浸得林左D不過最緊要個酸辣湯依然好惹味.所以食落好開胃之後食左個土匪雞翼,煎得好香,不過入面D肉唔夠滑,整體都幾好食既…查看更多

譚仔其實一向都好抵食, 尤其三哥有三酸可以揀!三酸其實即係酸辣, 冇得揀辣度, 大概待於5小辣左右, 加埋酸酸地既味道, 係非常咁好味既! 叫左牛肉加生菜好健康~ 份量都好多, 米線初初會有少少硬, 如果鐘意稔就浸一陣, 因為個湯底真超級熱既! 另外佢地配菜都唔會留手比好多, 芽菜九菜, 所以一個人食係好夠, 就算男人都覺得飽!有叫呢個11蚊既平前菜, 雖然平平無奇, 但番茄都幾新鮮, 勝在夠平呀嘛!…查看更多

譚仔係一個不滅嘅神話，拍得住m記呢d連鎖快餐店。我相信唔會有食得厭嘅一日了。係旺角買完手機，見到譚仔，又忍唔住上去食返轉。今次叫左我至愛嘅炸醬雞肉酸辣。事關以前一直食開麻辣，但最近又迷上返酸辣。感覺旺角店嘅譚仔比沙田好食點，味濃點。酸辣係酸又香，辣唔會太重搶左啲味。米線煮得剛好，有口咬而且入味。雞肉味重，份量剛好，重點炸醬，應該是秘製，肉特碎，味加上酸辣湯，絕配，食完令人想再食，唔想停口！抵佢發達，令人食上癮！…查看更多

第一次試三哥酸辣,唔太食得好辣既我就選左辣度10小辣D米線食落我就覺得好硬湯底好重味精,但都幾好味幾特別酸度都好夠但杯凍奶茶似糖水多過奶茶而且點左雞肉但個份量我覺得唔夠…查看更多