78
20
17
港鐵銅鑼灣站 C 出口, 步行約4分鐘 繼續閱讀
電話號碼
28386116
特色
適合大夥人
營業時間
今日營業
18:00 - 02:00
星期一至日
18:00 - 02:00
付款方式
Visa Master 現金 AE 銀聯
其他資料
深夜營業
酒精飲品
自帶酒水 詳細介紹
VIP房 詳細介紹
加一服務費
電視播放
球賽直播
食評 (121)
等級3 2019-09-19
216 瀏覽
同朋友聚會,梗係去打邊爐啦!呢度人唔係太多,夠晒方便傾計。我哋叫咗椰子雞湯底,唔單止味道好鮮甜,侍應阿姐仲幫我地走晒湯面頭啲油,好細心呀!我哋叫咗四色丸、水晶奶皇包、蟹鉗、豆腐紙、響鈴、魚滑同牛肉拼盤。好豐富!咁多樣嘢食之中,好多樣都好值得推介。首先係腐皮紙,佢唔似譚仔上面啲腐皮一樣咁冇彈性,呢個腐皮充滿豆腐花嘅味道,又夠滑身,好值得推介。另外牛丸同四色丸都好彈牙,真係手打嘅口感!仲有水晶奶皇包,都非常好食,薄薄嘅水晶皮包住濃厚嘅奶黃,仲好食過飲茶嗰種水晶包㗎 !到最後,阿姐送咗幾粒芒果糯米糍俾我哋食,好滿足呀! 繼續閱讀
(以上食評乃用戶個人意見 , 並不代表OpenRice之觀點。)
等級2 2019-08-13
451 瀏覽
之前已經留意左謙記火鍋好耐,今次終於都試到,兩個人食,叫得唔多野,但食物味道好有驚喜,服務態度都好好。首先前菜係螺肉青瓜,用螺肉做前菜都係第一次見,幾特別,個青瓜仲要吸哂d螺肉汁味,超好食!火鍋湯底叫左椰子雞,個湯好甜好好味,仲有半隻雞,所以兩個人食既話,唔洗叫好多野食都已經好夠飽,我地仲要一路食,一路飲佢個湯底;另外叫左手揤魚麵,唔可以話好好食,但都唔差,不過不失,但用魚肉揤成麵咁食都幾特別;手打牛肉好有牛味,正👍🏻!仲叫左一咋橙汁,真係鮮榨既,夠哂甜同新鮮。叫左3個送,1個火鍋湯,1咋橙針,埋單6百幾,都算貴,但味道有驚喜🤤 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-21
446 瀏覽
是日同一班老友相聚,鍾意飲酒吹水的我哋通常都會搵有獨立房間的餐廳作為首選,於是便來咗呢間火鍋老店,面積足有三層樓,其中3樓仲要全部都係包房。週末夜晚book埋房都算容易。價錢偏貴小小,醬料已經每人$22,大夥人都只可以免一支紅酒或白酒的開瓶費,但其他酒類如清酒、香檳每枝都要收$200,非常掃興。坊間許多其他餐廳包房都已經免開瓶費,呢度仲要收到咁誇張,有待改善。湯底不過不失,肉類的招牌牛頸脊非常正,但300幾蚊只有十數片。最後埋單每人$600,仲要冇食過海鮮類食物,是否值得,見仁見智。 繼續閱讀
(以上食評乃用戶個人意見 , 並不代表OpenRice之觀點。)
今日心血來潮想打邊爐, 於是就揀左銅鑼灣呢間老牌火鍋店 兩個人有個大卡位坐, 坐得好舒服~ 一坐低當然要混醬啦~ 有一碟青瓜螺肉做前菜 湯底揀左芫茜皮蛋, 清清地 特級金錢展, 爸爸話幾好 竹笙 梅菜豚肉丸 呢個同平時食果D丸好唔同, 都幾香梅菜味, 但感覺好似食緊梅菜肉餅XD 幾特別 墨魚滑都幾彈牙 四川木耳 日本黑豚腩肉 得幾片咋 不過肉嫩, 同平時食既豬肉片係有D唔同既 西洋菜餃 仲點左3罐大啤~ 飽晒~ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-08
762 瀏覽
窮遊香港-銅鑼灣打邊佬👍🏻.呢日去左銅鑼灣食椰子雞見到有間好似幾出名地方好大 有3層 店內設有包廂服務4-30人都得價錢中上 ‼️前菜小食要收$22蚊位但鮑魚相對幾抵食.⭐️椰子雞鍋$238(半隻)呢排食得多熱氣野 得閒都要食清淡d 湯底有木瓜 豬肉 椰肉去煮出味呢個椰子雞湯底幾清甜仲有一瓶椰子水 比你自己加(證明有用真椰子水).⭐️海鮮拼盤$198呢間用料算係幾新鮮特別係隻蝦 幾彈牙但帶子一般.⭐️磯煮鮑魚$38隻呢個好抵食煮鮑魚要好多功夫平時自己去街市買都要$20隻仲要呢個好大隻個人認為呢個抵食得閒對自己好d整番2隻都唔錯.#謙記火鍋 (銅鑼灣)地址:銅鑼灣謝斐道408-412號華斐商業大廈1-3樓.⭐️評分:味道:4/5環境:4/5服務:4/5抵食:3.5/5 繼續閱讀
(以上食評乃用戶個人意見 , 並不代表OpenRice之觀點。)