諸勝堂

營業中

休息中

怕酒樓飲茶多人，去冇乜人流嘅上環就啱晒，唔飲中式茶，作為香港人都有好多選擇嘅，港式茶一樣夠土炮夠味道普洱唔啱大胃住，絲襪奶茶過癮啲，好鍾意用呢種杯裝住奶茶，唔知點解感覺總係好飲啲，但確實幾夠茶味奶味胃民到臨近夜晚仲要飲咖啡，祝佢仲有好覺瞓啦我地嘅餐咁啱都配有牛奶炒蛋同多士，多士烘得幾脆口，炒蛋好milky同creamy好脫俗嘅叉意，叉燒唔會油到湯底泛油光，意粉唔會腍啤啤豬膶幾爽口彈牙，入晒薑汁味入面放咗好多關於香港名勝嘅貓畫，感覺更加local

前幾日係上環見到有間新茶餐廳開左，出面望落去裝修幾簡潔，餐廳入面幾光猛d位唔算好逼，所以就入左去食午餐。佢牆身係一d用貓貓做主角既舊香港畫，好有懷舊風味。佢有是日特餐，我去個日係自家製忌廉汁豬扒飯，不過我今日好想食豬膶，所以簡左個豬膶通粉餐。個餐好豐富，有4.3鮮奶炒日本滑蛋多士，我加左3蚊轉個熱薑汁奶茶。個奶茶味係平時茶餐廳好少飲到，佢薑味好濃，但唔會話好辣，驅寒唔錯，奶茶底都好濃，兩樣野溝埋一齊味道都幾夾。個多士上面塗左一層薄薄牛油，加埋d滑蛋食落去好邪惡，有時係餐廳食到d滑蛋好水好稀，但呢個炒得好滑好足料。我鍾意食薑，所以叫左個薑絲豬膶通粉。通粉軟硬適中，份量多，豬膶大大舊勁多塊好新鮮！

讚1. 薑汁豬潤通粉的湯底好，夠薑味，煲的清爽，炒蛋有蛋香，不是一味稀溜溜既質感2. 咖啡比一般茶餐廳好很多3. 很多貓的漫畫在店，很可愛彈1. 通粉太太太腍，豬潤煮得過老，如果這是招牌菜就不合格了2. 座位超超超超逼

呢排上環開左間新既黃店，即卡同朋友一試就試左3次。3次質素都維持到水準，店家宣傳用日本米同日本蛋，以呢個價錢係上環黎講，性價比勁高。最緊要助大黃色經濟圈麻自家製叉燒夠淋又唔肥，碟意粉煮得唔會過熟，湯底都好好味。整體係above average, 誠意之作！另外，加左$5要奶油豬。加$5真係超抵，印象係翠華食都要$10以上。奶油豬一食就知新鮮整，送黎既時候仲好熱，牛油同奶油溶埋落個豬仔到簡直無得頂！炒蛋都係非常之滑，$53 仲有埋即磨咖啡，咖啡屬於奶多，但跟餐送唔要求太高

這一天，天氣晴朗，正好到戶外走走，一舒悶氣。來到好一段日子不曾踏足的香港島，想找一個有興趣的地方吃早餐，終於揀選了這間門外玻璃上貼有米豬連認證的餐廳，見它餐牌上寫的早餐幾吸引，立刻決定支持支持它。本來是想吃這兒的招牌早餐之一的「日本蟹柳豚肉腸忌廉湯意粉」（$40）的，但這兒待客有禮的侍應告訴我這天沒有這A餐，那便吃另一款我同樣有興趣的「自家製蟹子醬三文治」（$32）早餐吧！這「自家製蟹子醬三文治」共有四款選擇，雞蛋、蟹子醬與生菜是必備的，第四款餡料就有蟹柳，豚肉腸、叉燒粒和五香肉丁可揀。我就揀了叉燒粒做最後一款餡料。等了不久，我的「自家製蟹子醬三文治」已經送上。兩塊已經微微烘過的麵包內，夾著漲鼓鼓的餡料，自家製的蟹子醬為這三文治餡帶來沙沙的口感，味道雖不太濃，但甚有特色。加上叉燒粒不少，配以炒日本滑蛋與生菜絲，豐富，飽肚，也好味。餐飲喝的是「熱奶茶」，茶色深，味道正常，茶味不淡，但可再濃些。才三十二元一份的特色抵食好味三文治早餐，味道有八成中環鐵皮大牌檔名店「裕興咖啡」的水準，沒有下花生醬，卻有自家製蟹子醬代替；沒用椰菜，也有生菜代替；不單有五香肉丁，還有叉燒粒做三文治餡，這間由年輕人

好喇～上環呢條街係中環低級打工仔既勝地，食野唔會過份貴，又可以醫飽個肚！咁呢間野係幾多後生去既，但店員串串地，我地三個人，佢比張二人台尼，我地望望d碗碗碟碟咁大，點食呢？所以再等過下一張就算，但呢野既印象唔太好啊！講返先，最簡單我揀蝦仁叉燒滑蛋飯，望住咁多proteins我就好喜歡了！食落都唔錯既，幾滑身，但老實講自己係屋企都整到啦！加d奶就得架喇！另外送杯熱飲，好又一餐唔好又一餐，大家見有位既咪入去試下，無咪下次！

不嬲最鍾意食常餐嘅我，好開心上環屋企附近竟然開咗呢間咁有質素嘅餐廳。初初星期日唔開嘅，同埋晚市都唔開，好快就賣完啲嘢就收鋪。但三月之後星期日都有開，令我星期日多咗一個好選擇。因為餐廳都比較細，坐得比較密，所以通常午餐都係嗌外賣，可以打電話去叫定先，之後去攞。最鍾意食就係嗰個火腿鮑魚絲通粉，炒蛋可以變太陽蛋，多士可以加$5轉奶油豬，呢個奶油豬超正，好脆口！！义燒炒蛋飯弥都正。另外仲可以叫檸樂煲薑，啱晒我！！見生意幾好，證明逆市肺炎下，只要你好食，同埋揀啱market，生意都唔會差得去邊。

今日晏咗食lunch，見唔需要排隊，所以立即走入去試下。呢間主打食豬的新茶記，食品種類唔多， 但環境及服務都幾好。今日我和同事一齊試「鮮薑汁豬潤豬骨湯通粉亅餐，配炒滑蛋、多士、熱檸水及凍檸茶少冰少甜。通粉 al dente，豬潤雖然唔夠爽口，但個味醃得唔錯，湯底夠鮮甜帶微微的薑汁味。炒蛋香滑、多士麵包新鮮。餐飲味道正常，但凍飲比其他茶記較細杯。 整個餐的份量，對細食的女士是足夠的，但對男士或好肚餓的時候，就會唔夠食😆。Overall 食物出品、服務、 衛生、環境都ok，會再黎試試其他食物。

早上上班前新蒲點星期一（ 2月10日）凍忌廉咖啡加大杯（+$3）又好味又大杯可以慢慢嘆自家製蟹子醬三文治 - 套餐 $32+凍飲加兩蚊（加大杯再加$3）$37蟹柳，雞蛋，蟹子醬，生菜第一次喺茶餐廳食到咁樣嘅三文治，多到爆流晒出嚟嘅餡料，又好味又豐富，估唔到一份三文治可以食得咁飽。星期二（ 2月11日）忌廉日本菠菜蟹柳豚肉腸湯意粉 - 套餐 $40+凍飲加兩蚊 $42配4.3牛奶炒日本滑蛋，鮮牛油多士本身對菠菜冇特別大嘅興趣，因為見到你一味新嘢俾佢吸引去試一試。有菜有肉感覺健康可以經常食。呢份炒滑蛋可以算係我喺茶餐廳食過做得最好嘅炒蛋。連續去兩日，我嘅新主場🎉😜本來今日中午想去試吓佢個lunch Menu，但見到太多人在門口排隊所以放棄了🤦🏻‍♂️順便推介街口全記鮮果，老字號排檔。$20一杯大鮮榨橙汁，平靚正。

最近這個月來，香港及多個國家地區受新型冠狀病毒肺炎影響之下，市面變得冷清！ 在我工作的上環區，受之前的社會事件及現時的疫情影響，也有些餐廳結業！上星期，新年假期後返工，經過上環禧利街，驚喜見到有間新開港式茶餐廳 <諸勝堂>，正是屹立4 年的日式拉麵店 <函館元祖北海道拉麵> 前址！現時營業時間：平日8:00~下午3:00供應：早餐 $42~$42 及午餐 $48~$58可以堂食及外賣午餐加入特色美食元素，令午餐口味更豐富吸引！外賣+1，等上大約10分鐘！餐具只給予1支膠叉及1支攪拌飲品的長膠匙！另有一包糖！鮮薑汁豬膶豬骨湯麵 $50由於沒有給予匙羹的關係，只好食完才用碗邊喝吧！湯底就是湯麵的靈魂，夠味又啱胃口，薑汁味都幾突出，豬膶有7片，份量都足夠，厚薄適中，火候亦恰到好處，不會太老又或者未熟透！湯麵的麵選用公仔麵，見到麵條依然是彎曲，以為口感有彈性，卻是口感頗腍不討好！好可能這麵質吸湯，或多或少都會影響口感吧！豬膶及公仔麵的組合都是邪惡的配搭，恐怕我試一次就算嘞！配鮮牛油厚多士香軟的多士，包邊較為香脆！ 塗上的牛油富香氣又不會有羶味！4.3牛奶炒日本滑