40
5
1
港鐵香港大學站 B2 出口, 步行約2分鐘 繼續閱讀
電話號碼
24154999
付款方式
Visa Master 現金
座位數目
60
其他資料
Wi-Fi
酒精飲品
自帶酒水 詳細介紹
電話訂座 詳細介紹
外賣服務
食評 (47)
西環區的咖啡及西餐廳的小店真是很多,有一間餐廳的名字都幾特別,吸引了我來一躺,就是《談風vs 再說》,原來是一班在九龍灣工業餐廳的文青的band友搬竇過來西環的樓下地窖,店鋪分成地面及地庫兩層,地面及地庫周圍放置了不少字體作品,也擺放了小家品及印刷刊物,同時也加入了不少木的原素,有不少乾花、素木的擺設。餐廳用餐區在地庫,都是以淺木色枱櫈,有一個小型live band 台及開放式廚房,餐廳中播放著輕快的音樂,而且好有私竇的感覺,同時也帶出簡約、年青及創作感覺先來一杯Affogato($56) ,一杯濃縮咖啡加上一球椰子雪糕,香甜中有出咖啡苦澀甘醇,散發出啖啖椰子飄香,咖啡與雪糕在口腔中冷熱交替,震撼出美妙的口感之後來一杯自家製可樂($52)內有檸檬、橙和豆寇 ,同時用了自家製香料糖漿加上蘇打水混合而成,味道都好清新天然,微甜可口,似一些可樂糖的味道,那份味道突然勾起了童年時時常食可樂糖的回憶。另一位友人選擇了杯迷迭香西柚梳打(rosemary grapefruit soda)($45),西柚汁帶有酸酸甜甜的味,加上梳打水,飲落冰涼順喉,加上迷迭香更添上一份清新的感覺。前菜先來一份Crab meat($98),混合了大量的蟹肉、青蕃茄及雪梨,將所有食材放置在牛油果汁上,啖啖清新香甜又有蟹肉鮮味,這是較清新怡人沙律。另一款沙律是魷魚刺身($98),它上面放置了一片片薄片的白蘿蔔,將秋葵打汁,一夾見到一粒粒的日向夏蜜柑及一條條白色的魷魚刺身,魷魚刺身非常鮮爽,加上清甜的白蘿蔔片真是絕配,更帶了魷魚的鮮味,蘸上加入了日向夏及秋葵汁醬,感覺好refreshing,非常令人有驚喜又美味,估晤到洋日fusion 的組合沙律都可以做到那麼有水準的效果。其後我們也點多一款沙律,這款是紅苦白菜沙律($74),加入了醋漬紫椰菜,沙律上面灑上了乾烏魚子碎碎,內裡還有一粒粒的石榴粒,賣相真是好吸晴,食落的紅苦白菜始終都會有少許苦瀝,再吃一點酸味的醋漬紫椰菜及清甜的石榴粒,中和了紅苦白菜的苦瀝,整體吃起來味道都是酸咪咪,都令人開胃。主食大家一致決定選擇自製豬肉腸($136),豬肉腸上面配白靈菇,汁醬主要用了洋蔥及芥末籽醬煮成,豬肉腸皮脆肉香,豬肉的味道非常濃郁,經過細味咀嚼後,回味中還保留肉汁的香濃,芥末籽醬汁帶出香甜美味,減輕了肉腸的鹹味,加上一片片的白靈菇,吃起來又不會太單調,爽口菌味馥郁,越食真是越滋味。最後點多一款side dish就是薯團(gnocchi)($89),用了 pancetta 煙肉、忌廉汁加上了油浸蕃茄烹調而成,香滑濃郁的忌廉汁與煙韌咬口的薯團真是很好的配搭,口感彈牙,好似食緊韓式年糕般,嚼中滲出鹹香的煙肉味道,非常滋味倍感。今年7月28日將會結業的「談風:vs:再說」,真是有點不捨得,食物都很有創意又美味,水準真是不錯,這些的只是留下美好回憶。 繼續閱讀
等級4 2019-04-11
1612 瀏覽
嘩,落到去係別有洞天有個台比live band,夜晚既話應該會幾有feellunch set仲包一杯嘢飲我地就揀左兩款三文治有沙律兩款既配搭都好特別,好有依到既特色自家製醃三文魚-南瓜藜麥沙律-酸種麵包$112佢個自家製三文魚醃得好入味好好食三文魚既味道更加出少少酸得嚟又唔係酸縮既臭味南瓜嘿藜麥都比我挑走晒就咁食個包同三文魚都好食自家製火腿&金文畢芝士蘋果三文治-芥末籽醬$108個醬甜甜地幾好食個配搭幾新穎,特別得嚟又好食喎Yeah覺得自己分得好好一人一半可以試晒兩款兩款麵包都係自家製依到自家製既嘢食都好好食三文魚好食啲但火腿嗰個醬又好食啲所以我都揀唔到邊個好食啲,兩個都好食我就揀左凍朱古力同事揀左熱柚子薑茶☕️個薑味薑到辣同事話好正,我就不了每人一百多啲啲2款麵包都好有特色,都嚟試得過 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-07
1275 瀏覽
是日中午黎到西環石塘咀食lunch,餐廳鄰近香港大學站,非常方便易搵。一黎到門口就感受到濃濃嘅文青氣息午餐有多種選擇,價格適中自家制醃三文魚-南瓜藜麥沙律-酸種麵包三文魚用岩鹽、糖、同香草自家醃左三日,多咗一份鹹香,魚肉非常軟滑又肥美,充滿魚鮨香!配上非常香甜嘅南瓜同清新的藜麥沙律,仲有自家製酸種麵包,健康又飽肚荷蘭鬆餅主要成份有雞蛋、牛油、麵粉,荷蘭鬆餅口感香軟,軟腍有蛋香,亦有微微鹹香!中間有一球啤梨雪芭,都係自家製的,滿載天然啤梨香甜味仲有大量新鮮雜果,色彩繽紛,仲充滿果甜香焙茶提拉米蘇呢個tiramisu同平時的好唔同,面層係獨特的焙茶薄脆脆,入口好鬆化,有濃厚茶香!當中仲有黑芝麻雪糕、印度嘅朱古力糖、同黑芝麻哈爾瓦酥糖,整個甜品帶有超濃郁的黑芝麻同焙茶香味,兩者嘅味道都好夾!最底下係自家製朱古力醬,甜度適中,唔會太膩!呢個甜品嘅口感層次同味道都好豐富的哦丁香伯爵茶呢杯係非一般嘅伯爵茶,將丁香炒香然後加入片糖,使到伯爵茶多左份丁香獨有的香氣,唔會太甜熱泡沫咖啡咖啡味濃厚醇香,奶泡細緻幼滑 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-01
1157 瀏覽
之前係IG見到環境好唔錯,仲bookmark左,今晚特登去見下真身。路過門口都唔知係餐廳……原來店面分兩層,樓上賣小家品,下層為餐廳。裝橫走文青風,樓底高,有巨大的空間感,用不同款式的木枱木椅,很有趣味。Stage有不定期音樂表演,可以留意佢地IG動向,經常爆滿。這裡文青得黎又帶有香港本土特色,包場搞特別聚會都幾有gimmick。菜單食品有你想象唔到的創意。黑啤麵包配豉油牛油牛油鹹鹹地又幾好味喎,感覺冇平時齋食牛油咁腻,麵包唔係軟熟個種,有d raw的感覺,好似幾健康咁。雞豆芝麻醬 ($78)枝豆、雞豆豆腐、薄荷富有日式風格的前菜,嫩滑的雞豆豆腐配流質的hummus,豆味已經十分濃郁,再配一粒粒的枝豆和鷹嘴豆,口感更豐富,而mint也為豆味帶來清新的味道,素食得黎一d都唔單調。燒南瓜 ($122)三色藜麥、栗子、青蘋果昆布脆片賣相好有創意,一塊塊脆片插在quinoa上,烤南瓜很有質量,帶點烤的焦香,仲有我喜歡的栗子肉,非常有飽足感,而crispy的昆布片有點醬油味,配quinoa食,味道有多種層次。蟹肉雲吞 ($148)黃酒蟹汁、燒蔥、蝦油、椰菜花雲吞蟹味一流,講你都唔信,餡料係滿滿的蟹肉,加埋黃酒蟹汁,蟹味double up,再多點黑色的蝦油,又多點鮮味,燒蔥好香,又可以balance返個蟹味,此中西合壁傑作,令人回味無窮。焙茶提拉米蘇 ($86)黑芝麻雪糕、黑芝麻哈爾瓦酥糖灰黑色的甜點外表很有特色,同平時見開的tiramisu很不一樣,用匙羹一挖,就吃到裡面焙茶cream和手指餅乾,夾住黑芝麻哈爾瓦酥糖食,質地濕潤,軟綿口感,非常創新的dessert!由於事前冇咩睇過食評,所以相當有驚喜,大廚對食物有新的嚐試,煮出新的味道,期待下一次試新的菜式! 繼續閱讀
(以上食評乃用戶個人意見 , 並不代表OpenRice之觀點。)