誠記

營業中

休息中

想食下茶餐廳野，又唔想黎黎去去都係個幾間 特登上網搵下港島有邊間好食，就比我搵到誠記🙌🏻 誠記係熟食中心入面，電梯上到就即刻見到，好容易搵，黎到都好多客人 見到最出名係沙爹牛麵，就即刻叫返個！片片牛肉都大大塊 唔似有啲餐廳得啲肉丁 肉質都好好 唔似拿過嘅 沙爹味都好香 整體黎講好滿意！ 朋友就叫左個魷魚麵 都幾好 魷魚幾新鮮 份量都ok另外我地仲share 左份煎蛋豬扒 份量都十足 豬扒煎得好香 個面好脆 仲有份西多士都好正 唔似出面嗰啲死甜嘅 唯一不足就係軟左啲唔夠脆嘢飲方面 我地叫左一杯大奶茶 黎到真係好大杯😂 仲要唔係90% 都係冰嗰種🥺 整體黎講好滿意 唯一不足就係因為熟食中心環境太大 班伙計要周圍走落單傳菜 所以有時都會漏單同要等耐少少🥲不過overall 超推薦！

必須加入沙嗲牛麵關注組！以前間中都會來士美菲路呢個市政大樓覓食，誠記向來都會是首位。除非有時例休就會試了別的餐廳。久別再來，覺得…點解咁好食但好似無人提及。.。沙嗲牛肉米粉+熱檸茶 $43沙嗲香濃，味道偏甜，辣度剛好不會太辣，不自覺都喝了幾口🙈 （很重口味的me ），米粉又會吸了沙嗲湯，非常滋味。牛肉還可，大部分都好嫩，只有少少有筋。雖然覺到有些評語說職員好像很有態度，很不友善。筆者就認為只不過都是吃東西，職員亦只是冷漠一點，服務還是正常吧～ 特別佩服老闆超強記憶力。

今日星期日到堅尼地城誠記食, 叫咗招牌沙嗲牛墨魚麵. 之前已經食過幾次, 覺得好正好好味, 墨魚鬚好大條, 爽口, 豐滿; 奶茶好滑好好, 另外職員態度之前都好好.但今日黎食實在大失所望首先, 圖中職員態度好差, 每個人正常咁同佢講嘢都會好重語氣, 擘大對眼好惡咁瞪住你. 每講一句都好似得罪佢全家咁. 附近幾枱都有人話, 今時今日態度差到咁…其次, 食品等太耐. 第一碗麵好快到, 但第二碗喺食完第一碗+因為等太耐而去隔離買嘅嘅炸兩都未到… 催咗三次先有. 10:30落單, 11:15先有得食…誇張到最後, 啲墨魚鬚冇之前咁好味, 今次食啲鬚好幼好腥, 但奶茶仲keep到之前嘅水準, 有奶味同茶味.平時星期六朝早食一樣咁多人, 但質素同今日星期日差好遠. 建議特登黎食嘅話平日好好多.失望

📍誠記西環堅尼地城士美非路12K號士美非路市政大廈2樓熟食中心行開堅尼地城，食吓出名嘅誠記。佢係香港沙爹牛肉麵關注組嘅寵兒～沙嗲牛肉煎蛋公仔麵 $35｜煎雙蛋好正！一篤爆佢就好多蛋黃汁漏出嚟～牛肉唔係用鬆肉粉醃，有啲爽口，唔錯。冇得轉一丁，只係普通公仔麵，但係麵質煮得夠硬身，唔會腍擗擗，唔錯唔錯！沙嗲唔係一擗沙嗲醬，而係一煲沙嗲湯，幾稀但好濃味。我個人唔重口味，會覺得太鹹，嗌咗杯凍華田（$18）都解唔到口渴。法蘭西多士 $18｜多士係舊式麵包舖嘅味道，覺得有啲奇怪，但形容唔出，唔知係過分發酵嘅味道定係油饐味。口感有啲腍、外皮完全唔脆，唔明點解咁多人推介呢間嘅西多。

The most famous food here are satay beef noodles and French toast!!! No time to eat so many stuff.According to comments in OpenRice, the chicken sandwich is good. I try this today with scrumbled eggs and toast. The deep fried chicken is nice, hot and crispy. I can still find the chicken is still juicy. It is freshly made and it takes some time to come!!! If more mayonnaise, that will be great!!!I like toast more but I think the bread will be better to match with crispy chicken!!!👍🏻👍🏻👍🏻The staf

西環堅尼地城熟食中心嘅誠記鍾意食沙嗲牛肉麵嘅朋友，應該都有聽講過😍熟食中心樓底好高，誠記佔嘅空間都有幾十張枱見到有位就可以行埋去坐😂冇位就要睇吓有邊啲人食完喇～呢度落單，要叫同事嚟幫手🙏🏼🙏🏼唯一唔好嘅地方就係同事非常繁忙 所以見到有同事經過就快啲叫嘢食啦沙嗲牛肉麵湯底非常濃郁 佢又唔同配料可以俾大家揀 最多人揀應該係午餐肉同炒蛋 仲有太陽蛋等等❤️❤️份量非常多！另外叫一杯凍飲都係10幾蚊 十分推薦大家黎試下😈

大隻仔今次覓食嘅店舖就係💥 誠記 💥 「誠記」可以話係 Kong U 學生同西環街坊既早、午飯堂，食物種類多元化，講得出嘅茶記配搭都可以煮到出嚟，淨係公仔麵都可以有20幾款食物可以選擇，而且價錢大眾化，深受附近街坊歡迎，「誠記」出名沙嗲牛肉麵同西多士，但大隻仔覺得椒鹽墨魚頭同奶醬多士更加好食。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 奶醬多士 $8麵包夠厚，烘得夠脆，真正做到外脆內軟，多士夠熱，花生醬已經完全溶晒，而且查得均勻，每一啖都食到花生醬同煉奶味道，絕不馬夫，超級好食。👍👍🔥 沙嗲牛肉豬扒麵 $35誠記出名沙嗲牛肉麵，沙嗲牛肉湯底香濃，沙嗲汁已經完全混合湯裏面，但牛肉入口唔算好淋滑。豬扒肉質亦比較結實，唔乾柴 ，但唔夠鬆化。🔥 椒鹽墨魚頭飯 $54 配熱飲+$5 / 凍飲+$6大隻仔覺得墨魚頭係咁多樣食物之中最好食，嚟到誠記一定要試一試。😉😉椒鹽墨魚頭飯睇落冇乜色水，原來豉油喺白飯底下，記得拌勻先好食，豉油唔會太甜又鹹鹹地，撈

嚟到西灣熟食中心嘅頂樓（2/F），會一會出名嘅沙爹牛肉麵。環境同普通嘅熟食中心無乜分別，都係幾間舖頭啲位連住搵返舖頭前面啲凳坐就得。自己揀位坐低之後睇餐牌落單，朝早10點左右去食無乜人，落單之後等咗幾分鐘就有嘢食嚟。凍奶茶，$8（跟餐價）。外表吸引，飲落正正常常，無話特別出色，但照叫都唔會中伏，想飲嘢嘅話我覺得可以照叫。沙嗲牛肉麵，$35，最common冇加其他配料。牛肉數量都有6-7舊，肉質唔會話霉霉爛爛，或者有鬆肉粉嘅感覺。麵質都係普通軟硬嘅程度，硬返啲會比夠好。最驚喜係個湯，沙爹同花生醬味都好濃。

食過幾次tea time, 都算多人 但都易搵到姐姐落單早兩日做嘢去開堅尼地一定要嚟再回味下個洗腎湯🤣🤣今次lunch hour嚟到，都滿滿哋幾經辛苦落左單又驚佢漏😅等完又等 終於有嘢食必叫沙嗲墨魚頭牛肉麵 好鍾意墨魚頭 好爽口😆湯底好濃 好味雖然喊左啲 食得多 個腎應該係咁先🤣🤣但食親都忍唔住飲幾啖湯🙊🙊凍飲有分大杯同正常正常$14，大杯$16每次都飲大杯凍檸茶 飲極都唔完咁 正😂😂見到有咖映多，即管試試，um....非常普通又唔係好咖映，可以不試西多士都ok 正正常常

上到黎熟食中心見誠記咁多人就坐低左，去到未食過既餐廳通常都叫d招牌野試，所以就叫個誠記炒飯試下先，即叫即炒出哂煙夠哂熱，份量正常好夠鑊氣飯有米香味，但落油重手左，食到後尾覺得飲左匙油係口咁，配料正正常常都算多，叉燒有少少肥同有叉燒既香味有驚香，唔係用埋d淨瘦叉咁“鞋”口，配埋凍檸茶就爽哂，51蚊有埋凍飲算係咁，個餐牌仲有咁多野食下次再黎食其他野原本想叫誠哥炒飯，但係見到佢有什豆就放棄左，另外加3蚊仲有得轉大杯裝，我飲唔哂就冇加大啦

市政街市，衛生環境不可要求太高，總算還過得去；假期到來，真係人山人海。奶茶($14中/$16大)～香滑奶味濃，但茶味偏淡，大大杯都只係$16，非常超值，雖不是我杯茶，也可一試。法蘭西多士～$17外熱內凍，煙韌唔脆，明顯係翻熱效果；雖然價錢平，吃了兩件便直接放棄了。是我要求過高？還是純以平來看待？但失望係未能避免，真唔明點解咁多人。誠記地址: 西環堅尼地城士美非路12K號士美非路市政大廈2樓熟食中心電話: 28176931

香港沙嗲牛肉麵都關注呢間嘅沙嗲牛肉今日經過西環一於試一試☺️☺️喺熟食中心入面環境都一般不過都算乾淨多位嘅服務就普普通通啦💜沙嗲牛肉紅腸公仔麵，沙嗲牛肉煎蛋公仔麵🍜紅腸都有4塊，沙嗲牛肉份量都多煎蛋估唔到有2隻呀🫢🫢🫢紅腸同煎蛋都正常發揮👍🏻👍🏻👍🏻至於為佢而黎嘅沙嗲牛肉就有少少失望佢嘅汁都有好香花生醬味不過佢浸晒落啲湯之後就淡味左啲肉就幾冧幾好味嘅如果想食無咁濃味可以揀佢我自己就都係鍾意好好運嘅沙嗲牛肉多啲😛😛😛💜西多士🍞一黎到就已經幫你切好晒上面仲有一pat牛油煉奶而入面就有咖央醬咁嘅配搭都幾特別😊😊😊不過咖央醬唔係好夠最出面個啲好似食緊普通炸麵包咁🫢🫢🫢

-{堅尼地城沙嗲牛🍜}🤤沙嗲牛通粉配豬扒炒蛋🤤 ($38)一碗有三個餸好誇張😂😂😂豬扒正常size二剎車個湯係濃汁咁樣唔係平時嗰種醬type!幾重花生味但又有少少辣咁😎通粉都好掛湯👍牛肉係有啲韌嘅😌呢隻炒蛋係平時屋企會食嗰個種🫡豬扒大大份但味道就正常啦🙏👖褲評: 7.8/10題外話店員叫我order嘅時候要一齊上如果分開上就變咗$51😂😂😂😂環境就麻麻哋啦不過呢個價錢嘅話性價比好高😎💁‍♀️性價比: 9.5/10服務: 7/10環境: 5/10🚩 誠記 🚩地址: 西環堅尼地城士美非路12K號士美非路市政大廈2樓熟食中心 #fuudjai #fuudjai港式 #fuudjai西環

唔夠人手，半個鐘都未必有人理你，求落單n次先終於有人理，仲要俾佢話，唔耐煩問你仲有無，死霸難霸咁多枱，但又無人手接，眼見好幾張枱轉場唔等，貼錢買難受建議周末黎食野，打定底先好黎。

⭕️總評：好像是「沙嗲牛肉麵關注組」的寵兒。茶記的東西，愈是簡單，愈考功夫。在這間西環老牌茶記，來一份熱烘烘的、外脆內軟的牛油煉奶西多士（西環名物），沙嗲牛麵加雙蛋（喜歡這種保持了肉質有咬感的牛肉，不會下太多粉弄得質感很假），加一杯奶茶（雖然奶茶只是中規中矩），就是一頓滿足的comfort food。💵Budget: $65 (lunch) 📍 誠記西環堅尼地城士美非路12K號士美非路市政大廈2樓熟食中心