試試佢 (已結業)

最近openrice有優惠推廣，所以搵下附近有咩食，見呢間食物價錢合理，評價賣相又吸引…真係絕對值得一試，店主每次都即整腸粉，啲野食真係好好味…真心推介，最緊要係店主真係好有禮貌，一定會再支持

今日呢，放假喺屋企打咗成日機。到夜晚就開始覺得肚餓，我就諗起上次呢就去新北江商場呢有間新開嘅舖頭食咗一次佢哋呢個涼拌撈真係非常之正。今次嚟到見到佢哋換咗餐牌又多咗好多新野，咁我就試吓新野，試咗一個花甲炒烏冬同埋一個涼拌撈。我睇住佢哋即場炒個花甲好香，我嘅飢餓感即刻飆升，整得快手兩個字，搞掂即刻衝返屋企食。佢加咗好多配料去炒真係好香，炒得入味啲花甲好正。涼拌撈，水準依然係咁高，食得我真係非常之飽同埋好好食下次我會再嚟！一個字講晒，真係好正。

好食又唔貴兩個老闆態度好好野食好食腸粉蒸得恰到好處，唔會鞋口牛肉叉燒都好入味仲可以要求加自己喜愛既配料（例如蔥或洋蔥）豆漿好滑花甲粉湯底好滑足配料紅豆鮮草唔會太甜，甜度岩岩好豉油好入味，好香👍

行過見到有即做腸粉，嗌左份叉燒腸粉，居然係自己磨漿即叫即蒸，真係眼界大開（聽講個豉油仲係秘制）食落有驚喜！勁滑又細嫩仲嗌左個花甲粉，花甲同粉份量都唔少又幾惹味～～

今日落雨本身唔想出街，不過後來停雨覺得好餓.都好耐無去過新北江，近近地搵下野食醫下肚先。行左一轉見到有間舖招牌幾特別，有塊黑板仔寫住石磨腸粉。咁我唔記得帶現金，上openrice睇下，間舖有開openrice。用openrice自取，有重料花甲粉同新鮮石磨腸粉。兩樣都未試過，一於試下。花甲粉個湯底睇落好白滑，老細就撈起俾我睇，原來入邊有番茄、豆腐、秀珍菇，聞落好香。腸粉我見到有部石磨機，幾得意就叫左兩份試下，老細話牛肉同叉燒最多人食。番到屋企，即刻試左個腸粉先，因為老細話腸粉一定要趁熱食。D腸粉真係好滑，同個豉油真係完美搭配。好薄但好好食！花甲粉有椰香味，加少少辣真係好正！唔怪得之個湯底可以飲