詠藜園四川擔擔麵

營業中

休息中

晚餐冇人住，唯由近近地去附近美食坊睇下有冇咩新野食，見到擔擔面就心郁郁想食。排左幾個字隊已經有位，逼不及待即刻order擔擔面 小籠包 上海炒年糕嗰啲，但最大期望既就係擔擔麵！果然冇令我失望，正常人可能覺得偏咸，但絕對岩我口味，啲湯唔稀，仲杰杰地，加埋好旨既花生味同埋花生粒，正！未食曬啲麵就飲曬啲湯！其實野都唔錯，都夠味夠鑊氣！年糕唔太軟身，幾有口感，反而粗炒比較削同埋比較油膩，尤其底嗰啲肉碎菜碎，要過下水先食到！

星期二晚上去開紅磡，最少十年冇食詠藜園，好彩唔使排隊。兩個人叫兩麵三餸，$3佰幾埋單，份量比坊間大，但比起以前，味道差D，問阿姐D麵係咪手打，佢有D猶疑答「係呀」😂整體服務OK，價錢相宜，但味道真係⋯⋯差D。

久不久有光顧，食物質素ok，但服務向來不予置評，今次實在不吐不快。晚上入座，6:25pm下單，吃不夠1小時催付款，埋單後要求加茶，正在鄰桌執枱的侍應，直接把人家喝剩不足半壺的茶拿過來。就算廚房出色，樓面都把好印象掃去。

詠藜園好有名氣，o係黃埔做咗好多年，我星期六晚去，full house一坐低有兩碟小點放低擔擔麵（辣）：麵夠煙靭，但個湯底唔香，食到後來個麵吸多咗湯汁之後好食啲，不過質素差過新開業既時候，呢個招牌菜已經唔再好食蒜茸油麥菜：炒得唔夠耐，菜梗仲硬硬地... 仲有粒米黏住咗o係啲菜上面雞絲拉皮：即雞絲粉皮，個麻醬缺少咗芝麻香味又「粒」口，食果陣一pad pad醬糊咁東坡肉：全餐唯一我覺得好食既菜，個醬油冰糖味道洽到好處，舊肉夠肥，層皮咬落有油香，不過咁，佢炆得唔夠火候，啲豬肉唔夠冧，做唔到正宗東坡肉果種入口即溶感奇味雞煲：究竟奇味在邊呢？奇在太普通都可以上枱？又唔辣又唔香，豉油雞煲都應該好食過佢.... 啲雞又唔爆下先，爆到金黃色有少少焦先再落醬汁，個雞煲先會惹味好食囉.....總結：全部餸菜都唔好食又唔難食囉，全部煮得無heart，所以要比劣評，希望香港人對食物既味道更有要求，餐廳出呢個水準既食物，就唔好再幫襯啦.....

位於紅磡既詠黎園非常出名，出名在咩呢？就係佢個擔擔麵！難得今日Foodd 行過紅磡，當然就要去試下啦！佢既擔擔麵有兩個version，一個係Original 得花生無豬肉，另一個係貴10蚊既改良版有豬肉既。今次試左佢個original, 佢個湯底唔係好辣但唔會好似出面果d湯底咁稀。另外麵條好有咬口，加上好掛湯，再加上小小蝦米做釣味，成件事好正！另外都試左佢個小籠包，皮方面比坊間既薄左小小，好易穿。不過，湯底好濃，個肉都好正，完全搭夠左佢個缺點！

平時行過都見到呢間都好多人排隊，今日行過見冇乜人所以就入咗嚟呢度食咁我哋分別就叫咗鮮肉小籠包有個津白，同埋一個素菜炒麵，仲有碟涼瓜。小籠包幾好食入邊啲汁加埋d餡料。個素菜炒麵可能真係因為全素嘅關係味道就有啲淡。至於個青瓜呢度張相就認得唔係咁好同埋啲相就認得太少個青瓜呢都幾爽口，至於個津白我覺得就一般，呢間野勝在個價錢大眾化。

以前係老主顧，已經好多年冇嚟啦，現時，方便好多，大廈旁有地鐵站。今天偶然經過，是大概下午五時左右，沒有太多人客，於是，入去再嘗嘗舊味！當然點叫招牌菜式，擔擔面，加辣，滿有期待，送上來時，望落都對版，但成碗面都細size左，無妨吖！食落去，總是覺得味道有偏差，同以前有唔同，沒有以前的香味四溢，似缺少左d野，幸好，面依然有水準，彈牙，不過糊！再點叫，湯包，有四只，湯包餡全都是肉，一丁點菜或其他配料也沒有，而且，四大舊肉，難食呀！失望！

黎到黃埔，不得不再幫襯詠藜園，一唔辣一辣的擔擔麵，麵質軟硬程度適中，香口噗鼻，一吃下唔辣的也不膩，而且湯底內有花生粒，蔥、冬菜（不知道是不是）很爽口，記得以往擔擔麵較膩，吃完一碗已不想再試其他食物，如果你喜歡味道濃郁，辣味適合你，我不嚐辣，所以唔辣較合適，現在仿保存良好擔擔麵質素的店沒有多少間，詠藜園是其中的選擇，此外，還點了一客鍋貼，仍能保存水準，肉質味道不錯，煎至底部脆，外皮軟，不過略為細一點。

自從黃埔站開通後，方便左好多，間唔中都會來看下電影。戲院周邊到處都是食肆，任君選擇，咩種類都有。近近地，過左隔離的蔡瀾食坊睇下，見詠藜園這個時間不用排隊，就入黎食下出名既擔擔麵啦！其實之前都幫襯過，但已是幾年前的事了。見有“改良擔擔麵”，是不是改良後更加好味呢？其實食完都唔係太知同普通版分別在哪裡(笑)。好味便是啦！紅湯抄手，見出面食的多數都是紅油抄手。會唔會紅湯比紅油無咁多油呢?再叫埋一口鍋貼，已夠飽了。水準保持到，價錢都算便宜，是看電影前後醫肚既不錯選擇

小籠包皮不夠薄，湯汁不夠多，但係湯係濃稠嘅。薰魚好食，炸到表面脆脆，淋上醬，值得推薦！白葡萄，係心機菜，但係個芡太濃，蓋過本身蘿蔔嘅味道。擔擔麵上次食完一直念念不忘，今日冇叫到，下次要食！ 服務態度就唔好太有要求啦！每個都係有性格嘅人！

首先講吓詠藜園嘅歷史先。。。 我好細個嘅時候，詠藜園係响鑽石山木屋村，因為一場大火，整個木屋一村燒毀了。當年我同屋企人每星期都會去一次鑽石山木屋村，因為嫲嫲，表弟都住這裡，午餐都會來呢度食碗擔擔麵，當時餐廳係一間好平民街坊嘅食店，大火後，今時今日才搬來到黃埔美食坊。現在的詠藜園，已經攞了好多獎項！佢最出名嘅，依舊係擔擔麵，每次再來，都有好多童年回憶！原湯炒手 $48 有8粒皮薄肉質鮮嫩辣擔擔麵 $3530幾元一碗麵，今時今日還可接受。不辣擔擔麵 $35麵條分明，口感好爽！真係低佢攞獎上湯油麥菜 $63菜好新鮮，只係價錢有點貴。雖然佢地攞好多獎，但價錢總算仲係中價，總算有良心

很久沒有來黃埔，今天放得早便來逛逛。就如記憶裏一樣，黃埔依舊是人山人海，食肆行幾步便有一間，令人眼花撩亂。蜜桃小丸子這天想吃點酸酸的，便來到這間川菜店。雞絲拉皮：麻醬很濃很香，很像北京的味道，配上滑潤的粉皮、嫩雞肉和清新的青瓜絲，吃下口清爽得來又美味。麻辣擔擔麵：湯底很厚，辣度不算厲害，有很多蔥和花生溶，麻麻的，又香又惹味。松子魚：一上枱便氣勢如雄的松子魚！炸得剛剛好，外脆內軟，吃下口酸美美的很開胃，啖啖肉！松子有陣陣的油香，配上魚肉、椒一起食，口感豐富，是一道出色的菜餚。整體而言，環境坐得尚算舒適，服務不錯，每人大約200多元，便可以吃大菜，不錯。

到黃埔美食坊上一樓，红色門口，古色古香的裝修，濃濃節日氣氛。跟朋友食個午餐，點了1個麪食，2個小食加1個甜品，每人盛惠110元。待應招呼周到，由食物上枱至結賬都非常有禮。老字號聞名已久，對食物味道非常期待，鍋貼還可以，生煎包煎得不夠香， 擔擔麵有分擔擔麵及改良擔擔麵兩款 ( 可選辣與不辣)， 改良擔擔麵則加肉碎， 麪的質地較腍身，最主要影响味道的是食物上枱時只是暖暖的不夠熱，未能在最佳狀態送到口中，所以口感有些落差，甜品方面高力豆沙 ， 都沒有驚喜 。勝在環境地方非常舒適，可以好好跟朋友共聚談天。 改良擔擔麵 鍋貼及生煎包 高力豆沙

We ordered the cold pork jelly, orange chicken, dan dan noodles, spicy dan dan noodles, pork dumplings, and dao miu (pea shoots). My favorite was the dan dan noodles 😍 I recommend getting that if you eat here! The peanut soup is the best! I really liked the pork dumplings too. They added spicy sauce on it, but it wasn't too spicy. The orange chicken was pretty good, but it didn't have as much chicken as I would have liked. The pork jelly texture was interesting and I'm not used to it yet haha.

已經經過多次，但都沒機會去試！這次機會來了！！門面的裝潢實在是太搶眼了，很有地方菜的特色！沒可能會無視！怪不得店內有這麼多外國人遊客了！店員都很有禮貌，很樂意介紹他們的人氣菜式。四川擔擔麵必點之列！因為見到牆上掛著得獎狀。果然是很有驚喜！份量不算很多，所以一人一碗剛剛好，還可以點多兩款菜，也不會吃太膩呢。擔擔麵有分辣與不辣，辣度其實不高，剛剛好，增添惹味！麵條分明，口感帶爽，算是吃過最好吃的擔擔麵呢！果然獎項不是流的！小湯包是有點失望的，因為太大期望會像小籠包，但其實是有少少分別的。肉的比例比較多，可能太實，口感上有點差。湯汁是飽滿的，味道上還不錯，就是比傳統小籠包有點點遜色。銀牙鱔糊味道不錯，芽菜有很多，鱔肉也有很多，味道很濃郁，用來送飯一流。涼拌青瓜也很惹味，醬汁有點辣辣又有點甜甜的，好味道！青瓜是冰涼的，口感更加爽！砂鍋雲吞雞味道也很好，清甜的雞湯忍不住喝多兩碗！有很多粒雲吞，雲吞皮很滑溜！雞肉嫩滑，很滋補。還附上頭抽，可以沾雞肉吃，另有一番風味。上湯菜苗也很美味！菜苗很新鮮！怪味雞可選雞或雞絲，原本以為雞是連皮連骨的，原來全都是去了皮的肉，而且還是雞胸肉！是有點失望的，雖然個醬