許願樹 (已結業)

由於晚上10點比較難搵食, 咁啱路過呢間嘢, 友人一支箭衝咗入去, 冇辦法下唯有試吓啦, 入面只有1台客係兩父女, 老闆娘放下餐牌, 見到個價錢, 由$69鮮茄意粉到$599一個特惠晚餐, 貴到呢....... 裝修又破舊, 其實咁嘅價錢可以食到靚D環境食物質素好嘅西餐廳囉!本人要咗個$99鴛鴦扒(豬+雞)配薯菜, 友人就要咗個$128七成熟西冷配薯菜, 等咗超過15分鐘都未黎, 咁少客人都要等咁耐, 突然煙霧瀰漫, 勁油煙, 好似煮燶嘢咁, 都唔知係咪冇抽氣系統, 之後等多5分鐘, 終於有得食喇, 鴛鴦扒同薯菜味道都可以, 但個7成熟西冷就變咗9成熟, 味道唔似醃過, 要好用力先切得開, 切開入面有少少少少紅, 但食落真係好"鞋"!!!食完之後, 老闆娘問都冇問就一嘢收走哂D嘢, 埋單又要加一, 整體黎講好唔得囉! 就連鄰近Axxx都好食過呢間嘢........

由於晚上時間十時比較難搵食，好多都已經關門，路過呢間嘢，友人一支箭衝咗入去，冇辦法下唯有試吓啦，入面只有一枱客係兩父女，老闆娘放低餐牌，見到個價錢，由$69鮮茄意粉到$599一人特惠晚餐不等，裝修已破舊，咁嘅價錢可以去間又靚又好味嘅西餐廳食，本人叫咗個$99鴛鴦扒(豬+雞)配薯菜，友人叫咗$129七成熟西冷配薯菜，等咗15分鐘都未黎，得咁少客都要等咁耐，又突然煙霧瀰漫，勁油煙！好似冇抽氣氣系統咁，之後等多5分鐘，終於有得食喇，鴛鴦扒(豬+雞)配薯菜味道都可以，但個7成熟西冷變咗9成熟，應該唔似有醃過，切開中間只有少少少少紅，要好用力先切得開，食落好“鞋”！食完之後，老闆娘就問都冇問一嘢收哂d嘢！埋單仲要加一..........（；￣ェ￣）就連鄰近Axxx餐廳都好過呢間囉！

可以由頭難食到尾真係好難，但佢做到...睇食評就多，寫真係第一次，但今次真係忍唔住要'表揚'下佢！落左單要等成廿幾分鐘先開始有餐湯上，中途水都無杯，五個人去食，開口叫佢俾杯水，侍應問3杯夠唔夠？果然夠環保！個虎蝦湯稀到水咁，跟左條方面多士，黎到條方包多士係林林地，諗住呢d細餐廳唔係咁講究. 個凱撒沙律係用沙律醬溝出黎既，絕對唔敢相信佢係凱撒，因為凱撒有既材料除左菜佢有之外，其他一樣都無. 叫左個5成熟既牛扒，黎到可以變左一塊好似用鬆肉粉奄左一星期既豬扒咁，肉質完全鬆散，無牙婆都岩食. 仲有叫左個唔知咩雞扒飯，唔明點解可以搵到隻雞邊個部位既肉鞋到咁，仲有叫左個香草蕃茄天使麵，個醬宜情甜到好似食緊甜品，最少放左8匙糖. 餐飲跟左三杯咖啡，呢下真係勁難頂，杯野好酸，一d咖啡味都無，究竟係咪俾錯左杯野我地？！店內最搞笑係貼左張野話慶祝九週年，唔通香港人係無味覺的？！

室內裝潢，可以“無裝修”形容，白牆似是剝落了一般，吊畫也沒太多。午餐包餐湯餐包，忌廉湯有點雜菌，但已磨成蓉，還好。餐包是厚多士，烤過並略帶牛油，香口開胃。雞扒竟會賣光？實在荒誕。不想吃豬扒怕太乾，只好吃捱貴一點，西冷！問問店員得知薯菜是薯角及菜，所以還是配飯實際。西冷扒遠比豬扒大件，賣相亦好得多。長有整隻碟子般長，除中間部分較熟外，兩端都可算是做到了五成熟。五成熟最能保留肉汁，超過五成大半會較乾，肉汁較少，這是個人意見，亦可能是不少人的立場。友人的薯菜只有一條薯角及其他菜，太少了，至少也要一雙薯角吧。雖然有些部分難免有筋，或太肥位置，但$58午餐有西冷扒，不能要求過高。

龍脷柳餐 $149 BBQ豬仔骨餐 $159 (包自製雪糕甜品，大蝦湯，沙律，餐飲) 鵝肝西冷餐 $129 羊脾扒餐$119 (只包餐湯，餐飲) 酥皮心太軟 $58 (跟餐 $29) (好食指數:6/10) 2013-08-10 大蝦湯比較稀，唔似西餐湯。龍脷柳炸得幾脆幾鮮味。可惜豬仔骨，西冷扒肉質較梅，過腍。鵝肝薄，食落更有酸味，無左食落入口即溶嗰種感覺。羊脾扒肉質唔錯，無膻味。酥皮心太軟係表皮多左層，但酥皮唔夠脆，唔夠朱古力味。

食lunch 餐廳裝修殘舊四個人去食 叫咗四個西冷扒餐上餐湯 野菌忌廉湯 認真有陣臭菇味 到主菜 叫咗6成西冷扒 嚟咗4舊10成熟嘅西冷牛筋切又切唔到 咬又咬唔到鯊魚都食唔到唯獨汽水好飲

唔使等位, 但其他乜都要等, 連想order一杯水都要等.以前不論食物水準甚至服務態度都好好(可能係新開張果時,又或者是男老闆親自出來招呼), 自己亦會介紹給朋友, 但依家 ......一開始, 我地淨係叫咗一聲 '唔該', 話之你想要乜, 只會好快地回你一句 - 等陣.order一件6成熟牛扒, 等咗超過20分鐘, 最終煮咗塊9成半的牛肉乾, 又硬又無汁.魚柳跟飯, D魚柳煎得太乾, 又係無汁.明明話可以收信用卡, 但女老闆會叫你收起張卡, 只收現金. 女水吧只會做水吧工作, 其他不會理, 叫埋單都唔啋.

元朗人既消費能力可能高左，呢頭開左好多貴價西餐，有啲二三百蚊一個set都仲要坐馬路邊，我接受唔到@@許願樹由70至二三百蚊既餐都有，可以話豐儉尤人，雖然佢既裝潢比椰林閣更加求奇，但因為佢有幾款羊既主菜，所以決定一試店員無製服的，似係小店營運，坐低10分鐘水都無杯，落完餐叫佢比幾杯水，個女店員仲要話係驚我地整瀉所以落完單先比水。何以見得我地一到睇餐牌會整瀉水呢？我地又唔係小朋友，我地都無用責怪既態度叫佢比水，佢竟然係到比說話我地聽叫左2個百多元既餐，跟紅白湯同野飲另外叫左個二百幾既set,有沙律，蝦湯，野飲同house icecream紅白湯都係普通水準，而個蝦湯就有隻大蝦係面，過蝦味唔夠濃個煙三文魚沙律太鹹同太多油無論咩湯都會跟1件三角形多士，似係自家切。無跟牛油，我地亦無問，直接多直浸湯食百多元既餐有銀雪魚，幾香，正常水準另外叫左羊扒，完全無問幾成熟，黎到大約超過7成，碟上只有少許芥末同薄荷汁，追加亦只有薄荷jelly貴啲既餐叫左羊脾因為貴啲，跟薯菜既薯仔都多一舊同樣無問幾成熟煮得都好林，但兩樣羊羊味唔太香，唔濃，喜歡食羊既就覺得佢麻麻地自定鮮打雪糕好重奶，都幾滑雖然跟餐可以半價點

有一日要到附近SEMINAR所以是但搵間餐廳食個LUNCH 記得有同事曾經提及此餐廳便進入一試~選了幾道菜的LUNCH我選了湯+羊扒意粉+雪糕同事選了湯+豬扒雞扒飯+咖啡兩個湯也加了酥皮 (+$10)吃的時候覺得很好吃, 只是羊扒唔夠"林"HOMEMADE雪糕也不錯 點知SEMINAR時口渴得很... 應該有落味精...由此看來... 我唔會去第二次...

今日點了兩個餐，一個鵝肝配西冷排，另一個燒雞配大蝦。點菜時，WAITER仲話所有菜都是即叫即整的，令人滿心期待，但係...論上菜時間，餐湯都等了廿分鐘...但間餐廳人不算多..起碼坐唔爆..論食材，忌廉湯絕對係一般的級數，沒有驚喜，跟湯還附送多士，多士是凍冰冰的....而主菜西冷排是施培記BBQ級的西冷排，又薄，又無牛味，溫度唔熱唔凍..可能..大家樂還要好食好多；後來上燒雞配大蝦，話晒都要成$168，點知所謂燒雞，原來唔係整隻/半隻的燒春雞....而係一塊普通的雞扒....令人非常失望...；整餐最滿意的是心太軟，中上水準，而且都來微溫的，還有一個雪糕在旁，不錯！可是..當叫餐飲時..點凍朱要加$5..點汽水又要加$5....當時心諗加得錢的凍朱質素應該不錯的，起碼有舊CREAM係面；而加得錢的汽水，起碼都有一罐。點知.....凍朱不但沒有CREAM..朱古力粉又未溶晒...味道同出邊唔使加錢的餐廳一樣的=___=，而汽水不是成罐的..都係倒在杯中送來的....今餐埋單要$328...黎個價錢係元朗區食野..絕對係中上....但食物質素卻比不上一般的快餐店...黎間餐廳..不會再去第

叫左兩個set dinner一個羊扒朋友叫牛扒羊扒個樣幾好! 幾靚的! 不過我唔記得影相, 但羊味唔係好夠,朋友話咁樣即係無so 味, 咪好囉.. 但可能我本人口味鍾意有d 味囉..朋友個牛扒我無試, 但個樣都係靚ge, 佢話ok, 腍, 無乜特別comment,我諗都係平時食牛扒咁囉跟住加錢叫左個心太軟, 呢個我可以比多d comment! haha.. 因為我好鍾意食, 同埋仲搵緊我最喜愛ge心太軟 (暫時未遇到)個心太軟~~~ 好香~~ 面頭都焗得ok~ 所以我係記得影相ga! 入面又夠流~~但對我黎講都係唔夠朱古力味已經係致命傷 > <應該係d 好濃好濃o既朱古力漿先岩!

黎之前有問過元朗同事既意見"d扒似大家樂, 又薄"我唔信邪叫左....味道係ok 但真是幾薄 女仔可能夠但男人食絕對唔夠食另外我叫左個羊扒落完先發覺佢無問過我要幾成熟...個扒出黎個陣就知道中招了硬到成個石頭咁我諗無下次

和女朋友的普通一餐晚飯叫了個脆炸龍利柳配意粉，魚唔脆唔"林＂un un地，意粉無味不特只，竟然係凍的。鐵板西冷，本人覺得大X樂／大快X, 煮的更有誠意。西冷只是一塊燒野食的，淹定的牛扒。唯有甜品可以（忘記了名，有心太軟、香蕉班戟、自家雪糕），心太軟正常，小女孩的份量；香蕉的，正常；雪糕，同cream無咩分別。整個晚餐還要加一，不論裝修定食物唔呢個價。

曾經有朋友話過"許願樹"麻麻地所以一直冇試直到今日同女友經過佢話想試下 就入左去價錢並唔平所以都唔敢一下子叫好多食物只係點了一個set頭盤 - 餓肝 ~不錯, 比我想像中好湯 - 海解龍蝦湯~ 幾濃既龍蝦味, 幾好飲主菜 - xx酒羊仔扒 ( 羊鞍 )~ 幾好食, Side : 意枌~ 比平時d side既意粉好食甜品 - 一球雪糕~唔識形容 同一般雪糕唔同 好食好多!! totel : $199另外 叫左豬仔骨 $89 + 生蠔 $18@生蠔 ~就一般般豬仔骨 ~係中上既水準,尤其係個汁 正! In conclusion, 所有食物都比我期望美味帶給我好多驚喜最後＄３６６　埋單我認為係合理既係元朗泥計　絕對係中上級既餐廳掛住食野　冇影相

多年前去過一次許願樹....留下深刻既印象.....當時最記得佢個"龍蝦炒麵"....可惜尋日去到....個"龍蝦炒麵"已經冇左....連其他野都好普通....又貴又唔好食....唯獨係個甜品"心太軟"保持到水準!!!!!!!!難怪...星期日..元朗間間食肆都排長龍...唯獨呢間"許願樹"仲有咁多位!!!!