許留山 (已結業)

黎許留山就一定要食芒果甜品，許留山細細個已經食，最愛就係香芒小丸子，但今次啲芒果好香好甜，但小丸子就比較硬，唔夠有咬口，有待改善。除咗食甜品之外，都有嗌到咖喱魚蛋同豬皮，但咖喱味唔重，要改善下。…查看更多

之前做左會員，都冇乜點用，係附近食完飯，又想食甜品，就黎睇下。原來有電子優惠劵，又幾抵。叫左個set，入面有芒果雪糕小丸子，士多啤梨凍餅，同薯條。基本上冇乜疑問，芒果就係好食。士多啤梨凍餅，唔使咁凍下馬，凍到牙都軟。最後個薯條，等左差不多半小時，要提佢先肯上。睇黎芒果以外既野，有待改善啦。…查看更多

雖然我係許留山會員，但好耐冇去過，因為呢個世界上嘅甜品選擇真係多得很。原來佢地出咗幾款午市套餐，最平$39已經有交易，包1杯飲品、1個甜品、1個飯、1個餸。 睇價錢同睇圖都幾吸引，於是就同個同事去試試，横掂咁耐冇飲過西米芒椰汁。我叫咗北菇紅棗蒸雞翼飯餐，同事就叫炸菜金菇肥牛飯餐，甜品同飲品大家都一樣係芒果凍餅同埋西米芒椰汁。呢d客飯餐係預先製作，放在膠盒，有人order時就將膠盒的飯餸倒入碗同埋碟，我睇到好似係即棄膠盒。餸嘅份量唔多，啱細食嘅人，味道算清淡。D飯就濕腍咗d。不過都預咗唔會好好食，話晒許留山都係芒果甜品飲品起家，我最期待嘅都係甜品同飲品。芒果凍餅好似結咗冰咁，其實係木糠布丁加芒果，味道正常。不過，一開始就比咗我地，可能因為唔使攪d咩，一拎出嚟就得，所以我地係先食甜品。西米芒椰汁就有近半杯西米，好豪爽，不過就溝淡咗d芒果汁。總括…都係食返佢地芒果甜品系列嘅野穩陣d。…查看更多

晚飯後,回家食甜品..自己食靈芝🐢龜零膏+🧀🐔芝士雞翼, 老公食什錦水果🍓🍈🥭配芒果🥥🥭西米露😆,另外發現許留山 lunch 有🍗雞脾飯,北菇蒸🐔雞,金茹肥🐮牛,蒸豬🐷腩片,仲有其他新款,當食可以加🍧甜品,有特價優惠😆…查看更多

幾年都冇黎過食 出面食完飯返到粉嶺唔想行咁遠 近近地就食下 芒果糯米糍 感覺裡面d芒果細咗啲士多啤梨brownie 季節性先有 味道幾夾 有驚喜芒果椰汁黑糯米 芒果唔酸 中上水準 埋單8x 野食對得住價錢 …查看更多

天氣轉凍，老婆就話想食海底椰嘅糖水，粉嶺附近都無咩糖水鋪，就揀左許留山，d木爪係幾甜，不過整體黎講唔算燉過，每樣食材嘅味道都好獨立，最後加入糖水咁。份量算係少，不過無選擇下都叫係咁啦。…查看更多

43蚊就有曬圖片入面三樣嘅嘢 真係好好食呀 許留山既西西瓜汁 飲落個口度涼浸浸 解暑一流 今次呢個雞髀飯 最衰就係冇咗 雜菜粒希望下次可以有返啦 43蚊仲包埋甜品 呢個芒果凍餅入口即溶好似雪糕仲有啲芒果粒係面真係好甜 可以試下呀😊…查看更多

晚飯後到許留山點了呂宋‧特級丸子神冰，送上來的時候杯內都是剛洗過的痕跡，佈滿水珠，是水喉水，甜品中的芒果汁都混了一些水，讓我感覺不太清潔，不衛生，造甜品的人很求其!芒果不是特別甜，但至少不酸，味道沒什麼特別，但丸子卻沒冇煮冧，不好吃!下次不會再點吧!許留山是連鎖店應該保持好食物質素和衛生吧!…查看更多

今日又係老頂請食野嘅時間，今次買甜品，公司附近商場嘅選擇唔多，所以最後決定買許留山嘅甜品，店員爽手一袋膠袋袋晒，每款膠盒獨立包裝企理芒果糯米糍：一盒糯米糍六小格6粒，隻橙黃色幾假，椰絲面勁多，厚身糯米皮煙韌不過太厚，而且雪耐表面咗較乾！入面嘅芒果酸甜！ok芒果布甸：幾大碗，隻橙黃色太假芒果班戟：一盒兩格粉黃色幾靚，無食店員姨姨無乜說話，揀好袋好比錢就走人！接觸太少！芒果甜品款式多，不過賣相同水準只係一般…查看更多

食完晚飯，我家姐先黎到上水，本來係打算同佢食晚飯。點知等到八點幾都冇消息，打比佢又冇人聽，我同我男朋友行左陣街都肚餓喇，所以去食一粥麵。原來我家姐返工做緊野太嘈聽唔到我打比佢，依家唯有去許留山食甜品啦。我叫左鮮果鴛鴦西米露（$39）一次過滿足晒我想食芒果同西瓜西米露嘅願望，鮮果都唔少，味道ok啦！我男朋友就叫左Jumbo楊枝甘露（$62）純粹加左球芒果雪糕，唔抵食！我家姐因為未食野，所以叫左咖喱什錦套餐飲西瓜蘆薈爽（$50）有香烤餅沾咖喱汁食，仲有魚蛋、魷魚tim。許留山近幾年已經少食，今次食落叫做不過不失啦～…查看更多

以往去許留山買飲品，大多只會想起芒果飲品，所有款式的飲品亦以芒果為主。近日經過許留山，驚見推出芒果以外的飲品，好了，終於可以有其他果味的鮮榨果汁飲。 紅火龍果奇異果芝士奶蓋  $29大大杯鮮果汁配芝士奶蓋，出奇地夾、出奇地好好味呀!厚厚的芝士奶蓋，帶微酸但芝士味濃，口感豐富。紅火龍果混奇異果鮮榨果汁，果汁中充滿細細粒的鮮果肉。每飲一啖都有感補充了豐富的維他命C呢。外賣杯用料硬淨，環保一點，可以回家洗潔後再用。…查看更多

作為許留山愛好者同會員，呢兩年嚟我去過沙田，旺角，大埔，葵芳，觀塘等等嘅門舖，佢哋啲芒果無一意外都係甜嘅，但唯有粉嶺店⋯⋯次次食親都酸唔知係我真係咁唔好彩定係粉嶺店入貨有問題…查看更多

20170124--又是團購，許留山$128--楊枝金糕及金牌瑤柱蘿蔔糕各一盒，平均$64一盒，價錢便宜吸引。選擇了到粉嶺名都拿現貨。取貨限期是年二十七，本身想買回家放雪櫃留待年初二後才吃，但拿糕時店員告知楊枝金糕要在3天內食用，即是不能存放至過年，明白的，畢竟金糕是甜品類，保質期有限，有點失預算。蘿蔔糕存放期較久。楊枝金糕，糕面灑滿碎碎的柚子，兩層的味道，上層是淡黃色，有淡淡的奶味，下層是橙色的，芒果味較多，但好像沒有甚麼果肉，味道不錯。蘿蔔糕，忘了拍照，包裝是長方型的，個人喜歡這個設計，因切糕時會較圓型的容易切，一刀切一件，方方正正、整整齊齊。說到味道，材料很少，糕身較硬，也沒有點兒蘿蔔味，味道普通不過，味道比許多屋村酒樓也比不上。下年不會再買了。許留山算是甜品專門店，但蘿蔔糕類出品，就未夠份量了。…查看更多

當年許留山推出芒果糯米糍後，咁多年都keep到水準，而售價都唔算升得好厲害，到今時今日都仲覺得抵食😋😋😋一盒六粒，大大粒，一啖食唔哂架😝食落唔會皮厚肉少，糯米皮煙煙靭靭，内裏充滿芒果果肉，餡料豐富👍🏻👍🏻👍🏻久唔久經過就買盒返屋企食🤗…查看更多

本身諗住用左張75折coupon, 都知許留山啲優惠不嬲都煩，又要正價，又要限定外賣或者堂食先用得，套餐又唔用得，煩到計左一輪，會員叫套餐有9折，仲平過用75折coupon散叫成日整啲所謂優惠都呃人既btw次次黎粉嶺呢間，staff入廚房都冇人戴口罩，態度唔好，樓面唔夠人速度慢，會員一用app儲分或者用coupon，而唔係用實體卡，職員就會發老脾，話個客唔帶卡，嘟唔到就用唔到，大佬呀，係你地個系統廢，唔係客既問題喎，咩態度麻煩許留山加強下培訓最後 唔明點解80蚊 9折之後會係73蚊次次黎都成肚氣…查看更多