許留山 (已結業)

其實每次黎沙田食完野都好想飲返杯許留山做甜品，今次咁岩見到佢貼住promotion 學生66折 ，就決定入去坐低食佢啲甜品。一直對許留山有好感，覺得水準幾好但係今次就失望啦。多芒小丸子，小丸子依舊好好咬👍🏻河粉都唔差👍🏻唯一令我失望既係，啲粒粒芒果真係勁酸呀！ 同佢啲芒果汁一齊食先勉勉強強食得落！只可以話今次唔好彩喇😩但許留山我依然推薦👍🏻仲要66折平左好多😋

好耐冇食過芒果布甸，記得以前食過許留山既都唔錯，咁岩又經過就諗住買個啦，上星期買左個細既比屋企人食左，佢地都覺得好食，係排隊期間見到呢個menu $73有個2磅既芒果布甸加6粒芒果糯米糍，買個細既都要$19，一於買個大既同屋企人happy share一個2磅裝既大概等於4個細既打開個蓋已經聞到好香，芒果肉應該有1個左右布甸入面都有芒果肉，份量唔算好多同埋唔平均，有d位置都冇芒果肉，芒果肉都新鮮同埋甜既，至於芒果布甸，有好香芒果味加奶香味，軟硬度岩岩好，加埋花奶食一流👍🏻至於芒果糯米糍，個皮太厚，芒果肉唔多，椰絲都太多，整體味道普通但$73呢個價錢我覺得都算抵食，間中買黎一家人食下的確唔錯另外一提既係明明2樣野都係雪櫃拎出黎就得，店員拎左出黎擺埋一邊唔入袋，好似係度等人幫佢入咁，而出面又冇人排隊，入面又冇乜客，點解要放咁耐呢！？

話說前兩日，得閒冇嘢做，去沙田行吓行吓，經過許留山 俾佢啲芒果吸引左，嗰日食咗個芒果盛宴，草莓小丸子，芒果盛宴好足料，芒果味又夠，但係草莓小丸子就麻麻哋，啲小丸子未煲林

許留山為何可以歷久不衰，屹立不倒？為何不被巿場淘汰？真是摸不著頭腦🤔。可能它仍有它的魅力😮。-這次光顧的主因是會員消費會贈送12月美食展的入場券🎟️2張🤩。1️⃣芒之戀 $28 （會員價）-共有三款以芒果🥭為主題的甜品，有多芒小丸子、亮晶晶✨和芒果糯米糍。-小丸子無味、非常硬😟。-芒果汁🥭比以前淡，喝得出是芒果汁加了很多水🤮。-亮晶晶吃到淡淡的椰青味。-許留山的糯米糍可算是我的最愛，每次必點，中間夾了大大粒的芒果肉🤩。•2️⃣芒果布甸🥭加$14我很喜歡許留山的芒果布甸，味道加質感也很完美，但單點價錢偏貴。🤑-回頭指數：6/10 （由於數年前迷上了它的糯米糍，所以成為了會員。原來做會員不時有不少優惠，所以不時也會光顧。是次光顧留意到它們正在招收會員，有興趣可以Join🤭。）

今日食完晚飯 老婆想食甜品但沙田選擇唔多咁所以近近地 去左沙田好運中心既許留山到食呢到坐位唔多 得4張台 好彩人都唔算多等一陣就有位呢次叫左一個咖喱魷魚魚蛋 同小丸子芒果咖哩魷魚魚蛋比較特別 唔係好多地方有得食到呢隻味咖哩味唔算濃 係香港人咖哩既口味唔太辣 唔太咸 送香餅岩岩好 係一個好食既咖哩魚蛋小丸子芒果 就比較普通 但都好味既相信任何一間糖水店 都可以簡單做到呢隻味份量唔算多 小丸子可能keep住加熱 比較軟左d 所以結論都係一般

最近網購$59甜品，在沙田的許留山享用，呂宋‧特級丸子神冰(1客) 和阿芳素‧丸子芒芒(1客) 兩款甜品甜度都尚可，只是丸子未夠腍，但盛載甜品的透明杯子就唔多衛生，杯子散佈有很多不明水點，相信是清洗後沒有抹乾，真的很難再有下次幫趁。「抵食」做宣傳都是吸引顧客，要是忽略這些衛生問題就適得其反，希望許留山留意，有所改進。還有 $10現金贈券 (2張) + 芒椰蘆薈爽優惠券 (1張)，芒椰蘆薈爽都會稍後會用埋。

沙田市中心附近得嗰幾間甜品，全部都有排等！我同朋友食完飯九點幾十點就已經去其他舖頭等位，都仍然有排等。見到許留山冇乜人，就入左去食。當日唔太想再食野，所以叫左杯野飲，勁快就做好。抵讚！

中秋節賞花燈後也快11時，就當然和寶寶去吃糖水啦。寶寶想吃芒果，所以自然就去了許留山。竟然不算人山人海，一去到便可以搭枱了。很久沒去過許留山的我發覺它們多了很多食物。芒之戀套餐 ($49) 最掋食，一次過滿足晒你三個願望，有煙韌的芒果小丸子、大大粒的芒果糯米滋和彈牙嘅多芒亮晶晶。 二人 Share 剛點好。套餐還包個小食，而我們加錢要了咖喱什錦 (+$10)。哇原來咖喱汁也頗辣。有魚蛋、牛栢葉、白蘿蔔和魷魚，非常豐富惹味！

光顧了許留山已經十幾年，最近才明顯發現食物質素及賣相愈來愈差。我們叫了一個熱紫薯小米露和一個椰皇燉燕窩雪蛤。熱的食物為什麼會用膠的食物盒來盛載？而且很多水，連抹也不抹幹，給人感覺就是很隨便！另外，椰皇燉燕窩雪蛤套餐，椰皇的果道吃不到，好像在喝豆漿似的，而且很稀釋，除了很甜之外，也沒有什麼好評論😤服務員送上枱，看到賣相大感失望和沒胃口吃，跟餐單的照片完全兩個樣，而且味道也差，貨不對版！以後都不會再光顧！

為食豬買咗團購，套餐包一個椰皇加一個椰香木瓜燉海底椰，貪佢夠晒滋潤養生。椰皇清心丸紅米露配黃金松子: 原個椰子上，賣相雖然一般，但用料幾豐富。入面有紅米露，仲有一碟仔松子俾為食豬自己加，感覺好有益。除此之外仲有幾粒清心丸，但煮得太過火，好腍，冇晒口感。最開心係可以不費吹灰之力就將椰肉成個起出，一啲都唔會浪費，又唔會呢咁hea。椰香木瓜燉海底椰: 又係滋潤之選，糖水有香甜木瓜味，但為食豬嫌佢有啲太甜。木瓜燉得好腍，椰肉都係，不過好似唔多覺有椰香，海底椰份量亦唔多。

一個人在許留山開餐，因為路過，首次見有$39套餐午飯，就試試罷！最愛是椰汁西米露，多西米少冰有椰奶香，雞翼和糯米磁就一般了！最敗筆是淡茂茂又被大量熟油浸著的薑葱蓉，請待應取少許豉油又欠奉！許留山都係做甜品好了！

許留山係我好多年前既至愛，因為佢好多生果o既甜品，屋企樓下又有分店，每個星期都會幫襯一兩次。但隨住其他甜品舖既興起，加上我樓下o既舖頭執左，幾年都冇幫襯了。而家好多甜品舖都有好多特式糖水同甜品，裝修又大走可愛甜美風，而許樓山真係可以話十年不變，裝修同甜品變化都不大，競爭力自然減弱。 今次某app大派大杯裝既芒椰蘆薈爽，再次一試:大大杯，仍然有芒果汁同果肉，再加上椰漿同蘆薈，香甜得黎又加上幾分清爽，好適合熱辣辣o既夏天~~

夏天熱辣辣 經過許留山都好想買杯芒果飲品黎清涼下今次係團購網買左一套飲品券比起正價都幾抵唔知係唔係太耐無黎食好似比以前多左選擇叫左一杯經典超多芒小丸子同一杯楊支甘露楊支甘露--相入面既楊支甘露好似有一個雪糕 但到手就咩都無 有點兒奇怪好彩入面原來有布甸 而且芒果幾甜夏天飲真係好清涼同滿足超多芒小丸子--應該係芒超多小丸子小丸子可能岩岩煮起令到成杯熱左d 不過都好味同經典既

雖然我年紀唔算大都唔算細，但系好多人見到我，都話我好細，好年青，再講埋年齡比佢地聽，佢地都話唔相信我咁大，好多人都向我取經，問我保養嘅方法，其實真系無特別保養嘅方法，同大家知道嘅差唔多咯，健康嘅飲食，適當時候燉點滋補湯水滋補一下身體，多多運動，就系了。今日我要推薦許留山嘅雪蛤燕窩，多食燕窩，對皮膚系超級有幫助噶，我系屋企嘅時候就會經常燉D雪蛤、燕窩、鵪鶉、魚翅鮑魚，當然如果覺得太貴，其實燉D雞腳、豬腳都好有效果，可以幫我地補充膠原蛋白！我朋友點咗份芒果糖水，都幾唔錯，芒果比較濕熱，所以體寒嘅人我都唔太推薦，不過一兩次當然系無關系啦，而且可以補充維C！

已經有兩年以上沒光顧許留山，今天久別重逢，發現了不少新產品。雖然許留山餐牌的主角還是離不開芒果，但許留山仍保持創造力，為芒果甜品作出了不少新嘗試。 今天點的香芒斑蘭冷麵配黑糖薑汁套餐，是許留山的新產品。盛載斑蘭冷麵的器皿甚有特色，在碟底部加了乾冰，乾冰的煙營造了冰凍的視覺效果。斑蘭冷麵是用斑蘭加入蒟蒻製成，冷麵汁的原型是黑糖薑汁，感覺兩者味道不甚匹配，食感一般。套餐中配有多款甜品，除了冷麵外，還有小丸子，紅豆和椰汁芒果雪芭，芒果雪芭頗好吃的。 套餐可選一款小食，有煎蘿蔔糕，芒果凍餅等數款選擇。我所選的芒果糯米糍一份有三粒，味道中規中矩。