64
9
1
港鐵中環站 D2 出口, 步行約3分鐘 繼續閱讀
電話號碼
23824899
開飯介紹
位於蘭桂芳的樓上咖啡店,以波希米亞風作主題,裝修以木材為主,富有文青感覺,充滿格調。餐廳提供西式美食,例如意粉、沙律和咖啡,適合打卡。 繼續閱讀
營業時間
今日營業
11:00 - 20:30
星期一至五
11:00 - 20:30
星期六至日
10:00 - 20:30
公眾假期
11:00 - 20:30
公眾假期前夕
11:00 - 20:30
付款方式
Visa Master AlipayHK 支付寶 現金 OpenRice Pay
座位數目
30
其他資料
網上訂座
賞訂座積分
獨家網上訂座
當面支付
有關獎賞計劃
食評 (85)
等級4 2021-02-13
277 瀏覽
中環蘭桂坊中心竟然開了一間波希米亞風的打卡Cafe,我意思是位於德己立街23號晉逸蘭桂坊精品酒店2樓的Corner cafe!餐廳以木色、白色為主調,放上乾花、白色編織擺設,還有女生最愛的乾花打卡牆和白色編織鞦韆。除了一般cafe食品,還提供食物方面有素食和生酮蛋糕。雖然我對咖啡沒有太多研究,容易入口的就是了,而且漂亮的拉花咖啡總會大大加分。《Rose Latte $39(hot) 》加上了玫瑰花瓣感覺優雅有多分玫瑰花香。《Matcha latte $48 (hot) 》抹茶味香濃,又麻醉自己身在日本旅行了。《Smoked Salmon & Scamble Egg on Toast $138》有炒滑蛋、煙三文魚、烤串茄、多士和意式沙律,賣相吸引又豐富,份量亦多,整體不錯,但如果多士可以選用帶點筋性口感的,可能會更美味。《All day breakfast $138》有煙肉、德國腸、牛油果多士、薯餅、田園沙律、炒蛋、烤串茄,同樣是有份量又飽肚。《Chocolate cake $48》灑上可可粉特別吸引,入口朱古力味香濃,口感香滑,一人吃一件略帶點膩,二人分享就剛好~坐在窗邊看着繁忙的中環街道,喝着咖啡吃早餐,感覺很寫意! 繼續閱讀
(以上食評乃用戶個人意見 , 並不代表OpenRice之觀點。)
✨💖✨💖✨ 閨蜜推介打卡必去靚靚Cafe😍星期日難得都要過中環,就同個好姊妹搵間特色cafe 坐下傾下計。 疫情後嘅蘭桂坊真係好靜,因為喺附近買完野就專登過嚟望吓。居然比我望到一間樓上Cafe好靚,好啱女仔打卡休息吓😊 餐廳係一間好新淨嘅精品酒店2樓,裝修行波希米亞風格 好夢幻 好文青 一入去我哋都大叫好靚呀😍😍 估唔到中環都有一間咁寬躺咁休閒嘅coffee shop餐廳係用QR code落單,一睇居然有生酮餐單😍 酮友出街食飯已經好難,呢度提供多個好選擇👍🏻仲要有好多生酮甜品😱因為近排只係低碳🙈所以就同朋友食番凡人餐。趁有時間就梗係出去打卡,呢個咁有特色嘅角落真係每位食客都必影。Order 咗全日早餐,個滑蛋睇相都睇得出好香濃好滑😋 全日早餐有幾款唔同配菜真係好滿足。如果鍾意食多啲滑蛋嘅就可以揀煙三文魚滑蛋Toast, 更加match☺️ Latte 當然唔少得👍🏻☕️ 最後甜品揀咗奶茶蛋糕,蛋糕軟熟好特別有淡淡茶味唔會太甜呢個背景真係影咁多次都咁靚💕💖 Happy is not an aspiration. It is an attitude🙂 下次一定要試吓佢哋嘅Keto 生酮蛋糕🍰😝 繼續閱讀
(以上食評乃用戶個人意見 , 並不代表OpenRice之觀點。)
不要以為落蘭桂坊就係去蒲,其實這裡也是有特色樓上咖啡店呢!這間角落 Corner Cafe主打波希米亞風情,店內滿是白色織織吊飾,仲特別佈置左一個浪漫唯美打卡位,唔怪得深受少女們歡迎。食物方面有素食和生酮選擇,咖啡亦很有水準呢!咖啡店藏身於晉逸蘭桂坊精品酒店2樓,由中環地鐵站D出口行過去幾分鍾就到,唔需要行到好高。店內環境舒適,色調走柔和路線,周圍都可以見到白色織物裝飾,天花亦掛左好乾花,唔同角度影相都好靚,絕對係少女打卡天堂。店內仲特別設置左這個打卡靚位,滿滿乾花圍繞、霓虹金句加上網美吊椅,來用餐可以順便打卡,都唔使擔心要排隊影既。角落處是咖啡吧,有專業咖啡機,咖啡飲起來亦很有水準,毫不馬虎。店內座位唔算少,窗邊一排三組雙人位,中間一張長檯,另外再有一些二人檯之類。座位下面都好貼心預備左藤籃俾你放手袋。除了正餐當然都有蛋糕甜品食,現場有甚麼供應要問返店員為準。兩款沙律都係素食,材料都係超級食物為主,配搭幾健康。想飽肚一點吃意粉,竟然都有一款蕃茄素肉醬長通粉喎!多士有兩款係素食,另外仲有素食全日早餐,素食選擇比想像中多喎。除了咖啡也有各種熱茶可以飲,最特別係有 Keto Coffee 添喎!這邊很先進可以用手機點餐,掃一掃 QR code 就可以登陸網,再click想食的餐點和飲品就可以了。然後我仲見到咖啡可以免費轉豆奶,燕麥奶就要加 $5。除了有素食之外,這邊更加係 Keto-Friendly!完全意想不到啊!有翠玉瓜麵亦有多款生酮蛋糕,下次或者可以再去試下。Latte HK$37我以為以打卡為主的Cafe咖啡應該無咩特別,但估唔到飲起來都幾有水準,個咖啡豆又幾香。Vegetarian All Day Breakfast HK$138擺盤非常豐富的全日早餐,看起來唔算好特別,但食落去又幾有驚喜。個牛油果醬好香洋蔥和檸檬味,味道很有驚喜唔沉悶,值得一讚。蕃茄燴豆亦唔係一般罐頭茄汁豆,入面有幾款豆類,味道亦唔錯。另外我都幾鍾意個純素芝士焗菇和車厘茄。想影靚相的話記得叫個熱茶飲,任何一款熱茶都會用圖中這個芭蕾茶壺上,造型夠晒唯美,配埋粉紅色茶實在少女心大噴發。知道中環樓上有一間咁靚的打卡Cafe之後,又多一個跟朋友喝咖啡的好去處,最正係佢又有素食又有生酮甜品嘛! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-01
268 瀏覽
長時間冇出國旅遊, 留港消費唯有尋找香港打卡勝地, 係網上交友平台, 得知蘭貴芳有間樓上Cafe, 環境佈置以波希米亞風做主題, 絕對岩哂打卡!Cafe面積不大, 有一個"角落"供食客打卡, 近窗邊有陽光透入, 更是一個唔錯嘅打卡位。供應沙律、All day breakfast、Pasta、飲品、cake~我倆各人點左一個main、drinks、dessert呢度嘅意粉都偏乾身, 唔會有多餘醬汁撈起, 但食落又係另一種驚喜【煎帶子香草黑蒜意粉】HK$128黑蒜片甜甜地, 整體食落很有蒜香, 夠香口, 帶子大大粒而且厚切, 表面煎至金黃, 中心keep住刺身質地, 能鎖住帶子原汁原味, 很鮮甜~ 【自家製蕃茄湯乾醬烤大蝦意粉】HK$138個汁比較乾身, 但每條意粉都能平均索左個汁, 微酸帶甜, 食落很醒胃, 半開邊大蝦, 爽口鮮甜, 正啊!!【Chocolate】HK$48朱古力味道香濃, 唔會過甜太漏【Strawberry Lychee Green Tea】HK$48果香味濃郁, 士多啤梨跟荔枝味平衡, 清香怡神, 有小火興住, 岩哂慢慢食, 打下卡, 慢慢嘆~【富士蘋果生芝士蛋糕】HK$48很有cheese cake口感, 入口散發陣陣芝士香, 蘋果果甜味突出, 當中仲有微爽多汁蘋果果肉食。【法式蒙布朗粟子蛋糕】HK$48栗子味極濃郁, 甜度岩岩好。配合埋夾起中間嘅既cream, 都唔覺漏。朱古力味蛋糕底, 口感軟熟。好味又唔漏嘅甜品, 值得一食! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-31
172 瀏覽
星期六咁好嘅天氣點可以唔行山🌞,行山前食個靚早餐,今次揀咗中環精品酒店嘅Cafe, open rice 有得book位仲有得儲miles .離鐵路唔遠只需幾分鐘,人唔多,係車多咗啲,見open rice寫8點開,以為會好多人,我地book咗11點,早咗半個鐘到,waiter 話疫情下改咗開11:00,我地去到一個客人都無,得staff預備開舖。由於太早好多野食都未有得供應,咁我地簡單啲,叫all day breakfast 算,有QR code自助點餐可惜唔太work ,最後都係搵返職員落單。餐廳走文青路線,大部份都係木製品,擺設會有啲乾花之類,可能因為咁有少少蚊滋,呢點有啲唔理想🤔。我地坐窗邊,用窗檯做櫈可善用空間,而且好多客人都鍾意窗口位,不過檯擺窗檯中間客人要打側坐就有啲唔舒服🤨。咖啡嚟到,係天鵝拉花,幾賞心悅目,all day breakfast 嘅蛋幾好,有層次嘅,牛油果醬幾好味❣,法包好脆囗👍。整體食物ok ,不過價錢就唔係好抵食,無set仲要加1, 對於好多嘅好評似乎有啲過譽。 繼續閱讀
(以上食評乃用戶個人意見 , 並不代表OpenRice之觀點。)