影片
公司附近賣魚蛋既有幾檔，但食過D魚蛋都係唔多掂而家又貴，大約一星期前見到角落廚房開張，開頭以為只係得果汁，後尾發現原來仲有綠茶味雞蛋仔、燒賣同魚蛋，前日試左燒賣同五青汁，不過不失，不過我都係中意食細細粒又彈牙果種舊式檔仔燒賣，至於飲五青汁既人都不求好味，但求健康兼真材實料，要好味就揀其他果汁XD。今日再去試魚蛋，有驚喜喎，KO晒附近咁多間魚蛋店，平! 不在話下，$10有10粒，邊到搵啊? 老友，重點係D汁，唔算好辣，但好香濃好杰身，好鬼惹味，對於一個年青老板可以煮到咁好味既汁，感覺好似有D格格不入，哈哈! 唔理啦，呢個係油麻地人既福利。
繼續閱讀
以上資料只供參考, 請與餐廳確認詳情