角落吾茶 (已結業)

行過見到有間新開嘅飲品店，個名未聽過，覺得幾特別，所以就走去試吓。店員推介飲酸奶系列或者香水檸檬系列，因為呢啲都比較少喺香港嘅飲品店搵到，多數飲品店都係主打賣奶茶同水果茶，所以都幾開心可以試吓其他嘢，咁我最後就揀咗火龍果酸奶攞到嘢飲之後，透過杯頂個封膜，見到杯野係紫紫地色，相信應該係攞紅火龍果去整嘅。飲落都幾好味，啖啖飲落去都飲到火龍果嘅籽，所以都應該係用新鮮嘅火龍果打，而唔係用嗰啲果醬唔錯，下次會想再試其他。