角川

營業中

休息中

想同朋友慢慢傾下計飲下酒，我一定會推介呢間大坑串燒居酒屋！雖然店内環境細細，座位之間都比較窄，但個氣氛好好，同隔離枱好容易就傾到計，仲會一齊飲酒交流，全賴有位自稱做「大坑西門」嘅老細 😂😂 佢好熱情介紹每樣野，仲會周圍吹水好搞笑，其他人都似係熟客，感覺好有人情味！串燒要需時用心製作，預咗要等耐少少，不過每款都好好食，好高質！尤其推介牛脷、極上牛小排、西班牙黑毛豬叉燒、明太子燒飯糰、芫荽豚肉卷，仍然保持肉質嫩滑又夠 juicy 😋😋食串燒梗係要配返支 sake，又一個輕鬆快樂嘅晚上 🥳

每次諗起同朋友食日本串燒，飲酒傾偈既餐廳，必會首選—>> 大坑角川！食物高質，基本每次都有好多嘢想試，但係以下就係入親嚟都忍唔住叫…. 🤭▶️手工雞皮餃子，外脆內軟燒牛筋、燒飯團、燒豆腐，呢啲無得輸，盡顯廚師功架！▶️再嚟精緻既𩶘鱗燒，無諗過有鱗既魚，口感獨特，食落一啲都唔”難過”！未試過既，千祈唔好俾佢個名限制自己個胃，認真，一試難忘😌▶️仲有清酒沙白，味道清甜。▶️平時唔食芫荽都實會encore 既芫荽卷▶️高野豆腐。啲豆腐好似海綿咁，吸晒啲高湯，正。▶️燒白鱔，肉質又厚又肥美▶️飲酒既，可以揀highball，我自己就鍾意每次嚟親都揀總有驚喜既sake range 🍶一句講晒，呢間係一間性價比高，多人情味既本地小店☺️

朋友從美國回來，特地為佢揀選呢間我好喜歡嘅小店，有人情味（而家香港好難搵）嘢食好味，每次見到老闆都有老朋友的感覺。日本去居酒屋，因為唔識日文好難同人溝通，但係角川就有日本居酒屋文化，但係有人同你一齊傾偈嗰種家嘅感覺。好多嘢都好好食😋 太享受其中，只係頭2個餸有影相，其他都掛住食同傾偈都唔記得影🤣😋 我哋食咗好多嘢，豆腐、螢光魷魚、牛舌、燒飯團… 都係每次必食. 今次有off menu 嘅燒蠔😋 大隻～ juicy~ 香～

本身都蒲開大坑見親都想入去試下，第一次去完之後番唔到轉頭，淨係行入去同老細講第一句嘢已經feel到好強烈嘅人情味，但講真啊野食都要好食架嘛，點知嗌親每樣都有驚喜，豆腐勁甜，清酒北寄貝夠味，牛舌好食，所有雞串都係勁正式，全是心機，酒既款式又多，歌又有feel，staff又好nice，全能到痴線，香港好少可有啲所有野都做得好好既居酒屋，價錢合理，基本上食完好快又想再去啦

已經幫襯咗好多次，但食物質素只會一次比一次好，從來都冇令人失望！角川唔單止食物高質，服務一樣高質，老闆會好留意每個客人，又識得搞氣氛，每次去到都可以好開心，嘻嘻哈咁渡過一個晚上。暫時叫過嘅每一款食物都覺得好滿意，冇一樣令人失望，有幾樣係每次必叫嘅。燒飯糰：有三隻味，原味，梅味同埋明太子。一定要試。叉燒同牛脷：係我哋必點菜式，豆腐會有驚喜！佢個芝士年糕都超好食，真係做到外脆內軟！記得叫黎試下！飲酒嘅朋友都可以試下佢哋嘅特飲。

角川雖然店唔算大，但食物同氣氛都幾好。同朋友一齊食串燒飲酒，傾下偈，真係好自在。老闆同員工唔忙嘅時候會同客人飲返兩杯，氣氛好熱鬧，多熟客！絕對值得推介同支持呢間串燒居酒屋！

好好食，又有人情味嘅屋酒屋！次次嚟都冇失望。好食，又不時有新菜式。仲有時令好sake🍶正👍🏻最愛係豆腐，次次都可以食兩碟。仲有新鮮海鮮，今次帶埋回港朋友享受蟶子and other shellfish。清酒更加係次次都有新驚喜，非常啱口味。仲有食埋佢冰凍生啤👍🏻平時行過都要飲番杯，食番幾味😋我有個非常鍾意芫荽嘅朋友就每次都食佢嘅芫荽豬肉卷，好fresh, can’t find this from anywhere else at par!

原本想book星期五嘅時候冇位 好彩臨時有人cancel 讓咗張枱俾我😍睇得出係小店 老闆忙住招呼唔同枱都仲係好好態度超級好食 細細間舖頭氣氛好好食到相都唔記得影🤤基本上推介嗰啲都叫晒高湯豆腐 原本心諗豆腐可以好食得去邊 點知真係好好食 臨尾仲encore多一碟雞皮餃子 雞肉棒 雞肝 雞尾 chicken oyster配紫蘇葉 全部都冇得頂🥺海鮮食咗燒鱔 鮑魚 蟶子 蜆 好鮮甜 煮得啱啱好 可惜花螺已經賣晒😭下次一定要試最後仲叫咗明太子燒飯團 好味道 有啲黐牙不過應該全部燒飯團都黐牙🤣建議多幾個人嚟會好啲 牛舌 叉燒嗰啲都好大碟 可以一齊share嗌咗六七杯酒 $6-70一杯 價錢好合理四個人去食當放題咁嗌每人都係$600左右港島區居酒屋嚟講 真係好高質 性價比高👍🏿👍🏿

高質串燒小店，唔算好正宗地道既日式串燒，但廚師用心製作，食物質素極高，老闆和員工都非常熱情，成晚食得開心盡興。不過留意，佢確實是一家"小店"，位置有限且比較迫。今晚並不是太餓，同時這陣子暫時不能吃牛肉，所以算係輕食。冰菜 $48：選用了芥蘭，非常特別，有些嚼勁，並加了芥末汁，口感清新。燒淮山：表現正常，但我自己偏愛這種爽口的口感。燒日式青椒仔：非常美味，加了少許醬汁烤製，不會乾巴巴。高野豆腐：必吃之選！強力推薦！豆腐煙韌，完全吸收了湯汁的甜味。秘制煮豬手： 豬手煮得好淋好入味，醬汁特別調制好味，特登留低最後送飯團。芫茜豚肉卷：喜歡芫茜的話一定要嚐嚐，芫茜中和了豬肉的油膩感。燒扇貝：燒得啱啱好，味道鮮甜。免治雞肉棒：每次吃日式串燒都必點的一道菜。燒雞翼：外表燒得香脆，簡單調味已經好好味。燒飯團：選了原味和梅子口味，飯團烤得稍微金黃，帶有牛油和醬汁的香氣，用澱粉質來收尾，大滿足！

【灣仔區】【角川】之前喺「何蘭正」嗰邊買衫，支持本地創作。透過佢哋嗰邊知道咗「嚟角川飲酒，射波交良友」嘅「你未死，我未醉」人生哲學，同道歉哥、郵差哥去坐吓。道歉哥遲到，同溫寧哥食吓內臟先，反正道歉哥遲到，冇所謂。首先係 $28 嘅「雞腎」同 $32 嘅「雞心」，都好食喎！跟住 $32 嘅「雞肝」同 $48 嘅「雞心喉」都唔差，而 $38 嘅「味噌豬腸串」好似略燶，但味道都可以。道歉哥嚟到，即叫 $78 嘅「生蠔」，我冇份食，佢話都唔錯。跟住仲食埋 $48 嘅「高野豆腐」同 $68 嘅「雞皮餃子」，前者仲好食過後者。而 $88 嘅「燒蟶子」、$108 嘅「牛脷」、$68 嘅「白鱔」同 $48 嘅兩隻「明太子雞翼」都燒得好好食，以串燒嚟講係用心之作，值得褒獎吓嘅。跟住食大份啲嘅，有 $228 嘅「極上牛小排」同 $118 嘅「西班牙黑毛豬叉燒」，都唔錯。講埋嘢飲，我哋飲咗 $78 嘅「Apple Gin Soda」、$68 嘅「Plum Wine」同 $88 嘅「Umei Show Soda」，都唔錯喎，配串燒係幾夾。成餐咁樣加埋一嘅總價係 $2259，因為大部份串燒我哋叫咗唔止一串，所以

想食串燒，諗住求其去附近揀一間，點知就中咗服，原先已經book好一間炸串店，不過最終某一啲原因冇去到，結果就出事。大坑其實都有幾間串燒店，點知揀著呢一間⋯冇book 枱 話已經full 左 得坐街邊，可能又加上其實我哋兩條友心情都唔好，所以就求其是但照坐。 佢即刻開左張摺檯。得我哋－枱坐街。本身個招牌都搵唔到，門口又見唔到。 老闆（自稱大坑西門）就係果啲好熱情招待客人果啲，好適合攪飲食同人吹水。－開始好熟練同我地推介，又叫我地－次過落多啲，因為製作需時。結果我哋食左三粒鐘，入錶都入左幾次，試過唔耐煩想走cancel 未到果啲又例牌話黎緊 我地兩個人唔唔覺其實食咗好多野，因為原來有九成都唔係－串串咁上！只係有粟米同雞肉棒係，燒粟米個size 又出乎我意料之外（半條竹籤上）其他就有：高湯豆腐 -佢既推介 其實好似係麵豉湯浸豆腐燒牛筋 - 都係佢嘅推介之人 ，特別啲囉出邊冇得食，又話牛筋要事先搞好多嘢芫荽豚肉卷 - 喜歡吃芫荽嘅朋友應該都會鍾意嘅燒牛舌-其實係好味嘅，不過佢成碟上又似乎太多燒飯團 -呢個真係強差人意，我－心諗住係應該燒到脆卜卜飯焦咁 點知⋯⋯雞肉棒x2 - 又係本身好期待嘅，

角川朋友帶我嚟到大坑搵食，大坑真係好多好野食架，今次嚟到呢間高質串燒小店。角川嘅親民程度係啲靚仔店員會行埋嚟同你吹水講下笑，就算全場full哂都好好服務，唔會扮睇你唔到🤣 不過呢間小店比較細，位置唔多，又冇限定入座時間，要食嘅朋友仔記得提早book呀！高野豆腐($48)以為冇乜特別，朋女勁推介下嗌咗，個湯個汁超入味，唔係好滑身果種豆腐，有啲似百頁豆腐~一定要試！雞皮餃子 (68)新鮮炸起，好脆口，食落一啲都唔油膩燒白鱔 ($68) & 芥末豬頸肉 (32)白鱔正常發揮，豬頸肉就好彈牙爽口厚切牛脷 ($108) 二人份量呢個真係好驚喜，好爽口！好重牛味！自己一個可以食一碟😂😂燒茄子喺對比之下，呢個就比較失色，比較淡味，出面有更好食嘅選擇燒蟶子 ($時價)呢個都係好驚喜，有時好怕出面食蟶子好鞋，呢個燒得啱啱好，好爽仲係好Juicy，加埋啲昆布汁，食到停唔到口燒雞皮送酒一流😆佢仲要好好心機幫你去咗雞皮嘅肥膏，食落好似冇咁有罪惡咁😂😂 脆卜卜好正清酒花甲唔算好有清酒味，每一隻花甲都好大隻好新鮮燒牛筋 ($55)朋友覺得好好食，但我覺得有啲痴牙鰻魚玉子燒 ($108)明太子飯團 ($38)呢兩個

老闆同夥計都非常熱情 有多款sake選擇🍶 食咗好多嘢 第一次嚟嘅話推介試吓以下幾款酒餚👇🏻 高野豆腐 ⭐️ - 非常軟綿入味😚 厚燒牛舌 ⭐️ - 香口又有咬口😋 雞尾 ⭐️ - 肥美脆口🤤 燒飯糰 ⭐️ - 好溫暖嘅感覺🥰 免治雞肉棒 燒雞皮餃子 

Friendly environment, friendly service and great food!Staff here is very friendly, would recommend the food for me based my preference. Have a great time here and would definitely come back here and recommend my friends to come visit!Favourite restaurant in Tai Hang!

One of the staff at this place is so rude. Making comments about the customers the moment we sat down, didn’t allow us to ask questions about the menu and wanted to order for you. And when we question the amount that he was ordering for each item, saying that we wanted to try first, he made faces and secretly held a grudge. When we wanted to order more later, he replied “you just said you wanted one!” I am speechlessAbsolutely ridiculous. Never ever received such horrible service at any res