覓 ‧ 甜

營業中

休息中

同friend喺紅磡食完dinner之後喺度行街啦，就發現咗依間糖水舖。老闆人好好呀係一個Uncle，好耐心喺度等我哋嗌嘢食同埋都好Nice嘅但係成個糖水舖嘅座位唔係好多啦，大概就係六個小枱仔咁，同埋會有少少迫。但係糖水嘅份量好紮實。一碗上嚟食完之後都好飽好飽我嗌咗芋圓芒果西米露，可以試出嚟個芒果係好新鮮嘅，加喺西米裡面成個口感好豐富。最重要嘅係佢哋嘅西米露唔係話好甜嗰啲，所以就好好入口我friend嗌咗楊枝甘露都覺得幾好食，可以試吓～

岩岩係覓甜品嚐了他們的芒果西米露（$30）和楊枝甘露（$29），真是讓人驚喜！這兩款甜品的份量都非常足，大碗裝的設計讓人一眼就覺得超值。特別是芒果西米露，裡面有巨量的芒果粒，每一口都能感受到新鮮的果香，搭配Q彈的西米，口感層次豐富。楊枝甘露的椰漿香氣濃郁，與芒果的甜味相得益彰，清爽又不膩口。這兩款甜品不僅好看，吃起來也讓人心情愉悅，尤其是夏天，來一碗更是消暑良品。真心推薦大家經過開露以一試！性價比高

尋日我去咗一間叫嘗甜嘅糖水舖，因為啱啱食完飯，所以我哋只係點咗三樣嘢。芋圓咋喳加椰奶真係唔錯，芋圓彈牙，咋喳同椰奶嘅配搭非常完美，甜而不膩，令人回味無窮。至於芒果爆珠涼粉，我個人覺得啲爆珠同成個甜品唔太夾，但呢個可能係個人口味問題，唔同人有唔同嘅喜好。最後個咖喱魚蛋豆卜方面，味道正常，冇乜特別驚喜，但亦唔會失望。餐廳環境方面，由於面積比較細，幾張枱比較逼夾，要同隔籬枱背對背坐，感覺唔係太舒適，所以我哋食完都馬上離開咗。總括而言，嘗甜糖水舖嘅甜品質素唔錯，特別推薦芋圓咋喳加椰奶。

正準備由「寶萊街」行去黃埔港鐵站，偶然望入條巷仔見到呢一家小店「覓•甜」，除因為晌條巷仔中佢顯得燈火通明之外，更寫住手工甜品，就幫襯吓買咗兩客糖水返屋企食。雖然無入到鋪內，但從外面都睇到入面喺點，鋪內好細，望落都喺得幾張枱仔，而外面有啲立食位，因為明顯啲櫈點都唔啱高度俾人坐晌度食。而所以食物選項，就晌晒鋪外嘅磚牆之上，一眼睇晒，仲圖文並茂。芋圓陳皮紅豆沙 $26呢一款甜品喺本期特價，不過，都只喺比正價平兩蚊。拎上手時，已覺得好足秤，揭開撈兩嘢，絕對喺真材實料，碗內好多紅豆，唔會得啲糖水，加上有微微陳皮香，而啲紅豆好清甜，且煲得好軟綿，再者，啲芋圓軟糯煙韌，每樣嘢都好食。花生麥米粥 $20麥米粥呢款懷舊糖水，依家都好少鋪有做，真喺賣少見少。成碗糖水都顯得一片金黃，同樣真材實料，睇都睇得見有好多麥米，而且，啲麥米好有咬口，加埋混有唔少花生粒，整體確喺唔錯。呢個價我都覺得抵食，點知臨行到去黃埔站時，有家「一豆花」，所有特色豆花賣$8，其他傳統港式糖水都喺$9-$13，真喺平到唔信，下次再嚟點都買碗豆腐花走。

今日朋友約咗我去黃埔，好少嚟呢度行。原來呢度除咗黃埔天地外，都有好多人情味小店。 今日嚟呢間糖水舖試吓，佢有好多傳統糖水賣，但我就揀咗新派啲嘅，全個menu最大碗嘅巨無霸。 裡面有芒果，蒟蒻，爆珠，涼粉底，食落口感豐富，芒果夠甜好好味。而且好大碗，我仲可以分開兩碗，兩個人食都夠食，$45 蚊大大碗，超抵食。跟住，買咗咖哩魚蛋豆卜返屋企食。 諗住係啲普通嘢， 但估唔到我食完3粒魚蛋3粒豆卜後，我仲想留返啲咖哩汁聽日撈飯食😂， 啲咖哩汁ok喎！👍🏻

紅磡雖然都有幾間糖水舖，但食過這間真的好好味糖水舖，「覓. 甜」我買了一碗熱辣辣芋圓芝蔴糊堂食，第一次食加上QQ芋圓,糖度剛剛好的芝蔴糊，真的好好味，大大碗，價錢又大衆化。👍

經過見到$18碗糖水咁平😆好耐無見有十幾蚊既糖水，蕃薯糖水($18)夠薑味唔太甜，腐竹蛋糖水($18)好味😋加湯圓$5兩粒，湯圓軟滑好食，非常抵食，值得支持下小店👍🏻

食了一頓豐富的韓菜後，想食糖水作結尾，這街有兩間糖水店，但另一間原來逢星期三休息，所以不用選擇了 先看看餐牌：有熱食和凍食：一進店，有很濃的薑糖味，非常吸引，所以我點了薑糖水加麻蓉湯圓。朋友叫了芋頭西米露。補充: 上次另一朋友食過椰汁西米露，覺得糖水太淡味。$20 薑糖湯丸（熱）好快到，三分鐘內，薑味非常強勁。湯丸是中型大小，粉不煙韌，較實的的；麻蓉餡是有碎碎、可咬的感覺。薑湯一飲，喉嚨就感覺到熱熱的，喝光後就全身血液循環加速，証明湯底很足料。$27 芋頭西米露（熱） 十分鐘內到。期間店也在處理多單外賣，所以效率都是非常高的，店內只有兩名員工。朋友覺得糖水OＫ，芋頭就唔夠冧。還ＯＫ的。這間店收支付寶、微訊、八達通，非常方便。

今次我們叫左一碗姜湯蕃薯糖水，一碗芋圓椰汁喳咋。姜湯散發出濃厚薑味，飲落有（辣）喉感覺，蕃薯亦滲透晒濃厚既薑味。喳咋份量十足，加入煙煙勒勒芋圓更添口感。有緣再到紅磡一定會再次幫襯。

今日做完嘢，約咗朋友未夠鐘，突然好想食甜嘢，見到有條橫街，就行咗入去，搵到間細細地既糖水舖。叫咗碗蕃薯糖水，湯底夠薑 ，辣到去喉嚨位，好舒服，依家好少糖水舖做到。蕃薯大大舊，冇渣，唔碎，成碗清到底。見隔離枱叫埋小食，下次可以試埋其他小食同糖水。同老闆傾開計，佢地係頂手返嚟做，一對好有熱誠既夫婦，坐開office轉做糖水，唔易。難得係可以keep到水準。越夜越多人，外賣都唔少，好多係舊老闆熟客，返得轉頭一定係好，加油，下次再嚟