影片
以上資料只供參考, 請與餐廳確認詳情
近排發現屋企附近開咗間外賣西餐，好奇心驅使下試左幾次，覺得味道唔錯，而且性價比極高，所以決定寫食評讚下佢。今日叫左是日晚餐羅勒蕃茄天使麵伴活蜆同焗黑椒豬扒飯，我係預早半個鐘WhatsApp向老闆落單，因為呢間個老闆係即叫即做，去到攞嘅時候見到老闆仲炒緊我果兜意粉，好夠鑊氣！熱辣辣上碟，攞到番屋企就岩岩好。😋個天使麵調味調得好好，最勁係啲蜆一粒沙都無，而且好鮮甜，食得出係新鮮嘅蜆。焗豬扒飯都好好食，個飯係炒底，豬扒雖然落過鬆肉粉，但勝在唔會落過龍，都仲食到陣肉味，而且食落鬆軟，非常好食。😋是日晚餐兩樣野加埋先$115，仲要包埋野飲，呢個價錢有呢個質素真係好抵玩，我最推薦嘅仲有泰國冬蔭公大蝦意粉，水牛城雞翼同埋芝麻蜜烤雞髀配胡麻青沙律菜。
繼續閱讀
晚飯外賣自取-蒜蓉汁夠味不會死鹹，西冷軟熟，薯條凍了，餐湯係洋蔥湯可以。$60咁嘅價錢去邊度搵，性價比高！叫的小食無了，改牛肉丸番茄汁。個汁好正，唔只得番茄仲有洋蔥碎紅椒等煮到好香，再加上有淡淡芝士味。配埋個牛肉丸食，無得輸！下午茶餐賣到8點都有，你仲想點？？？！？無影相因為無想過會寫食評，但食完覺得係值得推介俾大家！支持下小店，行遠少少都值得
繼續閱讀
我第一次寫食評 食左幾個月忍不住俾個好評因為係餐廳樓上番工佢開左之後我地幾個同事基本上每星期起碼食三次希望老闆長做長有🥰減肥既日子都可以食佢個雞脾配沙律真係好好食面餐26蚊 荔枝角真係無好食 價錢佛心 推介♥️
繼續閱讀
如果經過荔枝角，又唔想煮飯，可以試一試這裏的一家外賣店——西餐佬！位於荔枝角的這家餐廳，有著豐富多樣的菜式和快速的上菜速度，叫外賣都只是幾分鐘。泰國冬蔭公大蝦意粉，$60。這道意粉不僅麵條Q彈有嚼勁，蝦子的鮮美也讓人驚艷。大大粒大蝦再加上泰式特有的香辣口感，入口爽脆彈牙，讓您的味蕾受到衝擊，喜歡吃辣的話可以試一試。美式醬燒豬仔骨飯配燒汁，$55。這道豬肉口感非常嫩滑，兩大隻燒豬仔骨！肉質嫩滑，加上燒汁的香氣和醇厚口感，絕對能讓您的味蕾享受到不一樣的美味滋味。配飯吃一流！推薦特選紐西蘭西冷牛扒飯，價格只需$56。這道牛排的肉質非常細嫩，每一口都能感受到肉汁的爆發，再加上豐富的配料，讓您的味蕾得到了充分的滿足。份量也很充足，一個發兩個女士吃也可以。總體而言，西餐佬是非常值得一試的外賣店。他們的菜式非常豐富，而且食材質量非常高，不想煮飯的話，這裏是你的不二之選。西餐佬 (荔枝角)荔枝角長沙灣道883號億利工業中心地下1C號舖#西餐佬 #荔枝角 #食評 #食物攝影 #美食 #foodie #foodporn #foodphotography #foodstagram #foodblogger #foodlover #foodgasm #foodpics #foodgram #instafood #foodblog #yummy #delicious #hkfoodie #hkfoodblogger #hkfoodporn #hkfoodlover #hkfoodstagram #hkfoodpics #hkfoodgram #foodreview #hkrestaurant
繼續閱讀
呢間西餐佬睇間店外表真係唔吸引，但當試過一次之後真心覺得佢係良心小店，我自己已經幫襯過幾次，次次都交出左比佢價錢之上既水準，豬牛雞同蝦既主菜水準都差唔多，視乎你鐘意食咩，從來未試過open rice出po，今次真係要大力支持下，老闆一個又煮又收錢但野食仍然keep到水準，咁既價錢咁既水準香港真係買弓小見小，希望大家都可以幫襯下佢，包你唔會失望，我自己比較推介佢既大蝦意粉，牛扒同豬仔髀，真心想佢長做長有！
繼續閱讀