西貢金雞海南雞 (已結業)

同朋友到北角健威坊買健康產品，唔覺到十二点半，有啲肚餓，朋友睇見有間海南雞專門店，於是兩個人就入去醫肚。一坐低，店員就將兩碗湯送到我哋面前，個湯飲落好濃郁，大大舊紅蘿蔔喺碗度，都幾好飲，我想encore ，但店員話個湯要收十一蚊碗，於是我就無叫啦。睇個餐牌，推介海南雞，兩個人好自然叫佐兩個無骨海南雞飯。香港唔知幾時學咗星加坡，而家啲雞都興無骨居多，其實我鍾意食有骨落地嘅雞。好快兩個雞飯送上來，一早整定，連個飯都唔係熱首先，碟雞份量絕對夠食，賣相亦可以。睇落雞皮都幾肥，我無食雞皮嘅嗜好，何況睇見咁肥更加引唔起我興趣，雞肉部分嚡口啲，而且無乜雞味，可能雞脾會滑啲，但要加多十蚊。雞油飯裏面有些蒜片之類，但又係無蒜香，個飯頗硬。整體不過不失，唔難食但又唔係特別好食。呢處海南雞好普通，最好飲係個湯，$52(午餐)無跟飲品，唔算好抵食。

第二次黎食呢間金雞海南雞。上次食左海南雞，今次試下麻辣。雞係滑既，飯都有油香，不過唔夠熱。湯幾好，好有家既味道。整體而言，係好食既，不過就有啲求其，始終係分店加小店。加油啊

以前成日食西貢果間，但做野地方遠左，咁岩又係北角見到有分店，就抱住西貢果間質素入去，環境坐得舒服過西貢，只不過食物簡直係二回事黎，分店既飯又濕又黏食吾到任何香味，可能我唔好彩，雞又硬又皮多過肉。到俾錢嗰時，個飯$52，我比$60佢，佢收完放好落部機到，完全冇意思找錢俾我，我企喺度等，佢先問返我，頭先比左幾多錢佢睇黎真係同西貢總店既級數差太遠。不過希望佢肯改善佢分店食物嘅質素，如果唔係，真係攞自己個招牌嚟較飛，

今日下晝2點幾經過見無乜人，就入去試下啦，點知一坐低，餐牌都未睇，個阿姐就即刻問我食咩（大佬吖！比少少時間我望下都得卦！）我同佢講我睇睇先，話口未完，就手指指，你食海南雞啦，呢個好食吖，唔知以為你趕住收工tim，原本諗住呢d時間唔駛同人迫，可以舒舒服服咁享受個lunch，咁都要比壓力！食完埋單比$果時，仲要話你擺低得啦，咁嘅服務態度真係一流，如果你係老板，我祝你生意興隆啦！如果你唔係，我希望個老板可以正視一下，教育一下員工乜野係正確嘅待客之道！

今日突然心血來朝，好想食海南雞飯，在沒有做資料搜集的前題下，來到了一間我平時都不會想起的這間店，一試它的龍與鳳。中午12點，我是第一台客。怪點一點了一個海南雞腿飯（68元）、雞肉的份量比一般的海南雞飯（58元）少，無語。 平時去食燒味都是一隻雞脾比較多。雞肉無雪味，也很滑，味道沒什麼挑剔。配上醬汁，很好下飯。但。。。。。怪點二油飯有怪味，不是香味，不知道加了什麼進去？又不像香蒜，又不是雞油。怪怪怪。吃了一半都不敢吃了。我寧願簡單一碗白飯算了。

今天不想在外午飯，於是要了外賣自取～點了一個金鷄二人餐回家慢慢品嚐去骨海南雞果然是招牌，雞肉細嫩，可惜雞油飯完全沒有香味，有點缺失狀元蹄鹵得很入味，但是肉質鬆散，沒有咬囗油菜有點老，可能煮得久了一點基本上食物的味道是不錯的，只希望店員能細心一點。。。本人要了一杯熱檸水，店員沒有放砂糖，沒所謂，因為杯蓋並未完全合上，當一打開膠袋，整杯檸水立刻倒下。。。沒了飲品也算，但倒進了所有食物內，破壞了味道。。。

行完山知道北角有間金雞海南雞既分店，特登係側魚沖行過去食，如果係非常失望，我先前係西貢總店同九龍城分店食過，都係好好味道既。首先，間野既侍應態度唔好，比飯個陣就咁比雞，仲問返我轉頭岩唔岩，我同佢講一普通一轉左雞脾，佢行埋黎睇完張單先哦左一聲，跟住比完雞又唔比飯就行開左，我問佢：飯呢？佢先同我講「不」緊😑味道方面唔講都唔知金雞黎，飯呢就煲爛飯，完全唔乾身，雞雖然仲係好滑但0雞味，都唔知自己食緊乜。一樣係金雞 但分店之間既優劣度真係令人吃驚，北角依間真係無乜資格掛住海南雞專門店依個名😑 第一次咁肚餓都覺得難食既海南雞飯😕

嗰日同屋企人幫襯呢間餐廳。服務員態度極差，落order 時冇埋枱，只係離遠叫我地講要乜😡。都算，叫左個二人海南雞餐另加一個一人餐叫個燒豬頸肉，點知又話冇豬頸肉(六點半未夠就話冇），冇選擇之下又只好叫多個海南雞餐。海南雞完全冇味，雞肉極鞋，雞極多肥膏，所謂油飯不知所謂，完全唔係嗰回事😡😡😡餐包飮品，叫左三杯飲品，一杯凍檸茶兩杯熱檸茶，點知送來三杯凍檸茶，我叫佢換返，佢送錯仲態度惡劣😡。到埋單俾錢嗰陣，我見只係$223，但佢話要收多$5， 話個二人餐只包一杯，仲話我問左你啦，其實係佢送錯野飲，佢自己搞錯仲屈我。由於趕時間，我只係問佢攞咗張單同比多$5佢就走左啦。返到屋企睇根本係包三杯野飲，凍飲加$3而已😡呢間店簡直差😡😡😡

食lunch都要搵好野食😏呢間話自己專注煮海南雞應該幾好味🤔等我試下佢😈佢除左海南雞🐓仲有其他野食既~一坐低，店員好識做整碗老火例湯俾您先😎好飲呀😍d骨都霖晒~煲左好耐好夠味👍跟手再放低碟醬汁俾您~但我冇試過……所以講唔到俾大家聽好唔好味😆因為我叫呢個麻辣雞已經好夠味😍唔需要再點醬😌叫麻辣其實佢又唔係好辣，我自己本身唔係好食得辣都食到，仲覺得好惹味tim😋佢連個雞油都做到好香，直頭想添飯呀😎

係北角經過呢間舖，記得某飲食雜誌請大飛哥介紹過，所以就行左入去。我去既時段因爲係放假同下午茶時間，所以係近乎無人。舖頭唔係好大，一眼睇晒，經營就無集團式個種規模，都係比較街坊小店式。食物我揀左去骨海南雞餐。醬料：略嫌少左啲，都好味既雞：古語有雲，食雞唔食皮，不如唔好食雞。雞皮都冇啲啲肥糕但唔係一大Pat，可以接受。雞肉都滑，但食落去無好喜出望外既感覺。飯：油飯就梗係有啲油，都有油香，不過如果個飯可以熱啲就好總結：我知道雞係好難整得好食，由細舖做到有分店，已經好叻咖喇。基於我無食過本舖，我唔排除分店QC未做到好好，食完無好似大飛哥咁强烈推薦。

離哂譜第一次想試下佢既海南雞飯，套餐包一份小菜點了椰汁咖喱雞。第一次外賣送到漏了這份小菜。OK唔緊要打電話去要求補送吧。30分鐘……係30分鐘先至送到呀大佬!重點係仲要送錯左豬頸肉……係你太好生意吖，定係唔想做我生意呀！咁我仲打唔打俾你叫你再補送個咖喱雞俾我做宵夜好呀？

北角開完會，来個late lunch, 當然揾間未食過嘅餐㕔試吓，经過健威商場地下舖，写明“本店一直專注去骨海南鷄飯制作，....”，當然就吾會放過佢。入到店內，装修简单，只见幾个员工正在用午膳，下单後先是個青红蘿蔔南瓜湯，味道可以，但我比較鐘情傳統珍肝菜乾湯。主角上枱：雞皮不帶肥，雞肉好滑，可惜冇乜雞味！三式調味醬料冇什麼特別，油飯吾夠香也比較乾，味道還可以。總體來說，只能說一般小店制作，家庭式經營，反而店舖衛生還是有待改善！

跟同事一同一齊來試下，叫海南雞專門店，想必有驚喜吧！雞到了還配上了油飯，最想吃油飯，油飯香氣不夠，飯夠乾身是粒粒分明，但香料明顯不足，而且沒有其待的雞油香，只是清香飯一頓，沒有驚喜。雞皮夠爽，雞肉都滑，但不及正宗的海南雞的雞有雞味，總欠了甚麼似的，醬汁的豉油，味道不似正宗的黑醬汁好吃，好豉油味。辣醬可以的，也不差，但蔥油，其實加點薑蒜會更好，因薑蓉配雞是最夾呀！同事點了生煎鹹魚肉餅配白飯我也試了，咸魚魚餅煎到好透，但咸魚味不夠，肉餅也稍乾和份量細，味道OK，但不是我吃過最好吃的，白飯沒有飯香，但粒粒分明，飯多餸少，差了點。這頓海南雞不難吃，但不是我吃過最好的，專門店而言，是平庸了一點。

呢間海南雞飯店其實來過N次，裝修略簡陋，除咗第一次來時點了個2人餐外，之後一直都係食海南雞飯；套餐包括湯、油飯，去骨雞肉，最喜歡吃它的油飯，好香好味！雞肉嫩滑入味，配三色醬料，好容易可以吃完整碗飯！也有很多來買外賣海南雞回家吃的，小店雖然不起眼但是真的美味，推薦！

行行下街見到呢間嘢 畀門口嘅餐牌吸引住 因為下午茶29蚊咋!!!!喺香港地好難會食到29蚊嘅海南雞飯 所以就入去一試!!但原來下午茶嘅海南雞真係好細碗 不過啲雞真係好滑好好味 得雞翼係有骨之外其他都冇骨 不過點海南雞嘅嗰三隻醬真係好普通 分別係甜豉油 薑蓉 唔辣嘅辣醬而飯都係海南雞既油飯 不過味道就冇咁濃郁 溝醬溝稀左少少而環境方面不過不失 舖頭比較小 雜物都會擺出嚟 人多嘅時候應該會有啲迫但整體而言29蚊呢個下午茶食得過既 下午茶好似2點半至5點半