西貢海灣會燒烤大王

係泰道首次嘗到無打針被拒於門外唔比食飯，算鬼數行過隔離食燒烤！何解比以前乾淨整齊多倍呢？原來被海灣會佔據了！翻新靚靚，食物環境服務均滿意。靠邊望海遠離人群附加費 $200 大元，就試您一試。享受 Fine dining 時刻，當然要有刀叉碟及枱布先夠情調。場內提供的食物乜都咸，除了魷魚翼、雞中翼、雞扒、腸仔、丸類、魚類、蔬菜類。起爐非常兇狠，就算燒乳豬中豬都綽綽有餘。十級火用作燒原味扒還可以，無糖無醬油不易燒焦。雜丸、蔬菜及加工食品都會轉眼變成焦碳。火勢過份猛烈，第一灶全部都燶掉。蔥花蒜蓉醬油燒原條茄子，耐心燒到整條變軟，壓扁後中間劏開加上料味料。茄子肉綿綿一梳梳吸盡醬料，味道極佳。燒尖椒，熟透的尖椒爽甜非常，間中食到辛辣種籽更過癮。紐西蘭頂級羊架，原味不用任何調味，鹽都不需要，純天然羊肉甜，肥美彈牙爆汁，微弱羶香不過份。美國頂級牛西冷，鬆軟有嚼勁，牛味天然甜美，不需要助料，焦香可口。咖哩雞中翼、香茅雞全翼，兩者勻醃味濃烈可以接受，雞翼大大隻有肉食，只是味道略有點濁，而且沒怎樣的雞甜味。黑椒有骨豬扒，味道少少咸都有微弱豬甜，嚥嚥韌韌有咬口的質地，損埋骨都不錯。多春魚，細細條瘦猛猛仲雪到

復活節假期第一日入咗嚟西貢燒烤，我哋大約一點半嚟到 ，成個場應該坐到幾百人，入座率得二成，都好冷清下，不怪得新聞話啲人北上消費，本港食肆冷清。入到去坐低， 開咗個燒烤爐之後，就自己攞嘢食 ，餐廳嘅食物正常味道，最好味應該係個豬頸肉😋。😌值得寫呢篇食評嘅係因為啲服務員，佢哋真係一絕😒，企喺門口嘅阿姐服務員串咀到爆，用"指揮嘅態度"去叫顧客買咗票先，完全冇服務質素可言😡。跟住坐喺燒烤場內有一個服務員，類似係負責包好啲炭，同埋執好啲枱+ 負責起好個bbq爐 ，佢見我哋個bbq爐燒嘢食嗰陣比較大煙就過嚟望，用極不友善 ，接近係指責你嘅態度😤，喺度話我哋做乜燒嘢食咁大煙， 大大聲咁 exactly 講 :「咁大煙點樣燒嘢食?!🤬」 跟住指指點點咗一輪之後 ，就走開咗 ，態度真係奇差，令人O曬嘴😨。不久我聽到隔離枱啲嬸嬸坐低咗冇耐，就好勞氣話出面服務員，又係話其差態度， 直情想鬧佢咁濟 😟。呢間嘢其實食物係冇問題，配套亦ok，位置都ok，唯一差嘅就係服務員， 畀人人印象非常之差，佢哋真係有好大嘅進步空間囉😂， 真係唔知係唔係老細有默認咗佢哋要咁樣服務 🤭🤐。 其實bbq場都 接近 無服務可言，通常

4個人諗住開開心心BBQ ，一個遲啲到，企門口嘅西面女職員話要比哂錢先准入，海景區又話要加$200，又唔比入去睇環境（入面只得一枱客），諗吓商量都唔得，仲要好大聲講＂咁你要唔要吖，我哋full booking 架＂，火都嚟🤬，做乜要比錢受氣，即走，(我唔信佢真係full )，咁嘅服務態度🤬，一次都唔會益佢，影佢相仲要遮面。呢啲服務態度擺明趕客，所以咁多人北上消費。我哋將啲錢去隔離食泰國菜，又好食服務態度又好，仲有海景枱坐（唔使加錢）🤭，食完望返BBQ 得5枱客（冇人坐海景區）😂，咁就係full booking 😂

襯冬天未完同朋友仔去西貢bbq🤓星期日bbq價錢，每位$277，只收現金。我哋一點幾到bbq場，唔係好多人🤓再晏啲就越嚟越多人。入場時會提供每人一份燒烤叉、紙碟、發泡膠碟、飲品杯、同埋每枱一個蜜糖膠兜+掃，可以去食物區拎蜜糖。我哋自己帶咗啲金菇蒜蓉牛油去燒🤓去到發現原來呢度有牛油提供，不過應該係人造牛油，一大桶嗰啲。我哋仲自己帶咗燒烤網，綿花糖，因為場地冇提供。覺得幾好食嘅食材有：咖喱魷魚、豬頸肉、紅腸、漢堡扒、牛油粟米🤓推薦帶個錫紙兜過嚟，將啲粟米切粒粒，然後燒熟佢。飲品機嘅水唔係幾好飲，蘋果汁好甜😬呢度嘅麵包係厚方包同埋法包，個人比較鍾意燒生命麵包多啲🥹厚方包有啲難燒呢度啲野食一定唔係靚食材，勝在有得任飲任食，又有得同朋友吹下水，都幾開心🤓#沒有接受用餐款待

非常差的服務態度，我們20幾個人前行，有10個到咗都唔俾入，要我們買晒咁多人嘅票先至可以入，但係現場只有現金唔可以比Credit卡，要理論一個小時後才可以放行10多人入去，簡直是不知所謂，咁樣做生意，唔會再有人去幫襯！食物質素差，個杯咁細，成日要行來行去refill, 一定冇下次！食嘢食到一肚火都算係第一次啦！

諗住過年一家大細去燒野食，過年價錢貴都唔緊要，但你要比返D質素人食囉，除左鷄翼食得下，其他麻麻地，甚至入唔到口，環境系Ok嘅，食物真係好差，個杯真係太細囉，兩啖已飲晒，唔通真係要人行來行去拎，唔方便，職員質素麻麻地，一句講晒，無下次

同幾個朋友一行4人收工諗住bbq，美孚無咗燒烤場，元朗嗰啲又試過晒，就諗住嚟西貢試下。我地7點鬆啲到達，咁就買票入場啦，$258/位，但就只收現金。如果海景位仲要加$200開爐費，所謂嘅海景位，你坐低咗係唔會睇到海景。俾完錢佢就俾咗每人一支燒烤叉，4隻發泡膠碟，4隻紙碟，4個膠杯，裝蜜糖嘅膠杯同一盒紙巾，餐具就自己出去攞嘅。野食種類唔多，飲品係汽水機飲品，so far食物味道係ok嘅，但就超級無敵準時9點正就落閘唔俾再攞野食，一分鐘都唔會俾多你，之後想添少少蜜糖都唔得。所謂嘅任飲，佢隻杯好細，燒嘢食好易口渴，咁斟野飲就要來來回回好多次。好多野都係額外收費，燒烤網$70，佢有蕃薯，但又無錫紙俾你，咁買錫紙又要俾錢喇。到咗9點後就間中會有廣播話10點前一定要離場，過咗一陣9點15分左右，無人嘅地方就開始熄燈，到9點40分左右，得返我哋一枱，就熄淨我哋附近嘅燈，然後啲職員行來行去，又成班企喺一個角落望實我哋，真係未試過燒嘢食都咁有壓力😰 大佬呀，你話10點前離場，咁我9點59分走都未夠鐘啫，真係搞到好掃興！講真，個場環境係唔錯，但service就真係無嘅，價錢bbq嚟講唔平，地點又唔係方便，

朝早起身，胃口已經瞓覺去咗🌞，晚咗啲就有得去西貢大肚滿滿地燒烤！一踏入去，海風撲面，吹走哂平時嘅煩惱。我哋一個大團隊去到，就直頭開燒！肉類選擇咗雞翼、牛肉、豬肉應有盡有啊，烤到啲皮脆脆地，入口即溶，肉味噴香💨；蔬菜方面，啲燒茄子真係出乎意料地好食，入口即化，攞嚟夾餅一啖，味道真係正中紅心🎯。飲料就普通咗啲，得個可樂同果汁，下次有冇靚啲嘅茶仲好呢！而且，話說返啲麵包，萬勿錯過啲多士，烤到啲邊金黃脆口，喺腦海中留下唔可磨滅的記憶呢！夜晚燒到10點，講笑傾偈真係揾到幾個知己。而我嘅小朋友又去咗沙灘奔跑放風箏，玩得不亦樂乎🪁。唯一要提留意嘅，就係門口有時會有啲龍爭虎鬥，其他嘅，基本上都算係一個唔錯的体驗。总之，今夜嘅西貢之行，肚皮幸福，心情都跟住上升啲呢！夜晚海風同埋千萬萬顆星光，係城市裏面揾都揾唔到嘅獨有韻味🌟。

{無限時任飲任食BBQ - $238}麻甩佬除左鐘意打邊爐，BBQ 都係我最愛之一，唔知由幾時開始，連BBQ 都可以二人成行！捉緊新年假期嘅尾巴，又去BBQ! 呢間海灣會係我成日去嘅，貪佢搭車入去方便，無限時任飲任食，兩個人傾足一日偈，由下午食到夜晚，仲有無敵海景！平日黎仲差唔多可以包場！燒嘢食嘅食物唔使多講，不過我想同大家威威嘅我燒嘅豬頸肉真係好靚😂呢度嘅泰式醃法，配合即燒嘅炭香，真係令我一連食幾大塊唔停得口！美味程度：😋😋😋😋環境指數：🎇🎇🎇🎇🎇番食機會：🦍🦍🦍🦍

{無限時任飲任食BBQ - $238}麻甩佬除左鐘意打邊爐，BBQ 都係我最愛之一，唔知由幾時開始，連BBQ 都可以二人成行！捉緊新年假期嘅尾巴，又去BBQ! 呢間海灣會係我成日去嘅，貪佢搭車入去方便，無限時任飲任食，兩個人傾足一日偈，由下午食到夜晚，仲有無敵海景！平日黎仲差唔多可以包場！燒嘢食嘅食物唔使多講，不過我想同大家威威嘅我燒嘅豬頸肉真係好靚😂呢度嘅泰式醃法，配合即燒嘅炭香，真係令我一連食幾大塊唔停得口！美味程度：😋😋😋😋環境指數：🎇🎇🎇🎇🎇番食機會：🦍🦍🦍🦍📍 #西貢海灣會燒烤大王 (西貢)西貢大網仔路沙下村9號地舖

第一，寵物不友善，明明是露天餐廳，竟然說寵物不能入。第二，沒有免費泊車，兼時租超貴，一小時要30蚊，仲要響佢地度消費200蚊先有呢個「優惠價」！隔離WM酒店都係28蚊，仲有充電添。第三，付款不友善，今時今日竟然仲只限現金，不接受任何電子支付，更不接受轉數快。我被迫要俾30蚊揸車出去西貢墟攞現金！第四，食物選擇少，蔬菜類只有茄子，青椒同翠玉瓜，肉類只有基本牛，豬，雞，丸類只有基本牛丸，魚蛋，蝦丸，墨魚丸。飽肚唔難，但呢個價錢嚟講，選擇太少第五，調味料太少，只有一次性包裝辣椒油，芥辣同豉油。你要我俾20蚊買卷錫紙，我放茄子入去都想加調味料掛，連蒜蓉都冇。總之一句，香港歡迎寵物嘅燒烤場大把選擇，呢間我唔會再去了。

只收現金💸用具加費：錫紙加、燒烤網加、燒烤叉加。沒有：蒜蓉扒：化學醃製，肉冇肉味。裝食物的碟限制一人一只，發保膠唔環保。膠杯唔環保，野飲冇氣。空氣唔流通，戶外另加$100，煙燻人肉。唔抵食，唔好食。沒有蝦、海鮮自已帶·優點：就腳。

環境乾淨，比起大部份收費燒烤場環境更舒服，所提供嘅食物質素全部都高，肉類醃得好入味，又唔會太鹹！最估唔到嘅係，佢哋會提供飲品杯俾大家任飲各款飲品，亦都冇爐費，性價比好高！❤️❤️

其實食物唔差，不過整體感受就麻麻。今次係中秋節成班朋友一齊去BBQ 。其中一位朋友仔提議嚟西貢呢間。節日額外加錢！冇問題的！朋友話因為見到有無敵海景，所以想過嚟試試！本身預約Booking嘅時候話已經要加錢，去到就話因為冇位，如果要坐外面位置就要再額外加一個開爐費$200。我覺得都冇問題，但後來發現原來雖然是放題BBQ。但基本上你要的物品都是需要加錢。然後留的位置跟取食物的位置非常遠，服務員態度麻麻。飲料多拿一個場內的杯子去浸，餐廳職員都會黑面出口阻止，就是要你來來回回走來走去的。

今日大夥兒約埋去任飲任食BBQ，原本打算支持留港消費，自製一晚西貢BBQ「夜繽紛」。點知燒到一肚火，提早執嘢走人。1.入場欠缺電子支付平台: 畀入場費衹收現金，不接受任何電子支付，一行十幾廿人入場，唔係個個帶夠現金，連八達通/VISA都唔收，大家係入場處湊現金湊來湊去，又要顧住d小朋友，場面狼狽，仲要畀人串......失望。2.軟件服務: 入場處職員比較有霸氣，唔知道嘅以為自己無端端得罪咗某個社團幫會，有殺冇賠， 喂，各位大佬大姐，「過門都係客，我有畀足入場費㗎喎，可唔可以有少少招呼呢？」3.食物: 有雞翼牛扒豬扒雞扒雞腎金沙骨叉燒香腸芝士腸魷魚及丸類，迷你茄菠蘿粟米蕃薯青椒翠玉瓜等，各種質素算可以，但款式不算多，冇金菇及菇類。4.飲品: 有汽水及果汁自助機任斟任飲，另有啤酒汽水烏龍茶等等飲品畀錢另外購買。5. 最不滿的地方: 不人性化服務。以為任飲任食到10pm， 原來一到9pm，場內食物及飲品部會立即「落閘放狗」，任何客人不得再內進取任何食物及飲料，(心想: 又話任飲任食嘅？原來係有時間限制， 咁入場收錢時，又唔見你d職員講清講楚？) 9pm 後，就算我想另外畀錢購買飲品，一律不容