42
4
3
電話號碼
27920683
開飯介紹
佔地約2.5萬呎,坐擁無敵海景。特設玻璃屋,配上白色為主調的場地,感覺愜意。除任食基本燒烤食物外,亦有額外附費的生猛海鮮和即燒乳豬。 繼續閱讀
營業時間
今日營業
15:00 - 01:00
星期一至四
18:00 - 00:00
星期五
18:00 - 01:00
星期六
15:00 - 01:00
星期日
13:00 - 00:00
付款方式
現金
座位數目
300
其他資料
酒精飲品
自帶酒水
切餅費
泊車 詳細介紹
外賣服務
加一服務費
室外座位
食評 (59)
我想大家中學生時代一定都試過沉迷燒烤,一班人柴娃娃去郊野公園,由日頭玩到夜晚,應該不少人都有錢呢類不錯嘅回憶。買腸仔、魚蛋、牛丸到雞翼和牛扒,要透爐,買炭精,再到流行開始全隻乳豬燒嘅任食場,然後再advance到了燒安格斯靚牛或者主要燒海鮮類,有返咁上下年紀嘅人都經歷左燒烤嘅改朝換代。而家人大左,就算天寒地凍都會諗起打邊爐,而唔係BBQ,全因為冇咁多心機、時間和熱情。前排突然間想起好似好耐冇燒過嘢食,癮一起就一家人心血來潮搵個郊外場試下,人又太懶當然搵任食場,唔使做。以前淨係識元朗燒烤樂園,經歷左721事件後唔通仲咁去咩。白石之前又去過,老婆建議試吓新場。喺開飯個網站搵吓搵吓就搵到呢度,西貢海灣會燒烤會所。由西貢市中心揸車入嚟只不過需要三分鐘,三分鐘後個環境更加與別不同,西貢市中心始終都好似一個市區,但來到這裡你真真正正感受到天與海連成一線嘅環境,我想起讓海和天遇上嘅來夜方長。這是一個飲食嘅燒烤場,以一個價錢冇限時無限量任食任飲,當然星期一至四同五六日價錢都會有分別,但最貴都係二百幾一個人頭,而小童更是半價,不過個範圍好闊,唔同時間都差幾十。最緊要係任食,好似我細佬嚟到呢度一定冇得輸,眼見全場好多都係一大班年青人去燒,我完全拉低左呢個場嘅平均年齡。好少寫呢啲地方,原因我覺得好乾淨,由腸仔,不同丸類,到扒類,全部都好靚,麵包蕃薯全部都有,種類有好多,而且飲品又好多種。最好嘅事完全唔使自己搞個爐,有專人幫你開,加炭亦都非常方便,又好乾淨。而且調味料同埋餐具全部都有獨立包裝,如果以呢個價錢來講佢都算幾抵,你自己買又麻煩,分分鐘用嘅時間貴過呢個價錢。講番啲嘢食,你話係咪真係超級好食,當然唔係啲乜嘢靚野,不過牛扒雞扒質素算幾高。我自己特別喜歡雞扒足足食咗四塊。同時家人都愛咖喱魷魚金沙骨同雞翼,醃得幾好食。雞全翼也不錯,不過燒就要心機時間。腸仔丸類最普通,當然一定要食先,正常燒嘢食肚餓時冇可能唔食呢啲,不過唔好食太多,寧願留番啲位俾頭先講嗰幾樣食物。另外與別不同嘅有多春魚,當然一定要有技巧咁燒。最後要講下呢度嘅環境,面對寬闊嘅海景其實好舒適,可惜當晚我哋夜晚嚟燒,享受唔到個海景。大部份人都係戶外燒烤場,如果凍嘅話好似我哋喺個玻璃房𥚃面。如果你哋好耐未試過咁青春,突然又有燒烤癮起,就入嚟試吓啦。最青春的事,久不久是要重溫一下的。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-12
6621 瀏覽
踏入10月終於無咁熱, 微風吹送, 係時候BBQ啦! 成年無B過, 一早上網揀左依間海灣燒烤大王, 趁放假晏晝入西貢走走, 入夜就去BBQ沿住海皮慢慢散步咁散入去, 已經好鬼chill好期待。依度收費由$188至$218, 唔同時段唔同價錢但其實個range唔係差太遠, 小童就有半價。係門口蓋個手印, 跟住職員會比人頭一份餐具同燒烤cha, 所需要既野都有齊哂。入面都好大, 特別有個area係最近海既, 可以對住個海bbq, 而另外一邊其實景色都幾靚, 而且通風好好附近同埋樓底都好空曠, 環境方面滿意呀! 職員帶位後就會幫手透埋爐, 之後要加炭呢就有個放炭既area, 自取就得架啦!食物區比我想像中乾淨企理, 而且職員總係refill得滿滿咁, BBQ要既肉類丸類腸仔蔬菜等等既大路野全齊而野飲就係汽水機果汁機同埋水, 任食任飲既, 另外係counter都可以買到其他野飲好似啤酒,烏龍茶同埋樽裝水等等。BBQ法則, 首先燒腸仔! 岩岩日落, 對住依個view好靚 依塊牛扒多麼的大塊😂無乜耐性既我, 就係燒完佢之後決定去counter用$68蚊買set網, 量產型BBQ正式開始, 爽呀煙肉, 芝士腸, 魷魚, 豬扒! 多春魚又唔會痴網, 唔錯唔錯! 另外仲有一大埋蕃薯, 可以整煨蕃薯bbq不可或缺既麵包, 依度既麵包係厚切麵包, 加蜜糖同牛油燒完出黎成塊厚西多咁, 超正依度係無限時任燒, 燒下坐下食下飲下望下海不知不覺燒左4個鐘, 好滿足! 下次bbq會再黎! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-03-18
0 瀏覽
你到西貢就想優休閒閒又一日,好耐冇燒嘢食啦,今次就嚟到食仼食BBQ,今次星期日黎可以由下午1點燒到夜晚12點都係$218出去行下沙灘游下水同返黎食野又得,燒足全日同朋友吹下水又得,重可以帶狗仔入場Tim啊,放假燒下野食、游下水、吹下水咁就一日喇😂好嘆啊!任食多款雞中翼、金沙骨、雞腎、牛扒、豬頸 肉等等,重仼飲汽水🥤環境非常乾淨,而且對住個海景燒嘢食好寫意啊!附近仲有車位泊車添,啱晒揸車嘅朋友仔。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-03-18
30 瀏覽
家庭聚會去燒嘢食,地店都算方便,撘小巴入西貢,然後沿住海邊行到入泥。風景唔錯,有個沙灘,後面有啲bb玩既設施,建議大家自備啤牌搵啲野玩。坐既位置可以自己揀,啲窗係可以自己推開,唔洗怕大風。有分開發保膠碟同紙碟比你分開生同熟,夾食物都幾衛生,種類都算多,都有成二三十種,飲品就無咩好揀。炭有成坐山甘高任你夾,大大舊可以燒好耐。廁所都乾淨,不過啲廁所門有2格都鎖唔到。女廁要行上一層,如果要洗手都要專登行上一層,幾麻煩。野食方面,咖哩魷魚,豬頸肉係值得讚嘅。我去個日價錢係268一位,可以座足成日,又可以一大班人聚下,都幾好。 繼續閱讀
(以上食評乃用戶個人意見 , 並不代表OpenRice之觀點。)
Came here straight after work to join my teammates for BBQ. Their location is quite accessible, only a 10-min walk from Sai Kung bus terminus. The site has no limit on how much coal you use, you just need to get it yourself. The food selection was ok, they had marinated beef, pork, chicken, chicken wings etc. All the basics you would expect for a BBQ. They also had condiments like honey, butter, garlic butter, chilli sauce ketchup. As for drinks, they had soft drinks, juices and water. Most of the food tasted ok, but some of the marinates were quite salty. Overall, it is a nice place to hang out with a large group of people, but i hope the food could be better.  繼續閱讀
(以上食評乃用戶個人意見 , 並不代表OpenRice之觀點。)