西貢海灣會燒烤大王

環境係幾好。無限時間也不錯。但價錢偏貴、食物種類少。味道也一般二百多元差不多300$一位大人，連飲品都係汽水機。罐裝飲品需自行購買。汽水機的種類都十分少，只有果汁和汽水。拿食物位置也十分偏遠。一來一回差不多100米路程。還有杯碟是有限，一位一個杯和碟，拿食物都只能一直重複使用同一個碟。十分不便和浪費時間還有我十分不明白，為何燒烤連燒烤網和錫紙都沒有提供。要提供差不多$80去購買。本人十分喜愛去燒烤場燒嘢食，但這間燒烤場是令我不想再去的唯一一間。

今日帶咗隻狗去西貢碼頭行街，天氣非常之咁好，又有太陽大又唔太熱，又有舒服嘅海風吹呀我個面上，突然之間興致一起，就帶埋隻狗相約一班屋企人去燒嘢食，一路行喺巴士站行過嚟大概要15分鐘嚟到海灣會燒烤中心，呢度環境清幽對住個海灘，可以享受燒烤buffet，我哋另外加錢買咗個燒烤網同燒烤夾， 10分方便，呢度嘢食種類唔多，味道都係可以接受嘅，黑椒雞扒味道又唔會太Offer，啲雞翼都葉得幾好食，仲有呢個啲嘢飲係任飲嘅，當然你都可以俾錢再買其他罐裝飲品，價錢都算大眾化$8 一罐，Buffet燒嘢食每位就218， 價錢就有少少貴啦，不過星期日可以嚟冇限時任燒嘢食都係一個唔錯嘅假日選擇

秋天少少涼意，最適合去BBQ。Search了比較近屋企的燒烤場，試試這一間！入場時會安排每人有紙碟、杯及食物碟，價錢已包!燒烤場很大，環境乾淨，超多枱，也歡迎帶狗狗進場！一個價錢無限時入場及任食！場地分户外燒烤爐、有蓋帳篷燒烤爐和玻璃屋燒烤爐，落雨都可來燒烤！燒烤場就在海邊，一陣陣的海風，燒烤特別寫意，好舒適！..我地選了座位近兒童玩樂區，阿仔可以隨時去玩而我們大人則可燒嘢食！..食物是在食物區自取的，想食幾多就攞幾多，而且種類非常豐富! 食物擺放整齊、衛生，食物質素都不錯!肉類: 多款雞翼(黑椒、蒜蓉、咖哩、泰式…)、雞全翼、雞扒、豬頸肉、魷魚、金沙骨、雞腎…丸類: 墨魚丸、鱼丸、廚師腸、芝士腸、貢丸、龍蝦丸、紅腸、漢堡、獅子狗…其他: 麵包、多士、蕃薯、粟米、茄子等等...驚喜!!! 汽水仲任飲; 用具方面: 手套、筷子、飲管自取所需，醬汁都有多款供應! 我覺得食物方面真係好夠食，不用自備!
...特別推介大家，一定要食的🎊top 3🎊:1. 雞翼: 真係醃得好入味，好味2. 豬頸肉: 超惹味3. 漢堡扒配法包: 好似食鵝肝多士般!!!.海馬仔真係超開心，因為有得食，仲要「放

以前总是去屯門BBQ的，西贡係第一次去，这間BBQ場確實不同，除咗$218人頭費之外，也分左3種开爐價錢的！免开爐是露天或有掩的，另加$100開爐費就室外有掩望海，另加$200開爐就玻璃屋向海！食物方面：有牛扒、豬扒、Spareribs、雞翼（多種味道）、雞扒、魷魚、魚旦、腸、厚多士等⋯⋯而我最開心居然有雞腎🤣🤣🤣

尋晚屎忽痕想bbq就去左呢到，改頭換面後人多左，煙勁左連態度都差左好多!! 事先無book枱，接待果位真喺勁好笑，話留左電話同姓之後有位就叫我地入去，好啦…等左15分鐘左右我2位朋友分別問有枱未同仲有幾多張枱要等，點知第一個行埋去吖姐答無咁快，第二個行埋去問就話可以買飛入座，前後都無10秒😰比錢買飛，收錢果件仲誇啦啦！話自己好忙叫我地數到條數剛好先好比佢，初時以為真喺太多人，點知入到去淨喺我果邊都有好幾張空枱，第d區都有空枱，根本就5喺全場爆滿😕😕以前果間嘅Uncle aunty其實好好人，又可以有講有笑，e家呢間換曬d後生少少態度勁差，真喺5會想再去

🔺 西貢海灣會燒烤會所難得有幾日假期🙌🏻趁住秋高氣爽 約埋朋友一齊入黎西貢BBQ🍂.係西貢市中心落左車後沿住海旁行20分鐘左右就到🐾.燒烤場場地好大 環境乾淨 有玻璃屋同户外場🤞🏻仲可以帶埋寵物黎🐶近海位置對住個大海景色怡人👍🏻.呢度食物選擇唔算多🤔小編試完後覺得雞翼醃得好入味尤其係香茅同泰式雞全翼😍豬頸肉都爽口彈牙👍🏻.值得一提嘅係有幾款醬料可以自取😼豉油、茄汁、辣椒油同芥末醬都有提供非常貼心🙌🏻.野飲任飲好少見👍🏻有汽水同果汁自由斟🤤

秋高氣爽最適合一家人去BBQ，一直都知道西貢海灣會呢度有一個超大型嘅燒烤樂園，於是同屋企趁着假期去到西貢BBQ，感受一番。呢度淨係個景都值回票價，對住個沙灘，靚到一流，早啲到仲可以影到靚相，每個人人頭$218都唔算貴，仲可以燒到凌晨時份添。呢度嘅肉類款式都算多，有20多款，仲有唔同嘅配料，包括：麵包蔬菜等等，嘢飲仲係任斟汽水同果汁，如果想飲其他酒水，就要自費了，另外燒烤網同埋錫紙都係另外收費，大家要留意。個炭爐間中有工作人員代勞加炭，服務幾唔錯，我哋坐嘅地方仲有額遮頭，唔算太熱，陣陣海風吹來，倍感寫意。燒麵包同燒雞翼係我最愛，麵包好有厚度，放上牛油之後，燒過後更加香！雞翼亦都有幾款，一連燒左幾隻，超正。仲有燴番薯，金黃色的肉熱辣辣，好腍呀，冬天食仲正。大概燒左3個小時，我地都好夠飽，下次再encore。

話說今日嚟咗呢間bbq場,以前嚟過啲味道都唔錯,今次過到嚟真係嚇一跳,首先喺門口立即問我哋坐邊一個位,每一個位價錢唔同,但係佢從來冇解釋過每個位有乜唔同,只係話有海景同冇海景,咁我哋覺得夜媽媽冇所謂所以坐咗入面,點知入到去一把風扇都冇,然後唔知點解冇人坐但係全部炭爐都點著曬,我諗溫度大約有40度,但係當日嘅溫度只係得廿幾度,而且是沒有風扇的,另外我咁大個人都未食過一啲咁難食嘅牛扒,我寧願食大家樂,在這食物款式勁少,買個燒烤包食仲著數,仲有一樣嘢原來燒嘢食過網要加錢仲要68蚊一個,我奉獻各位嚟呢度食嘢真係要三思, 最後呢度真係一啲服務都冇，而且個個店員都好似有啲唔開心同有心事咁，十問九唔應🤭🤭🤭

假日前夕+朋友仔生日！🥳入秋的日子BBQ就係最好既選擇！🍗🍖👍🏼沿途搭車經過西貢，有好多一家大細或者成班朋友燒嘢食！🍖🍗有郊外既，亦都有俾錢入場既！👍🏼而我地最後都揀咗入場既海灣會！👍🏼海灣會配套很充足！👍🏼入場每位計算！💰任食任飲！ 👍🏼呢度亦有海鮮餐揀！🐟🦐🦀我地就冇揀到海鮮餐！因為選擇左帶海鮮入黎燒！🔥🐟🦐🦀肉類選擇亦都很多！🍗🍖🥩🥓而且醃得都唔錯！👍🏼推介豬頸肉！🐖咖喱魷魚！🦑漢堡扒！👍🏼芝士腸！🧀食物同飲品方面要行到去入場既位置拎食物同飲品！🍢🥤如果坐得偏遠人仕會比較唔方便！👀建議坐得比較入既人士可以拎定多少少食物入去！🍖🍗裝修前都有黎過BBQ！🍗🍖裝修後都係第一次過來！👍🏼裝修完比起以前靚好多！👍🏼🌟而且設有迷你兒童區俾小朋友可以玩！🌈👦🏼👧🏼不過呢度可以望到海！🏖有海景之餘亦都可以吹下海風！🌊舒舒服服BBQ確實唔錯！👍🏼#西貢海灣會燒烤會所#西貢大網仔路沙下村9號地下#吃貨Girl

📍海灣燒烤大王平時都好少會去BBQ,怕麻煩要買好多野食,又唔想拎重野...呢到一個價錢包左燒烤叉、野食、食具、蜜糖、蜜糖掃、醬料、膠手套、飲品任飲,仲好貼心每枱都有一盒紙巾,如果想好寫意既咁燒野食,加錢就可以有個超大燒烤網同埋鉗,真係幾方便!👍🏻👍🏻👍🏻環境舒服指數：🥰🥰🥰🥰🥰🥰🥰🥰🥰9.5/10呢到個環境勁舒服,佢有3個位置比大家選擇,(1)露天海景、(2)玻璃屋、(3)區戶外蓬,我同朋友揀左露天海景,望住個無敵大海景,仲有大大月亮襯托,周圍有草地圍住,好有拍劇feel,超級舒服浪漫!!!而且環境乾淨,坐左5個鐘都無蚊咬,我好怕燒野食食完成身BBQ味,呢到個環境夠空曠,加上有海風,走個時都唔係好覺身上有陣味約朋友聚聚,最怕有用餐時間,傾計傾得勁唔爽-_-,呢到可以無限時坐到凌晨1點鐘!係星期六呢D日子,我同我朋友6點鐘到,傾計傾到11點先走,唔會比人趕走,環境又唔嘈,真係一個幾唔錯既聚腳點!🥳🥳重點推介：平時好少會帶狗狗黎燒烤場,怕污糟又怕狗狗唔舒服,呢到有狗狗最鐘意既草地,地方又夠大,可以帶埋狗狗一邊BBQ一邊欣賞海景!!!仲有個小朋友遊樂設施,真係好岩一家大細加寵物過黎HEA一個

去完西貢的沙灘，見有點肚餓，不遠處就有泰式餐廳和bbq。不想走太遠，就決定任食和不限時的海灣bbq。對著大海bbq，特別有風味。有戶內和戶外場，一個大玻璃屋唔怕落雨掃興。由於天氣不錯，所以選擇戶外，場地廣闊，清潔，地下舖滿假草坪，面海，特別之處是這個場可以容許寵物進內，感覺好似置身於外國，十分寫意，relax。作為bbq場我個人認為環境算是相當不錯。bbq場的食物基本常見的都有齊！丸類有魚蛋，蝦丸，墨魚丸，腸仔。紅腸，芝士腸，獅子狗等肉類：豬，雞，牛排，雞翼，還有我最愛的魷魚和豬頸肉。菜類有玉米和蕃薯，青椒。厚切麵包。無限量的汽水果汁。醬料係獨立包裝。乾淨衛生。食物櫃位經常有一位員工喺度清理抹走掖料的痕跡。令人食得放心。離場時都見到一堆年輕人圍在長檯玩card game，所以不限時這個特點，不用急著交場，亦算這個場的優點。相約知己好友，一家大細來過一個愉快週末/節日的好選擇。今天係中秋之後的第一天，月亮還是特別圓。肚子也填滿了。為今天劃上完美的句號。

沿住西貢海皮漫步, chill住到達海灣會, 入場付款後每人先會獲得一份餐具同燒烤叉, 之後職員就會自動波幫手起爐🔥場內面積好大, 一邊對住海景🌊 另一邊係山景🌲無論咩景都見到一大片天, 撞正黃昏時間燒住腸仔都咪話唔爽❤環境一個字:優美。食物area乾淨企理, BBQ要有既野都有, d扒仲大大塊🙌特別推介:香茅味雞全翼同埋厚切麵包, 不解釋。食下飲下傾下計燒下坐下咁就玩左4個鐘🕙不過依度係無限時既, 盡情燃燒吧！

踏入10月終於無咁熱, 微風吹送, 係時候BBQ啦! 成年無B過, 一早上網揀左依間海灣燒烤大王, 趁放假晏晝入西貢走走, 入夜就去BBQ沿住海皮慢慢散步咁散入去, 已經好鬼chill好期待。依度收費由$188至$218, 唔同時段唔同價錢但其實個range唔係差太遠, 小童就有半價。係門口蓋個手印, 跟住職員會比人頭一份餐具同燒烤cha, 所需要既野都有齊哂。入面都好大, 特別有個area係最近海既, 可以對住個海bbq, 而另外一邊其實景色都幾靚, 而且通風好好附近同埋樓底都好空曠, 環境方面滿意呀! 職員帶位後就會幫手透埋爐, 之後要加炭呢就有個放炭既area, 自取就得架啦!食物區比我想像中乾淨企理, 而且職員總係refill得滿滿咁, BBQ要既肉類丸類腸仔蔬菜等等既大路野全齊而野飲就係汽水機果汁機同埋水, 任食任飲既, 另外係counter都可以買到其他野飲好似啤酒,烏龍茶同埋樽裝水等等。BBQ法則, 首先燒腸仔! 岩岩日落, 對住依個view好靚 依塊牛扒多麼的大塊😂無乜耐性既我, 就係燒完佢之後決定去counter用$68蚊買set網, 量產型BBQ正式開始, 爽呀煙肉

見呢排開始秋風起，即刻約左屋企人去BBQ感受下秋天既來臨🥳～專登揸車入西貢BBQ，因為貪呢道可以對住海景、吹住海風咁燒烤🌬，又舒服又Chill✨～-入場時可以揀坐邊個區域，因為唔同區域有唔同既開爐費。本身想坐可以睇到無敵海景既玻璃屋，可惜已經坐爆哂🥺，唯有轉坐露天海景位，戶外有一大片草地，都可以睇到海景架😝。揀完位之後店員就會幫手起爐，等二十分鐘左右就燒得嚕，趁呢段時間即刻出去睇下有咩食🧐。-食物種類都算多，淨係雞翼都有四隻味🤩（咖哩、泰式、蒜蓉、香茅），肉類當然唔少得有雞牛豬扒、豬頸肉、金沙骨、咖哩魷魚、黑椒雞腎，仲有蜜汁西冷添。基本丸類、腸呢啲一定有，比較特別既仲有秋刀魚、多春魚同煙肉🤤！而且估唔到蔬菜櫃都有好多選擇🍅🌽🍍🍆🍠，有車厘茄、粟米、青椒、菠蘿、茄子同蕃薯。麵包都有兩款，仲有蜜糖、普通牛油同蒜蓉牛油任你揀🍞！分類清晰又企理，所以成個場都好乾淨，唔會見到啲食物夾到亂哂👏🏻。-最特別既係呢道有任飲飲品🤩！蘋果汁、橙汁、百事、七喜同水都係任飲，唔會好似其他燒烤場咁淨係比一罐野飲，好大方🥰。當然，如果想飲其他牌子例如可樂、烏雲茶呢啲都可以去小賣部買。除左野飲任飲之外，呢道仲提供埋

假日入到西貢， 沿著碼頭步行到海灣會。 入到去職員畀咗燒烤叉同埋餐具之後 安排入座，哇， 綠草如茵，好大片草地。職員好快起咗爐後，與友人就去攞食物。食物種類多， 牛豬雞魚 ，魚蛋墨魚丸，腸，漢堡扒 蔬菜 蔬菜有蕃薯青瓜小番茄粟米 。醬料就有街啦辣椒醬牛油豉油，當然少不了蜜糖啦。飲品有可樂，雪碧，忌廉 蘇打，水。任食任喝啊講番食物先， 各樣食物質素唔錯牛扒豬扒肉嫩 味香。食物系去自取的，碳無了也可免費加。個人覺得可以美中不足的是空間大，如能在場地中間有飲料供應處就好了。食物可以再增加棉花糖,有 錫紙買供應更好。環境來說真的一流，綠草如茵，可以望海，也🈶洋樓望，而食物不錯，燒得特別 寫意。