西西里餐廳

營業中

休息中

相比23年的龍蝦湯飯應該遜色不少，平係堅平，同埋d米都唔係意大利米😂😂😂就係平時食嗰d米😂😂😂唔可以稱之為risotto，相信睇圖應該可以分辨到😂😂有d特惠套餐係抵嘅，但呢個飯好似唔係好掂

性價比高 聯和墟隱世西餐聯和墟附近有唔少西餐廳呢間環境都唔錯， 藍色環境坐落去幾舒服就試吓啲嘢食先 今次食西西里特色餐西西里集扒餐 + 西西里龍汁海鮮飯估唔到有驚喜雜扒擺盤靚，雜菜有煎過香口Juicy 雜扒就不過不失重點想介紹個意大利飯香濃龍蝦汁配上蜆同蝦賠了多，加埋上邊炸過白飯魚估佢唔到咁好食真心值得推介晚餐套餐，仲配上忌廉濃湯， 非常抵食！仲有個清湯煮個蜆蒜味洋蔥味，超級濃郁蜆肉嘅份量都算幾多, 加上仲有少許煙肉陪襯味道昇華

朝早係上水打完波就去聯和墟搵豐富既早餐食👀路過西西里，見到個餐牌都好似幾吸引，所以去試試佢😋十點幾已經好多人食早餐，不過唔洗等位～鋪頭細細但環境舒適，不錯香煎蒜香豬扒$42（蒜香豬扒，牛油多士，煎焗流心蛋，煙肉，麻醬沙律菜）❤️好豐富既早餐😍朝早食呢左呢個會好有活力😂❤️豬扒好大塊，隻蛋煎得岩岩好，係流心架😍❤️多士烘左，加左牛油，不過唔夠熱，可惜沙律菜好新鮮😋香煎牛扒早餐$52❤️塊牛扒超級大塊😂好多汁，唔會乾❤️餐包一杯餐飲～我叫左阿華田，都好出色😂好濃，好夠味，又唔會太甜🤤+$6 有火腿濃湯通粉（呢個通粉濃到睇落去以為係忌廉湯😂）當然食落去冇忌廉咁濃😂但好好味啊😋估唔到聯和墟有咁好食既早餐😍

呢間餐廳食品正常，價錢雖然比附近一帶貴少少，我都經常惠顧，一直沒有大問題。今日，我兩公婆如常嚟到享用早餐，一份牛扒一份魚柳，當時，侍應一個著白色衫一個著黑色衫，準備落單時唔記得問邊一位，答案係叫我搵另外一個，唯有等啦⋯⋯點知，黑衫一直幫後到，但近佢嘅兩枱食客落單，我唯有再等⋯⋯落單後，見到侍應攞住杯齋啡逐張檯問係咪佢，之後又攞杯凍啡走甜俾後到，但要凍齋啡走甜嘅食客，感覺好亂。之後，一直有扒餐、三文治等餐送到後到食客檯，我問其中一個侍應，佢嘅解釋係分兩個人做，可能一個快啲一個慢啲。期間，我見黑衫同白衫根本都有落單，真係嬲嬲哋，都算，嚟到嘅魚柳薄過紙、細塊又有啲怪味，沙律菜有部分發黑，呢個真係忍唔到，叫過白衫，佢嚟到我叫佢黑色菜唔好俾人，佢望一望啲菜走去幫隔離檯落單，漠視我嘅建議，我隨那在此做過記錄，希望管理層能夠正視，改善下。另外，餐牌寫嘅煎焗流心蛋，唔似煎焗，方法可能唔同唔緊要，試過幾次嚟到根本冇流心，希望改善。

想不到未趕得及寫上一手的餐廳食評，就已易手改名為西西里餐廳，地址在粉嶺聯昌街9-15號昌華樓地下1號鋪，即名物豬手和投注站的街道上尤記得上一手餐廳，走高價位路線，想不到易手後價錢比前親民下午茶時間由2-6PM，茶餐由$26-$32不等餐廳牆上的掛畫，既有藝術感又有神秘感用上湖上藍色的椅子，予人寧靜和諧的感覺點了下午茶餐: 即炸香脆雞髀配田園沙律、熱奶茶($38)炸香脆雞髀拌沙律菜，賣相討好雞髀大大隻，炸得金金黃黃，皮脆微咸，肉質保持嫩滑有肉汁，有水準，田園沙律加上胡麻醬，清爽得來有風味熱奶茶味道普通，相比茶餐廳的港式奶茶，未見突出，不過不失埋單: $38 下午茶餐不收加一服務費，侍應服務有求必應，食物水準不錯，餐廳座位舒適，值得一試有機會再到此試試午餐和晩餐

餐廳環境干凈；優雅；服務禮貌；食物質素非常好，價錢合理；值得一試 今日試了個魚柳蛋盖飯，蒜蓉汁底；魚柳够大块，亦香脆；應係即炸，沒以前係另一餐廳食到的腥味，值得贊；杯凍咖啡够味道；唔錯

放工到聯和墟買些日用品，順便醫下肚。沒有心水餐廳 ，行到這間眼熟👀👁的餐廳，抬頭看看，又轉左店名➡️➡️➡️ 今次名為《西西里》。餐廳裏的擺設沒有太大變化，幾幅大掛畫🖼仍然高掛，充滿神秘和藝術感。由於餐廳屬試業期間，餐牌都顯得簡單，小試牛刀點了一個特價晚餐《牛柳🐂粒炒飯》和主餐牌《蟹籽三文魚蛋白炒飯》，另晚餐配上餐湯。胡麻醬菜🥬沙律《加配價$12》，質素平平，可以不試。餐湯是🥣白湯，份量少，味道一般。蟹籽三文魚蛋白炒飯，份量適中，味道不錯，材料豐富，尤其煙肉香口，簡單美味。黑椒🐂牛柳炒飯，質地較濕、較油，牛柳軟腍，牛肉味濃，整體都合格。涷紅豆咖啡🥤，咖啡和大紅豆味道好夾，咖啡味道容易入口，我點了少甜，甜度剛好，好好飲整體質素尚算不錯，下次可以再黎，試試其他菜式。