西樹泡芙 (觀塘站)

營業中

休息中

🍍熱情果荔枝泡芙 見到出咗新品🌟，即刻買嚟試吓。泡芙上面有滿滿嘅熱情果荔枝奶油💛，酸酸甜甜，一入口係熱情果嘅酸，荔枝嘅香甜慢慢再滲出來。泡芙入面仲有新鮮荔枝肉，好適合夏天嘅味道☀️。最好即日食，外殼好鬆脆💥。 🌰金莎榛子牛奶泡芙 朱古力榛子醬多到爆🍫💥，有兩層，中間仲夾住滑嘟嘟嘅牛奶布甸🍮，牛奶香濃，加埋朱古力榛子🌰，口感好豐富。 🍫朱古力三重奏泡芙 朱古力泡芙再加上牛奶朱古力🍼同埋白朱古力奶油，真係朱古力嘅天堂😍💖

呢間專賣泡芙嘅甜品店，有好多款式。今次買咗三件返屋企食。首先叫咗新出嘅係熱情果荔枝泡芙，一啖咬落去，泡芙香脆，酸酸甜甜嘅熱情果荔枝餡料隨即湧出嚟！熱情果酸酸地、荔枝清甜，清新開胃。另外揀咁金莎榛牛奶布丁泡芙：榛子醬嘅香濃味道同牛奶布丁口感簡直係絕配！加上泡芙外層嘅金莎朱古力碎，更加增添咗一份香脆嘅口感。之後揀了朱古力三重奏泡芙，呢款泡芙就係雙重朱古力嘅享受！泡芙有濃濃黑朱古力味，內餡就係幼滑嘅朱古力及奶油忌廉！三款泡芙各有特色，無論你鍾意酸甜嘅水果口味，定係濃郁嘅朱古力口味，總有一款啱你心水！😋

好多地鐵站都有嘅西樹泡芙，有好多生果款，不過最鐘意都係朱古力味，所以要咗三款都係朱古力~特別咁熱天氣食返個凍甜品係爽嘅～🍫朱古力脆皮細個成日食呢款，到大咗都一樣咁鐘意，簡單好食，外面脆口，入面有軟滑吉士，好creamy👍🏻🍫濃朱古力曲奇又係簡單款，但一樣好食，曲奇面酥化，好襯嗰puff，入面滿滿吉士😍🍫朱古力三重奏有朱古力忌廉、忌廉、有層次好豐富 so yum 😋 🚩西樹泡芙 @chezchoux

今日經開觀塘地鐵站又來食西樹泡芙 @chezchoux泡芙每天鮮制～口味眾多👀不時推出多款新口味即刻買左全新登場格拉斯‼️雙重誘惑一共2款口味👍🏻朱古力格拉斯🍫士多啤梨格拉斯🍓賣相精緻🍦雪糕入口幼滑綿密🤩外酥內軟入口即化佢地出品泡芙好好味🤩仲買多左兩件🍑白桃乳酪泡芙～酸甜乳酪配上多汁白桃夠鮮甜🥛北海道牛乳布丁泡芙～牛奶味濃郁！布丁滑溜西樹泡芙 (觀塘)觀塘港鐵觀塘站KWT 21號舖

下班搭地鐵歸家，看見西樹泡芙專門店推出新款泡芙，立刻買番件回家䟴䟴腳好好享用🥰不知不覺西樹泡芙在香港已有多年歷史，每次經過店鋪，就算是減肥，我都會忍不著手買上幾個；難以抗拒那可口泡芙酥脆外皮、新鮮的忌廉、生果、配料，我全家人都好中意食🍫朱古力三重奏泡芙濃郁的朱古力泡芙內藏香滑的榛子內餡，黑白忌廉表面更灑上香脆果仁碎及黑朱古力醬，口感層次豐富🥛北海道3.6牛乳系列軟滑牛奶布丁奶味超濃郁，入口即化白雪雪忌廉和牛奶布丁互相輝映，大滿足🍓士多啤梨格拉斯泡芙又有新產品，嘗新篇，有別於擠滿內餡的泡芙，係泡芙界既漢堡包，層次分明格拉斯泡芙外觀色澤鮮艷上層：冰淇淋造型摩斯球，奶香四溢而不膩中層：酸甜可口的士多啤梨忌廉和吉士，清新夏日底層：香脆格拉斯泡芙底店家仲比左匙羹，好貼心總括來講，西樹泡芙的每一款水準依然外觀、味道，口感出色，讓人想一吃再吃

細個食唔少西樹泡芙，經過都會好想食，咁多年愈嚟愈多口味😍💛芒果乳酪泡芙有大大粒芒，好多忌廉，泡芙酥化💚日本抹茶牛奶布丁泡芙好特別嘅口感，有軟滑布丁，有matcha cream，有層次感🤎濃朱古力曲泡芙最鐘意反而係呢個，朱古力味超濃郁，外面脆脆哋，入面超多cream🚩西樹泡芙 @chezchoux

今日收工經過地鐵時，見到西樹泡芙專門店，有新款泡芙推出，即刻買返幾件返去囡囡食😋西樹泡芙係香港開店已經好多年，真係由細食到大，佔據咗好多人嘅童年，佢哋的泡芙，已經無限回購無數次！🌟紅桑子荔枝玫瑰泡芙：將酸甜的紅桑子和清新的荔枝內餡，注入到蓬鬆的泡芙中，面頭花朵🌺型狀的設計☺️，顏值同味道都滿分💯🌟芒果乳酪泡芙：結合了蓬鬆的泡芙外殼、香甜的芒果和滑順的乳酪內餡。芒果香甜軟淋，配酸酸甜甜的乳酪內餡，滿滿的芒果果肉，Mina食完一啖又一啖😋 ，所以長期銷量冠軍，唔係浪得虛名。🌟朱古力三重奏泡芙將濃郁的朱古力榛子內餡注入到香濃朱古力泡芙中，面層灑上香脆嘅果仁碎，啱晒朱古力控嘅Mina

西樹泡芙周圍都有買完即走超方便，甜品控放工經過隨手拎幾個，幸福感即刻爆棚！❃ 紅桑子荔枝玫瑰泡芙 （新品！)新出嘅呢個紅桑子荔枝玫瑰泡芙，外形好似一朵花咁，酥皮好脆，內餡用紅桑子同荔枝忌廉。酸甜果香配上淡雅玫瑰花味，層次豐富，食落好似喺花園食下午茶咁浪漫！❃ 白桃乳酪泡芙白桃乳酪泡芙係我每次都會叫！內餡用韓國乳酪同紐西蘭忌廉整，滑溜帶酸甜，夾雜新鮮白桃果肉，桃香爆棚，甜度啱啱好，食落清新過癮！❃ 北海道牛奶泡芙北海道牛奶泡芙係經典款！內餡係北海道牛奶忌廉，奶香濃到喺嘴入化開，質地輕盈唔膩，甜度剛好，食落好似喺牧場嘆甜品咁享受！

西樹泡芙的巧克力草莓味泡芙，濃郁巧克力配草莓真係唔錯，而且泡芙好脆。泡芙內有些綿花糖，為泡芙增添咗不少美味。西樹泡芙的牛奶布甸味泡芙，牛奶布甸有香濃的牛奶味，軟軟的布甸同脆脆的泡芙出奇地配，十分美味。#西樹泡芙 #巧克力草莓味 #朱奶布甸味

香港探店#泡芙在各大地鐵站都有的人氣泡芙店，口味眾多每次走過很難抗拒的誘惑，酥脆鬆化外皮包裹鮮忌廉及各種不同饀料,有時令新鮮的食材及創意餡料帶來無窮滋味。經典口味：原味忌亷芭芙、朱古力脆皮、特濃起士、濃朱古力曲奇皇牌留系列：芒果乳酪、白桃乳酪、士多啤梨乳酪、朱古力三重奏北海道3.6牛乳系列：北海道牛奶布丁、日式抹茶牛奶布丁、金沙榛子牛奶布丁除了布丁還有多種口味的慕思也很吸引．#西樹泡芙 #觀塘 #甜品 #泡芙 #慕思 #烘焙#香港美食 #美食 #相機食先 #手機食先 #hkfood #hkig #ighk#foodie #food #foodpic #foodphoto #yum #yummy #delicious #tasty

每次經過觀塘地鐵站都聞到呢間西樹泡芙都好香泡芙氣味，又吸引咗去睇下，見到冷凍櫃有新口味嘅泡芙款款都好吸引，每次新口味都好有驚喜每件都好吸引，就食下呢幾款先朱古力三重奏  $31泡芙外脆內軟，好濃郁嘅有朱古力味同粒核桃仁 外層嘅泡芙脆脆可口因為最喜愛朱古力 又是長期熱賣泡芙士多啤梨乳酪泡芙  $31泡芙有著甜甜士多啤梨🍓肉，甜美可口泡芙脆脆外同綿滑乳酪忌廉一起食好滑感覺好滋味新出品紅桑子荔枝玫瑰泡芙 $35最面有紅桑子粉紅色忌廉中間入面甜甜荔枝果肉最或荔枝玫瑰忌廉，味道好夾好清新夏日最佳甜品西樹泡芙📍觀塘分店觀塘港鐵站 21 號鋪 (近 A 出口)

🍑今天在觀塘地鐵站經過西樹泡芙店舖，品嚐了白桃子口味泡芙，簡直是味蕾的奇妙，估不到外皮酥脆，入口瞬間感受到層次分明的口感，輕輕一咬，細緻的脆皮碎裂，帶來極致的滿足感。內餡則是桃子的清甜與奶香交織，果肉鮮嫩多汁，彷彿剛從果園摘下，散發著自然的果香。 最驚喜的是泡芙的比例拿捏得恰到好處，外層的酥脆與內餡的滑順完美融合，每一口都充滿驚喜。桃子的鮮甜與泡芙的奶香交織出獨特的風味，讓人忍不住一口接一口。這不僅是一款甜點，更是一場味覺的藝術品，讓人回味無窮！✨

💡【人氣泡芙店】成日經過地鐵站都聞到西樹泡芙的泡芙勁香 。日日新鮮製造，而且味道選擇又多，最緊要分店夠多， 而且全部喺地鐵站，想食隨時買就得，好方便。🥛北海道牛奶布丁泡芙酥脆的泡芙外皮包裹著滑嫩的北海道牛奶布丁，加埋吉士醬，口感細滑，甜而不膩一咬就爆餡超滿足！☕️好立克熔岩麻薯泡芙 呢個係新推出口味，泡芙殼藏著爆漿級好立克熔岩醬🔥 中心Q彈麻薯拉絲效果超誇張，入面有朱古力忌廉及朱古力醬，底部朱古力曲奇殼增加口感，「脆→流心→Q彈」三重口感🎢 懷舊麥香創新演繹。🥭芒果乳酪泡芙採用呂宋芒製成的酸甜芒果醬，搭配希臘乳酪餡清爽不膩，食落去酸酸甜甜咁，岩曬而家天氣熱熱地去食。建議儘快食用保持酥脆口感！

講到想食日日新鮮製造又多口味嘅泡芙，呢間"西樹泡芙"絕對就係不二之選！最鍾意佢分店夠多， 而且全部喺地鐵站，無論幾時想食都好容易可以買到！今次行過見佢哋推出咗新嘅布丁🍮係列，相當吸引，於是買嚟試吓💕！🍮北海道牛奶布丁$29- 超滑嘅牛奶布丁，奶味濃郁，鐘意清淡甜品嘅朋友一定喜歡！🍫金莎榛子牛奶布丁$29- 金莎榛子朱古力味就夠曬濃郁，而且粒粒果仁好有口感！🥭芒果乳酪$32- 當然唔少得我嘅最愛芒果乳酪，芒果肉又甜，乳酪又滑身，每次必點！💕

放工後最開心嘅事莫過於搵啲甜品慰勞自己。呢日經過觀塘港鐵站附近嘅「西樹泡芙」，見到櫥窗入面五顏六色嘅泡芙，忍唔住走咗入去買咗三個返屋企同小朋友分享。呢間店分店多，觀塘站呢間位置超方便，啱晒我哋呢啲放工想即刻有嘢食嘅人。我揀咗三款唔同口味：芒果乳酪、士多啤梨乳酪同埋新出嘅髒髒大甲芋泥泡芙。拎上手已經覺得份量十足，外層酥脆，內餡又滿滿，賣相一流，影相打卡都夠晒吸睛！首先試咗芒果乳酪泡芙，芒果味好濃，果肉新鮮香甜，配上酸酸甜甜嘅乳酪忌廉，入口清新又唔膩。小朋友試咗一啖就話「好味道」，要同我爭住食！跟住係士多啤梨乳酪泡芙，士多啤梨大大粒，咬落去酸甜爆汁，配上滑溜嘅乳酪內餡同脆卜卜嘅泡芙皮，層次感好豐富。小朋友最鍾意呢款，話士多啤梨好似糖果咁，真係見到佢開心我都滿足晒。最後試新款，芋泥濃香幼滑，甜度啱啱好，夾喺泡芙入面份量多到滿瀉，食落有啲似港式甜品嘅感覺，但又有西式泡芙嘅酥脆口感，混搭得好好。整體黎講，「西樹泡芙」嘅質素真係唔錯，芒果同士多啤梨款夠晒新鮮水果風味，新出嘅芋泥泡芙又有創意，啱晒大人小朋友嘅口味。放工後買幾個同家人一齊食，幸福感即刻上升！價錢唔算平，但味道同份量絕對值回票價，下次經