西樹泡芙 (已結業)

一向都不是一個吃甜品的人, 原因早於之前解釋過。不過見最近友人工作困難, 經常愁眉苦臉的人, 而又聽說吃甜點可令人開心一點, 所以便買了這個puff給他。以我在香港認知的puff連鎖店應由約十多年前那家"Papa"什麼開始, 每次經過他們的店總聞到些蛋與忌廉的香味, 總是挑逗你味蕾, 試煉著你的道德底線。有一次終於按捺不住買了些來吃, 忌廉香而可口, puff則鬆化, 真的不錯。據聞現在好像差了很多, 而且相同的產品競爭對手也一個個在市場出現, 分一杯羹。或許是人大了定力高了, 又或許是現在的puff店不以香味作招徠, 總是沒有了以前那種想吃的衝動。當我走到了這店前, 我發現原來已經人面全非, 他們沒有了原味的忌廉puff, 只有黑朱古力, 曲奇趣香, 咖啡, 焦糖, 甚至班蘭味的puff, 我才知道我很落伍。最後我選擇了一個曲奇趣香的puff, 老實說, 我只是吃了一口, 發覺蛋鬆皮很軟, 但不夠鬆化, 可能因為雪得太耐而有點實。而忌廉曲奇餡料也見溶化, 曲奇那種甜度適中, 算是可口。不過我個人始終比較喜歡原始的那種, 太花巧終究不是我想要的。從前的puff店以香味奪人, 你根本不用

今日放工經過Choux Creme 放滿了琳瑯滿目的泡芙十分吸引!仲記得以前成日行過都係得2~3種味道.....(忌廉, 朱古力, 抹茶紅豆等..)自從佢做左團購賣左十幾萬個優惠後, 可能去貨量較多!所以近期個櫃就成日多左好多款放出黎呢^^今次就揀左佢新出的芒果盛放 $17 !! 泡芙入面唔再係cream係乳酪!外面更鋪上芒果肉, 賣相和味道都很吸引! 芒果鮮甜, 乳酪裡都有芒果粒呢!而且乳酪綿綿幼滑, 配上泡芙意想不到咁夾! 好味!

星期日，深井馬灣一日遊…遊完之後出番葵芳，到choux creme 買puff 做今晚嘅甜品。間嘢開喺地下，唔難揾…但間舖好簡陋…買咗一個hazelnut puff n 心太軟，各＄１８。Hazelnut puff 好濃榛子味，又唔會太甜，不過整體黎計好似都係鬍子叔叔嗰間好食啲…至於個心太軟，就十個讚！叮一分鐘，個軟心朱古力醬就溶哂，一切開，熱辣辣嘅朱古力醬流晒出黎！！！朱古力醬好濃又幼滑…個蛋糕又好濃朱古力同牛油味！真係好好味！

其實篇食評想打好耐, 不過之前新開既時候, Openrice仲未有呢間野比我寫!今日行經新都會, 發覺賣開串燒個間店, 終於執左..開左呢間專賣泡芙既店, 而且仲有心太軟同牛奶布甸賣添!係個玻璃櫃度見到有心太軟 ($18), 諗左陣就即刻買左~佢仲可以幫你整返熱佢..雖然個心太軟細細個, 又冇裝飾, 望落勁普通~不過食落都幾得架, 朱古力味幾濃! 食完唔多唔少, 岩岩好呢!都有流心架~~

新都會廣場嘅小食亭終於有新品牌食品出動, 此檔前身賣台式飲品及串燒, 又贵又細份, 根本都好少見到有人客光顧。此店以紅白為主調, 铺面只有一冷凍櫃及收銀機, 裡面較空洞洞, 只有大雪櫃及製作枱等等少量用具, 是否趕著食新年假期條水, 邊開檔邊装修, 感覺鋪頭實在有幾分凋零。Choux Creme的母公司是J-Sweets, 原來也是代理Beard Papa's , 難怪兩者的芭芙都有點雷同, 唔通實屬巧合? 既然出品是差不多, 那為何要出多一個品牌?冷凍櫃裡的芭芙不多, 只選了較特別的一款及較平實的一款：杏仁榛子忌廉芭芙 $18杏仁榛子味道超濃, good, 那忌廉不知道是否已经雪藏了一天, 因为很夠硬, 質感有如吃牛油, I like it, 芭芙皮涼涼地, 一咬就腍, 無外表咁堅挺。 不過$18只得一個芭芙賣得太貴了, 因为這個價錢巳可在KFC買份早餐連飲品, 幾好吃都假 吉士芭芙$15吉士餡同樣夠冷, 濃味得來也不會大甜, 食到有雲呢拿籽在內, 餡的形態也算厚身, 幸好不會過膩葵芳又有飲食新嘗試, 如果可以開埋瀰月屋就最好不過