影片
一向都不是一個吃甜品的人, 原因早於之前解釋過。不過見最近友人工作困難, 經常愁眉苦臉的人, 而又聽說吃甜點可令人開心一點, 所以便買了這個puff給他。以我在香港認知的puff連鎖店應由約十多年前那家"Papa"什麼開始, 每次經過他們的店總聞到些蛋與忌廉的香味, 總是挑逗你味蕾, 試煉著你的道德底線。有一次終於按捺不住買了些來吃, 忌廉香而可口, puff則鬆化, 真的不錯。據聞現在好像差了很多, 而且相同的產品競爭對手也一個個在市場出現, 分一杯羹。或許是人大了定力高了, 又或許是現在的puff店不以香味作招徠, 總是沒有了以前那種想吃的衝動。當我走到了這店前, 我發現原來已經人面全非, 他們沒有了原味的忌廉puff, 只有黑朱古力, 曲奇趣香, 咖啡, 焦糖, 甚至班蘭味的puff, 我才知道我很落伍。最後我選擇了一個曲奇趣香的puff, 老實說, 我只是吃了一口, 發覺蛋鬆皮很軟, 但不夠鬆化, 可能因為雪得太耐而有點實。而忌廉曲奇餡料也見溶化, 曲奇那種甜度適中, 算是可口。不過我個人始終比較喜歡原始的那種, 太花巧終究不是我想要的。從前的puff店以香味奪人, 你根本不用找, 用味道帶你到舖。當然品質的監控與加盟店的清規戒律自然也要把關妥當。可是現在新一脫的puff店做的只是光鮮的門面, 搶眼的招牌與一統的店舖格式, 賣的是品牌與不同口味的期待與衝動。我不敢這個一定不多, 但最少我自己會喜愛一個原味正正經經的一個忌廉泡芙。
繼續閱讀
今日放工經過Choux Creme 放滿了琳瑯滿目的泡芙十分吸引!仲記得以前成日行過都係得2~3種味道.....(忌廉, 朱古力, 抹茶紅豆等..)自從佢做左團購賣左十幾萬個優惠後, 可能去貨量較多!所以近期個櫃就成日多左好多款放出黎呢^^今次就揀左佢新出的芒果盛放 $17 !! 泡芙入面唔再係cream係乳酪!外面更鋪上芒果肉, 賣相和味道都很吸引! 芒果鮮甜, 乳酪裡都有芒果粒呢!而且乳酪綿綿幼滑, 配上泡芙意想不到咁夾! 好味!
繼續閱讀
星期日，深井馬灣一日遊…遊完之後出番葵芳，到choux creme 買puff 做今晚嘅甜品。間嘢開喺地下，唔難揾…但間舖好簡陋…買咗一個hazelnut puff n 心太軟，各＄１８。Hazelnut puff 好濃榛子味，又唔會太甜，不過整體黎計好似都係鬍子叔叔嗰間好食啲…至於個心太軟，就十個讚！叮一分鐘，個軟心朱古力醬就溶哂，一切開，熱辣辣嘅朱古力醬流晒出黎！！！朱古力醬好濃又幼滑…個蛋糕又好濃朱古力同牛油味！真係好好味！
繼續閱讀
新都會廣場嘅小食亭終於有新品牌食品出動, 此檔前身賣台式飲品及串燒, 又贵又細份, 根本都好少見到有人客光顧。此店以紅白為主調, 铺面只有一冷凍櫃及收銀機, 裡面較空洞洞, 只有大雪櫃及製作枱等等少量用具, 是否趕著食新年假期條水, 邊開檔邊装修, 感覺鋪頭實在有幾分凋零。Choux Creme的母公司是J-Sweets, 原來也是代理Beard Papa's , 難怪兩者的芭芙都有點雷同, 唔通實屬巧合? 既然出品是差不多, 那為何要出多一個品牌?冷凍櫃裡的芭芙不多, 只選了較特別的一款及較平實的一款：杏仁榛子忌廉芭芙 $18杏仁榛子味道超濃, good, 那忌廉不知道是否已经雪藏了一天, 因为很夠硬, 質感有如吃牛油, I like it, 芭芙皮涼涼地, 一咬就腍, 無外表咁堅挺。 不過$18只得一個芭芙賣得太貴了, 因为這個價錢巳可在KFC買份早餐連飲品, 幾好吃都假 吉士芭芙$15吉士餡同樣夠冷, 濃味得來也不會大甜, 食到有雲呢拿籽在內, 餡的形態也算厚身, 幸好不會過膩葵芳又有飲食新嘗試, 如果可以開埋瀰月屋就最好不過
繼續閱讀