西城東北菜

營業中

休息中

西城東北菜西環堅尼地城吉席街18號地下Aal至C號舖 坐港鐵在堅尼地城站B出口 約行三至五分鐘 門面寬闊吸引，裏面地方乾淨，光線恰到好處，畀人一種舒服感覺，店員非常之有禮貌😊 豬肉餡餅： 皮薄香脆，肉質豐富，咬入口有厚感，柔軟帶有甜味。 朝鮮冷麵： 麥橋麵清新爽滑，容易咀嚼。湯內面配上牛展香、青瓜絲、番茄蛋加湯，清甜可口。 東北農家蘸醬菜 ： 好多種菜類，配上豆腐皮 加特別醬料， 又是一種令人新鮮配搭。 鐵板燒汁鱸魚： 炸得脆卜卜，內面魚肉肥厚，酸甜醬汁倒在鱸魚面上，入口很開胃，味道豐富，咬入口肉質嫩滑。一餐豐富晚餐

Fafafoodblog為食花太郎 西城東北菜 🍴果仁菠菜 48 菠菜新鮮 好爽口 凍食 個醬汁好香咸 正🍴東北殺豬菜178 🐖好香濃豬肉味 用明火燒住既豬肉鍋 有肥豬肉 豬大腸 好新鮮既豬紅 仲有酸大白菜 個湯底勁香豬味 正🍴香辣牛肉拌苦菊 58 蚊苦菊帶d甘香味 醬汁酸辣 牛肉彈牙 同苦菊硬身口感好襯 🍴豬肉餡餅40 蚊🐖豬肉整成碎 餅整得好香脆。包住食好正🍴粟米鮮肉餃51 蚊餃皮厚身 入面粟米新鮮夠香甜 豬肉juicy正🥟🍴蕃茄雞蛋打滷麵 51 蚊蕃茄新鮮 滷麵比較粗身爽口 仲有木耳同炒蛋 配合埋蕃茄汁 正🍴東北啤酒 個味有d似原漿啤酒同普通生啤之間 啤酒味香濃 唔錯#東北菜 #豬肉 #啤酒 #豬肉餡餅 #粟米 #水餃 #菠菜 #蕃茄 #滷麵Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#西城東北菜西環堅尼地城吉席街 18 號地下a至c鋪~~

西環的西城東北菜，是一家以東北風味為主的餐廳，主打地道的北方佳餚。酸菜魚（小）：酸菜的酸香與魚肉的鮮嫩完美融合，湯底濃郁卻不過於油膩，入口滑順，令人食慾大開。大盆花菜：花菜炒得爽脆入味，搭配濃厚的蒜香與肥美的腩肉，口感層次豐富，十分下飯。蕃茄雞蛋打滷麵：雞蛋滑嫩，蕃茄粒酸甜適中，與彈牙的手工麵條相得益彰，是一道充滿家常風味的暖心之選。韭菜鮮肉餃：餃子餡料十足，充分展現韭菜與豬肉的鮮味，咬下去肉汁豐富，每一口都充滿東北家鄉味。豆沙餅 ：煎得外皮酥脆，內餡細膩不過甜，紅豆香氣濃郁，是飯後的最佳甜品。酸梅汁 ：微酸甘甜，解膩之餘更添清爽口感，是搭配東北菜的絕佳飲品。總結，餐廳在食材與味道上皆有不俗的表現，特別適合喜歡濃郁口味的客人，再加上免收加一服務費，讓人更有理由回訪！

堅尼地城高質東北菜開業不足一年，就成了預約困難店，室內設計裝潢充斥著文化西城京味古韻，一進門就被磚紅色的［杯莫亭］所吸引， 旁邊就有個高身酒櫃，暗示要不醉無歸。🍊店主非常好客熱情，有種遠山的情懷，知道我好辣，為我介紹了多款菜式，果然沒有令人失望，很合我口味～🍖醬棒骨加上醬汁肉味香濃，還有飲管可啜骨髓，可以把上手豪邁地吸取豐富營養。🍲藤椒酸菜魚湯底酸爽，魚肉鮮嫩量多，食濃味菜式時一邊飲湯，感覺味蕾全開，到尾都不覺得膩。🥩孜然蒙古羔羊排如果吃得酥，必須是孜然+香酥，兩者配搭上後，還吃出肉味濃郁。🥗紅燒油豆角鑊氣與油香味並存，送飯一流。🐟香辣魚皮魚皮超爽口，麻辣味好過癮，這冷盤更適合作為佐酒小菜。🍺東北鄉情精釀啤酒店主引入清新口味的特色啤酒，樽身圖案設計新穎而不失古雅。

西環算新開的餐廳，行過路過好多次，終於試到！ 菜色特別，未食之前以為好多辣嘅菜式，點知原來東北菜大多都唔辣嘅唔使擔心！ 適合一班朋友嚟一齊食，因為份量比較大，好多下酒菜，一邊飲酒一邊食嘢！ 味道不錯、 服務很好

堅尼地城新開正宗東北菜門口裝修已經好吸引 好新潮有特色叫咗幾樣東北菜試試佢 份量好誇張 每樣都有驚喜🥢酸菜魚(小份) $138魚肉非常嫩滑 成個酸菜魚嘅調味啱啱好 我哋叫咗小辣唔會太辣 反而係好開胃 入邊仲有煙靭嘅紅薯粉😋🥢麻辣雞腎 $58估唔到呢個價錢嘅份量有咁多 好似食極都食唔晒咁 雞腎口感爽脆 拌埋秘製麻辣醬 好開胃👍🏻🥢東北溜肉段 $108第一次食呢款東北菜 好有驚喜 佢係將豬肉炸脆 再用秘製醬汁炒 有少少似咕嚕肉加粟米魚柳嘅合體版 口感同味道都超正😆🥢農家一碗香 $78 呢度菜用料充足 唔單止有肉塊 仲有雞蛋豆腐同埋各種甜椒 超級有鑊氣 調味都好正 忍唔住就食晒一碗飯😆

西環食飯唔洗加一西城東北菜新到連google map都未有大陸原汁原味搬過黎 價錢都合理 重點早晚都唔加一多人都有服務食得好舒服
門口仲有個創意餐牌比人睇中意啲咩菜有涼菜、鐵板、河鮮、等等，真係好多款式，而東北菜一般都係地痞大排檔式但已進化到有裝修環境乾淨食物賣相有下工夫，一碟扇子骨好似搭左個棚咁，小菜夠鑊氣，不過東北菜偏油，就要按照各人口味了餐廳內裝修好有中國風味，枱凳整齊寬落！香辣扇子骨 $168名菜好震憾，大碟，打卡專用，唔油膩但香口醬棒骨  $108勁大舊醬骨都係100蚊，真係好大舊放落枱震憾豬肉餡餅 $40較乾身不油，香你喜好茄子豆角 $78就好有鑊氣，係油啲，好送飯！自從大陸店開多左之後，都開始令到好多餐廳無加一變左好抵食。東北菜晚市都好多人位置偏僻都好受歡迎，醬骨起勢咁啜真係好好味香港堅尼地城吉席街18號地下A-C號鋪

今次好想食東北菜，就去openrice search 左呢間餐廳。1） 香辣魚皮此道小食是冷盤，魚皮異常爽身，拌上了花生、黃瓜絲、紅蘿蔔絲等。魚皮厚實，口感脆爽，辣油香辣美味，令魚皮又香又麻又辣，大呼過癮，絕對係最好嘅開胃頭盤句。2） 京醬肉絲呢道菜係地道嘅東北菜，肉絲咸甜適中，醬香濃郁，風味獨特。配上京蔥絲，芫荽，黃瓜絲及炸脆絲，再用餅皮包住嚟食，肉汁俾餅皮索晒入去，口感層次豐富。3） 鐵板孜然羊肉羊肉食落無臊味，口感軟嫩中帶有彈性，經過鐵板爆炒後的酥與香，再搭配上孜然香料，係嗅覺同味覺俱備嘅美食。4） 韭菜鮮肉餃 餃子用韭菜豬肉造成，相當足料，咬開就爆出餡料及湯汁，價錢方面係$51十隻都合理。另外服務態度真係唔錯

上星期去西環探老同學，佢推薦呢間西環必食東北菜。☺️鐵板孜然羊肉一上枱就聞到陣陣孜然香氣，羊肉切得唔算薄，厚薄啱啱好，煎得外層微焦，咬落去肉質嫩滑，唔會有嗰種羶味。鐵板熱辣辣，食到最後都仲保持到溫度，孜然同辣椒粉調味夠惹味，唔太鹹，啖啖肉都好滿足，份量都足夠。😋再講東北大鵝燉酸菜，酸菜味道好濃，微微嗆鼻但唔會過火，燉得夠入味，大鵝肉炆到好軟腍，入口有少少油脂感但唔膩。湯底酸酸地好開胃，仲有啲粉條同酸菜一齊燉，吸晒湯汁，食落軟糯又有咬口。🥣最後點左三鮮水餃，餃子皮薄但唔易穿，內餡有蝦、豬肉同韮菜，咬落去鮮味爆出，蝦仁爽口，豬肉juicy，韮菜又帶點清香。水煮之後餃子脹卜卜，熱氣騰騰，抵食又有滿足感。🥟

今日同朋友去左西環呢間主打東北菜嘅小店，佢哋嘅菜式非常傳統，而且用心製作，用料亦非常新鮮，性價比都頗高，值得推薦，遲下會帶屋企人再嚟多次。🙌🏻手把蒙古羔羊排呢道手把蒙古羔羊排係十足蒙古風味，羊排已拆大部分骨，所以食嘅時候好方便，散發陣陣羊油香。肉質鮮嫩又多汁，唔羶之餘仲保留咗羊肉特有嘅濃香，再沾少許秘製辣汁，非常惹味！🐏東北熏雞（半隻）東北熏雞嘅味道就走一個煙燻香路線，雞肉經過特別嘅醃製同煙燻工藝，外皮有陣淡淡嘅煙燻味，而肉質係鮮嫩得嚟唔會乾，咬落去又香又滑，帶有啲東北獨有嘅調味料香氣，食落特別惹味！🐓蒜茸菜心食飽叫左個蒜茸菜心，菜心揀得好嫩，煮到啱啱熟，爽脆得嚟仲帶有陣菜嘅自然清甜味。🥬

位於堅尼地城區的西城東北菜，可以話係香港少有的東北菜館。集燉，燒，溜，炒乜都有嘅一間東北菜餐廳，有超值午市套餐，有涼菜，東北方味，鐵板乾鍋，河海鮮，川湘菜，蔬菜類，主食，餃子，飲品和酒等等，所以唔係淨係東北菜咁簡單。而餐廳的燈亦好有東北特色，就係大紅棉襖的燈框架。呢日來到點咗比較少食的“蒜泥肘花”，肘花味香肉美，食落唔會“柴”同時又唔“油膩”，一片片沾D蒜蓉，真美味；“皮蛋豆腐”係一道人人皆喜歡的涼菜，呢度個汁嘅調味集辣，香，酸，甜於一身，好快食完，好開胃，下次來一定要再點過；至於北方大東北的主食必定係餃子，又點可以唔叫呢，嗌咗一份我喜歡的口味“韭菜鮮肉餃”，size大細適中，饀料充足飽滿，好juicy，好似返到當年喺哈爾濱的第一餐💚另亦嗌咗個超值lunch set ，佢就係紅燒排骨套餐，排骨大大份，够晒入味，食得飽飽，仲有大把嘢想食，下次再來過☺️

今日同朋友去堅尼地城高線電影院睇戲，睇完之後就去附近吃晚飯，一出電影院就見到一間食東北菜嘅餐廳，裏面已經有很多嘅客人，門口仲有一個餐牌俾客人睇喜歡食什麼菜式，有涼菜、東北風味、鐵板干鍋、河海鮮、川湘、時菜、主食、飲品類、酒品類，真係好多款式，食物賣相影得都靚，我哋睇完已經揀咗幾款食品，咁就即刻入去食，餐廳內裝修好有中國風味，入內感覺溫馨，枱凳整齊令人坐得舒服，店員服務態度好，仲冇加一價錢，來這裏食真係不錯。🤍乾鍋牛腩牛腩肉味道十足，肉質軟嫩，吃起來風味醇厚，香滑爽口，香而不膩，回味無窮，加上有豐富嘅配料，有薯仔片、紅蘿蔔片、洋蔥片、蒜頭粒、香蔥、芝麻粒，非常夾一齊來食，亦是來飲酒首選嘅菜式。🤍青島啤酒青島啤酒大口喝下，豐富的泡沫生出細膩口感，啤酒香味，清新怡人，好配合來食東北菜。🤍蒜泥肘花蒜泥肘花肥而不腻，瘦而不柴，吃一口唇齒留香，真係香浓好吃冇腥味，配合埋青瓜絲及香辣醬汁一齊食，非常好食。🤍果仁菠菜果仁菠菜份量都不少，果仁係红衣花生，炸至酥脆，我真係未食過咁香脆嘅花生，食不停口，而新鲜菠菜涼拌後又係食落爽口，紅色嘅花生同綠色嘅菠菜賣相都好靚，將紅花生和綠菠菜完美配合，更令口感豐富，爽

堅尼地城呢間東北菜，都已經開左一陣子，見有時間就試下，餐廳內的亭都幾岩三五知己食口水雞雞肉嫩滑，配上香麻嘅醬汁，味道又好惹味。每一口都有啲微辣嘅感覺，仲有香菜同花生，食完真係令人好想再食多幾件！鐵板孜然羊肉羊肉煮得剛好，唔油膩，搭配上孜然香料，味道特別香濃。鐵板上嘅滋滋聲，梗係叫返幾杯😆韭菜盒子外脆內軟，裡面包住新鮮嘅韭菜，都幾香脆醬棒骨肉質軟嫩，醬汁濃郁，香味四溢。啖啖都有肉，最正有飲管吸晒骨髓的精華❤️好啊，以下係用廣東話口語寫嘅食評：

作為港島人要找到好吃的東北菜又不想北上 真正的東北土著帶過來堅尼地城這間吃過真的覺得不錯 味道正宗中午時間來到都是人頭湧湧裝修用上中國特色 仲有個古亭設計的卡座 「酒莫亭」感覺幾有趣 好適合帶埋外國朋友嚟食午市套餐真係好抵 不過我哋都有單點其他食物去到邊度都要食辣椒炒肉呢度嘅辣椒炒肉好正宗 肉片用上半肥瘦梅止渴炒得好有鑊氣 辣度恰到好處水煮魚片 魚片好滑 比較少骨可能就返香港人口味 呢個係一份午市套餐的份量$62性價比真係令人感動我哋嗌咗兩個餐share 感覺較豐富東北人最鍾意食餃子呢度嘅餃子都係手製每日新鮮包 肉餡我揀咗粟米豬肉粒粒都好大粒，好Juicy餃子皮屬於比較有口感的 手撕包菜🥬 炒得幾好 微辣😌調味都是👍宮保雞丁 酸酸甜甜好開胃

行完西環嗰頭嘅打卡海旁🌊，經過見到呢間特色東北菜館，算係香港比較少見嘅菜式，而且選擇超多，主食同埋小炒都有。餐廳裝修都大有來頭，喺店入面起咗個涼亭卡位，而且仲有包廂，就算一班人嚟都唔驚！係店員嘅態度都值得一讚，幾熱情而且幾好招呼，有種獨有嘅人情味～🍲◖東北大鵝燉酸菜◗ $198東北菜一定要叫一大鍋嘅燉菜，呢個鍋入面有鵝碌、酸菜同粉條，份量都唔細，適合二至三個分享！鵝碌唔算太多，但肉質都幾緊實，配上酸菜食，酸酸哋唔會覺得漏～🥓◖東北鍋包肉◗ $138豬肉片蘸上粉漿拎去炸，炸過嘅粉漿煙煙韌韌，撈上酸甜醬汁，就咁當前菜幾開胃，或者送飯都唔錯！🥟◖羊肉餃◗ $62一份有10粒，每粒飽滿肉餡好大粒，一咬落去會爆汁，羊肉嘅臊味啱啱好，係大眾都接受到嘅口味🥘◖東北疙瘩湯◗ $58第一次試疙瘩湯，好大碗，質感比較黏糊糊，見到入面有啲麵團糊，然後加咗生菜、木耳，口感煙煙韌韌，仲可以飲埋個湯，幾特別味道都唔錯！