表叔火鍋

營業中

休息中

表叔火鍋都聽朋友介紹過，今日終於要去試吓，叫咗個杏汁白肺湯做湯底，由於黎到太香🤣侍應哥哥叫我哋先飲湯後打邊爐，掛住飲湯冇影😵‍💫安格斯牛頸脊好有牛香，入口又軟，物有所值，池魚王刺生係一日前訂，真係冇介紹錯，鮮甜有膠質，再攞個骨腩去椒鹽，食唔停口🤣象拔蚌爽脆鮮甜，仲有其他打邊邊嘅就冇影，同朋友邊飲邊食，極愉快嘅一餐👍🏻朋友話好快又再黎🤭

晚餐需要預訂才能確保有位，食物整體質素都在線，價格也算是ok。手切牛頸脊又香又腍滑，好正。其他食材都算是很新鮮，尤其響鈴很少食到係即炸過的，放落湯一兩秒再拎上黎仲脆！手打墨魚滑都彈牙！服務友善，工作人員都會主動加水，加湯，整晚用餐愉快！

非常新鮮及好食的火鍋，交通10分便利，店員及老闆招呼很好，而且用料及烹煮時間細心同你講，特別推介他的牛肉，也是本地農場養的，真係這裏才可以吃到，海鮮亦很生猛，龍蝦等。如果大家在附近，步行過來或者門口都可泊車，旺角地鐵站及大角咀也差不多路程，店員的服務態度令人留下深刻印象，誠懇的Uncle及細心的介紹，裝修冇乜特別，但可以吃出這裏的人情味及比較偏向做街坊生意，所以價格尚可以接受，不太像一般的貴得很離譜。

讚1 材料新鮮 牛肉油花好 夠軟熟 湯底有味道 菜唔會好似擺左好耐咁 內臟都唔會有異味 樣樣都幾好2 價錢唔貴 位位都係三四百彈1 環境係扣啲分既 真係好似茶記咁款 隔離檯啲大叔嘈到一個點

乍看之下，四川麻辣、日式壽喜燒，以及台式辛香兼備的火鍋遍佈大街小巷。然而，碩果僅存的港式火鍋，藏身於無止境的街角，默默地點起微微的燈光。 (1) 花雕醉雞鍋／四川麻辣鴛鴦鍋 (2) 手切頂級牛頸脊（上）／雪花牛頸脊（下）手切頂級比起雪花牛頸脊的脂肪分佈更為平均。有恰到好處的油花，比起平常的薄片再多四分之一的厚度，令肉味更濃郁。 (3) 脆鯇骨腩身為魚類愛好者研究所，下刀之準確，令魚骨沒有散落四處。骨腩部位汁多味美，肉質結實爽脆。另外，新鮮魚鰾亦處理得宜，沒有帶腥。 (4) 手打四寶丸墨魚丸、豬肉丸、牛肉丸及鮮蝦丸。除了墨魚丸，其他比較鬆散，沒有應有的爽彈咬勁。鮮蝦丸打發成細膩的肉蓉，混入蝦粒，滑潤清鮮。 手切黑豚腩肉、桂花蚌、牛栢葉、鮮竹笙等材料都令人食指大動，貫徹港式的火鍋的精髓，入煮為鮮。 同行友人將外國的速食文化融合本土火鍋，進食速度十分驚（嚇），有如迅雷不及掩耳。 隨即收到暖心警告⋯⋯「下？你仲玩電話？一陣真係無得食㗎喇。」「我地食嘢速度黎講，打邊爐係最慢。」「仲幫人夾嘢，快啲食左先。」「我自己食哂成碟豬肉，你果兩塊牛都未淥。」：個爐未滾⋯⋯？(´･Д･)」

表叔海鮮火鍋📍 大角咀福全街17號地下⁡第一次介紹打邊爐😌 而家打邊爐成日都好貴，明明已經自己煮但埋單通常都HKD500-800/head 🫣 今次想介紹間好平民既火鍋店， 大件抵食又好味🤩叫左好多野， 重點介紹呢啲： ⁡🍲胡椒豬肚雞鍋（半隻）HKD138奶白色既湯底，胡椒味都幾出， 雞件堅滑！ 又有豬肚、粟米、白+紅蘿蔔，可以慳番啲叫蔬菜既錢 😂⁡🥩 手切頂級牛頸脊（大）HKD308媽呀！ 好靚仔既雪花❄️🫠 表叔有好幾款牛， 牛頸脊就係最嫩口既部位， 顏色好鮮艷 🌹 （見到隔離枱唔係叫呢款既，顏色好明顯有分別🤣） 。 牛肉用「起雙飛」切法， 好似🦋咁， 切得完整，厚度均一。 雪花分佈細緻平均， 食落牛味同油香都食到，唔會好漏， HKD308 大大碟， 4 個人食一碟都夠哂 🥰⁡🍢牛骨濃汁牛丸 HKD68 出面好多打邊爐叫丸好多都HKD88 起跳， 呢到HKD68 就已經有8粒濃汁牛丸啦 ！ 牛丸咬開見到入面一點點透明啫喱， 唔怪得食落咁多汁 👍🏻⁡🐷鮮豬腳筋 HKD68 Pigbee 好遲先識食豬腳筋，唔係間間鋪都有， 原來咁好味😋 腳筋微軟、柔韌又有嚼勁， 好難有其他美食可以取代呢

I haven’t been in HK for many years and was craving for hotpot. Had family dinner here and overall the service was very impressive. Soup base was so flavorful. Beef was evenly cut and quality was superb. Meatballs were sth very unexpectedly good. Also quite recommended! But what made the whole dinner a great experience, was the services. They were very attentive. It’s a dinner full of 港式人情味：）

大角咀食物有好多，天氣轉涼想打邊爐🍲今日同朋友嚟到表叔打邊爐，朋友果然冇介紹錯，十分抵食👍🏻小食有好多款，即炸椒鹽墨魚咀脆卜卜好爽口令人忍唔住一粒一粒咁食竟然連椒鹽九肚魚都有👍🏻即刻炸起又係熱辣辣脆卜卜，十分惹味鬼馬釀油條又係一絕，蝦膠彈牙鵝腸偏肥，但勝在份量夠多，完全食唔晒；當日職員介紹食貴妃蚌，新鮮好味😋仲食咗牛胸爽、牛蒡、牛頸脊👍總括而言，性價比高👍🏻有機會一定再嚟食過👍🏻

今次係旺角等朋友收工， 就想黎試下宜間火鍋店， 裝修簡約但坐得舒適，好適合同朋友一齊傾計食飯👍揀左鮮蘿蔔清湯牛腩鍋，配料十足，蘿蔔好諗， 入哂味， 牛腩肥瘦均勻😍火鍋配料選擇好多， 我地就揀左即炸響鈴， 浸落啲湯3秒就食，吸哂啲湯汁，外軟內脆，十分入味🤤之後仲叫左鮮肥鵝腸， 份量好多，非常脆嫩，爽脆，再掛上湯底味道好過癮😍手切鮮肥牛：好新鮮，每一塊大細剛剛好，唔會太薄,亦唔會太厚,油脂分布好平均👍👍🏻👍🏻

一行四人試下呢間火鍋結果都算冇令人失望價錢屬於中高價，大部分食材都高質新鮮，服務亦唔錯之前係openrice 買左一份牛脊肉，好瘦冇乜脂肪，牛味幾重其他都主要係嗌菜同海鮮桶蠔，脆肉鯇，水魷魚，墨魚滑，蝦滑，鱔片，花膠，魚皮，雜菜籃其實仲叫左牛丸，質素完全唔得，死死實既口感不過我地同店員講完，佢地即刻跟進了解原因，同時幫我地void 左個item店員解釋牛丸賣唔哂冇封好口入雪櫃，所以雪到實哂而且有雪味另外，店員會經常幫我地換碟，而且幾有禮貌桶蠔$168定$178? 坦白講就唔係好值，呢樣食落去唔算好新鮮最推介係蝦滑同墨魚滑，爽口彈牙又鮮味整體幾滿意仲嗌左幾支啤酒，人均要over $300

表叔火鍋，在大角咀舊區一隅已十多年，裝修樸素平凡，但食物質素有保證，性價比高。胡椒豬肚雞湯底 (7.25/10)：半隻雞和豬肚另上，足料新鮮，但胡椒味淡，不夠突出，後期才有一點。下次會點其他湯底。手切牛頸脊(8.5/10): 牛味香濃，油脂雪花分布好，新鮮，肉質好。響鈴(8/10)：即叫即炸，新鮮熱辣香脆，浸湯即吃一流，但略為厚身，口感不夠層層鬆化。廣島蠔(6/10)：蠔身細小，略帶腥味，下次還是點桶蠔較有保證。鮮枝竹、金菇、油麥菜(7/10): 正常水準。———————————————————————————⭕️ 總結：食材整體可以，手切牛很出色，性價比高，會翻食✅💵Budget: $250 pp

喺呢度有刺身啊又有Hogarden 生啤打邊爐梗係要飲「生！啤！」😍今次叫咗象拔蚌刺身同埋生蝦！泰式生蝦果醬一樣好食❤️象拔蚌都OK呀！佢有個孖寶套餐會抵啲有肥牛加象拔蚌！單冇，在黑板的！朋友喺度食左幾次，於是帶我過嚟食～冇介紹錯啊湯底都好味！鴛鴦鍋可以加$20揀轉清湯湯底都抵呀！當然呢度有少少似大排檔，早d book 仲有房仔私隱度高啲！今次唔好意思又係太肚餓冇影相！佢整體嘅嘢食都係好食嘅！叔叔員工照顧有加，feeling so warm 就係咁都值回票價！！😍😍👍少有的熱情！個湯底都唔錯㗎！而且可以坐到12:00😍

what we hker do in 4 seasons.the answer is binlo!hotpot shabushabu binlo are the names describing the food boiling in hot water.the invention is it can warm up body at winter and the boiling water can keep the food im freshest condition. due to global warming, heres winter is nearly extinct. but we still remain this tradition in hk no matter how hot the weather is.food here is ok, cheap, portions is big enuf to feed adult. environment condition may not be so good. but still a best place for gath

tred it many times, it never lets you down, uncle.menu shift from monday to friday, with over 20 choices. set lumch serves with free chinese soup and a hot drinks.Fry pork chop with spice salt:yummy as expected, size is big, free japanese rice u can refill as requested.very nice staff with excellent service.with such 55$ 對得住天地良。*a lot of people at the lunch time better avoid the peak hours 12-1

已有一年沒有外出打邊爐了，一直對麻辣火鍋情有獨鍾，記得之前朋友推薦，所以這次便光顧了表叔火鍋。我對食肆衛生比較有要求，感覺還不錯。今晚所點食材全部好新鮮，但值得推介的有以下：1）手切頂級新鮮肥牛：脂肪分布非常均勻，口感和味道都一絕；2）麻辣湯底：夠香、夠辣、夠麻但不太油，係目前我喺香港食過最正嘅麻辣湯底；3）潮州魚蛋：炸過嘅皮有一種好特別嘅口感，好有鮮味而且好彈牙；4）蝦丸拼墨魚丸：好新鮮，好彈牙最重要的是價錢亦相當合理！