影片
復活節假期，走進一間相當唔錯嘅西餐廳，叫咗一個香辣蜆肉忌廉意粉及黑松露忌廉意粉，叫咗一杯凍Cappuccino，蜆肉忌廉意粉值得推介，不算太辣，太太覺得黑松露忌廉意粉，味道更加美味，Cappuccino咖啡有水準！
繼續閱讀
星期五去咗佐敦做嘢，lunch time經過呢間cafe，見佢有lunch set 就入去試下。座位唔多，大約有5-6張枱。Cafe以小店形式經營，有啲家庭式feel。Lunch set 價錢合理，飲品仲有半價。招牌牛肉漢堡配薯條（$88）- 我哋share食所以餐廳都好貼心同我哋切一半。個牛肉夠厚身好味，另外有香脆嘅薯條伴碟，唔驚唔飽喇～煙肉班尼迪蛋（$88）- 呢個有驚喜，估唔到會用waffle做底，個waffle 仲要好鬆軟，同啲料好夾。煙肉唔係會脆薄嗰隻bacon，即刻加晒分。連隻蛋都係流心，真係好岀色。蜜糖雞翼（$38/3件）- 我哋嗌咗兩份6件，雞翼好入味，加上塗上蜜糖係表面嘅脆雞皮仲正，真係食多兩份都得。Large oat milk Cappuccino ($53) - 咖啡味好濃郁同夠熱，嗌有杯啱晒我，但可惜燕麥味就唔太岀。凍朱古力（$38）- 個朱古力味有啲淡，但上面嗰層泡沫加朱古力粉好滑好有口感。
繼續閱讀
經過佐敦偶然見到一間咖啡小店，溫馨嘅佈置，店員有禮嘅服務，讓人享受片刻寧靜既咖啡時光✨💕☕街角咖啡提供咖啡、輕食及主食， 而午市套餐幾抵食，附送一杯檸檬茶，或者以半價升級做咖啡。🍴🍽️All day breakfast $118非常豐富，有窩夫，炒蛋，焗豆，大啡菇，沙律菜，薯餅及腸仔。 食物美味，熱辣辣， 食完好滿足。❤️🥚🍳火腿配班尼迪蛋 $88班尼迪蛋勁流心超正，配火腿同窩夫，yummy👍👍☕Mocha (+$5轉燕麥奶) 香滑滋味，咖啡味同朱古力味balance，可以轉燕麥奶，非常貼心👍😍🍋檸檬茶 (凍飲 +$2) 冰凍清新。🍨 甜品有迷你雪糕球（$40）有三球唔同味道嘅雪糕，食埋甜品真係滿足曬。💯💯
繼續閱讀
早排👩🏻❤️👨🏻放假行完九龍公園喺附近搵咗間cafe食tea。食物質素唔錯，冇限時，仲有USB port充電。🍽卡邦尼意粉$78Creamy濕潤而且🧀芝士味重，蛋味就唔多覺有。🥓煙肉份量多，香氣夠重。意粉煙韌有𡁻勁。🍽蜜糖雞翼$38雞翼沾滿🍯蜜糖，而且比想像中香脆。🧇自家製窩夫配雪糕$58（下午茶）窩夫鬆軟而且富蛋香。只需要少少🍓士多啤梨醬同雪糕已經好夠味。🍦迷你雪糕球$40小朋友先做選擇😎。窩夫🧇得一款雪糕，所以決定叫多份食晒三款。
繼續閱讀
全日英式早餐可以share兩份食，窩夫軟熟，牛油味香濃。炒蛋嫩滑，灑上胡椒粉，增添風味。薯餅香脆，甚有口感。大啡菇大隻飽滿多水份，上面鋪滿炒蘑菇片及紫洋蔥，香氣撲鼻，仲有兩條紐倫堡腸很實淨，喜歡佢獨有香草味，唔會太肥膩。中間仲有沙律菜，淋上胡麻醬汁，整件事真係好chill大啡菇牛油果漢堡配薯條呢個素食餐都唔錯，用料很足。大啡菇煎到剛好，牛油果厚切，super food 夠曬營養。薯條熱辣辣，粗身薯條最有口感。Green tea latte其實我自己見到綠色覺得幾靚就叫左，仲襯埋綠色杯，加埋心心拉花，很精緻。周邊都有綠茶泡沫，很香茶味，牛奶香濃，如果想要燕麥奶，加$5就可以了。Dirty 只有凍飲，底層凍奶，上層暖咖啡。不用拌勻，盡快飲用，先飲到層次感，暖先定凍先？我覺得很個人，口腔盤旋的香滑，確實值得體驗下。
繼續閱讀