蠔站 (荃新天地)

營業中

休息中

Oyster night!一心一意去食蠔先選$10/只，叫左12只法國生蠔🦪（海水比較重，有點咸）；跟著再自選1打其他國家的生蠔🦪但覺得質素未如理想！跟著再叫 黑露野菌湯、凱撒沙律、伊比利亞風乾火腿, 蒜片香辣蜆肉燴意粉🍝美國頂級肉眼🥩（Share 食） 總結：質素差左少少😓

話說見到Operrice 有75折諗住去試下，食物先唔講到埋單先發現，點解食左1600蚊但係得250蚊折扣，明明話75折。原來佢有一半野都冇折扣，落單果時又唔講明，咁樣做生意全心取巧，十分過份。再講食物10蚊折扣生豪， 咸過海水，叫左6隻，一隻都食唔到$468 12隻生豪得3隻好食，其他都好難食$308燒乳豬得5舊，味道勁咸，$500既牛排只能用失禮來形容，150蚊既質素大家千祈唔好比佢個75折水左，1600蚊，3個人，人均550既消費，完全物非所值，難怪要北上消費

一塊400蚊嘅rib eye ,有四份一喺根，同waitress 反映，得到嘅回應喺下次叫prime grade 呀ma.跟著同我講rib eye,filet 果d肉同fat 比例d廢話。我夠知ribeye 多d fat ,但喺四份一喺根？？？？合理嗎？ 最著都喺果句，下次叫prime grade 呀ma!!!姐喺俾說話我聽？定貴餐廳 裝修後prime grade 指定根同fat 比例會少於四份一？ 我喺度食左5,6年，裝修完請d人質素咁差？本身都喺諗住反映吓，等樓面提吓師傅。呢個樓面handle 得好差，完全火上加油。

📍荃灣荃新天地 - 蠔站 Oyster StationFood rating: 5.5/10⭐️✔️的確可以滿足你突然想食蠔嘅心✔️除左生蠔，餐牌上仲有其他主菜可以選擇FOOD: -是日精選生蠔 $10/隻(嗰日嘅精選生蠔喺黎自法國嘅，蠔肉略細，唔算好肥美，但都幾鮮甜。呢個價錢黎講已經好滿意了！）-香芒牛油果大蝦沙律 $148

看完食評（麻麻地）有點擔心，不過全部都發生係裝修前，希望現在有改善。到現場，只有兩枱客，心下一沉，難道……湯及餐包好快上枱，但午餐主菜有點耐，終於出場，食物熱辣辣，好好味，有驚喜，果然慢工出細貨。Set Lunch日式照燒雞定食 - 嫩滑有肉汁美國燒雞胸 - 滑兼有肉汁芒果沙沙豬肉眼 - 有肉香及肉汁唯一失望是生蠔款式比較少，點咗兩款法國蠔，正正常常。之後追加$10蠔是來自南非，有少少驚喜，蠔脆、厚身、有海水味。希望下次款式有多點選擇，如岩手、珍寶蠔。

第一次去食 生蠔十蚊隻 好抵 吸引左 所以去食訂好位準時入座 不用等 環境不錯 有投影大螢幕 播放不同英文歌同韓文音樂MV 叫食物試了豬仔骨同生蠔 豬仔骨好冧身 好易切 很好吃 豬仔骨附上薯條 也很脆 食物夠熱 另外凍生蠔值得一提 夠凍 夠肥美 好鮮甜 比酒店的更好吃十分滿意 坐得舒服 隔離有人都不會覺得好迫 唯一不足係收加一果到係收返生蠔原價加一 感覺爭些 另外如果多些折扣會係主菜單更加好 會更吸引到多人入去食 而家都係主要覺得生蠔平先會入去餐廳食 不過都好滿意了

為左有正價7折去食坦白講waitress 服務唔錯但野食方面真係好麻麻先係朋友食到一隻唔新鮮蠔（有屎味）食到反左胃隨後本人返到屋企肚柯左幾次😞我諗應該冇下次😞

上次生日食過一次 但係分得兩隻蠔 唔夠喉所以過嚟encore ～ 上次叫咗兩款主食（冬陰功海鮮意粉、軟殼蟹天使麵） 都係細細碟 味道不過不失 Pizza 都係偏細 味道一般 呢個價錢係第二間食仲好過 以上三款可以唔使試🇲🇽墨西哥辣椒意式牛肉丸🌶️辣味香濃、肉汁濃郁、飽滿 可以一試😋🍇🍑水果味嘅梳打 $98/Jar 西餐黎講 幾抵飲🤩同樣叫左🦪生蠔396/12 pcs 基本上都係韓國同日本嘅蠔 海水味濃 口感濃厚滑想食法國嘅Gillardeau 所以以每隻加$20嘅價錢轉左三隻 另外係店員推介下 以每隻加$10嘅價錢轉左另外嘅法國蠔x3🦪同預想嘅一樣 法國蠔一定好食啲雖然蠔肉唔算肥美但口感清爽 彈性脆口 係自己鍾意嘅口感🥹但係無論係 原本嘅蠔定加錢轉嘅法國蠔 都係偏細隻🥹味道都係爭咁啲 所以有啲失望 圍返每隻都唔平 九龍城嘅Oyster More 價錢差唔多 但會大隻少少 味道更加好 🈹$10蠔🦪真係好抵！叫左半打細細隻 少許甘甜 少許蠔味 普普通通唔算好食 對得住價錢 要求唔高 又想啪大量蠔 可以一試！Ps 店員哥哥服務唔錯 幾好笑容同禮貌👍🏻

呢間野真係搞唔掂， 唔知其它分店是否一樣？服務一般， 無咩人理會蠔好一般， 感覺唔係話好新鮮， 其實野食更加唔洗講， 無咩好食， 亦都唔係特別平環境唔得， 好熱， 比部風扇我地吹就算整體都需要改善

👦🏻👧🏻拍拖到結婚既紀念日，如果想食生蠔，一定會黎呢度食！😍 臨近聖誕節，要去慶祝一下🍽️～ 依架餐廳做緊全單7折，唔包括lunch set，食生蠔7折超抵！我地叫咗$199 生蠔拼盤同加錢叫咗來自愛爾蘭、法國、日本等等既生蠔，由creamy食到重海水味，真係超滿足！另外嗌咗個lunch set 澳洲西冷扒配薯菜$168，牛扒煎至七成熟，外皮微脆，肉質粉嫩juicy，有芥末、黑椒汁同鹽可沾，👧🏻鐘意沾鹽食，👦🏻鐘意咩都唔沾，食原味😋📍 蠔站 (荃新天地) (荃灣)荃灣楊屋道1號荃新天地一期上層地下UG41號舖

生蠔十蚊一支 真係夠平，一分價錢一分貨，不夠肥美，勝在價錢便宜。提前訂位有折扣，都是算抵 人均$200 適合影相打卡。唔建議特地去食，經過試下都ok的！唔差都談唔上好！

朋友話要去食蠔，其實天寒地凍我想打邊爐多啲，不過都要照顧下各位嘅口味，所以聽佢話去左荃新天地嘅 oyster station. 先嚟一打蠔同一個Tower 嘅 Draught beer. 蠔只係HKD10 一隻又係幾抵。朋友再點左mixed cheese pizza, pork knuckle 再後加一個pasta. 個pizza 好差，最大問題係個pizza dough, 冇乜texture。我自己整的96hr 嘅pizza dough好味過佢多多聲。個pork knuckle 是可以，三個熱食最正常係佢。後加的pizza唔記得影相，不過係辣嘅，怪怪哋，我朋友食唔到辣所以唯有我食。埋單430一位，咁嘅價錢咁嘅食物唔太值，有好多其他選擇。

當日因為有提早Book位，所以唔洗等位就可入座餐廳安排左等地係邊邊既窗口位，係對住出面平台，有少少燈咁，環境都算浪漫.今次叫左：❇️ $199生蠔拼盤$199係餐廳做緊平價，另外仲會跟一杯餐酒入面有7種唔同既生蠔，上既時候staff沒有特別解釋，所以都唔太清楚邊隻打邊隻，想再單叫都有點困難.❇️德國豬手豬手皮脆口，夠味👍🏼另外仲有連薯角，同少量沙律菜.❇️冬蔭公海鮮意粉冬蔭公味唔太出，正正常常.❇️ 海鮮沙律

$10蚊隻蠔阿，真係好抵呀，Cp值抵到爛，衝住佢嚟。環境座位都幾寬敞舒適，而且唔係好多人，可以同朋友慢慢食傾多一陣計都得，而且員工都唔會好急咁趕你走。特選蠔🦪🫧$10一隻，入口幾爽口，仲有有少少甜，性價比幾高，無失望阿真，唔係平野無好野❤️❤️encore encore 阿要！德國🇩🇪咸豬手🫧豬皮炸到脆卜卜，肉質唔會好乾，肥瘦均勻推薦！白酒香蒜辣椒蜆肉扁意粉🍝🫧蜆肉份量都幾多而且size 都大大粒，少少辣都幾過癮。

以前幫襯過大角咀嗰間，還算OK，但最近去呢次，第一下坐落去無耐，個侍應（40幾歲嘅男人，疑似係經理）無啦啦行過嚟用隻手觸碰原本已經擺放好的刀及叉（係刀頭同叉頭果部份）已經令我滴晒汗，然後落單叫左個10蠔（結果落錯單，落左12隻），呢個都算啦，另外個軟殼蟹天使麵（麵粉仲多過啲蟹肉，而個天使麵又淋又難食，好似一劈粉漿），最後係個四式芝士薄餅（味道超級一般）。最差最差都係要個侍應，超級冇禮貌，個串串共，問多兩句又比面色你睇，俾錢買難受。