蠔站 (樂富廣場) (已結業)

浮浮下搵嘢食，入到店，明明有兩張吉枱，侍應係都要我撘張大嘅，仲拉開啲張枱比我坐埋牆，搞到坐緊嘅兩個客要郁位。原本諗住隊蠔，但得美國、南非唔吸引，加上趕住出去做facial，結果叫咗calamari risotto with artichoke。唔覺易聽到隔同枱問咩係artichoke，侍應話無供應換咗雜菇，望真啲原來紙餐牌唔update，門口黑板寫咗係雜菇，但佢冇提我。落單時我想飲Latte，侍應話冇，但亦冇提我原來有即磨咖啡(佢收咗餐牌我後嚟遠眺黑板見到)，結果杯嘢嚟到明顯帶擺得耐嘅酸味，仲要落煉奶，唔好味😭個南瓜湯似罐頭貨，意大利香草包雖香但偏硬似隔夜。好在主菜啲魷魚烤得帶碳焦香唔韌，飯半生熟，雖然唔係creamy質地但調味冇過鹹，都幾好。甜品粒泡芙入面係雲呢拿雪糕，外皮唔係好脆但都鬆化。$59加一其實都幾平，所以服務爭啲都可以去。

一開始，見到街市門口開左間高檔餐廳覺得非常奇怪，但之後經過成日都好想試，奈何價錢比較貴，唔會無啦啦去食。前排見到yahoo團購＄150買＄300 coupon，即刻買左兩張＄600 budget，點左一個一打嘅生蠔拼盤(~$350)，另外加＄40將兩隻細細隻嘅oyster d'argent 換做法國蠔 Ostra Regal, 總共試左6款蠔，分別係Pacific Rock, Barron Point, Blue Point, Namibia, Rollex同Ostra Regal. 其中，Pacific Rock, Barron Point, Namibia （南非蠔） 同Rollex都好正！推介～ Blue Point味道平淡，而Ostra Regal個介紹係after taste 會甜，但結果變化唔大，主要食到陣海膽味。相比之下，其他蠔比較出色。令我驚喜嘅係，開蠔開得好靚，保留到蠔水，同埋幾新鮮～有幾隻督落去仲有反應！另外點左個蒜片clam炒意粉（$98)，同埋墨汁意大利飯($120)，味道係幾好（clam好好味！），不過幾細份，係一人份量（再少D⋯⋯）overall 係好味嘅，

從前想，人家巴塞有Mercat de la Boqueria，倫敦有Borough Market，東京則有築地市場； 這些座位於旅遊熱點的街市，供應林林總總﹑各式各樣的蔬果﹑魚和肉類，內裡更有一些小餐館，店子空間雖少得幾乎要讓食客立食，但由於選用新鮮食材，加上用心烹調，每天都客似雲來，名聲響得連旅客也被吸引過來，灣仔的Quomo 也就是巴塞街市名店El Quim de la Boqueria 的海外分店。那香港有什麼類同的景點？街市這兩字，令人聯想到的，往往是擠擁濕滑的通道，菜碎﹑魚鱗隨地可見，即使老一輩的常說街市食品總是較新鮮，價格也較便宜，小妹也會選擇到超市購物，原因離不開作為90後兼百分百港女對購物點的膚淺要求—有冷氣﹑地方整潔及可「Dude」八達通。坦白說，當有鬼佬友人遠赴來港旅遊，或是想找個地方吃飯，你會想起到訪街市嗎？是天友人相約我到Oyster Station用午膳，當得知此店位於街市中，頓時感覺有點毛骨悚然，心想街市中能有什麼好東西呢。結果戰戰兢兢地到來，卻發現番新後的樂富街市空間感大又寛闊，讓人耳目一新﹗而是日的目標Oyster Station 就位於樂富街市其中一個

每次去完依間餐廳，好快又想再去，食物質素，味道也是一流，餐廳環境令人感到舒服，還有待應貼心服務，值得推介~每次都會點生蠔食，今次先來半打生蠔，肥美而且鮮甜，好食過上次，產地老公話好似南非或者法國，唔係好記得，下次要記得先再來半打焗生蠔，第一次點的，嘩，不得了，好味到暈，點了兩種味道，一種是忌廉蘑菇，一種好似香草牛油，因為忌廉味令我很難忘所以唔係好確認另一種，hehe...跟住就係連餐牌都冇既Carbonara, 因為手上餐牌只有兩款意粉，一問之下還有這款Carbonara, 便叫了，待應話這個是變了一點的，雖然我唔係好明白，但食落好好味，意粉煙韌加埋個汁，正再後是。。。因為唔係我既喜好，所以唔記得左個名，只記得是bbq豬腩肉，加埋芒果酸甜汁，好開胃，這個都係好味的

 行開樂富整野, 一個人左逛右逛諗緊食中,西or 日之際.見到呢間oyster station. 之前想去食但佢未開工, 今日時間剛剛好. 12:30左右, 我係第一檯客. 點餐不久, 食物陸續送上. 先黎頭盤個包好好味, 外脆內軟, 仲帶點香草味, 唔錯. 個忌廉湯都做得幾好, 滑得黎又有d 豆香.個吞拿魚沙律都唔錯, 如果醬汁多一d 會更好. 依家因為吞拿魚既份量唔多, 所以d 沙律菜唔夠汁.建議加少少沙律醬or 油醋汁會更好.主菜pizza, 份量唔算多, 不過都幾好味, cheese 味不錯, 餅底都好脆.最後加柸斎啡, 完成一個人悠閒既一餐.加$8 可轉即磨咖啡, 不過我無轉到, 係普通啡, 還可以啦.而待應生服務也不錯, 很勤力收碟. 最後埋單, 有驚喜,$58 唔使加一, 感覺良好. 肯定會再光臨.

突如其來的約會，令我能享受到這樣有水準的晚餐，真是人生一樂事也~餐廳處於一個室內街市中，真的第一次見，感覺都幾特別，店內氣氛不錯，環境讓人感到relax一整日的繁忙工作，好似都被消去，享受這一蠔夜吧。食物的質素總是令人驚喜，我們一行四人先點了生蠔一打，焗蠔半打，再來一個四國pizza~先講生蠔，店長為我們挑選了3隻不同味道不同地方來源的生蠔，店員上蠔時亦都好細心地向我們講解每份生蠔的來源地，品名及味道的不同，對於我們的初學者來說，是一大得著!店員鼓勵我們先由淡口的味道開始一路食到去濃的味道，生蠔好新鮮好鮮甜，我們真的好享受，每一啖蠔都帶給我們每一個驚喜的味道，真的很想大叫一聲:爽呀!!食完生蠔，口腔仲回味著那鮮甜的味道，等待著下一道菜的來臨~焗蠔。有兩種不同的味道，一個是煙肉焗-肉味重，一個是黑椒焗-帶有辣味!蠔肉很肥美，我們按照自己的喜好，揀了自己喜歡的味道，結果是要再order多一set先夠滿足!接下來最最最令人驚喜的是-四國pizza♡由多種不同芝士焗出，外環脆脆的pizza,多重味覺享受，加上每一口都是綿綿的芝士味，一絲絲的不能分離，超正!食到最後的邊位，香脆得緊要，這個一定要

吃過大角咀那間型格裝修分店的生蠔和食物，很想番尋味。偶然得知在樂富有另一分店，鄰近地鐵，位置較大角咀方便不用開私車也可到，所以去樂富新開的分店。裝修始終以大角咀分店為佳。樂富這家位於街市門口，感覺有點怪怪。而馬路不時有大型車輛經過，店內偶爾感到震動和較嘈雜。不過食物質素依然一流。先來半打生蠔，雖然忘了產地，但頭2隻生蠔鮮甜爽口，接著的4隻生蠔是較重海水味，一樣新鮮到暈。很想再encore,但oyster station一向除了生蠔，其他食物也是有質素的，所以只好忍口再吃熱食。Main course選了ribs,的確沒有令人失望，ribs肉味十足，肉質鮮嫩，跟本不用加任何source已很美味。整餐非常滿意。（除了車聲不絕外）雖然這家分店附近環境一般，座位較少。但食物質素物有所值，近地鐵交通方便。相信會再來吃。

放學後我極想吃薄餅和意粉，可惜必勝客在十時關門。在樂富廣場轉了一圈，發現只有Oyster Station可以滿足我的要求，營業時間至十一時，我們不用急趕用膳，可以慢慢嘆了。Oyster Station環境不錯，裝修有情調，感覺仿如去了蘇豪；奈何一隻小蒼蠅在面前飛舞，令我們馬上回到現實，這兒是樂富街市旁，餐廳格調和地點實在南轅北轍。本來我就沒有吃蠔的意慾，所以沒有試試他們的賣點。我們吃了～蕃茄海鮮燴墨魚汁意粉($128)：我在點菜時腦海已在想像大家吃得滿口黑色的趣怪樣子，所以十分肯定自己點的是墨魚汁意粉，但侍應第一次端出的是白酒香蒜蜆肉燴扁意粉($98)，我們立刻向她更正，她面帶難色地端回廚房，令我疑惑是自己的錯嗎？那碟多煮了的意粉會浪費嗎？朋友勸我別多想，我也沒再深究，把注意力投放到這蕃茄海鮮燴墨魚汁意粉上。海鮮有蜆、青口、蝦、墨魚，材料算豐富，質素也不壞，而蕃茄味不會太酸，感覺很開胃。最重要的意粉軟硬適中，但份量比預期少，雖則是黑色的，但墨魚味被蕃茄味掩蓋，味道與一般意粉相近。順帶一提，粗心大意的我忽略了菜名，這意粉製作時加入了墨魚，而非以墨魚汁調味，所以是絕對不會吃到一嘴黑色的！嗜

經常說道要在樂富搵餐像樣一點的"晏仔"食一向是甚艱難，不過在商場舊地方近期開始革新底下似乎是有些改變，慢慢地逐漸在區內找到一些新派而帶點形格的食店。這一間新近開業不久，就正正開在街市門口的蠔吧，便是其中一例....一知道有新食店可試，便馬上偕在附近上班的多洛菲小姐一同去嚐嚐。適逢今天還多了位稀客鄧sir，三個人邊食邊大噴口水，實大樂也....午市套餐就僅有四款可揀，選擇並非特別的多。侍者說還可以以優惠價叫一份生蠔試試....不過小弟一向要食蠔的話通常只會選自己熟悉的地方，故此也就婉拒他的好意了....套餐內既有頭盤沙律亦同有湯供應。前者只是好幾塊菜葉再置頂放了兩小片罐頭蜜桃而已，味道當然不會很突出令人留下很深刻的印象，算是有些蔬菜擺入肚，好處就僅此而已....蘑菇湯不算很"水"但亦不怎樣濃郁，湯內亦找不到有很多的菇粒，水平同樣是中規中矩；麵包是烘得熱而咬落軟熟，用來醮湯食是絕不會太差的吧....貌似負責人不斷向我們推介店內的煎雞扒是怎樣怎樣的好，小弟聽後就只微笑的點頭應付，原因在於自己對之實是早已知情了，所以在點主菜時我也不用細想便叫了這個。餐牌上將這道菜喚作"意式馬沙拿雞扒"，看起來

好耐無遇到一間令我比個good佢嘅餐廳！個open rice account本身係兩年前開黎想鬧鬼一間餐廳，但一直無落筆。估唔到宜家用黎讚依間Oyster station。本人大概一次入一次樂富，主要目的係拜年，今年拜完年已經四點，但仲未食午餐，經過樓下（新？）街市見到依間餐廳，覺得門面幾靚，再睇門口塊小黑板寫午餐至1700，價錢唔貴，1500後入座仲有七折就入咗去。行入啲先見到佢比個街市分開兩邊，怪怪地唔知坐邊邊好，最後去咗有其他客人個邊。因為睇咗出面黑板，已經決定好食乜，有ABCD餐，一黎個侍應已經有禮貌咁講無D餐，嘻嘻，唔關我事，我同朋友想食A個雞肉薄餅沙律同B個卡邦尼長通粉，但係唔知係咪午餐尾聲，無長通粉要改為意粉，都ok嘅，之後侍應問要唔要加99有半打生蠔，雖然我唔食，但都知知地價，覺得幾底，但唔會格硬要囉。等咗陣，上咗一人一個小沙律，原來跟餐有嘅，係我掛住睇食咩同睇價錢睇唔到，哈哈，掋咗，之後送咗兩個湯同兩塊麵包黎，發覺自己發雞盲，又係跟餐嘅，塊包幾好食！個湯淺粉紅色，飲唔出係乜，不過都幾好。（食完出門口睇番係紅腰豆忌廉湯）朋友個薄餅黎先，女人手掌大，有啲失望，連沙律，我無

今日係初五, 完全諗唔到食乜,老公決定同我一齊去食蠔,之前同姨媽飲茶見到話試吓都好喎, 就嚟咗呢間入去前睇吓MENU, 同蠔客相比貴咗啲喎,仲要佢係位處於樂富而唔係紅磡喎.....個門面都好奇怪, 俾條通道分開兩邊,感覺似係啲車仔檔咁.....仲不停播啲不知明既mv, 有新有舊......坐低, 有位叔叔介紹吓我哋order 咗半打蠔 (因為都唔平....)再叫咗一客牛扒, 一客墨汁蜆肉意粉overall 都好好味, 係貴啲囉.....

位於街市的入口處，佈局十分奇怪，不過新豬肉一定要試一試。雞扒餐：皮脆，肉滑，松露薯蓉出奇地好食，其實松露味唔多，兩球都食得晒；羊扒餐：肥左啲，同埋隔離位都聞都羶味，可以食到嘅肉唔多；午餐平均每人$70起，可加$99要生蠔盆（6隻），但午市食生蠔好像豪了一點，座位較少，齊人才可入座，或者找個機會晚市再來吧！