影片
港鐵海怡半島站A出口, 步行約4分鐘
繼續閱讀
電話號碼
28119323
64687956
營業時間
今日營業
11:00 - 16:30
17:30 - 23:30
星期一至日
11:00 - 16:30
17:30 - 23:30
以上資料只供參考, 請與餐廳確認詳情
相關文章
餐廳以藍色做主題，配以船舵等裝飾製造出水手風感覺，設室內和室外雅座，室內冷氣很夠，不用擔心吃到汗流浹背。環境比大排檔乾脆企理但又不失大排檔的氣氛呢！餐廳自設魚缸，想吃新鮮海鮮沒有難度，而且餐廳接受自來海鮮加工，又給吃海鮮的客人多一個選擇。特別的是這裏是中式和泰式菜式都有提供，菜式選擇更加多，中式泰式一次過都可以吃得到啊！這裏上菜速度都很快，一道接一道菜式上枱，很有鑊氣。♡招牌白胡椒蟹$628 🥢必點🥢蟹是用鐵板上的，可以令到蟹保溫更加長時間，職員把蟹送上枱再倒上醬汁，好像吃傳統鐵板牛扒般煙霧瀰漫，發出吱吱炸炸的聲音，感覺充滿儀式感！整隻蟹都十分大隻啊！蟹鉗也相當粗壯，蟹肉很多，也有蟹膏，配上白胡椒醬汁，味道惹味！餐廳有提供一次性的膠圍裙和手套，吃起來更方便。♡金沙黃金蝦$118金沙黃金即是鹹蛋黃，鹹蛋黃佈滿整隻蝦，下飯一流！蝦肉質新鮮大隻，蝦頭有膏，殼已經炸成脆身，可以整隻蝦連殼放入口中吃掉唷！♡脆皮炸大腸$78外皮炸得像乳豬皮般香脆，炸大腸下面有清新的菠蘿，可以去油膩感。♡瓦罉煎焗大魚咀$136 兩邊我們本來以為單是魚咀剖分，不過原來是整個魚頭，幼滑的面頰肉，充滿膠質煲裏還有大量的薑蔥去除魚腥味。✔️餐廳設加一服務費
繼續閱讀
嗌咗白灼蝦同炒蜆白灼蝦冇哂又唔同我哋講蜆直頭漏咗入單本身係嗌炸皮蛋蝦餅試吓，點知入錯單變咗普通炸蝦餅，好彩個炸蝦餅係好好食嘅！個豉油王炒麵，我哋一坐低就嗌，等咗九個字忍唔住吹，但因為其他嘢都差唔多食晒到最後我哋差唔多坐咗一個鐘走嘅時候都未有！啲樓面都有幫我哋追單，最後都係等唔到個麵員工服務態度都幾好，但個收銀唔知係唔係事頭婆，我問佢冇落到單同落錯咗點解冇人通知，跟住佢好串咁同我講你唔好問我，我啱啱先入黎收銀！
繼續閱讀
今日lunch去咗鴨脷洲蟹點，位置算方便，地方乾淨企理，同事仲話啲裝修好似海綿寶寶入面蟹老闆屋企😂叫咗避風塘炒辣蟹，一上枱已經夠晒氣勢——蟹鉗大隻，蟹肉厚身結實，打開一梳梳，啖啖鮮甜。最欣賞係處理手法夠利落，蟹件洗得乾淨、斬得靚仔，識煮嘢嘅都知，炒蟹之前，一定要先撲上薄薄一層粉，再走油炸一炸——唔係為咗脆，係為咗鎖緊蟹肉嘅水分同鮮味，又唔會炒到甩皮甩骨。火候一錯，蟹肉一散，成鍋嘢就變廚餘。佢呢度炸得火喉啱啱好，炸完再炒蒜炒椒。咁樣嘅炒蟹，唔係樣樣大牌酒樓都交到貨。再叫咗個香葉肉碎煎蛋飯包老火例湯，加凍飲+$3（終於明白有錢人感受） 午市嚟講性價比唔錯。特別一提，佢嘅泰式奶茶有啲驚喜，香濃唔死甜，解辣一流餐廳主打中菜＋泰菜，不過我覺得佢海鮮先係強項。如果鐘意食蟹／炒得香口嘢，可以一試
繼續閱讀
踏入鴨脷洲西村街市一樓的「蟹·點泰式小炒王」，這家隱身於市井的小店，以招牌「炒蟹」聞名，搭配泰式粵式家常菜，價格親民卻不失地道風味，重點係唔限時，絕對係聚會的天堂。 招牌辣蟹，豪邁過癮首推「辣椒膏炒蟹」，選用1斤大蟹，殼厚肉飽滿。辣椒膏醬汁濃郁辛香，層次分明，蟹肉鮮甜緊實，蘸滿醬汁後更惹味。咖喱與串燒，泰式風情青咖喱雞搭配薄餅，椰奶香平衡了綠咖喱的辛辣，雞肉嫩滑，醬汁濃稠得宜，蘸餅一流。蛋漿咖喱串燒豬肉配白飯則展現創意，豬肉串厚肉多汁，外酥內嫩，淋上甜辣咖喱醬，無敵。 可惜太飽食唔到甜品，下次一定要再去
繼續閱讀
鴨脷洲西邨蟹點，晚餐正係人都知，但係其實佢午餐嘅泰國嘢都好正，炒金邊粉呀，泰式炒飯呀之類，而佢嘅肉碎泡打飯，加隻煎蛋，更加係我嘅最愛，今日熱到跳舞，一行入嚟歡歡鬆鬆，冷氣又夠，正，呢度嘅泰式凍奶茶好有味道，有種椰椰香香嘅甜，雖然我走甜，但係都好有茶味，送個例湯更加正，呢度午市中泰混合，兩邊都咁多捧場客，咁我嘅炮打肉碎飯，魚露味好香，又唔會過份辣，係好迎合香港人口味，白飯底都好靚，份量又夠又夠乾身，呢啲肉碎撈飯個飯好重要，夠曬乾身再加一隻煎荷包蛋，市井嘅美味，就係咁樣引發出嚟，呢個味道，吸引的
繼續閱讀