29
1
0
港鐵旺角站 A2 出口, 步行約2分鐘 繼續閱讀
電話號碼
92209785
營業時間
今日營業
12:00 - 22:00
星期一至日
12:00 - 22:00
付款方式
現金 PayMe
其他資料
Wi-Fi
酒精飲品
加一服務費
室外座位
食評 (30)
蟲二 :: 取名自 "風月無邊" 一詞, 淨係個店名 已經令我有點期待, 覺得 呢間店 應該會幾有感覺呢 隱身於旺角上海街618號頂樓, 點解話隱身呢? 因為平常真係好少會經過呢一度, 今次係我第一次踏足上海街618號 原來呢度本身係有過百年歷史既唐樓黎 .. 係剛剛既1月 先至活化翻新 成為好有藝術氣息 又充滿歷史色彩既特色商場 (打卡位:: 勁多) 蟲二 位於頂樓, 令人覺得更神秘 一上到去, 就見到門口被大大塊日式麻布遮擋住 踏入去 係大大幅壁畫 同埋好有懷舊香港風既裝飾同座位 行入兩步, 中間係大大個戶外area~~ 枱與枱之間有好充足既距離 仲種滿花花草草呢, 同旺角呢個鬧市形成對比 穿過埋戶外呢個area後 就係另一邊既室內座位同蛋糕櫃 呢度確係佔地幾大呢 : ) 呢度供應既食物款式都幾特別, 有唔少款式都係將中國傳統手藝同日本菜式結合架 因為想留肚食pancake, 所以我同朋友share左一份主食~ 一汁三菜 $140 呢個好日式既set, 可以係以下三款肉類入面三選一:: 赤味噌清酒燉豚肉 // 紅酒黑醋無花果燉牛肋粒 // 蘋果野菜咖哩日式雞肉 我地揀左 牛肋粒~ 上菜速度都算幾快~ 大約15分鐘左右就將食物送到了 除左牛肋粒, 仲有 好開胃既杏脯汁漬小蕃茄, 食肉同飯之前食岩晒^^ 酸酸地的, 好開胃 員工教, 先空口食少少飯同牛肋粒, 之後先至將柴魚湯同埋溫泉蛋加入飯入面~ 呢度既飯都好有健康感覺, 係香菇越光米殼米飯, 屬於有咬口的飯粒 紅酒黑醋無花果燉牛肋粒 幾鐘意佢既調味 唔過濃, 食到食材本身既天然味道 : ) 牛肋粒幾軟腍, 紅蘿蔔同醬汁好夾! 食左大約1/3碗飯之後, 我地就將柴魚湯同溫泉蛋加入飯喇 ~ 溫泉蛋係用63度慢煮既極上太白蛋, 蛋味好濃 !! 我同朋友都覺得 加入左湯同蛋之後 係更加好味 !! 湯有柴魚和松茸姬香氣, 加入埋溫泉蛋 令到成個口感都提升左~ 飲品方面 朋友揀左配 熱情果梳打 $55 ->配set半價 熱情果味突出, 好開胃, 同時唔會過甜 最後, 當然要叫埋我地最期待的:: 伯爵茶傳統班戟 $85 呢款pancake係配海鹽芝士忌廉醬, 鮮果, 牛乳雪糕 同百花蜜! 呢個要快快食, pancake非常熱辣辣 呢個pancake有別於空氣感pancake, 而係比較實在有口感, 感覺密度亦好高 不過覺得earl grey味唔夠突出, 反面有少少似香蕉蛋糕feel 欣賞既係pancake中間不時會食到抹茶味麻糬!! 麻糬好煙韌 又帶有抹茶既甘香, 非常喜歡 ~~ 另外 pancake面仲有少少脆脆, 有口感~ 最後海鹽芝士忌廉醬份量足夠每一啖pancake都食到 ~ 水果係青提子同藍莓, 可以減返膩 草莓薑茶(熱) $55 呢個難得地竟然係草莓味強過薑味 ~對於怕薑味太勁既我就岩晒 總結:: 價格偏高, 但睇得出食材配搭有下心機 食材本身質素亦高, 整個口味唔會太濃同重味精 偏向似係日本食緊野既感覺, 清新健康點 係對身體低負擔的一頓 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-10
1731 瀏覽
之前介紹過上環3rd space嘅pancake,好多人想去試,但始終都有啲遠🤭 最近佢哋終於係旺角開左分店喇!仲要係上海街一座剛活化嘅二級歷史建築嘅頂樓全層😍🇭🇰 店內比上環主店更多壁畫,偏向中國風~ 仲多左露天area,夜晚嚟真係chill到爆✨菜式同上環店都有啲分別,晚上就主打日式洋食~-紅酒黑醋無花果燉牛肋粒($140,包一杯熱茶) 就咁睇擺盤已經非常和風🇯🇵 旁邊嘅配料,包括慢煮蛋,柴魚湯,都係等食到一半時倒落個飯到再食😌 有啲似茶漬飯咁~ 牛肋粒係有咬口個種,而且幾入味,味道微酸帶點甜。杏脯汁漬小番茄一咬落去超多汁,係開胃嘅小前菜🍅 *蘋果野菜咖哩日式雞肉($140,包一杯熱茶) 咖哩係日式個種,唔會辣,仲有唔少薯仔同蘿蔔🥰 飯有淡淡嘅香菇味,加上落左啲飯素,所以齋啪個飯都唔會太Dry~ 兩個主菜嘅味道都好有日式住家feel,味道唔會過濃,感覺幾健康,係略嫌定價比夠高,同主菜份量唔係好夠,上枱時都唔係好夠熱,影多陣相已經好快攤凍晒😢*蟲二盒子($95) 旺角獨有甜品- 中式甜品籃。 特別推介紅莓餅同牛乳小餡餅,食落鬆化😍 所有甜品都唔會有過甜嘅問題~ 但🍔都係鐘意佢哋個pancake 多啲😝*伯爵綠茶朱古力(+$27.5) 朱古力味唔會話好濃,所以唔會話蓋過左茶味,兩者都balance到🍵🍫*提拉米蘇博士茶(+$27.5) 真係會有少少tiramisu 嘅味道,但唔知點解會有少少藥水味😂 但係幾啱口味 繼續閱讀
(以上食評乃用戶個人意見 , 並不代表OpenRice之觀點。)
#旺角 偶然發現旺角有幢新建築物! 眼望過去附近建築物新舊交替, 好適合打卡影相! 走入地下大堂滿滿特式裝潢擺設, 舊式鐵閘, 雀籠, 街景, 招牌, 壁畫等, 展現60年代的香港情懷! 餐廳內部亦配合大廈主題, 裝潢擺設古典優雅! 一汁三菜 $140 ~ 包括柴魚湯 (入口清淡, 但有濃濃柴魚味道), 慢煮極上太白蛋 (唔係流心蛋, 有滿滿的蛋香味), 花蜜漬山藥 (甜甜而爽脆的), 香菇越光米穀米飯 (超好味, 香菇味突出, 飯粒軟硬適中, 飯面有飯素, 好開胃) 主菜三選一, 我選牛肋粒! 酒香四溢, 佐料完全吸收醬汁精華, 牛肋粒軟硬適中, 牛味滿滿的開胃的菜! 甜品, 伯爵茶傳統班戟 $85 ~ 燒海鹽芝士忌廉醬, 新鮮提子及蕉, 牛乳雪糕, 百花蜜! 班戟中間夾有麻糬, 綠茶紅豆麻糬, 軟軟糯糯, 超驚喜! 班戟厚身而輕飲品, 有很特別的提拉米蘇博士茶, 原價 $55 (冷熱同價) ~ 如字面所說, 無咖啡因的茶! 原粒咖啡豆的茶, 有咖啡香味, 口感順滑細緻! 蜜糖薑梳打, 原價 $55 ~ 甜甜的梳打, 薑味再濃少少會更刺激! 簡介一下#上海街618, 由古物及古蹟辦事處於2010年訂為二級歷史建築。為了保留唐樓群的歷史氛圍,項目保留建築群面向上海街的外貌,當中長廊,騎樓及其主要的建築特色亦被保留。同時,現有的建築群高度及輸廓亦保持不變。據資料記載,現址在50至60年代設有電器行、皮具舖、茶煙莊等商舖,直至80年代步轉型以售賣建材用品為主。港大建築文物保護課程主任認為歷史建築物不能以單一模式保育,「原汁原味」的保育模式一般適用於考古遺址或重要的文化遺產,唐樓群一類具活化再用潛力的實用性建築,除了保存它們的建築特色,亦應盡量恢復它們的實用功能。「618上海街」是香港進行保育活化唐樓的良好範例。而上海街唐樓群最重要的歷史元素,在於騎樓部份所呈現的歷史街景。他說,項目保留了10幢戰前唐樓群的騎樓部份,以及支撐整排騎樓的13條麻石柱,使最具價值的建築元素保存下來。建築物值得一遊, 再到樓上飲飲食食, 享受一番!  繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-10
1038 瀏覽
這家店鋪是3rd Space的分店 開到來旺角上海街方便很多朋友呢🥰 之前去過總店食過一次覺得很棒得悉開分店就要來探店打卡一下 原來剛剛開業幾天這座大廈經過活化保育之後成為一個新的打卡聖地🥰去了位於大廈頂樓得蟲二 全層也是店鋪範圍位置呢可以分為戶外和室內座位 戶外座位有兩張搖搖椅子🙈另外近大堂位置有一大幅牆 還寫著''風月無邊''感覺寫意還有一邊是近水吧位置 這邊環境寧靜☺️ 可以慢慢享受職員介紹餐廳招牌菜式 然後我們就選擇想食的食物😋餐牌過膠後可以用白板筆圈圈 挻環保又可以循環再用·一汁三菜 HKD$140裡面有柴魚湯/63度慢煮極上太白蛋/查脯汁清小蕃茄配香菇越光米穀米飯/蘋果野菜咖哩日式雞肉(三選一)先吃三分一飯然後再把太白蛋倒在飯面攪拌來吃😋😋最後再把柴魚湯放進飯裡面做一個茶泡飯 感覺挻有趣可以有多種食法 再配咖哩食來豐富味蕾 挻不錯的享受·拌菜料理 HKD$50 菠菜木耳煎餅:挻有咬感的小吃 外表做到精瑩通邊味噌紹興酒涼拌茄子:挻開胃的小食又帶點酒香🤤🤤·伯爵茶傳統班戟 HKD$85配有燒海鹽芝士忌廉醬/新鮮雜果/牛乳雪糕/百花蜜班戟裡面還有麻糬在中間 做到煙煙韌韌的口感🥰🥰還可以加一點燒海鹽芝士忌廉醬 令到口感更加豐富之前已經食過一次覺得不錯 所以要再點來吃才行耶~·熱情果梳打 / 提拉米蘇博士茶 HKD$55 食飽飯之後來杯飲品來消滯一下 兩者飲品比較之下靜靜比較喜歡提拉米蘇博士茶 未飲已經聞到很香飲起上來感覺很清新🍵 這個很快就被靜靜飲清光了而且這個茶飲是晚上飲也不用怕 因為有安眠的功效這頓飯感覺不錯呢 既可以打卡拍照片 又可以享受美食從傍晚進去 可以看著天色的變化 令人很治癒的感覺耶 繼續閱讀
(以上食評乃用戶個人意見 , 並不代表OpenRice之觀點。)
等級2 2020-02-21
0 瀏覽
#🍰如果唔係呢間隱世Cafe,我諗我都唔知旺角有棟咁嘅樓!佢啲咖啡都幾好飲,啲泡打得幾厚,件柚子Cheese cake好好食,不過太細件,要$48都幾唔抵,不過佢咁隱世,我諗唔收貴啲 又真係難做啲嘅🙈伯爵茶傳統班戟都好好食,中間仲有麻糬,不過我自己唔太好麻薯,所以鍾意就咁班戟多啲!總括嚟講,呢間cafe都好用心,如果想影相靚啲,建議去露天嘅位置,我住去到露天,啲就好黃好橙喇!-柚子Cheese cake $48伯爵茶傳統班戟 $85 繼續閱讀
(以上食評乃用戶個人意見 , 並不代表OpenRice之觀點。)