螺螄町

營業中

休息中

選擇豐富，味道有驚喜每一樣都好好味，算幾抵食，建議老友粉可以加少少米醋食會更perfect ，因為d番茄唔夠酸味，不過我今次冇加醋，見到檯面冇就算，下次會再試下其他嘢食呢度最大嘅敗筆係嗰個收銀阿姐（目測應該係老闆娘）對住客人西口西面，極之冇禮貌，而且畀完錢一句多謝都唔識講。（今次唔係香港人）

重口味吃辣星人心心念念的螺獅粉，在香港竟然也能吃到辣🔥小搜到旺角有！11點開門立馬安排！！一進店真的是臭臭的😅點了招牌雙人套餐，168的量真的難以想象！一整條魚😍下面鋪了藕片和土豆，還有一粒粒的螺獅，點火慢煮上面鋪上酸筍，又脆又爽口，加上米粉浸滿湯汁，嗦粉的快樂！又香又辣好入味！滿滿一鍋足夠兩人吃，胃口大的可以💰20蚊加菜～點了招牌小食炸蛋和臭豆腐，大鍋亂燉後的口感，真的是吃得好過癮哦🌶️

今日夜晚同朋友經過, 一於入去餐廳試下,入到去餐廳有好多空位, 有好香既螺蛳粉味, 兩個人坐左卡位, 刷碼落單叫左一碗招牌螺蛳粉, 諗著會有肉, 其實真係得木耳,竹筍,一條菜同埋花生加麵粉,朋友叫左一碗脆皮燒肉螺蛳加牛舌, 燒肉係硬身皮加肥脂肪, 感覺一般, 牛舌不錯有臭味, 麵都彈牙, 不過無臭味, 簡單講湯還湯. 麵還麵, 基本上, 試左一次就算, 平平無奇.

很久沒有食螺螄粉，慕名而來。餐廳環境尚可，點了招牌螺螄粉，怕不夠飽，加了招牌炸彈，滷水豬肉。招牌炸蛋入口尚可，外松內脆，但酸鹹味淡，我一開始只是覺得有些差強人意。到食粉的時候，感覺湯和粉完全分離，粉根本沒有任何螺螄粉的感覺，連“臭味”都沒。而粉也很一般，既不爽也不滑。滷水豬肉和腐竹卷料太少，並且其他配料也少得可憐，根本不知道如果是不點它們的話，究竟所謂“招牌”螺螄粉是不是只有湯和粉。湯底越食越辣，空調越吹越涼。我竟然在一個餐館食出冰火兩重天感覺，可惜這不是什麼快感，而是失望和難受。

用餐日期：2024/01/05用餐時段：晚餐用餐費用(每人）：$58餐廳環境：環境整潔乾淨 冷氣足 室內不多座位 檯與檯之間較近 人多時可能要搭檯 服務：服務員服務態度一般 客人要自己落單 檯上沒湯匙 上菜時也沒提供湯匙 客人要向服務員要求湯匙才有 客人用餐期間店員沒怎理客人且交談聲量偏大 影響客人用餐體驗味道：點了招牌柳州螺螄湯粉+招牌炸蛋招牌柳州螺螄湯粉+ 招牌炸蛋：份量少 配料有酸筍 腐竹 花生 木耳 酸豆角 生菜 螺肉 這家的湯粉份量不大口感偏稔偏黏 湯汁偏咸 酸荀更是超級咸 湯內有少量螺肉和配料 炸蛋要加$10 炸蛋也偏細小偏乾 花生不脆 整體味道偏咸不好 不推薦總結：因之前在另一家食過一次螺螄粉味道很好關係 經過這家時便來一試 這家的服務員服務態度一般 螺螄粉份量少 湯底不香偏咸 酸荀極咸 湯粉偏稔偏黏 炸蛋也不香口份量少 整體味道不好 相對另一家性價比低 不推薦 提示：這家只可現金付款

呢間店岩岩開嗰時一直想試，過左無耐已經少左好多人排隊。搵左嗰中午時間嚟食，成間店得包括我在內兩枱客，一坐低張枱都係污糟既，碗未執啲紙巾麵都仲黐住喺張枱度。明明嗰陣時無乜客點解唔做好啲衛生？坐低嗌左碗嚟食真係失望，其實預左但係無諗過咁差，我嗌中辣但係淡到似清湯，啲麵又硬，講真返屋企自己煮都好食過佢N倍。智商稅 雖然香港飲食業唔容易，但係收得咁既價錢係唔應該出啲咁既嘢食出嚟。只能講未到好難食，至少呑到入口。

座位逼迫，乜都收錢，點左個招牌螺螄粉，得個鹹同辣字冇香味，粉又冧又癡牙，木耳得兩三條，肉得兩三塊，店員西口西面眼咩咩望住你，花錢買難受，邊個來邊個黑仔，食左兩啖油到我走左，嘥q我錢

話說今日行旺角，聽聞呢間嘅螺螄粉幾正宗，之前幾次行過都見有人排隊，今日冇人就諗住試下啦。嗌咗碗螺螄粉加炸蛋同埋額外加多份臭豆腐，整得都幾快，around五分鐘碗螺螄粉就上到。第一啖食完就覺得一般，本身有自己喺屋企煮開螺螄粉，味道比起自己煮爭啲😅。 對臭豆腐好期待，但上到來完全同expect唔同，面頭得幾條酸荀😅😅。總體嘢食嘅表現唔算特別差，一般，但用餐體驗就麻麻🥲。入到間舖第一感覺就係好擠迫，covid過左咁耐，仲用隔板嘅餐廳少之又少，但間舖係冇乜人嘅情況下，仲用隔板隔開啲枱，令本身已經細嘅鋪頭顯得更加擠迫。入到去，一眼望過去cashier個女staff勁西面，對面枱入來一對父女，個阿爸要人手落單，女staff無聲無氣咁講可以掃code order。就算要人手落單，你行過去幫手order都唔係咩天大事😅😅😅。返得工仲要西口西面😅😅😅。埋單得cash同支付寶微信兩個大陸payment，勁唔方便。俾cash，total $85，俾$100佢找，之後見到自己有五蚊散紙，結果同我講唔收五毫，而個收銀機入面勁多五毫。我問點解，個女staff卻話啲五毫全部係喺地下執隔，真心笑咗，講大話都講個人會信

螺螄粉愛好者，鍾意d臭嘅又辣嘅，咁經過通菜街好興奮咁入去食啦～ （其實入黎同伴就覺得間舖味道都聞唔到臭）叫左招牌螺螄粉，已經湯底加辣加臭…完全唔覺得佢臭，正常酸筍應該都臭臭地…佢係唔臭嘅…無晒靈魂….仲叫左碟脆皮燒肉..簡直係垃圾！咁嘅垃圾都要40蚊…放低係張枱真係以為送嘅小食，唔講唔知原來係我叫嘅脆皮燒肉…叫左兩碗螺螄粉加餸加小食，埋單180幾…同食空氣無分別…唔會再有下次，已介紹朋友「不要來」！！！

經過旺角，見到有間買螺絲粉嘅舖頭不妨入去試一試舖頭開咗道門已經聞到好大陣嘅酸味同荀味。麵食種類唔算多。所以試咗個燒肉螺絲粉。配料都幾多下，有腐皮花生竹筍等等。叫咗唔辣都OK唔辣。但個燒肉，真係唔係好掂。首先燒肉得三至四片， 肉質較乾身，偏硬。而且食落好cHi牙, 唔似平時食開燒肉嘅肉質同口感。可能是特色吧？再試埋個小食，炸雞都正常，一碟有六隻雞翼。炸出來香脆，唔油膩。配上酸甜辣醬，都幾惹味。總結，可以嚟食佢嘅小食。

睇飲食page慕名而來，結果大失所望！.店舖相當污糟、油膩！位置非常非常逼夾，逼到同陌生人不斷肩並肩磨擦！自動玻璃趟門同座位距離容不下客人着大褸嘅闊度，客人出入時，自動趟門將我手夾傷了，碰撞好大聲，身邊嘅老闆娘亦視而不見！.而且，服務態度極度惡劣！問女服務員”有冇牙齒”，換來係叫我哋自己去搵！服務員需要執枱，喝令嘅語氣叫我哋坐去第二個位！.食物水準亦相當差！螺絲粉只有辣到嗆喉，而且死鹹，香酸都欠奉！菠蘿冰，完全係水加冰，完全唔甜都完全冇味，而且只有350ml ，售價$30！！簡直離譜！.總括而言，是次體驗係極惡劣！冇下次！

晚市時間見呢間唔洗等位就黎試試-嗌咗個招牌螺蛳粉同一個小食，兩樣嘢都強差人意。完全唔好食。-招牌螺蛳粉叫咗一碗唔辣，因為皮膚過敏而要求走花生，但係碗粉入面食食下發現有兩粒花生。另外叫咗碗大辣，但係味道好淡。-仲嗌咗一碟小食：椒麻小酥肉。完全沒有椒麻味道，上面都沒有任何調味粉，味道上淨係食到好厚嘅炸粉，連肉都唔係好食到😥😥-服務方面，問店員問題俾佢寸番轉頭上菜嗰陣問佢，邊碗辣邊碗唔辣，店員答，你睇番自己嗌咩餸咪知囉-幫唔幫襯，大家自行判斷啦

首先一去到都唔好預有咩服務可言，亦都感受到個環境周圍痴立立咁好污糟，算數嗌完唔算等好耐就上，好彩第一啖都未食，一了起驚喜黎喇👍🏻🪳如圖，即刻叫個職員過嚟，同佢講有曱甴，個姐姐好冷靜咁話換過碗比你完全無道歉或驚訝，覺得冇問題👍🏻 態度真係不得了大家都想試下就去食啦限定免費加餸  曱甴一隻我就唔洗啦雖然已經見到呢度有好多負評但都希望老闆同埋準備去食嘅人都可以睇到真係用咗咁耐OpenRice第一次打食評一定打夠200字比個劣評你

由於係屋企煮會好臭 唔敢落酸筍知道香港開咗間專門食螺絲粉既餐廳呢日經開旺角就黎試下未入到去出面巳經聞到個陣好重既酸筍味不用等位直接入座我叫左螺絲粉加炸雞蛋小辣🌶️朋友叫咗一個撈螺絲粉 中辣🌶️再加一個炸雞(份量幾多）炸雞蛋好油有啲乾覺得同喺屋企煮味道差唔多如果出咗街，特然好想食嘅話覺得可以一試試完一次下次留番係屋企煮好了🫣⭐️CP值;⭐️⭐️⭐️👩🏻回頭指數;👩🏻👩🏻📸打卡比分;📸📸📸

只收現金only所以食前特登去撳錢因為連八達通都唔收入到去好彩識中文因為d英文菜名好多都錯🤣🤣好多pork belly重複左環境有d迫剛剛好放得下碗螺螄粉但就要自己攬住個袋同對面只係隔一塊餐牌檯面仲有上手濺落嘅湯汁🥶螺螄粉有陣好少見嘅螺味可以話同臭豆腐/榴蓮一樣真係看個人口味食唔食得落我同朋友今次就叫左少辣剛剛好湯底味道還可以唔會太濃烈但又少少聞落「臭臭地」鴨血幾好食都有5塊左右酸筍真係好奇怪如果係抱著試新野嘅心態可以試下不過第一次就唔好特意叫一疊小菜酸筍味道應該唔係仍然可以接受因為味道係酸臭酸臭臭豆腐幾好食脆脆地好多汁幾香嘅雞軟骨不過不失即場炸得熱呼呼脆卜卜但係上得慢左少少已經食剩1/3碗粉先上仲打算cancel個order了脆皮燒肉加厚切牛舌螺螄粉牛舌ok真係厚切有咬口但燒肉雖然真係脆皮但脂肪真心太多了啖啖肥膏膩