螢hotaru拉麵串燒專門店

今日天氣凍，臨放工好想食拉面，又有事要到大角咀，就上openrice搵到呢間。間舖唔係好大，得12個位。7點到得2檯客，連我5個客，有兩個係外國人。有播日文歌、柔和燈光，加上人唔多，都坐得幾舒服。叫咗一個限量既牛肋肉拉面，拉面可選直身或幼弓。我選幼弓。想叫個免治雞肉棒，不過話之前賣晒，未入貨。改咗叫京蔥雞肉串。廚房兩人，樓面阿姐一位。個樓面阿姐雖然唔係好熟手，但都幾有禮貌。上菜唔快，但我唔趕時間所以無乜所謂。先上個牛肋肉拉面，都幾香，一聞就覺得好有牛味，挑起我既食慾。d配料都幾多種、雲耳、栗米、蔥、酸筍、仲有兩條炸腐皮。係香港都好少拉面有炸腐皮。冇芽菜仲好，因為我麻麻地芽菜。d肉都幾多，平時d拉面80蚊都冇乜肉，哩碗50蚊就好抵食。d拉面本身就一般，我鍾意硬身面，我覺得冧咗d。同埋個麵底唔夠多，食晒d面，未食晒d餸。同埋d酸筍唔好食。個湯底都幾重味，略咸，微辣，都幾好味。越食就越覺得個味好熟，就係台灣牛肉麵個陣味，鍾意食台牛麵既都應該會喜歡哩個面。食晒個面，連湯飲埋，個京蔥雞肉串都未上到檯，有d慢。京蔥雞肉串一客有兩串，個味都ok，d雞肉唔夠入味，但係幾滑，d京蔥又大又甜，d醬汁就係一般大路既燒汁。食緊個雞串時覺得唔係好夠飽，叫多咗客章魚丸，要俾d時間等。章魚丸有5粒，不過就一般啦，一般急凍章魚丸囉，個皮都整得脆既。外國人走咗，後尾又黎多3個客同一個外賣客，佢地坐入黎之後都覺得間舖full full地啦。總結:味道ok唔錯，抵食，3樣野都係$102!…查看更多

這一年因為忙住處理結婚既野,已有一段時間冇寫食評今日興之所致 諗住去BLACK & WHITE 食DESSERT, 不過唯時尚早,都係食完正餐先算行行下附近見到間日本野,就比佢既外貌吸引住(因為本人鐘意簡單&比較有年紀既門面XD 入到去見到只有一兩木台客( 心諗:唔通!? 心水清既你明既....坐低之後,睇下個MENU,個價錢比我想像中平好多,呢度一碗拉麵都係$40-70度,係得一個魚湯海鮮拉麵特別貴@0@ 禁我就好奇問下,跟住個師傅就出黎同我地講話有虎蝦 帆立貝..etc雖然聽到禁多正野好似好吸引,不過仲要留肚食甜品,所以就叫左個肥牛鍋 +豬軟骨拉麵份量好多,好足料跟餐本身係飯,不過我選擇+$8轉左幼拉麵(同個豬骨湯好夾,個湯食唔出有味精)豬軟骨好好味,本身睇過賣相以為同味千差唔多.點知完全唔係唔係果回事,個湯底都會係豬骨,不過同我果碗唔同,呢個濃味好多,跟住師博話加左豬油 黑蒜油 同秘製香油.個面就係曲身,容易掛湯,仲要跟多半隻半熟蛋!正.本身諗住叫多2串汁燒帶子,不過真係好飽LOL  (見到隔離有人食緊,真係好大粒!至少有2個5蚊銀禁大,仲要只係32蚊..食到飽飽 埋單都係130蚊 ~~好味指數:3.7/5…查看更多