蝴蝶泉雲南過橋米線 (已結業)

其實我想試呢間嘢好多年因為佢鍾意開門就開門唔想開門返鄉下就放十幾日假呢啲咁串嘅小店味道應該唔錯不過見到佢咁多腐皮令我一再卻步今日實在係好肚餓行經過呢間嘢諗都唔諗就入咗去見佢就嚟last day就冇睇食評直接衝咗入去幫我落咗單再睇食評嘅時候以為自己中招但係老闆娘 笑容可恭招呼好好現場好多熟客其實佢價錢真係幾貴叫咗三個餸加嘢飲埋單都係要成六十二蚊但係米線嘅精髓在於湯底我認真地覺得佢嘅湯底真係好好味又夠辣唔似x仔 嘅人工味本身係叫排骨但係又改咗見到周圍嘅人叫排骨就知係招牌菜真係有少少後悔佢嘅酸菜真係幾好味米線又彈牙希望佢早啲開返

坦白講, 唔係真係難食都唔會寫這類食評。酸辣米線係無酸味嘅，成碗得個顏色似麻辣米線，非常淡，好難食！(其實真係未嘗過一間會用難食來形容的麻辣麵店~ 唉~) 。腐竹似食膠(咬兩下已吐出), 仲限住一定要點兩個餸，單麵已$30元, 叫埋成$49蚊，貴又唔好食。唉~

附近返工，每次行過都想試，個日咁啱米線癮起，譚仔又多人諗住試下呢間，點知失望而回😥其實選擇都算多，我見有白菜豬肉餃揀於是就揀咗，後尾老闆話最少都要叫兩餸，於是叫多個生菜。到咗之後真係失望，得兩舊餃仲要係灣仔碼頭😕 可能係我諗多咗以為係用自家製餃....比較好嘅就係米線同菜都比較多，都算飽肚。另外，我揀咗酸辣湯底小辣，唔知係咪因為叫小辣，所以剩係得面頭嗰一pat辣椒將就叫係辣....稍欠誠意😰個湯底真係好一般....隨餐附送一杯熱檸蜜，過得去啦。咁樣就埋單差不多$50，我就覺得唔係咁值....唔知係唔係揀錯餸，不過唔係幾夠膽再入去試多次....

本身見到個門口，其實已經覺得好伏 ！但係我又覺得其實有啲小店，成日都好有驚喜，所以就入咗去試下啦！點知就真係惡夢嘅開始😣😣😣我地每人叫左碗米線，我叫個個係豬紅生菜麻小辣朋友就叫腩肉麻小辣！後來，我見隔離枱有張下午茶紙，我就問佢係咪可以轉翻下午茶，平十蚊！根住個侍應就開始説我唔好轉，話貴d個個好食好多！我就覺得奇怪，點解貴個個會好食d,用料會因為食既時段而轉變架咩？😯甘我最後都係堅持己見，食下午茶個女侍應就黑哂面咁😡朋友就照舊食貴十蚊睇下有咩唔同！入完單之後,佢係廚房出翻黎話下午茶無得要麻辣,但係明明張下午茶紙係有呢個選項！不過我算，照轉左酸辣小辣！😳碗豬紅生菜酸辣米線一黎到,已經覺得好伏！完全係清水煮甘，飲落個湯完全無味！我食左半碗到 已經食唔落，真係好難食！

以前在炮台山寫字樓工作，晚上OT間中都會吃蝴蝶泉的雞湯米線，雞湯非常鮮美，又附送多種飲料，包括簡單的玫塊花茶，CP值不低的米線。這晚下班搭叮叮過來炮台山重温米線的好滋味。雞湯可以配酸辣或麻辣，我點了麻辣小辣，餸菜的種類繁多，蔬菜如是。我點的是南瓜、菜心及雞柳，另有麻辣雞及辣子雞。菜及米線的分量也多，每次吃完都很飽。飲料是低糖豆漿，另有無糖豆漿可供選擇。同伴點了雞中翼，有兩隻，非常入味，醬汁的甜味較重。

其實我入去之前真係知道呢間野近全負評，但見到評價已經好耐之前，見呢間野咁耐仲未執即管試下啦⋯其實我真係應該相信openrice....先黎一杯凍檸茶⋯飲落去介乎檸茶同檸水中間⋯真係好奇怪呀....我真係未試過一杯檸茶可以難飲到呢個地步下午茶個餐無麻辣，所以都係加多十蚊試下佢個麻辣湯底啦⋯⋯所謂的麻辣，原來係清湯加一匙辣醬⋯大佬會唔會太hea呀⋯⋯米線完全無味，煮到baby food一樣糊哂⋯個醬骨勁硬勁鞋⋯真係覺得食樹皮咁⋯⋯我已經食過好多好多間米線⋯真係未食過一間可以難食同hea到呢個地步⋯我好好奇佢點可以生存到⋯埋單$74⋯⋯永不回頭呀

有次去附近做野見到呢間舖，用雞湯做招徠，啲餸又有得揀金華火腿，就專登搵一晚放工去試吓。去之前睇過食評網，全負皮，咁有趣，更加要試吓佢有幾差啦！大約8點去到，又係包場，真係一個客都冇，嗌咗個金華火腿搭醬燒骨米線，小辣。點菜果陣已經問過佢醬燒骨係咩黎，佢話即係金沙骨，上菜果陣骨同麵分開裝，呢個絕對係加分位黎。碗麵有啲肉碎喺面，賣相其實都唔差，啲肉碎仲係本身有味架添，算整得幾有誠意啦。飲一啖湯，實有味精架喇，但食完之後唔係太頸渴，唔算重手啦。金沙骨真係好食，醃得唔太咸，食落唔係凍肉級數（冰鮮定新鮮就唔識分喇），已經收貨，反而本來最期待要食嘅金華火腿就好一般，份量唔少，但個味道咸得黎好化學，好死實。總括黎講，不至於全負皮咁差嘅，但價錢真係偏貴，兩餸麵加罐可樂成60蚊。仲有一個令我blacklist嘅缺點，係冇水供應，我認為食肆有水供應係基本野黎，就算你有叫野飲，食完野都一定要浪口啦。

去過雲南之後好少係香港食米線 一來揾間好食夠道地係好唔容易 今日唔知點解好想食辣 又咁啱路過呢間雲南米線小店 諗住住家式可能有驚喜 誰知只怪自己太天真位置：炮台山鐵路站 一出行5分鐘 唔難揾裝潢：店內唔算大 八張細枱 但牆上貼有好多寵物相 店主應該係愛狗人士食物：下午茶時段 小貓二隻都無我點咗酸辣湯小辣 配醬中翼同腐皮米線先講湯底 其實可能係清湯加啲酸菜再加辣椒醬就=酸辣湯底 但我個碗一塊酸菜都揾唔到醬中翼我估係全店最好賣嘅 因為得番一隻 所以佢配燒骨俾我 咁試到2樣嘢都幾好吖結果 醬燒骨肉質硬實 係入味但鞋口 骨頭唔夠鬆化 失望醬中翼就煮得好夠入味之餘肉質仲係滑嫩 口味偏甜 腐皮呢啲簡單嘢都可以又硬又唔入味 差啲用難食嚟形容 其實呢間食店都做咗好幾年 但水準一直都係被評為 點解唔用心改善下咧回頭指數

今日放lunch想食米線，呢間野係到開咗咁耐都未食過，於是今日去試下，自己畫紙落單，要咗個酸辣湯底小辣,追加了南瓜同腐皮，包1杯熱飲要咗玫瑰花茶，總共$37都唔平！仲貴過譚仔！尼到碗野都幾大碗既，不過面頭係一大堆辣油！個湯係完全清沙尼，佢所謂酸辣只不過係加了d酸菜同辣油落碗清湯到！有無搞錯點解咁都可以叫做酸辣湯底呢？！仲要無芽菜無肉碎如果你吾加野就真系一碗淨米線尼！不過，南瓜就幾好煮得夠焾，但腐皮竟然係無剪開佢而成塊比你！真係未食過咁難食既米線，難得既系呢間野系到咁耐都未執，以後即使請我尼都吾尼牙

返工蛇王下午茶，路過見到港島區都算平，16蚊麵底，4至6蚊一個餸，加野飲2蚊！坐底叫個水餃面小辣、凍檸水。等...........過黎同我講唔可以叫一個餸😱噤你唔寫明？佢話無人會叫一個餸咖喎！得，你同我加一個啦！面到！無特別，雲南面？唔正宗，麻辣？食唔到，只食到辣油味！埋單30！唔好用平黎吸引客！食野一係平，一係好味，佢兩樣都無，係北角多年？我明點解要走黎走去了！蝴蝶泉？搬去邊我都記得你個名！下次再去我唔姓蘇！

7月21日, 呢間蝴蝶泉其實已經喺炮台山呢帶扎根多年… 連舖位都搬過幾次嘅佢, 一開始只係由一間得三兩張台嘅舖仔做起, 仲記得嗰時每次經過佢舖頭門口都會聞到好大陣雞湯米線香味~ 入面食客亦經常滿滿~ 然後佢搬咗去一間超級大舖, 水準好似無以前咁好, 舖位大但人客少咗好多好多… 直至而家, 舖頭搬回一個中規中矩嘅地方, 仍然做緊主打嘅雲南米線, 不過無論水準同客緣都已經一落千仗…::: 白菜豬肉餃冬菇米線 + 低糖豆漿::: $26 + $2如果白菜豬肉餃係自家製的話, 咁呢個餃個味道比屋企自己包嗰d更一般… 皮有少少爆, 豬肉餡料呢都算juicy, 但口味較淡, 亦無自家特色. 冬菇都係無乜點滷過, 唔係好入味. 米線軟淋得嚟都仲算有咬口嘅~ 不過d配料太寡, 加埋個本身都唔係濃味嘅雞湯, 整體味道都偏淡. 低糖豆漿飲落都有豆味, 但溝水多得滯, 都係淡口野. 勝在健康囉~::: 腩肉芝心蝦丸米線 + 凍華田::: $26 + $2酸辣米線個味真係唔太掂, 好似係個清湯加咗兩滴辣油咁, 個酸味都幾嗆喉…腩肉算係比較正常, 肉味唔多但係滷水味都出~ 芝心蝦丸就係普通貨色, 急凍野…凍華田